Quezon City Task Force Disiplina

Isinagawa ang operasyon sa pangunguna ni PCPT Atendido ng Quezon City Police District Project 6 Police Station 15, katuwang ang QC Task Force Disiplina Alert Team 🚨, upang linisin at mapanatili ang kaayusan sa kahabaan ng Congressional Avenue, Brgy. Ramon Magsaysay, at Seminary Road, Brgy. Bahay Toro, kasama ang ilang kawani ng naturang mga barangay.

Layunin ng kapulisan sa naturang operasyon na maiwasan ang anumang uri ng krimen at masiguro ang kaligtasan ng mga motoristang bumabaybay sa mga naturang kalsada.

Sa isinagawang operasyon, sinita ang mga naka-illegal parking, obstruction, at ilang vendors na nakahambalang sa kalsada at bangketa. Ang ilan sa mga ito ay nabigyan ng kaukulang ticket dahil sa paglabag sa umiiral na batas trapiko at mga ordinansa ng lungsod.

Nagpaabot naman ng pasasalamat si PCPT Atendido sa QC Task Force Disiplina dahil sa patuloy na pakikiisa at pagtugon sa kanilang mga operasyon.

Mayo 13, 2026, bandang alas-8:31 ng umaga - Bilang bahagi ng pagpapatupad ng mga lokal na ordinansa ng Lungsod Quezon, nagsagawa ng pag-iikot at pagbabantay ang QC Task Force Disiplina kasama ang QC Hall Police Detachment na sina PSSg Andres at PCpl Perez sa Suzuaregue Street kahabaan ng Commonwealth Avenue, Brgy. Matandang Balara.

Sa nasabing lugar, may namataang ilang motorista at apat na sasakyan na lumabag sa batas trapiko tulad ng counterflow, no helmet, at paglabag sa Children's Safety on Motorcycles Act. Ang mga ito ay pinara at pinatabi, at maayos na ipinaliwanag sa kanila ang kani-kanilang paglabag. Matapos maunawaan ang mga paglabag, binigyan sila ng UOVR tickets alinsunod sa umiiral na ordinansa at batas trapiko ng Lungsod Quezon.

Matapos ang isinagawang pag-aaksyon, naging maayos ang lugar at bumuti ang daloy ng trapiko sa Suzuaregue Street kahabaan ng Commonwealth Avenue.

Patuloy sa pagpapatupad ng batas trapiko ang tauhan ng QC Task Force Disiplina Team-C643 katuwang si PSsg.Hagid, mula QCPD Police Detachment. ang kahabaan Ng kalye ng Congressional Road sakop ng BRGY Bahay toro alas-8:00 ng umaga, mahigpit tinutukan ng grupo ang kalye ng Congressional Road, lahat ng Nakitaan may paglabag sa batas trapiko mga motorista pinara pinatabi at pinaunawa sa mga ito ang kahalagahan ng pag-gamit ng safety helmet tuwing bumabaybay sa pangunahin kalsada malapit man oh malayo maging ligtas sa pupuntahan.

Bilang kaakibat sa paglabag sa Motorcycle Helmet Act of 2009 ay sinuri ang driver's license ng mga nasitang motorista na walang suot na helmet ang drayber o angkas tsaka binigyan ng Unified Ordinance Violation Receipt (UOVR) ticket na may karampatang multa. Ayun sa kanilang nilabag na batas trapiko.

Nagtungo ang mga kawani ng QC Task Force Disiplina sa QCPD Police Station 5 upang makiisa sa isinagawang Oplan Galugad/Bulabog sa nasasakupan ng Brgy. Sta. Lucia. Layunin ng operasyon na mapanatili ang kaayusan at seguridad sa komunidad, gayundin ang mahigpit na pagpapatupad ng mga batas trapiko at lokal na ordinansa.

Matapos ang maikling briefing na pinangunahan ni PMAJ Eliseo R. Oares Jr., agad na nagsagawa ang pinagsanib na pwersa ng foot patrol sa mga pangunahing kalsada at kanto sa Brgy. Sta. Lucia, kabilang ang kahabaan ng J.P. Rizal at Jose Abad Santos.

Sa isinagawang pag-iikot, may ilang motorista na nasita dahil sa paglabag sa mga batas trapiko. Maayos silang pinatabi, ipinaliwanag ang kani-kanilang paglabag, at sinuri ang kanilang mga dokumento. Pansamantalang hiniram ang kanilang driver’s license upang maisyuhan ng UOVR ticket.

Isinagawa ang Oplan Sita sa Sto. Cristo St. corner Ilocos Sur, Brgy. Sto. Cristo sa pangunguna ng QCPD Police Station 15, katuwang ang Task Force Disiplina Alert Team.

Sa naturang operasyon, pinara ang mga dumadaang motorista upang suriin ang kanilang kaukulang dokumento tulad ng OR/CR at lisensya. May ilan ding natukoy na lumabag sa mga batas trapiko, kabilang ang hindi pagsusuot ng helmet at overloading, na may kaukulang multa alinsunod sa umiiral na ordinansa. Ang mga lumabag ay inisyuhan ng UOVR at pinaalalahanan tungkol sa kahalagahan ng pagsunod sa mga batas trapiko upang matiyak ang kaligtasan sa kalsada.

