Municipal Nutrition Office - Pulilan, Bulacan

𝐇𝐎𝐔𝐒𝐄𝐇𝐎𝐋𝐃 𝐅𝐎𝐎𝐃 𝐈𝐍𝐒𝐄𝐂𝐔𝐑𝐈𝐓𝐘 𝐀𝐂𝐂𝐄𝐒𝐒 𝐒𝐔𝐑𝐕𝐄𝐘 𝐈𝐍 𝐓𝐇𝐄 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐏𝐔𝐋𝐈𝐋𝐀𝐍 📊

Noong 2025, ay isinagawa natin sa mga kabahayan sa bayan ng Pulilan ang Household Food Insecurity Access Survey (HFIAS), ito ay ginagamit upang masukat kung ang isang kabahayan ay nakakaranas ng kakulangan sa pagkain dahil sa limitadong kakayahang makakuha nito, gaya ng kakulangan sa pera, pagkain, o iba pang mapagkukunan.

Ano ang layunin nang HFIAS?

Ginagawa ang HFIAS upang:
✔️ Masuri ang antas ng food insecurity o kawalan ng sapat na pagkain sa isang kabahayan.
✔️ Matukoy ang mga pamilyang nangangailangan ng tulong sa pagkain o nutrisyon.
✔️ Masubaybayan ang pagbabago sa kalagayan ng pagkain sa paglipas ng panahon.
✔️ Masuri ang epekto ng mga programa tulad ng food assistance, cash assistance, at mga proyektong pangkabuhayan.
✔️ Makapagbigay ng datos para sa pagpaplano at paggawa ng mga polisiya ukol sa seguridad sa pagkain.

Bakit mahalaga ang HFIAS?

Mahalaga ito dahil nagbibigay ito ng malinaw na larawan kung gaano kalubha ang problema sa pag-access ng pagkain ng isang pamilya. Sa pamamagitan nito, maaaring matukoy kung ang isang kabahayan ay:
* Food Secure (may sapat na pagkain)
* Mild Food Insecure (bahagyang kulang sa seguridad sa pagkain)
* Moderate Food Insecure (katamtamang kulang sa seguridad sa pagkain)
* Severe Food Insecure (malubhang kulang sa seguridad sa pagkain)

Makikita ang resulta nang HFIAS nang ating bayan.

𝐅𝐎𝐎𝐃 𝐒𝐄𝐂𝐔𝐑𝐄 (may sapat na pagkain) - 21.16%

𝐌𝐈𝐋𝐃 𝐅𝐎𝐎𝐃 𝐈𝐍𝐒𝐄𝐂𝐔𝐑𝐄 (bahagyang kulang sa seguridad sa pagkain) - 47.51%

𝐌𝐎𝐃𝐄𝐑𝐀𝐓𝐄 𝐅𝐎𝐎𝐃 𝐈𝐍𝐒𝐄𝐂𝐔𝐑𝐄 (katamtamang kulang sa seguridad sa pagkain) - 26.28%

𝐒𝐄𝐕𝐄𝐑𝐄 𝐅𝐎𝐎𝐃 𝐈𝐍𝐒𝐄𝐂𝐔𝐑𝐄 (malubhang kulang sa seguridad sa pagkain) - 5.05%

Ang resulta nang ating HFIAS ay nagsasabi at nagpapakita nang estado nang mga kabahayan sa ating bayan kung sila ba ay may sapat na kakayahang makakuha ng pagkain at kung gaano kalubha ang kanilang nararanasang kakulangan sa pagkain.

Ang food insecurity ay madalas na humahantong sa kagutuman at malnutrisyon, kaya sa sama sama natin na pag-kilos at pakiki-isa sa mga programang pang-nutrisyon, ay mapapababa natin ang malnutrisyon at mapabuti pa ang kabuoang nutrisyon nang ating bayan.

📌 Reference:
MUNICIPAL NUTRITION OFFICE - PULILAN, BULACAN. (2025). Nutrition Surveillance - Household Food Insecurity Access Scale (HFIAS).

