28/09/2026
Sa kabila ng sitwasyon at sa kabila ng kaliwa’t kanang ingay, pagkadismaya at pagkagalit sa nararanasan nating pagkakataon kami po bilang inyong lingkod kabataan ay patuloy at mananatiling maglilingkod ng maydangal, kaayusan, kahusayan at malasakit.
Gaya ng sinumpaan namin na tungkulin noong Oktubre 30, 2023 na maging mahusay at magkaraoon ng malasakit sa bawat nasasakupan hanggang ngayon ay nakahanda pa rin po kami na tumalima sa tungkulin at inaatas na resposibilidad sa amin ng Saligang Batas at mandato ng Sangguniang Kabataan.
Patuloy ang aming panalangin at paniniwala na sa kabila ng ating kinahaharap ngayon ay may magandang bukas na nakalaan para sa ting lahat. Lubos ang ating pagpapasalamat sa mainit na pagtanggap sa amin ng ating komunidad, pagmamahal na walang pasubali at suporta na walang hinihintay na kapalit.
Mga mahal naming kabataan, kayo ang inspirasyon namin. Dahil sa inyong paniniwala at suporta gayun na rin ng pagmamahal hindi lang kami ngayon lider ninyo bagkus kami na rin ngayon ay nagiging kabahagi nang makabuluhang lipunan na handang makisalo sa pagpalaganap ng kaalaman.
Samahan n’yo kami hanggang sa huling laban at yugto ng aming serbisyo publiko. Handa kami pamula umpisa at nanatiling handa ano man ang dumating at ibigay na tungkulin sa atin.
Kailan man hindi tayo mauubusan ng pangarap at oras na mangarap. Hindi pang habang buhay ang posisyon darating ang araw na may bagong sibol na mas mangangarap pa ng mataas at malaki para sa ating komunidad.
Mananatiling mayHUSAY, TIBAY at Malasakit.💙
