Kagawad Chino Liu

Ipagdiwang ang pag-ibig at pagkakapantay-pantay ngayong Hunyo. Happy Pride Month, mga ka-Barangay Don Bosco! 🌈

𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍 𝐎𝐅 𝐓𝐇𝐄 𝐒𝐀𝐍𝐆𝐆𝐔𝐍𝐈𝐀𝐍𝐆 𝐏𝐀𝐌𝐁𝐀𝐑𝐀𝐍𝐆𝐀𝐘 𝐍𝐆 𝐃𝐎𝐍 𝐁𝐎𝐒𝐂𝐎

Nagkaroon ng pagpupulong at pagtatalakay ang Sangguniang Barangay ng Don Bosco noong Martes, ika-26 ng Mayo 2026, sa pamumuno ni Kapitan Mar Jimenez, na siyang nanguna sa Regular Session ng Barangay Council.

Kabilang sa mga naroroon sa sesyon ay ang inyong lingkod, 𝐊𝐀𝐆𝐀𝐖𝐀𝐃 𝐂𝐇𝐈𝐍𝐎 𝐋𝐈𝐔, kasama ang mga kapwa lingkod-bayan natin na sina Kagawad Kim Bonsol, Kagawad JB Balicanta, Kagawad Jonas Maglaya, Kagawad Ricky Bedayo, Kagawad Evelyn Virata, at Kagawad Josie Jacob. Naroon din sina SK Chairwoman Hope Vasquez, Barangay Secretary Xandy Espiritu, at Barangay Treasurer Beth Pineda.

Sa ginanap na sesyon, binigyang-diin ang mga programa at proyekto na nakatuon sa pagpapabuti ng serbisyo publiko ng Pamahalaang Barangay para sa ating mga residente. Layunin nito na tiyakin ang maayos, de-kalidad, at progresibong aksyon para sa lahat ng ating mga kapitbahay dito sa Barangay Don Bosco.

𝐅𝐈𝐄𝐒𝐓𝐀 𝐌𝐀𝐒𝐒 𝐅𝐎𝐑 𝐓𝐇𝐄 𝐅𝐄𝐀𝐒𝐓 𝐃𝐀𝐘 𝐎𝐅
𝐌𝐀𝐑𝐘 𝐇𝐄𝐋𝐏 𝐎𝐅 𝐂𝐇𝐑𝐈𝐒𝐓𝐈𝐀𝐍𝐒

Dumalo po tayo sa ginanap na Fiesta Mass o Eucharistic Celebration sa Minor Basilica and National Shrine of Mary Help of Christians Parish nitong Lunes ng gabi, ika-25 ng Mayo 2026.

Ilan sa mga nakiisa sa banal na pagdiriwang ay sina Mr. Carlo Bernabe, Chief of Staff ni Vice Mayor Benjo Bernabe, Councilor BongShiella Benzon, Councilor Juvan-Tin Esplana, Councilor Atty. Jet Frias, Punong Barangay Mar Jimenez, Kagawad Kim Bonsol, Kagawas JB Balicanta, Kagawad Ricky Bedayo, Kagawad Evelyn Virata, Kagawad Josie Jacob, at inyong lingkod, Kagawad Chino Liu.

Maligayang Kapistahan muli sa ating patron na si Maria, Mapag-Ampon sa mga Kristiyano! 💙🩷

𝐖𝐄𝐄𝐊𝐋𝐘 𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘 𝐀𝐍𝐃 𝐔𝐋𝐀𝐓 𝐒𝐀 𝐁𝐀𝐑𝐀𝐍𝐆𝐀𝐘 𝐀𝐓 𝐓𝐇𝐄 𝐁𝐀𝐑𝐀𝐍𝐆𝐀𝐘 𝐃𝐎𝐍 𝐁𝐎𝐒𝐂𝐎 𝐏𝐄𝐎𝐏𝐋𝐄’𝐒 𝐏𝐀𝐑𝐊

Ginanap noong Lunes, ika-25 ng Mayo 2026, ang lingguhang Flag Raising Ceremony ng Barangay Don Bosco sa ating Barangay Don Bosco People’s Park. Ito ay pinangunahan ng ating Lupon Tagapamayapa.

Nagbigay sila ng report ukol sa naresolba nilang mga isyu sa pagitan ng ating mga ka-barangay na may alitan at hindi pagkakaintindihan. Pagkatapos ay nag-report din ang ating Punong Barangay Mar Jimenez patungkol naman sa mga serbisyong naihatid at naisakatuparan ng Pamahalaang Barangay sa mga pamilya ng Barangay Don Bosco.

Ang mga naroroon sa regular na pagtitipon ay sina Kagawad Kim Bonsol, Kagawad Ricky Bedayo, Kagawad Evelyn Virata, Kagawad Josie Jacob, at inyong lingkod, 𝐊𝐀𝐆𝐀𝐖𝐀𝐃 𝐂𝐇𝐈𝐍𝐎 𝐋𝐈𝐔.

Panginoon, alang-alang sa Iyo, mangusap Ka sa bawat puso ng mga lingkod-bayan sa gobyerno. Mangusap Ka sa paraang hindi pa nila kailanman nararanasan. Bigyan Mo po sila ng lakas ng loob at gabay upang gawin lamang kung ano ang tama sa Iyong mga mata. Iangat Mo po ang bansang nagdudusa, Panginoon. Maawa po Kayo sa amin. Amen.