𝐍𝐔𝐓𝐑𝐈𝐓𝐈𝐎𝐍𝐀𝐋 𝐒𝐓𝐀𝐓𝐔𝐒 𝐀𝐌𝐎𝐍𝐆 𝐀𝐃𝐎𝐋𝐄𝐒𝐂𝐄𝐍𝐓𝐒, 𝐀𝐃𝐔𝐋𝐓𝐒, 𝐀𝐍𝐃 𝐎𝐋𝐃𝐄𝐑 𝐀𝐃𝐔𝐋𝐓𝐒 𝐈𝐍 𝐓𝐇𝐄 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐏𝐔𝐋𝐈𝐋𝐀𝐍 📊

Noong 2025, ay isinagawa natin sa buong bayan ng Pulilan ang Nutrition Surveillance para makuha ang Nutritional Status nang ating mga adolescents (10-19 years old), adults (20-59 years old) at older adults (60 years old & above).

Ang Nutritional Surveillance - Nutritional Status, ay taunang pag-sukat nang taas at timbang nang mga adolescents, adults, at older adults sa ating bayan.

Bakit ba natin ginagawa ang Nutrition Surveillance?

✔️ Upang malaman ang Nutritional Status nang isang adolescents, adults, at older adults, kung siya ba ay may tamang timbang (normal), mababa ang timbang (underweight), sobrang timbang (overweight), o labis na katabaan (obese).
✔️ Mabigyan nang tamang interbasyon ang mga beneficiaries base sa kanilang nutritional status.

Makikita ang resulta at klase nang malnutrisyon na kasalukuyang laganap sa ating bayan.

𝐀𝐃𝐎𝐋𝐄𝐒𝐂𝐄𝐍𝐓𝐒 (𝟏𝟎-𝟏𝟗 𝐘𝐞𝐚𝐫𝐬 𝐎𝐥𝐝).

𝐔𝐧𝐝𝐞𝐫𝐰𝐞𝐢𝐠𝐡𝐭 - 17.14% o 2,605 na adolescents ay mababa ang timbang.

𝐍𝐨𝐫𝐦𝐚𝐥 - 74.10% o 11,260 na adolescents ay normal ang timbang.

𝐎𝐯𝐞𝐫𝐰𝐞𝐢𝐠𝐡𝐭 - 8.20% o 1,246 na adolescents ay sobra ang timbang.

𝐎𝐛𝐞𝐬𝐞 - 0.56% o 85 na adolescents ay labis ang katabaan.

𝐀𝐃𝐔𝐋𝐓𝐒 (𝟐𝟎-𝟓𝟗 𝐘𝐞𝐚𝐫𝐬 𝐎𝐥𝐝).

𝐔𝐧𝐝𝐞𝐫𝐰𝐞𝐢𝐠𝐡𝐭 - 6.06% o 3,006 na adults ay mababa ang timbang.

𝐍𝐨𝐫𝐦𝐚𝐥 - 67.69% o 33,570 na adults ay normal ang timbang.

𝐎𝐯𝐞𝐫𝐰𝐞𝐢𝐠𝐡𝐭 - 24.84% o 12,320 na adults ay sobra ang timbang.

𝐎𝐛𝐞𝐬𝐞 - 1.40% o 695 na adults ay labis ang katabaan.

𝐎𝐋𝐃𝐄𝐑 𝐀𝐃𝐔𝐋𝐓𝐒 (𝟔𝟎 𝐘𝐞𝐚𝐫𝐬 𝐎𝐥𝐝 & 𝐀𝐛𝐨𝐯𝐞).

𝐔𝐧𝐝𝐞𝐫𝐰𝐞𝐢𝐠𝐡𝐭 - 7.05% o 682 na older adults ay mababa ang timbang.

𝐍𝐨𝐫𝐦𝐚𝐥 - 66.17% o 6,405 na older adults ay normal ang timbang.

𝐎𝐯𝐞𝐫𝐰𝐞𝐢𝐠𝐡𝐭 - 25.42% o 2,460 na adults ay sobra ang timbang.

𝐎𝐛𝐞𝐬𝐞 - 1.36% o 132 na older adults ay labis ang katabaan.

