BLGU - Port Barton

08/10/2026

⚖️ LIBRENG NOTARYO PARA SA MGA JURAT-TYPE DOCUMENTS SA BARANGAY PORT BARTON!

Bilang bahagi ng patuloy na pagsisikap na mailapit sa mamamayan ang mga serbisyong legal, personal na nagtungo si Sangguniang Bayan Member Hon. Melvin C. Ballesteros sa tanggapan ni Atty. Penn Angelo R. Rombo sa Barangay Poblacion, San Vicente, Palawan, upang hilingin ang kanyang pakikiisa sa isasagawang Free Legal Services ng PLESP sa Barangay Port Barton.

Layunin ng inisyatibang ito na mabigyan ang mga residente ng pagkakataong makapagpanotaryo ng kanilang mga dokumento nang LIBRE, upang makatipid sa gastusin at hindi na kailangang bumiyahe pa patungo sa ibang lugar para sa naturang serbisyo.

✅ POSITIBONG TUGON MULA KAY ATTY. ROMBO!

Agad namang pinaunlakan ni Atty. Rombo ang kahilingan ni SB Ballesteros at buong-pusong nagpahayag ng kanyang kahandaang makiisa sa programa sa pamamagitan ng personal na pagpunta sa Barangay Port Barton upang magkaloob ng LIBRENG NOTARIAL SERVICES, partikular para lamang sa mga JURAT-TYPE DOCUMENTS.

📄 ANO ANG MGA JURAT-TYPE DOCUMENTS?

Ito ay mga dokumentong nangangailangan ng panunumpa o pagpapatunay sa harap ng notaryo na ang mga nakasaad dito ay totoo, gaya ng:

✅ Affidavit of Loss
✅ Affidavit of Residency
✅ Affidavit of Undertaking
✅ Sworn Statements o Declarations
✅ Iba pang dokumentong nangangailangan ng jurat

Ang pagtanggap at pagpapanotaryo ng dokumento ay nakabatay sa pagsusuri ng notaryo at sa umiiral na mga patakaran sa notarization.

📅 ISKEDYUL NG LIBRENG NOTARYO

📆 Petsa: Oktubre 22, 2026 (Huwebes)
🕗 Oras: 8:00 AM – 3:00 PM
📍 Lugar: Barangay Gymnasium, Port Barton, San Vicente, Palawan

📌 MAHAHALAGANG PAALALA:

1. Kinakailangan ang personal na pagharap ng mismong magpapanotaryo.
2. Magdala ng hindi bababa sa dalawang (2) kopya ng dokumentong ipapanotaryo.
3. Magdala ng valid government-issued ID at photocopy nito.
4. Huwag munang lagdaan ang dokumento hangga't wala sa harap ng notaryo.
5. FIRST COME, FIRST SERVED BASIS!

📣 INAANYAYAHAN ANG LAHAT NG RESIDENTE NG BARANGAY PORT BARTON na samantalahin ang pagkakataong ito upang makakuha ng libreng serbisyong notarial.

Ang inisyatibang ito ay patunay na sa pamamagitan ng pakikipag-ugnayan, pagtutulungan, at aktuwal na pagkilos, mas maraming serbisyong pampubliko ang maaaring mailapit sa ating mga kababayan.

Maraming salamat kay Atty. Penn Angelo Rombo sa kanyang positibong pagtugon at boluntaryong pakikiisa sa adhikaing ito!

08/10/2026

📢 ATTENTION, TRANSPORT GROUP SECTOR! 🚨

Inaanyayahan ang ating mga Tuktuk Drivers at Tourist Boat Operators na makiisa sa gaganaping:

TRANSPORT GROUP SECTOR SEMINAR ON ANTI-ILLEGAL DRUGS

📅 October 21, 2026
📍 Barangay Port Barton, San Vicente, Palawan

07/10/2026

📣 PAANYAYA PARA SA ATING MGA KAPATID NA KATUTUBO (IPs) SA BARANGAY PORT BARTON! 💚

Bilang bahagi ng pagdiriwang ng Indigenous Peoples (IPs) Month 2026, ang San Vicente Rural Health Unit (RHU), katuwang ang IPMR Office, ay magsasagawa ng PhilHealth YAKAP Registration para sa ating mga kababayan sa Barangay Port Barton.

📅 Oktubre 15, 2026 | Huwebes
⏰ 8:00 AM – 5:00 PM
📍 Barangay Port Barton Gymnasium

Ang PhilHealth YAKAP (Yaman ng Kalusugan Program) ay naglalayong mailapit sa bawat Pilipino ang mahahalagang serbisyong pangkalusugan. Sa pamamagitan ng pagpaparehistro, mas magiging maayos ang access ng kwalipikadong miyembro at kanilang pamilya sa primary care at iba pang benepisyong pangkalusugan ng PhilHealth.

📌 PAALALA: Huwag kalimutang magdala ng Valid ID—mas mainam kung PhilHealth ID Card—at kopya ng Birth Certificate upang mapadali ang inyong registration.

👉 Tara na at magparehistro! Samantalahin natin ang pagkakataong ito para sa mas madaling access sa serbisyong pangkalusugan at mas protektadong kalusugan ng buong pamilya.

Katutubong Pilipino: Katuwang sa Mas Inklusibo, Matatag at Magandang Kinabukasan! 🇵🇭

07/10/2026

𝗘𝗬𝗘𝗦 𝗛𝗘𝗥𝗘 𝗕𝗔𝗥𝗔𝗡𝗚𝗔𝗬 𝗣𝗢𝗥𝗧 𝗕𝗔𝗥𝗧𝗢𝗡!!!

