NFA Camarines Sur Branch

09/10/2026

06/10/2026

𝗡𝗙𝗔 𝗖𝗔𝗠𝗔𝗥𝗜𝗡𝗘𝗦 𝗦𝗨𝗥 𝗕𝗥𝗔𝗡𝗖𝗛, 𝗡𝗔𝗞𝗔𝗠𝗜𝗧 𝗔𝗡𝗚 𝟭𝟬𝟬% 𝗖𝗢𝗠𝗣𝗟𝗜𝗔𝗡𝗖𝗘 𝗦𝗔 𝗖𝗢𝗔 𝗔𝗨𝗗𝗜𝗧!

Ang NFA Camarines Sur ay nagkamit ng 100% compliance mula sa Commission on Audit (COA) kaugnay ng tamang aplikasyon ng prescribed buying price bulletins alinsunod sa Palay Procurement Standard Operating Procedures (SOP) ng ahensya sa isinagawang palay procurement transactions na may kabuuang bilang na 2,280 sa taong 2025.

(Buong kwento sa Comment Section)

05/10/2026

𝗡𝗙𝗔 𝗟𝗘𝗔𝗦𝗘𝗗 𝗪𝗔𝗥𝗘𝗛𝗢𝗨𝗦𝗘𝗦 𝗦𝗔 𝗣𝗔𝗦𝗔𝗖𝗔𝗢, 𝗕𝗨𝗞𝗔𝗦 𝗔𝗧 𝗛𝗔𝗡𝗗𝗔 𝗡𝗔!

Handa na at binuksan ngayong araw, Oktubre 5, 2026 ang mga NFA Leased Warehouses sa Balogo, Pasacao, Camarines Sur. Layunin nitong makapagbigay ng karagdagan at mas mahusay na suporta sa ating mga magsasaka sa probinsya ng Camarines Sur at Camarines Norte.

📍Bicol Oil Mill Warehouse 1, 2 at 3
Balogo, Pasacao, Camarines Sur

📆 Lunes hanggang Biyernes

🕗 8:00 AM - 5:00 PM

Patuloy na nagsisikap ang NFA na gawing mas accessible at mas abot-kamay ang mga serbisyo nito para sa ating mga magsasaka.

05/10/2026

01/10/2026

NFA CAMARINES SUR BRANCH, NAGSAGAWA NG PRE-IMPLEMENTATION COORDINATION MEETING

Oktubre 1, 2026 | Bilang paghahanda sa maayos at episyenteng pagpapatupad ng mga nakatakdang paggiling ng palay, nagsagawa ang NFA Camarines Sur Branch ng isang Pre-Implementation Coordination Meeting kasama ang mga contracted private rice millers at ang handling services contractor.

Layunin ng pagpupulong na talakayin at pagtibayin ang mga mahahalagang alituntunin, proseso, at kinakailangang paghahanda kaugnay ng pagpapatupad ng mga serbisyong may kinalaman sa milling at handling ng mga stock ng palay ng ahensya. Binigyang pansin din ang maayos na koordinasyon sa pagitan ng NFA at ng mga kontratista upang matiyak ang malinaw na pag-unawa sa kani-kanilang mga tungkulin at mga pamantayang dapat sundin sa pagsasagawa ng mga nakatalagang gawain.

28/09/2026

𝐇𝐀𝐏𝐏𝐘 54𝐓𝐇 𝐀𝐍𝐍𝐈𝐕𝐄𝐑𝐒𝐀𝐑𝐘, 𝐍𝐅𝐀!

Sa pagdiriwang ng ika-54 na anibersaryo ng National Food Authority, nakiisa ang NFA Camarines Sur Branch sa makabuluhang selebrasyon sa pamamagitan ng Bugkos Bicol, isang pagtitipong naglalayong palakasin ang pagkakaisa, pagtutulungan, at matibay na samahan ng mga kawani ng NFA sa buong Rehiyon ng Bicol.

Ang pagdiriwang na ito ay hindi lamang paggunita sa mahigit limang dekada ng makabuluhang paglilingkod ng ahensya, kundi isang pagkakataon din upang kilalanin ang dedikasyon, sakripisyo, at sama-samang pagsisikap ng bawat kawani na patuloy na tumutupad sa mahalaganag mandato ng NFA.

25/09/2026

🌱ɴꜰᴀ ᴀᴛ 54: ᴘᴜɴʟᴀ’ʏ ɪᴛᴀɴɪᴍ, ᴋɪɴᴀʙᴜᴋᴀꜱᴀ’ʏ ᴘᴀɢᴛɪʙᴀʏɪɴ! 🌱

Bilang bahagi ng pagdiriwang ng ika-54 na anibersaryo ng National Food Authority (NFA), nakiisa ang NFA Camarines Sur Branch sa isinagawang simultaneous tree planting activity ng ahensya -- isang makabuluhang pagkilos na naglalayong palakasin ang kamalayan at pakikiisa sa pangangalaga at pagpapanatili ng ating kalikasan.

Higit pa sa isang gawaing pangkalikasan, ang aktibidad na ito ay nagsisilbing simbolo ng patuloy na paglago at matibay na paninindigan ng NFA sa paglilingkod sa bayan.

23/09/2026

𝗠𝗔𝗜𝗡 𝗖𝗥𝗢𝗣, 𝗦𝗜𝗠𝗨𝗟𝗔 𝗡𝗔 — 𝗣𝗔𝗟𝗔𝗬 𝗣𝗥𝗢𝗖𝗨𝗥𝗘𝗠𝗘𝗡𝗧, 𝗧𝗨𝗟𝗢𝗬 𝗡𝗔! 🌾

Panibagong ani, panibagong pagkakataon para sa ating mga magsasaka!

Kasabay ng pagsisimula ng main cropping season, tuloy-tuloy na ang palay procurement activity ng NFA Camarines Sur Branch. Handa kaming tumanggap ng inyong ani at suportahan ang ating mga lokal na magsasaka.

May palay? Dalhin sa NFA! 🌾

Para sa mga katanungan at detalye kung paano maibebenta ang inyong ani, makipag-ugnayan sa:

📍 SORCOM WAREHOUSE
Sagurong, Pili, Camarines Sur

📱 0921 667 4060

Ani ng magsasaka, suporta ng NFA!