Ang malnutrisyon ay laganap pa din sa ating bayan, ngunit sa sama sama natin na pag-kilos at pakiki-isa sa mga programang pang-nutrisyon, ay mapapababa natin ang malnutrisyon at mapabuti pa ang kabuoang nutrisyon nang ating bayan.

📌 Reference:
MUNICIPAL NUTRITION OFFICE - PULILAN, BULACAN. (2025). Nutrition Surveillance - Nutritional Status.

𝐍𝐔𝐓𝐑𝐈𝐓𝐈𝐎𝐍𝐀𝐋 𝐒𝐓𝐀𝐓𝐔𝐒 𝐀𝐌𝐎𝐍𝐆 𝐂𝐇𝐈𝐋𝐃𝐑𝐄𝐍 𝐀𝐆𝐄𝐃 𝟎-𝟓𝟗 𝐌𝐎𝐍𝐓𝐇𝐒 𝐈𝐍 𝐓𝐇𝐄 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐏𝐔𝐋𝐈𝐋𝐀𝐍 📊

Noong first quarter nang 2026, ay ginawa natin sa buong bayan ng Pulilan ang Operation Timbang Plus (OPT Plus).

Ang OPT Plus ay taunang pag-sukat nang taas at pagtimbang sa mga batang may edad na 0-59 na buwan (0-5 taong gulang).

Ano ba ang layunin nang OPT Plus?

✔️ Upang malaman ang Nutritional Status nang isang bata, kung siya ba ay Normal, kulang sa timbang, bansot, o mataas ang timbang.
✔️ Masubaybayan ang tamang paglaki at kalusugan nang bata.
✔️ Mabigyan nang tamang interbasyon ang mga bata base sa kanilang nutritional status.

Makikita ang resulta at klase nang malnutrisyon na kasalukuyang makikita sa ating bayan.

𝐒𝐭𝐮𝐧𝐭𝐞𝐝 - 2.8% o 279 na bata ay bansot.

𝐔𝐧𝐝𝐞𝐫𝐰𝐞𝐢𝐠𝐡𝐭 - 1.2% o 115 na bata ay mababa ang timbang.

𝐖𝐚𝐬𝐭𝐞𝐝 - 0.6% o 62 na bata ay buto’t balat.

𝐎𝐯𝐞𝐫𝐰𝐞𝐢𝐠𝐡𝐭/𝐎𝐛𝐞𝐬𝐞 - 2.98% o 292 na bata ay sobra ang timbang.

Makikita natin na may malnutrisyon pa din sa ating bayan, ngunit sa tulong tulong at sama sama nating pagkilos at pakiki-isa sa pagtataguyod nang mga programang pang-nutrisyon, mas mababawasan pa natin ang malnutrisyon sa ating bayan at mapabuti pa ang kabuoang nutrisyon nang ating mga kababayan.

📌 Reference:
MUNICIPAL NUTRITION OFFICE - PULILAN, BULACAN. (2026). Operation Timbang Plus (OPT Plus)

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬 Ram Cablinda for passing the 𝐂𝐢𝐯𝐢𝐥 𝐒𝐞𝐫𝐯𝐢𝐜𝐞 𝐄𝐱𝐚𝐦𝐢𝐧𝐚𝐭𝐢𝐨𝐧 - 𝐏𝐫𝐨𝐟𝐞𝐬𝐬𝐢𝐨𝐧𝐚𝐥 𝐋𝐞𝐯𝐞𝐥.

𝐖𝐞 𝐚𝐫𝐞 𝐩𝐫𝐨𝐮𝐝 𝐨𝐟 𝐲𝐨𝐮!

From your Nutrition Family 💚

Isang pagpupugay sa lahat ng manggagawang Pilipino sa inyong kasipagan at kadakilaan na maitaguyod ang patuloy na mapaunlad ang ating bansa. Kaisa ang NNC na sumasaludo sa inyong patuloy na pagbangon at pagsisikap para sa pamilya at bayan.