𝐑𝐈𝐁𝐁𝐎𝐍 𝐂𝐔𝐓𝐓𝐈𝐍𝐆 & 𝐒𝐓𝐎𝐑𝐄 𝐁𝐋𝐄𝐒𝐒𝐈𝐍𝐆 𝐎𝐅
𝐌𝐀𝐍𝐆 𝐈𝐍𝐀𝐒𝐀𝐋 𝐁𝐄𝐓𝐓𝐄𝐑 𝐋𝐈𝐕𝐈𝐍𝐆

Dumalo ang Pamahalaang Barangay ng Don Bosco kahapon, ika-27 ng Mayo 2026, sa ginanap na Ribbon Cutting at Store Blessing ng bagong bukas na Mang Inasal Philippines dito sa Better Living. Masaya at makabuluhan ang okasyon dahil sa pagtitipon ng mga bisita upang ipakita ang kanilang suporta sa nasabing negosyo.

Ilan sa mga nakiisa sa pagdiriwang ay sina Congressman Brian Yamsuan, Vice Mayor Benjo Bernabe, Councilor Coach Binky Favis, Kapitan Mar Jimenez, at Kapitan Chaqui Cortez ng Barangay Sun Valley. Naroroon din sina Kagawad Kim Bonsol, Kagawad Evelyn Virata, Kagawad Josie Jacob, at inyong lingkod, Kagawad Chino Liu.

Muli, congratulations at welcome sa Barangay Don Bosco, Mang Inasal Better Living! Lubos namin kayong binabati sa inyong tagumpay! 💚🍗🍽️

Ayon sa inilabas na Proclamation No. 1264 ng Palasyo ng Malacañang, sa rekomendasyon ng National Commission on Muslim Filipinos, dinedeklarang Regular Holiday ang Miyerkules, Mayo 27, 2026, bilang paggalang sa Eid'l Adha o “Feast of Sacrifice”.

Mula sa inyong abang lingkod, Kagawad Chino Liu, ako po ay kaisa ninyo sa panalangin kay Allah! Eid Al Adha Mubarak!!! 💚

𝐇𝐀𝐏𝐏𝐘 𝐅𝐈𝐄𝐒𝐓𝐀, 𝐌𝐀𝐑𝐘 𝐇𝐄𝐋𝐏 𝐎𝐅 𝐂𝐇𝐑𝐈𝐒𝐓𝐈𝐀𝐍𝐒! 🎊

Malugod na pagbati sa buong Barangay Don Bosco ng Masaya at Maligayang Kapistahan kay Maria, Mapag-Ampon sa mga Kristiyano!

Nawa'y ang pagdiriwang na ito ay magpaalala sa atin sa sinabi ni San Juan Bosco, na sa matibay na debosyon kay Maria, makikita natin ang tunay na himala. Panalangin po ng inyong abang lingkod na makatanggap ang lahat ng biyayang siksik, liglig, at umaapaw mula sa Panginoong Maykapal!

𝐌𝐀𝐆𝐀𝐍𝐃𝐀𝐍𝐆 𝐁𝐀𝐋𝐈𝐓𝐀 𝐏𝐀𝐑𝐀 𝐒𝐀 𝐌𝐆𝐀 𝐈𝐒𝐊𝐎𝐋𝐀𝐑 𝐍𝐆 𝐁𝐀𝐑𝐀𝐍𝐆𝐀𝐘 𝐃𝐎𝐍 𝐁𝐎𝐒𝐂𝐎 𝐌𝐔𝐋𝐀 𝐒𝐀 𝐏𝐀𝐌𝐁𝐀𝐍𝐒𝐀𝐍𝐆 𝐏𝐀𝐌𝐀𝐇𝐀𝐋𝐀𝐀𝐍

Mga ka-Barangay, opisyal nang inaprubahan ng Sangguniang Barangay ang Barangay Resolution No. 004-001, Series of 2025 nitong nakaraang Regular na Sesyon.

May ₱20,000.00 One-Time Financial Assistance mula sa National Liga ng mga Barangay Fund ang ipagkakaloob sa limang (5) College Academic Scholars ng Barangay Don Bosco.

Suportado natin ang pangarap ng ating mga kabataan. Sama-sama nating isulong ang edukasyon at mas magandang kinabukasan ng Barangay Don Bosco!

𝟐𝐍𝐃 𝐐𝐔𝐀𝐑𝐓𝐄𝐑 𝐁𝐀𝐑𝐀𝐍𝐆𝐀𝐘 𝐍𝐔𝐓𝐑𝐈𝐓𝐈𝐎𝐍 𝐂𝐎𝐌𝐌𝐈𝐓𝐓𝐄𝐄 𝐌𝐄𝐄𝐓𝐈𝐍𝐆

Isinagawa ngayong araw, Miyerkules, ika-20 ng Mayo 2026, ang 2nd Quarter Meeting ng Barangay Nutrition Committee (BNC) sa pangunguna ng City Health Office at Barangay Health Center.

Tinalakay sa nasabing pagpupulong ang isinagawang mga programa at proyekto mula Abril hanggang sa kasalukuyang buwan. Mas paiigtingin naman ang pagsasagawa ng mga programang lalaban at pupuksa sa malnutrisyon. Magsasagawa rin ng pag-iikot ang ating mga BNCs upang matukoy ang iba pang sanhi ng mga sakit, lalo na sa mga sanggol at mga kabataan.

Dumalo ang inyong lingkod, 𝐊𝐀𝐆𝐀𝐖𝐀𝐃 𝐂𝐇𝐈𝐍𝐎 𝐋𝐈𝐔, bilang namumuno sa Komite ng Kalusugan. Naroon din sina Punong Barangay Mar Jimenez, Kagawad Kim Bonsol, Kagawad Evelyn Virata, Kagawad Josie Jacob, Dr. Marc Juane ng Don Bosco Health Center, BNAO Head Peth Rocha, mga Barangay Health Workers, at iba pang mga kasapi ng BNC.