Barangay Santolan

𝐁𝐀𝐘𝐀𝐍𝐈𝐇𝐀𝐍 𝐒𝐀 𝐏𝐀𝐀𝐑𝐀𝐋𝐀𝐍: 𝐍𝐀𝐆𝐊𝐀𝐊𝐀𝐈𝐒𝐀 𝐏𝐀𝐑𝐀 𝐒𝐀 𝐊𝐀𝐀𝐘𝐔𝐒𝐀𝐍 𝐀𝐓 𝐊𝐀𝐀𝐋𝐀𝐌𝐀𝐍 🎓📚

Sa pagtatapos ng ARAL Program at Brigada Eskwela 2026 sa Santolan Elementary School at Santolan High School naipakita natin na higit na napapalakas ang edukasyon kapag nagkakaisa ang komunidad.

Para sa pagsisimula ng klase, naglaan ang Barangay Santolan ng tig-₱50,000.00 para sa Santolan Elementary School at Santolan High School mula sa pondo ng Safe Opening of Classes. Para naman sa pagtatapos ng ARAL Program, Tara Basa at Pasig Learning Camp, namahagi tayo ng 700 nutritious packs para sa mga nagsipagtapos.

Munting ambag ito ng barangay upang makatulong sa paghahanda ng ating mga paaralan at sa patuloy na pagsuporta sa edukasyon ng ating mga kabataan.

-

Nagpapasalamat tayo sa ating mga gurong bayani na patuloy na nagbibigay ng panahon, kaalaman at dedikasyon para sa kabataang Santoleño. Maraming salamat din sa mga magulang, volunteers, partner organizations, at iba pang sektor na nakiisa.

Maraming salamat din sa ating mga kawani, Brgy. Personnel, Events Team, Ecowaste Team, Maintenance Team, Santolan Traffic Unit, at Santolan Fire & Rescue, sa pangunguna ni Kag. Zandro Cruz, Committee on Education.

Sa pamamagitan ng bayanihan at pagtutulungan, sama-sama nating hinuhubog ang kinabukasan para sa bawat batang Santoleño!

BUSINESS DEVELOPMENT TRAINING FOR BUSINESS OWNERS IN BARANGAY SANTOLAN

Inaanyayahan sa June 4, 2026 (Huwebes), 1:00 PM - 4:00 PM sa 2/F ng Santolan Barangay Hall ang lahat ng kasalukuyang may-ari ng mga negosyo sa Barangay Santolan na lumahok sa Business Development Training na pangungunahan ng Pasig City Local Economic Development and Investment Office.

Layunin nito na ibahagi sa bawat negosyante ang mga stratehiya sa pagnenegosyo at matukoy ang mga oportunidad para sa paglago ng kabuhayan.

Basahin po ang Update sa monitoring ng Meralco sa post ni Kap. Gab Bayan.

Sa kasalukuyan, restored na po ang kuryente sa Pinagbuklod, Tawiran matapos mapalitan ang transformer. Samantala, ang mga sumusunod na lugar ay wala pa ring kuryente sa ngayon:

• M. De Leon West cor. Concepcion St.
• Concepcion cor. Evangelista
• Matahimik, Tawiran
• Christ the King, Tawiran
• M. Cruz / Cruzada

Para po sa mga may vulnerable members sa bahay tulad ng senior citizens, PWDs, at mga bata, maaari po munang pansamantalang tumuloy o makisaksak sa Ilaya Multipurpose Hall.

Maging Alisto, Maging Handa para sa Ligtas na Santolan!

Ang kaligtasan laban sa sunog ay responsibilidad ng bawat isa. Bilang bahagi ng patuloy na pagsulong ng kahandaan ng ating komunidad, pinangunahan ng Santolan Fire & Rescue ang Fire and Life Safety Seminar para sa mga Homeowners Associations (HOA), partikular sa mga lugar na nangangailangan ng mas masusing pag-iingat at pagsunod sa Fire Code of the Philippines.

Kasabay nito, bumisita rin ang DENR-NCR MEO EAST para sa kanilang Dalaw Turo sa mga HOA kaugnay ng pagpapalawak ng kaalaman hinggil sa pagpapatupad ng R.A. 9003 o ang Ecological Solid Waste Management Act of 2000. Tinalakay ang kahalagahan ng wastong segregasyon, tamang pagtatapon ng basura, at aktibong pakikilahok ng komunidad sa pagpapanatili ng malinis at maayos na kapaligiran.

Bilang suporta, nabigyan ang mga HOA ng mga fire extinguishers bilang paunang kagamitan sa pagtugon sa maliliit na insidente ng sunog. Nagkaroon din ng pagsasanay sa basic fire fighting skills upang mas mapalakas ang kakayahan ng ating mga komunidad sa agarang pagresponde sa oras ng pangangailangan.