𝐏𝐀𝐆𝐊𝐈𝐋𝐀𝐋𝐀 𝐒𝐀 𝐀𝐌𝐁𝐀𝐆 𝐍𝐆 𝐌𝐆𝐀 𝐌𝐀𝐍𝐆𝐆𝐀𝐆𝐀𝐖𝐀 🇵🇭

Ngayong ika-1 ng Mayo, nagbibigay-pugay tayo sa bawat manggagawang Pilipino na sa pamamagitan ng sipag, tiyaga, at dedikasyon ay patuloy na nag-aambag sa pag-unlad ng ating bayan.

Kayo ang tunay na lakas ng ating komunidad, mga tahimik na bayani na araw-araw na nagsusumikap para sa pamilya at para sa mas maunlad na kinabukasan ng ating bayan.

Ang bawat pawis, sakripisyo, at tapat na paglilingkod ay mahalagang pundasyon sa patuloy nating pag-abante bilang isang nagkakaisang pamayanan.

Sa ngalan ng Pamahalaang Bayan ng Pulilan, isang mapagpalang Araw ng Manggagawa sa lahat ng masisipag na manggagawang Pulileño.

Mabuhay ang manggagawang Pilipino.
Mabuhay ang Pulilan. 💙

— Mayor RJ Peralta

Mga ka-nutrisyon, alam ba ninyo na maraming katutubong gulay sa iba’t ibang panig ng bansa ang matagal nang bahagi ng ating pagkain, kultura, at pamumuhay?

Mula sa mga dahon at bungang gulay ng Luzon, sa masasarap na pananim ng Visayas, hanggang sa masustansyang ani ng Mindanao—ipinapakita ng ating mga katutubong gulay ang yaman ng pagkaing Pilipino at ang kahalagahan nito sa ating kalusugan at kultura.

Hindi lamang bahagi ng ating tradisyon ang mga katutubong gulay, kundi mahalagang pinagkukunan din ito ng bitamina, mineral, at fiber na tumutulong sa pagpapanatili ng malusog na katawan, maayos na pagtunaw ng pagkain, at mas balanseng pagkain para sa tamang nutrisyon. Dahil ang mga ito ay locally available at madaling itanim, mas abot-kaya at praktikal din silang ihain sa hapag-kainan ng bawat pamilyang Pilipino.

Ngayong Filipino Food Month, ating kilalanin, tangkilikin, at ipagmalaki ang ating mga katutubong gulay—hindi lamang para sa mas masustansyang pagkain, kundi para rin sa pagsuporta sa lokal na ani, pagpapanatili ng ating Filipino food culture and traditions, at pagsusulong ng sustainable food choices para sa lahat.

Para sa mas komprehensibong listahan ng mga katutubong gulay, bisitahin ang website ng DOST-PCAARRD:https://iveg.pcaarrd.dost.gov.ph/crop

Tuklasin din ang mga featured local dishes gamit ang piling katutubong gulay mula sa Luzon, Visayas, at Mindanao! 💚

RAMDAM NA SERBISYO BARANGAY CARAVAN (BARANGAY TAAL)

📅 Abril 25, 2026 (Sabado)
🕗 8:00 ng Umaga – 12:00 ng Tanghali
📍 Jose C. Castro Elementary School

Hatid ng Pamahalaang Bayan ng Pulilan, sa pangunguna ni Mayor RJ Peralta kasama ang Sangguniang Bayan ng Pulilan sa pangunguna ni Vice Mayor Imee Cruz, ang Ramdam na Serbisyo Barangay Caravan — isang programang naglalayong ilapit at ihatid ang iba’t ibang serbisyo ng pamahalaan direkta sa ating mga barangay.

🤝 Mga Serbisyong Inihanda:
• 🏥 Serbisyong Medikal
• 👨‍👩‍👧‍👦 Serbisyong Kagalingang Panlipunan
• 🍎 Serbisyong Pang-Nutrisyon
• ⚖️ Serbisyong Legal
• 🌾 Serbisyong Pang-Agrikultura
• 🧾 Serbisyong Pagtatalang-Sibil

Layunin ng programang ito na gawing mas mabilis, mas maayos, at mas abot-kamay ang serbisyo ng pamahalaan para sa ating mga kababayan.