BM Cherry PIE Acosta

09/08/2026

12/06/2026

𝐇𝐮𝐧𝐲𝐨 𝟏𝟐, 𝟐𝟎𝟐𝟔 || 𝐌𝐚𝐤𝐚𝐬𝐚𝐲𝐬𝐚𝐲𝐚𝐧𝐠 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐈𝐤𝐚-𝟏𝟐𝟖 𝐀𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧: 𝐊𝐚𝐥𝐚𝐲𝐚𝐚𝐧, 𝐊𝐢𝐧𝐚𝐛𝐮𝐤𝐚𝐬𝐚𝐧, 𝐊𝐚𝐬𝐚𝐲𝐬𝐚𝐲𝐚𝐧 🇵🇭🤍💛💙❤️

Ngayong Araw ng Kalayaan, ating ginugunita ang katapangan, sakripisyo, at pagkakaisang nagbigay-daan upang makamit ng ating bayan ang kalayaang tinatamasa natin ngayon. Higit sa pag-alala sa kasaysayan, ito rin ay paalala ng ating tungkulin bilang mga Pilipino na mahalin, pahalagahan, at pangalagaan ang dignidad at kinabukasan ng ating bansa.

Bilang mga Pilipino, dapat nating ipagmalaki ang ating mayamang kultura, matatag na pananampalataya, at diwang hindi sumusuko sa anumang hamon ng panahon. Ang pagiging Pilipino ay hindi lamang pagkakakilanlan, ito ay dangal, malasakit, at pusong handang maglingkod para sa kapwa at bayan.

Sa pagdiriwang ng ika-128 anibersaryo ng Araw ng Kalayaan, nawa’y lalo nating pagyamanin ang pagmamahal sa bayan, pagkakaisa, at pag-asa para sa mas maunlad at mas maliwanag na kinabukasan ng bawat Pilipino.

Mabuhay ang sambayanang Pilipino! Mabuhay ang Pilipinas!

17/12/2025

Gusto ko lang po ipaabot ang aking taos-pusong pasasalamat sa ating minamahal at KGG. na Governor Amy Roa Alvarez. Maraming salamat po sa regalo na may kaakibat na napaka-sweet na thought. Sa munting bagay na ito, ramdam na ramdam ko po ang malasakit, lalo na’t naalala n’yo na gusto ko ang “Hello Kitty” hehe, ang cute at sobrang thoughtful lang talaga. It’s the little details that make it extra special, and that says so much about you as a leader and as a person.

Hindi lang po ito regalo, kundi paalala na may mga lider na tunay na nakikinig at nagmamalasakit. Thank you, Gov, for being so kind, warm, and attentive. Sobrang na-appreciate ko po ito, from the heart. Merry Christmas po and God Bless!💚💚💚

22/10/2025

‼️

14/10/2025

𝐎𝐜𝐭𝐨𝐛𝐞𝐫 𝟏𝟑, 𝟐𝟎𝟐𝟓 || 𝐒𝐰𝐢𝐭𝐜𝐡-𝐎𝐧 𝐂𝐞𝐫𝐞𝐦𝐨𝐧𝐲 – 𝐒𝐢𝐭𝐢𝐨 𝐏𝐚𝐦𝐮𝐚𝐲𝐚𝐧, 𝐁𝐚𝐫𝐚𝐧𝐠𝐚𝐲 𝐏𝐨𝐫𝐭 𝐁𝐚𝐫𝐭𝐨𝐧, 𝐒𝐚𝐧 𝐕𝐢𝐜𝐞𝐧𝐭𝐞, 𝐏𝐚𝐥𝐚𝐰𝐚𝐧

Isang makabuluhang araw ang ating nasaksihan kahapon, Oktubre 13, 2025, sa isinagawang Switch-On Ceremony sa Sitio Pamuayan, Barangay Port Barton, San Vicente, Palawan. Ang seremonyang ito ay nagmarka ng pormal na pag-energize sa bagong tayong distribution line sa ilalim ng Sitio Electrification Program na pinondohan ng National Electrification Administration (NEA) at ipinatupad sa pakikipagtulungan sa Palawan Electric Cooperative (PALECO).

Ang inyong lingkod ay dumalo at aktibong nakibahagi sa makasaysayang kaganapang ito, kung saan karamihan sa mga dumalo ay mga benepisyaryo ng libreng house wiring installation, isang mahalagang hakbang upang maihatid ang liwanag, pag-asa, at pag-unlad sa mga tahanang matagal nang naghihintay sa serbisyong elektrisidad.

Isang patunay ito na patuloy ang pagkilos at pagtutulungan ng ating mga ahensya at lokal na pamahalaan upang maramdaman ng bawat mamamayan, lalo na sa mga liblib na lugar, ang biyaya ng pag-unlad.

14/10/2025

𝐎𝐜𝐭𝐨𝐛𝐞𝐫 𝟏𝟏, 𝟐𝟎𝟐𝟓 || 𝐏𝐮𝐛𝐥𝐢𝐜 𝐇𝐞𝐚𝐫𝐢𝐧𝐠 𝐨𝐟 𝐭𝐡𝐞 𝐂𝐨𝐦𝐦𝐢𝐭𝐭𝐞𝐞 𝐨𝐧 𝐆𝐚𝐦𝐞𝐬 𝐚𝐧𝐝 𝐀𝐦𝐮𝐬𝐞𝐦𝐞𝐧𝐭 – 𝐑𝐨𝐱𝐚𝐬, 𝐏𝐚𝐥𝐚𝐰𝐚𝐧

Noong Oktubre 11, 2025, isinagawa sa Bayan ng Roxas, Palawan ang ikalawang Public Hearing ng Committee on Games and Amusement na aking pinamumunuan, kaugnay ng panukalang ordinansa na naglalayong ipagbawal ang operasyon ng E-Sabong sa Lalawigan ng Palawan.

Kasama kong dumalo at nakibahagi sa pagdinig ang mga kapwa miyembro ng Sangguniang Panlalawigan at mga proponent ng naturang ordinansa, sina Hon. Rafael “Jun” V. Ortega Jr. at Hon. Roseller “Toto” S. Pineda, na kapwa nagbahagi ng kanilang paliwanag at layunin sa likod ng panukala.

Nakatuwang din natin sa gawaing ito ang iba’t ibang kinatawan mula sa Pamahalaang Panlalawigan ng Palawan, na patuloy na nagbibigay-suporta sa mga hakbang tungo sa pagpapalakas ng regulasyon at mabuting pamamahala.

Layunin ng pagdinig na ito na higit pang mapakinggan ang boses ng mga mamamayan ng Roxas at makalap ang kanilang pananaw hinggil sa panukala, bilang bahagi ng patuloy na konsultasyon upang masiguro na ang mga patakaran ng lalawigan ay tunay na kumakatawan sa kapakanan ng bawat Palaweño.