Tingnan ang post ni Kap. Gab Bayan dito tungkol sa distribution ng 200+ Fire Extinguishers: https://www.facebook.com/share/p/1ETYdYoFPr/?mibextid=wwXIfr.

Para sa agarang tulong sa oras ng emergency, makipag-ugnayan sa mga sumusunod na hotline:

📞 Pasig Command Center: (02) 8643 0000
📞 Santolan Fire & Rescue: +63 910 450 0133
📞 Brgy. Security Force: +63 966 064 1882
📞 Santolan Ambulance: +63 951 335 7000

KADIWA NG PANGULO PROGRAM

Mamili sa mas abot-kayang presyo ngayong May 28, 2026 (Thursday) sa 1/F ng Ilaya Multipurpose Hall, mula 6:00 AM - 4:00 PM sa pakikipagtulungan ng Pasig City Local Economic Development and Investment Office (LEDIO) at ng Department of Agriculture.

20 pesos per kilo ng bigas para sa mga:
• Senior Citizens
• 4Ps Beneficiaries
• TODA Members
• Solo Parents
• PWD Members

Paalala lamang po na ito ay reserved para sa first 500 beneficiaries. Ito po ay first come, first serve at maximum of 10 kilo ng bigas para sa bawat beneficiaries.

Magdala lamang ng valid ID bilang patunay.

Mayroon ding fresh produce tulad ng gulay at prutas sa abot-kayang halaga na bukas naman para sa lahat ng Santoleño!

𝐁𝐀𝐑𝐀𝐍𝐆𝐀𝐘 𝐒𝐀𝐍𝐓𝐎𝐋𝐀𝐍 𝐓𝐀𝐆𝐆𝐈𝐍𝐆 𝐅𝐎𝐑
𝐄𝐅𝐅𝐄𝐂𝐓𝐈𝐕𝐄 𝐃𝐈𝐒𝐀𝐒𝐓𝐄𝐑 𝐌𝐀𝐍𝐀𝐆𝐄𝐌𝐄𝐍𝐓

Noong May 25-26, 2026, matagumpay na nakapagbahay-bahay ang ating mga Evaluators upang maitala ang mga residenteng kabilang sa 𝐑𝐞𝐝 𝐓𝐚𝐠 o 𝐇𝐢𝐠𝐡 𝐅𝐥𝐨𝐨𝐝 𝐑𝐢𝐬𝐤 𝐀𝐫𝐞𝐚𝐬. Naipamahagi na rin po ang FACED Card forms para sa profiling ng mga household.

📌 𝐏𝐚𝐚𝐥𝐚𝐥𝐚 𝐬𝐚 𝐦𝐠𝐚 𝐧𝐚𝐬𝐚 𝐑𝐞𝐝 𝐓𝐚𝐠 (𝐇𝐢𝐠𝐡 𝐅𝐥𝐨𝐨𝐝 𝐑𝐢𝐬𝐤 𝐀𝐫𝐞𝐚):
Ang deadline ng pagsusumite ng accomplished forms sa Barangay Hall ay sa May 27–29, 2026 (Wednesday–Friday) mula 8:00 AM hanggang 3:00 PM. Pumunta lamang sa GAD Team.

𝐍𝐚𝐫𝐢𝐭𝐨 𝐚𝐧𝐠 𝐦𝐠𝐚 𝐥𝐮𝐠𝐚𝐫 𝐧𝐚 𝐤𝐚𝐛𝐢𝐥𝐚𝐧𝐠 𝐬𝐚 𝐑𝐞𝐝 𝐓𝐚𝐠 𝐨 𝐇𝐢𝐠𝐡 𝐅𝐥𝐨𝐨𝐝 𝐑𝐢𝐬𝐤 𝐀𝐫𝐞𝐚𝐬:
• Doroteo
- Villa Doroteo, Doroteo Ext. 4th Alley, 5th Alley & 6th Alley
• Sto. Tomas
- Sto. Tomas Ext. 5th Alley, 6th Alley & 7th Alley
• Victorino
- Victorino Ext. 5th Alley, 6th Alley & 7th Alley
• Gabriel
- Gabriel Ext. 4th Street & 5th Street
• Sgt. De Leon
- Lower Camia, Mayana, Natasha & Orchids
• Sgt. De Leon – HBO
- Mahogany, Buko & Lawahan
• Evangelista – Tago
- House No. 167 – 171 D & 175 – 173 E-F
• M De Leon West
- Blk. 8, Blk. 9, Blk. 10 & Blk. 11
• Concepcion – Pasig Square Garden
- Lower Concepcion 5th Alley
• Evangelista - Glass Garden
- Backstreet
• Tawiran – Blk 1
- House No. 13 to 17
• Tawiran – Marcelino Blk 2
- House No. 115 to 116
• Tawiran – Marcelino Blk 3
- House No. 213 to 219
• Tawiran – Masikap
- 2nd Alley
• Tawiran – Masinop
- 1st Alley House House no. 214-219
- 2nd Alley House No. 231-236
- 3rd Alley
• St. Michael
- House No. 114
• San Pedro Compound
- House No. 109 - 113
• Raymundo – From the Revetment
- 12th House to 20th House
• Dado - From the Revetment
- 16th House to 23rd House
• Rafael Cruz Compound
- Road 3

