Barangay Fort Bonifacio

𝐏𝐀𝐀𝐍𝐘𝐀𝐘𝐀 𝐀𝐓 𝐀𝐍𝐔𝐍𝐒𝐘𝐎 | 𝐂𝐇𝐈𝐊𝐈𝐓𝐈𝐍𝐆 𝐋𝐈𝐆𝐓𝐀𝐒: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐒𝐈𝐀)

Mga magulang at tagapag-alaga, inaanyayahan po namin kayo na pabakunahan ang inyong mga anak na may edad 6 hanggang 59 buwan laban sa tigdas at rubella sa pamamagitan ng Chikiting Ligtas Immunization Program.

Sa tulong ng ating masisipag na Health Workers, mag-iikot ang ating vaccination team sa iba’t ibang lugar sa barangay upang mas mailapit ang serbisyong pangkalusugan sa bawat pamilya.

𝙎𝘾𝙃𝙀𝘿𝙐𝙇𝙀 𝙊𝙁 𝙑𝘼𝘾𝘾𝙄𝙉𝘼𝙏𝙄𝙊𝙉
8:00 AM – 2:00 PM

June 4 – Zone 1 & Zone 4
June 5 – Zone 2

June 8 – Mini Park
June 9 – Consular
June 10 – Secondary and SSBNAI
June 11 – Zone 1 & Zone 4
June 12 – Zone 2

Libre at ligtas ang bakuna para sa inyong mga chikiting!

Abangan ang pag-iikot ng ating vaccination team sa inyong lugar. Dalhin lamang ang inyong mga anak at samantalahin ang pagkakataong maprotektahan sila laban sa tigdas at rubella.

Sama-sama nating panatilihing ligtas at malusog ang bawat batang Taguigeño!

𝐏𝐀𝐔𝐍𝐀𝐖𝐀 𝐒𝐀 𝐏𝐔𝐁𝐋𝐈𝐊𝐎

Magandang balita para sa mga piling rehistradong botante ng Barangay Fort Bonifacio at Barangay Pinagsama!

Inaprubahan na ng Commission on Elections (COMELEC) ang kahilingan para sa paglilipat ng voting centers ng mga napiling presinto bilang bahagi ng mas maayos at mas komportableng pagboto sa mga susunod na halalan.

Ang bagong itinalagang voting center para sa mga apektadong presinto ay ang:

📍 Venice Grand Canal Mall
Upper McKinley Road, McKinley Hill, Pinagsama, Taguig City

Hinihikayat ang lahat ng apektadong botante na alamin ang kanilang presinto at bagong voting center upang maiwasan ang abala sa araw ng halalan.

Maraming salamat sa patuloy na pakikiisa ng ating mga kababayan sa pagsusulong ng maayos, ligtas, at organisadong proseso ng pagboto.

𝐄𝐈𝐃 𝐀𝐋-𝐀𝐃𝐇𝐀 𝐌𝐔𝐁𝐀𝐑𝐀𝐊! ✨

Sa ating mga kapatid na Muslim, taos-puso po naming ipinapaabot ang aming pagbati sa pagdiriwang ng Eid al-Adha.

Nawa’y maging makabuluhan ang araw na ito na puno ng pananampalataya, sakripisyo, pagkakaisa, at pagpapala para sa inyong mga pamilya at komunidad. Patuloy na magsilbing inspirasyon ang diwa ng Eid sa pagpapalaganap ng pagmamahalan, pag-unawa, at kapayapaan sa ating lipunan.

Mula sa inyong lingkod at buong Barangay Fort Bonifacio Council, maligayang pagdiriwang po ng Eid al-Adha!

Eid Mubarak! 🌙

𝐁𝐚𝐫𝐚𝐧𝐠𝐚𝐲 𝐅𝐨𝐫𝐭 𝐁𝐨𝐧𝐢𝐟𝐚𝐜𝐢𝐨 extends its warmest congratulations to Atty. Jose Luis Montales on his appointment as the new Senate Secretary.

