11/09/2026
Medical Mission sa Barangay Gulod
Sa pagpapatuloy ng mga serbisyong medikal na inihahandog sa mamamayan ng Barangay Gulod, maglulunsad po ng medical mission ang Life Saver Medical Services kung saan magkakaroon ng libreng konsulta (check-up), libreng gamot, at libreng laboratory tests ang lahat sa Holy Child Academy darating na Sabado, Setyembre 19, 2026 mula 8:00AM hanggang 12:00NN.
Sa mga nakarehistro na sa Life Saver Medical Services at lumahok sa ating mga medical mission o preregistration nitong nakaraang mga buwan, maaari na po kayong tumungo sa ating medical caravan. Dalhin lamang ang inyong PhilHealth ID at ipakita ang screenshot mula sa eGovPH app na kayo ay nakarehistro na sa Life Saver Medical Services sa anumang branch nito.
Sa mga nakarehistro na sa Life Saver Medical Services ngunit hindi pa sumasailalim sa First Patient Encounter (FPE) at medical consultation, maaari na rin po kayong tumungo sa medical mission upang makakuha ng libreng konsulta, gamot, at laboratory tests. Dalhin lamang ang PhilHealth ID at ipakita ang screenshot mula sa eGovPH app na kayo ay rehistrado na sa Life Saver Medical Services.
Sa mga nakarehistro sa ibang YAKAP clinic, maaari pa rin kayong tumungo sa ating medical caravan upang makakuha ng libreng check-up nginit ang inyong mga gamot at laboratory tests ay manggagaling pa rin sa inyong kasalukuyang YAKAP provider. Gayumpaman, maaari kayong makakuha ng libreng gamot kung kayo ay may reseta mula sa inyong kasalukuyang YAKAP clinic na tinatawag na PhilHealth GAMOT Prescription na may Unique Prescription Security Code (UPSC) na ipapakita sa doktor.
Sa mga hindi pa nakarehistro sa PhilHealth YAKAP at wala pang napipiling YAKAP provider, maaari po kayong magparehistro po kayo sa eGovPH app o sa PhilHealth Local Health Insurance Office (LHIO) Fairview bago tumungo sa medical mission. Sa pagpaparehistro sa eGovPH app, magdownload at magregister sa eGovPH app, hanapin ang PhilHealth Member Portal, at piliin ang Life Saver Medical Services Zabarte bilang inyong YAKAP clinic. Samantala, maaari rin pumunta sa PhilHealth LHIO Fairview upang magparehistro sa Life Saver Medical Services bilang YAKAP provider at punan ang Primary Care Selection Form (PCSF) sa kanilang tanggapan.
Sa mga nais lumipat sa Life Saver Medical Services bilang YAKAP clinic upang maalagaan at matutukan namin ang inyong kalusugan, tumungo lamang sa PhilHealth LHIO Fairview upang magpapalit ng YAKAP provider at piliin ang Life Saver Medical Services Zabarte. Ang pagpapalit ng YAKAP clinic ay maaaring iproseso mula Oktubre hanggang Disyembre ngayong taon at magiging epektibo sa Enero ng susunod na taon.
Muli, ang medical caravan ay magaganap sa Holy Child Academy sa Sabado, Setyembre 19, 2026 mula 8:00AM hanggang 12:00NN. Para sa mga nais magpalista, magpadala lamang ng mensahe kay Jop Serrano