07/10/2026

📢 PAANYAYA | LIBRENG LEGAL LECTURES AT KONSULTASYON SA PORT BARTON

Bilang bahagi ng patuloy na pagsisikap na mailapit sa mamamayan ang serbisyong legal ng pamahalaan, magsasagawa ang Provincial Legal Office ng Pamahalaang Panlalawigan ng Palawan, sa pamamagitan ng Provincial Legal Extension Services Program, ng FREE LEGAL LECTURES AND CONSULTATIONS para sa mga residente ng Barangay Port Barton at Barangay Caruray, San Vicente, Palawan.

📅 OCTOBER 21–22, 2026
📍 Port Barton Covered Gym

Ang aktibidad na ito ay hiniling sa pamamagitan ng Resolution No. 2026-783, na inakda ni Hon. Melvin C. Ballesteros, Sangguniang Bayan Member, bilang isang inisyatiba upang mabigyan ang ating mga kababayan ng mas malawak na kaalaman sa batas at direktang access sa libreng legal na payo at konsultasyon mula sa mga abogado.

🔹 DAY 1 – OCTOBER 21 | LEGAL LECTURES

MORNING LECTURE: Tatalakayin ang mahahalagang paksa tungkol sa VAWC, Anti-Trafficking in Person

PRIORITY INVITEES (AM LECTURE):
Barangay Officials
VAWC Desk Officers
Lupon Members
Barangay Tanod
BHWs

AFTERNOON LECTURE: Tatalakayin ang mahahalagang paksa tungkol sa Land Titling, Small Claims, at Solid Waste Management.

PRIORITY INVITEES (PM LECTURE):
Barangay Officials
Landowners
May-ari ng Tourism-Related Establishments

⚖️ DAY 2 – OCTOBER 22 | LIBRENG LEGAL CONSULTATION

🕗 8:00 AM – 3:00 PM

BUKAS PARA SA LAHAT!
(FIRST COME, FIRST SERVED BASIS)

Maaaring magdala ng mga dokumentong may kaugnayan sa inyong legal na concern upang mas maayos itong masuri at mapayuhan ng mga abogado.

Isang pagkakataon ito upang malaman ang inyong mga karapatan, maunawaan ang batas, at direktang makakuha ng legal na gabay—nang LIBRE.

Huwag palampasin ang pagkakataong ito. Kita-kits sa Port Barton Covered Gym!

07/10/2026

06/10/2026

👴👵 ELDERLY FILIPINO WEEK 2026 👵👴

Ang Barangay Port Barton ay buong-pusong nakikiisa sa pagdiriwang ng Elderly Filipino Week 2026 ngayong October 6, 2026

Sa temang:
“Nakatatandang Pilipino: May Halaga at Karapatan, May Boses at Ambag sa Bayan.”

Patuloy nating kilalanin, igalang, at pahalagahan ang ating mga Senior Citizens na naging mahalagang bahagi ng ating pamilya at komunidad. ❤️

Suporta Para sa Seniors!
Mabuhay ang ating mga Nakatatandang Pilipino! 🎉👵👴

📍 Barangay Port Barton, San Vicente, Palawan
🇵🇭

05/10/2026

📣 LIBRENG LTO THEORETICAL DRIVING COURSE (TDC) REGISTRATION!

Inaanyayahan ang mga interesadong mamamayan ng Port Barton, edad 16 taong gulang pataas, na wala pang Driver’s License o Student Permit, na magparehistro para sa LIBRENG 15-Hour TDC Certificate mula sa LTO.

📍 Saan: Municipal Gym, Poblacion, San Vicente

📅 Kailan: 1st Week ng Nobyembre (tentative)

👥 Slots: Unang 200 na makakapagparehistro lamang

✅ Para ito sa mga nais kumuha ng Student Permit at magsimula ng tamang kaalaman sa ligtas at responsableng pagmamaneho.

👉 I-click ang link sa ibaba upang magparehistro:

https://docs.google.com/forms/d/e/1FAIpQLSfz74vkT_qQ6qGBeVmyqhnsywzTL2nIoAiGIq2pZ6MVUH2nJw/viewform?usp=publish-editor

📌 Paalala: Ang pagpaparehistro ay limitado lamang sa unang 200 slots. Magparehistro na habang may bakante pa!

05/10/2026

TIGNAN | BARANGAY KALINISAN DAY

Naging matagumpay ang isinagawang BARKADA (Barangay Kalinisan Day) sa bahagi ng ilog ng Barangay Port Barton noong Oktubre 3, 2026.

Sa pamamagitan ng inisyatiba ng ating Punong Barangay, Hon. Marvin C. Ballesteros, ang aktibidad ay pinangunahan ng iba’t ibang ahensya at organisasyon sa barangay, kasama ang ating masisipag na mga boluntaryo.

Sa sama-samang pagtutulungan at pakikiisa, matagumpay na nalinis at naayos ang mga bahagi ng daan patungong Sitio Pagdanan, bilang bahagi ng patuloy na pagpapanatili ngkalinisan, kaayusan, at kagandahan ng ating komunidad.

Maraming salamat sa lahat ng nakiisa at naglaan ng oras at pagsisikap upang maging matagumpay ang gawaing ito!

Mabuhay ang Barangay Port Barton!

Sama-sama para sa malinis at maayos na komunidad!🌿

30/09/2026