❓ 𝐏𝐚𝐫𝐚 𝐬𝐚 𝐦𝐠𝐚 𝐧𝐚𝐬𝐚 𝐑𝐞𝐝 𝐓𝐚𝐠, 𝐩𝐚𝐚𝐧𝐨 𝐤𝐮𝐧𝐠 𝐡𝐢𝐧𝐝𝐢 𝐚𝐤𝐨 𝐧𝐚𝐛𝐢𝐠𝐲𝐚𝐧 𝐧𝐠 𝐟𝐨𝐫𝐦 𝐨 𝐧𝐚𝐥𝐚𝐠𝐩𝐚𝐬𝐚𝐧 𝐚𝐧𝐠 𝐚𝐤𝐢𝐧𝐠 𝐛𝐚𝐡𝐚𝐲?
Maaari pong ibigay ang inyong Buong Pangalan, Address, Contact Number sa Barangay Hall (puntahan lang ang GAD Team), o i-text sa numerong: 0961 603 7764. Ang inyong impormasyon ay daraan pa rin sa verification process.

❓ 𝐀𝐧𝐨 𝐚𝐧𝐠 𝐬𝐮𝐬𝐮𝐧𝐨𝐝 𝐧𝐚 𝐡𝐚𝐤𝐛𝐚𝐧𝐠 𝐤𝐚𝐩𝐚𝐠 𝐧𝐚𝐢𝐩𝐚𝐬𝐚 𝐤𝐨 𝐧𝐚 𝐚𝐧𝐠 𝐟𝐨𝐫𝐦 𝐬𝐚 𝐁𝐚𝐫𝐚𝐧𝐠𝐚𝐲?
Maghintay lamang ng opisyal na anunsyo sa Brgy. FB Page tungkol sa distribution ng forms kung saan nakatalaga na rin ang evacuation center ng bawat household.

❓ 𝐌𝐚𝐲 𝐤𝐚𝐬𝐮𝐧𝐨𝐝 𝐩𝐚 𝐛𝐚 𝐩𝐚𝐠𝐤𝐚𝐭𝐚𝐩𝐨𝐬 𝐧𝐠 𝐦𝐠𝐚 𝐑𝐞𝐝 𝐓𝐚𝐠?
Oo. Matapos ang profiling ng Red Tag / High Flood Risk Areas, susunod namang bibisitahin ang mga lugar na kabilang sa 𝐎𝐫𝐚𝐧𝐠𝐞 𝐓𝐚𝐠 o 𝐌𝐨𝐝𝐞𝐫𝐚𝐭𝐞 𝐅𝐥𝐨𝐨𝐝 𝐑𝐢𝐬𝐤 𝐀𝐫𝐞𝐚. Mayroon ding mga tarpaulin na nakapaskil sa mga flood-prone streets bilang gabay sa ating komunidad.

-

📍Mga Hakbang para sa Epektibong Tagging at Profiling:
1. Tagging, Profiling, and Distribution of Forms
2. Collection of Forms
3. Evacuation Center Assessment
4. Sorting of Forms and Tagging per Evacuation Center
5. Encoding of Forms
6. Return of Forms
7. Community Drill

Ang layunin ng Barangay Santolan Tagging ay gawing mas maayos, epektibo, at episyente ang evacuation management sa panahon ng sakuna. Isinasagawa ang profiling upang matukoy ang mga tunay na bulnerable sa sakuna at maitugma ang angkop na evacuation center para sa bawat household.

𝐏𝐀𝐀𝐋𝐀𝐋𝐀: 𝐀𝐧𝐠 𝐁𝐚𝐫𝐚𝐧𝐠𝐚𝐲 𝐒𝐚𝐧𝐭𝐨𝐥𝐚𝐧 𝐓𝐚𝐠𝐠𝐢𝐧𝐠 𝐚𝐲 𝐩𝐚𝐫𝐚 𝐬𝐚 𝐤𝐚𝐥𝐢𝐠𝐭𝐚𝐬𝐚𝐧 𝐧𝐠 𝐚𝐭𝐢𝐧𝐠 𝐦𝐠𝐚 𝐩𝐚𝐦𝐢𝐥𝐲𝐚 𝐬𝐚 𝐩𝐚𝐧𝐚𝐡𝐨𝐧 𝐧𝐠 𝐬𝐚𝐤𝐮𝐧𝐚 𝐚𝐭 𝐇𝐈𝐍𝐃𝐈 𝐩𝐚𝐫𝐚 𝐬𝐚 𝐚𝐲𝐮𝐝𝐚.

