District 4 Action Center

Pormal nang nanumpa bilang Acting Chairperson ng Barangay Mariana si Letty Tejido ngayong Lunes.
Nagsilbing inducting officer sa kanyang oath-taking ceremony si Mayor Joy Belmonte, na sinaksihan nina District 4 Action Officer Atty. Zandy Zacate at Barangay and Community Relations Department Head Ricky Corpuz

Nasa 63 katao ang natulungan ng joint reach-out operation na pinangunahan ng Task Force Sampaguita at Oplan Pag-Abot Program sa mga pamilyang nasa lansangan nitong Biyernes ng gabi.

Sa tulong ng rights-based approach ng operasyon ng Lokal na Pamahalaan at Department of Social Welfare and Development, tiniyak na maayos ang pagtrato sa mga nasagip na pamilya sa Timog at Tomas Morato Avenue.

Nakatanggap sila ng hot meals kasabay ng pag-asikaso ng profiling, referral, medical care, at iba pang kinailangang suporta.

SKATE AT TENNIS SA QMC, ANO TARA? 😉
Pinangunahan nina Mayor Joy Belmonte, Vice Mayor Gian Sotto, at mga kawani ng ating lokal na pamahalaan ang opisyal na pagbubukas at blessing ng Skate Park at Lawn Tennis Courts sa Quezon Memorial Circle ngayong umaga.
Ang ating Skate Park ay may laki na 3,758sqm, at hindi ito basta-basta Skate Park, competition-standard ang design nito kaya naman maaari ring makapagtraining ang mga atleta rito, at makapagdaos ng mga skateboarding events.
Para naman sa ating Lawn (outdoor) Tennis Courts, ito'y may 2 court na may kabuuang laki na 1,198sqm.
QCitizens, tuloy-tuloy po ang pagpapaganda at pagaayos natin sa Quezon Memorial Circle alinsunod sa pangarap ni Mayor Joy na makapagbigay ng mas maraming open spaces at recreational area para sa bawat QCitizen.
Tara let's! Unleash your inner Margielyn & Alex! 😉 'Wag din kalimutan magdala ng extra shirt at water, ok? Stay hydrated, QCitizens!
--
Para sa mga kabataang nais sumali sa skateboarding clinic, i-check ang post na ito: https://www.facebook.com/share/p/14auxrkTh4Z/

Personal na bumisita sa Mayor Joy Belmonte sa evacuation area na pansamantalang tinutuluyan ng mga pamilyang naapektuhan ng sunog kamakailan sa NIA Road, Barangay Pinyahan. Gayundin, namahagi po tayo ng tulong pinansyal para sa kanila upang makatulong sa kanilang mga gastusin kahit papaano.
Bago pa man po ang ating pinansyal na ayuda, namahagi na rin po tayo ng mga mahahalagang gamit tulad ng banig, hygiene kit, mga plato't kubyertos. Mayroon din po tayong mga vitamins at food packs para sa mga apektadong pamilya.
Stay safe, QCitizens!

Sa kabila ng nararanasan nating krisis, at pagtaas ng mga presyo ng mga bilihin, isang programa ang ibinaba ni President Ferdinand Marcos sa mga LGU na lubos na ikinagagalak ni Mayor Joy Belmonte — "Sa Bagong Pilipinas, Bawat Bayan Makikinabang."
Alinsunod dito, inatasan ang ating alkalde na tukuyin ang mga pamilyang nasa vulnerable sector na lubos na nangangailangan ng tulong. Masusi ang naging pagsusuri natin sa ating mga benepisyaryo — sa tulong ng Community-Based Monitoring System (CBMS) ng Philippine Statistics Authority, ay ating natunton ang mga pamilyang mula sa vulnerable sector, at mga pamilyang hindi benepisyaryo ng anumang programa ng ating lungsod.
Gayundin, sa ilalim ng programang ito, makakatanggap ng 40 kilos na bigas ang bawat pamilya (sa isang taon) na kanilang matatanggap kada-2 buwan mula ngayon.
At ikinagagalak din naming ibahagi sa inyo na ang bigas na ipinamamahagi sa QC ay mga bigas na ani mismo ng mga local farmer natin sa tulong naman ng Sagip Saka Act. Kaya naman sa bawat subo ninyo asahan niyong kayo ri'y nakatulong sa ating mga local farmer sa kabila ng krisis at pagtaas ng mga bilihin.
Muli, maraming salamat po, PBBM!

Nag-abot ng tulong-pinansyal ang Quezon City Government sa 51 pamilyang nasunugan sa NIA road, Barangay Pinyahan.
P10,000 ang natanggap ng mga may-ari ng bahay, habang P5,000 naman ang ibinigay sa mga renter o sharer.
Bago ang pagbibigay ng financial assistance, nakatanggap na ng food packs at material assistance ang mga biktima.
Patuloy din silang inaasikaso ng Social Services Development Department (SSDD), katuwang ang Quezon City Police District (QCPD), habang pansamantalang nanunuluyan sa Camp Karingal.