May your leadership and dedication continue to inspire excellence in public service. Wishing you success in serving the Filipino people. 🇵🇭

👸🏼

Ang Barangay Fort Bonifacio ay malugod na nag-aanyaya sa inyong lahat na tunghayan ang:

𝐌𝐬. 𝐅𝐨𝐫𝐭 𝐁𝐨𝐧𝐢𝐟𝐚𝐜𝐢𝐨: 𝐊𝐚𝐛𝐚𝐭𝐚𝐚𝐧𝐠 𝐌𝐚𝐤𝐚𝐤𝐚𝐥𝐢𝐤𝐚𝐬𝐚𝐧 𝟐𝟎𝟐𝟔 – 𝐒𝐞𝐚𝐬𝐨𝐧 𝟐 “from Trash to Treasure”

Isang gabi ng kagandahan, talento, at adbokasiya para sa pangangalaga ng ating kalikasan. Sama-sama nating suportahan ang kabataang may malasakit sa kapaligiran at nagbibigay inspirasyon sa komunidad.

Mayo 23, 2026 (Sabado)
5:00 PM
Barangay Fort Bonifacio Sports Complex

Halina’t makiisa at maging bahagi ng makakalikasang selebrasyon na puno ng sigla, inspirasyon, at pag-asa para sa mas malinis at mas luntiang kinabukasan!

Makilahok sa 𝐎𝐏𝐄𝐑𝐀𝐓𝐈𝐎𝐍 𝐋𝐈𝐁𝐑𝐄𝐍𝐆 𝐓𝐔𝐋𝐈 ng Pamahalaang Lungsod ng Taguig sa pakikipagtulungan ng Barangay Fort Bonifacio sa darating na:

May 20, 2026 (Miyerkules)
7:00 AM – 3:00 PM
Fort Bonifacio Sports Complex Parking Space

Available ang forms sa Fort Bonifacio Barangay Hall.

Huwag palampasin ang pagkakataong makakuha ng ligtas at libreng serbisyong medikal para sa inyong mga anak. Magkita-kita po tayo!

Maraming salamat po sa City Health Office at Medical Assistance Office.

𝐔𝐏𝐃𝐀𝐓𝐄𝐃 𝐌𝐄𝐑𝐀𝐋𝐂𝐎 𝐀𝐃𝐕𝐈𝐒𝐎𝐑𝐘 | 𝐏𝐎𝐒𝐈𝐁𝐋𝐄 𝐏𝐎𝐖𝐄𝐑 𝐈𝐍𝐓𝐄𝐑𝐑𝐔𝐏𝐓𝐈𝐎𝐍

𝐀𝐒 𝐎𝐅 𝐌𝐀𝐘 𝟏𝟓, 𝟐𝟎𝟐𝟔 𝟑:𝟑𝟎 𝐏𝐌

Inaabisuhan po ang lahat ng residente ng Barangay Fort Bonifacio na ayon sa abiso ng NGCP, isinailalim ang Luzon Grid sa Yellow Alert at Red Alert dahil sa kakulangan ng operating reserves.

Dahil dito, may posibilidad ng pansamantalang pagkawala ng kuryente sa ating lugar ngayong araw, May 15, 2026, sa pagitan ng 6:01 PM hanggang 9:00 PM.

Pinapayuhan ang lahat na:
• Maghanda ng flashlight at emergency lights
• I-charge ang mga cellphone at mahahalagang kagamitan
• Magtipid sa paggamit ng kuryente

Patuloy po nating hintayin ang mga susunod na update mula sa Meralco.

Maraming salamat po sa inyong pang-unawa at kooperasyon.

Source: https://company.meralco.com.ph/news-and-advisories/yellow-and-red-alert-locations

𝐌𝐄𝐑𝐀𝐋𝐂𝐎 𝐀𝐃𝐕𝐈𝐒𝐎𝐑𝐘