Layunin ng isinagawang Oplan Sita na mapanatili ang disiplina sa kalsada at masiguro ang kaligtasan ng lahat ng motorista at QCitzens.

Nagsagawa ng foot patrol ang QC Task Force Disiplina sa kahabaan ng Quirino Highway, Barangay Novaliches Proper, katuwang sina PSSg Persigas, PCpl Esteban, at PCpl Leocadio mula sa hanay ng kapulisan. Layunin ng operasyon na tiyakin na walang sagabal o obstruction sa mga bangketa upang maging maayos at ligtas ang pagdaan ng mga pedestrian.

Matapos nito, nagtungo ang grupo sa Austria Street, Gen. Luis Street, at Buenamar Street sa Barangay Novaliches Proper upang ipagpatuloy ang pagpapatupad ng mga ordinansa ng Lungsod Quezon. Ang mga lumabag ay mahinahong pinaliwanagan kaugnay ng kanilang paglabag sa batas-trapiko at mga alituntunin ng lungsod upang mapanatili ang kaayusan at kaligtasan sa lansangan.

Umalalay sa daloy ng trapiko ang QC Task Force Disiplina sa V. Luna Road corner Anonas Extension, Brgy. Sikatuna Village, kasama si PCpl. Custondio ng QCPD-QCHPD at mga tauhan ng Sector 3 Camp Karingal Traffic Department na sina PMSG Giron, PMSG Agasano, at PMSG Arevalo, upang matiyak ang kaayusan at kaligtasan ng mga motorista at pedestrian sa lugar.

Mahigpit na ipinatupad ang mga batas trapiko tulad ng “No Left Turn” at “No Right on Red Signal.” Pinara rin ang mga motoristang lumabag gaya ng walang suot na safety helmet, overloading, at mga motorsiklong walang side mirror. Pinayuhan ang mga ito at inisyuhan ng UOVR na may kaukulang multa ayon sa kanilang paglabag.

Patuloy ding nagbibigay prayoridad ang grupo sa mga emergency vehicle upang hindi maantala ang pagdadala ng mga pasyente sa pagamutan.

Tradisyunal na pagtataas ng watawat, ngayong Lunes, Mayo 11, 7:30 ng umaga sa Quezon City Hall Risen Garden Complex na dinaluhan ng hanay ng QC Task Force Disiplina sa pamumuno ni Action Officer Mr. Deck A. Pelembergo. Ang seremonya ay pinangunahan ni Mayor Joy Belmonte kasama si District 1 Coun. Charm Ferrer at mga kapwa nito konsehal ng bawat distrito at Ms. Mona Celine Marie V. Yap, Head of Small Business and Cooperatives Development and Promotions. Dumalo rin ang department heads, action officers at mga empleyado ng lokal na pamahalaan, sama samang nagbigay galang sa pagtataas ng watawat at ipinakita ang pagkakaisa at dedikasyon bilang mga lingkod bayan.

Lunes, ika-11 ng Mayo 2026, bandang alas-7:30 ng umaga, dumalo ang hanay ng QC Task Force Disiplina Team Charlie 16 sa isinagawang Flag Raising Program ng Barangay Bagong Silangan. Ang seremonya ay pinangunahan ni Punong Barangay Kap. Wilfredo "W***y" Cara, kasama ang kayang mga Kagawad at buong konseho ng naturang barangay.

Sa nasabing programa, Sabay-sabay na nagbigay galang sa pagtataas ng watawat ang mga dumalong lingkod-bayan bilang pagpapakita ng pagkakaisa, disiplina at pagmamahal sa bayan.

Matapos ang seremonya, nagpatuloy ang bawat kawani sa kanilang tungkulin upang higit na mapalakas ang serbisyong publiko tungo sa pagpapanatili ng kapayapaan at kaayusan sa komunidad.

‎
‎Nakiisa ang 𝗤𝗖 𝗧𝗮𝘀𝗸 𝗙𝗼𝗿𝗰𝗲 𝗗𝗶𝘀𝗶𝗽𝗹𝗶𝗻𝗮 sa isinagawang 𝗢𝗽𝗹𝗮𝗻 𝗚𝗮𝗹𝘂𝗴𝗮𝗱/𝗕𝘂𝗹𝗮𝗯𝗼𝗴 ng 𝗤𝗖𝗣𝗗 Novaliches Police Station 3 sa Brgy. Sangandaan sa pangunguna ni PLT. Harvey Mercado, kasama ang mga BPSO ng barangay. Sa pagpapatrolya sa Insurance St., may mga naabutang umiinom ng alak sa pampublikong lugar na agad sinita, pinayuhan, at binigyan ng OVR kaugnay ng paglabag sa ordinansa laban sa pag-inom ng alak sa pampublikong lugar. Layunin ng operasyon na mapanatili ang kaayusan, disiplina, at seguridad sa komunidad.