Hinihingi po namin ang kooperasyon ng bawat mamamayan upang maging mas maayos, epektibo, at episyente ang ating pagtugon sa panahon ng kalamidad.

𝐇𝐀𝐍𝐃𝐎𝐆 𝐒𝐀𝐍𝐓𝐎𝐋𝐄Ñ𝐎: 𝐀 𝐉𝐎𝐁 𝐅𝐀𝐈𝐑 & 𝐎𝐍𝐄-𝐒𝐓𝐎𝐏 𝐎𝐏𝐏𝐎𝐑𝐓𝐔𝐍𝐈𝐓𝐘 𝐇𝐔𝐁

Suportado ng Sangguniang Barangay ng Santolan ang programang Handog Santoleño: A Job Fair & One-Stop Opportunity Hub ng SK Santolan, katuwang ang Pasig City Employment Service Office, bilang bahagi ng pagdiriwang ng Buwan ng Paggawa.

Inaanyayahan ang mga Santoleño na naghahanap ng trabaho na samantalahin ang pagkakataong ito upang makahanap ng posibleng trabaho at makapagbukas ng panibagong landas para sa inyong kinabukasan.

📅 May 25, 2026 (Lunes)
🕘 9:00 AM – 4:00 PM
📍 Ilaya Multipurpose Building

Dalhin ang inyong updated resume/CV, ballpen, at ihanda ang inyong sarili para sa mga bagong oportunidad.

Tingnan ang buong detalye sa post ng SK Santolan sa ibaba.

𝐌𝐀𝐆𝐈𝐍𝐆 𝐑𝐄𝐒𝐏𝐎𝐍𝐒𝐀𝐁𝐋𝐄𝐍𝐆 𝐏𝐄𝐓 𝐎𝐖𝐍𝐄𝐑! 🐾

Salamat sa mga taga Dado-Rafael dahil 91 na alagang a*o at pusa ang nabakunahan, na-microchip, at nabigyan ng leash!

Kamakailan, nagtala tayo ng animal cruelty case sa ating Barangay. Agad na nahuli ang suspek at kasalukuyang nakakulong at sinampahan ng ka*o sa ilalim ng Animal Welfare Act o RA 8485.

Ang Purok-Based Free Anti-Rabies Vaccination, Microchipping Program, at Leash Distribution ng Barangay Santolan at Santolan Animal Welfare Society ay bahagi ng pagpapalakas ng ating adbokasiya para sa animal welfare at responsableng pag-aalaga ng hayop.

Panawagan po ito sa lahat na maging responsable at tratuhin nang tama ang ating mga alaga. Ang animal cruelty ay may kaukulang parusa at pagkakakulong.

Abangan po ang Purok-Based Anti-Rabies Vaccination sa inyong lugar. Ang susunod ay sa Paseo De Animales muli. Antabayanan po ang announcement sa Brgy. page.

FINANCIAL EMPOWERMENT AND PURPOSE SEMINAR

Naganap noong May 17, 2026 ang ikalawang batch ng Financial Literacy Seminar ng Barangay Santolan sa pakikipagtulungan ng Sun Life Financial para sa mga professionals at mga may propesyonal na hanapbuhay.

Sa paksang “Money for Life,” nagkaroon ng pagkakataon ang mga ka-barangay na mapalawak ang kaalaman tungkol sa tamang paghawak ng pera, pagpaplano para sa kinabukasan, at mga paraan upang magkaroon ng mas maayos na financial management.

Lubos ang ating pasasalamat kay Kagawad Zandro Cruz, Committee Chairperson on Labor, Livelihood, and Employment, sa kanyang pangunguna sa programang ito, at kay Ms. Gemma T. De San Jose ng Sun Life para sa patuloy na partnership sa Barangay.

𝐁𝐑𝐆𝐘. 𝐒𝐀𝐍𝐓𝐎𝐋𝐀𝐍 x 𝐒𝐓. 𝐂𝐀𝐌𝐈𝐋𝐋𝐔𝐒 𝐌𝐄𝐃𝐈𝐂𝐀𝐋 𝐂𝐄𝐍𝐓𝐄𝐑 𝐏𝐀𝐑𝐓𝐍𝐄𝐑𝐒𝐇𝐈𝐏

Magandang balita, mga ka-barangay! Maaari nang makapag-avail muli ang mga Santoleño ng 10% discount sa iba’t ibang healthcare services ng St. Camillus Medical Center.

Tingnan ang buong detalye sa post ni Kap. Gab Bayan.