BFAR - Special Area for Agricultural Development Program

𝐍𝐞𝐰𝐬 𝐑𝐞𝐥𝐞𝐚𝐬𝐞 | National Fisherfolk Director Dario Pedong Nagpahayag ng Pasasalamat sa BFAR‑SAAD

“Sa SAAD, ang mga pangako ay tinutupad—maraming salamat po.”

Ito ang taos‑pusong pahayag ng kasalukuyang National Fisherfolk Director, Mr. Dario M. Pedong, nang bumisita siya kahapon sa opisina ng Bureau of Fisheries and Aquatic Resources – Special Area for Agricultural Development (BFAR‑SAAD) upang ipahayag ang kanyang pasasalamat sa ahensya, na naging mahalagang katuwang sa kanilang paglalakbay tungo sa mas maunlad na pamumuhay.

Si Mr. Pedong ay benepisyaryo ng BFAR‑SAAD Program Phase II at kasalukuyang nagsisilbing Presidente ng Hinablan Farmers and Fishermen’s Association (HiFaFiSa) sa Central Visayas.

Noong Mayo 4, 2026, siya ay nanumpa bilang National Fisherfolk Director sa isinagawang Mangingisdang Direktor Turnover Ceremony sa BFAR Central Office, Quezon City. Ang naturang seremonya ang nagsilbing opisyal na pagbubukas ng Buwan ng Magsasaka at Mangingisda 2026.

Sa patuloy na paglalakbay ng sektor ng pangisdaan, nananatiling katuwang ang BFAR‑SAAD Program sa pagtupad ng pangako ng mas maunlad na buhay para sa mga mangingisda. Pangunahing layunin ng programa na ihatid ang mga benepisyaryong mangingisda tungo sa ganap na community‑based enterprises (CBEs).

Fan is tastic ang end goal ng Program, ang gabayan ang mga mangingisdang Pilipino tungo sa Community-Based Enterprises (CBEs).

Kabog? ikyk 💅💅💯💯

𝐅𝐞𝐚𝐭𝐮𝐫𝐞 𝐑𝐞𝐥𝐞𝐚𝐬𝐞 | ‘FISH’ Yields ₱1.7M Gross Sales from Four Tilapia Cropping in Benguet

The Fisherfolk of Sablan Highlands (FISH) in Benguet earned ₱1.7 million gross sales from their tilapia‑in‑ponds project under the Bureau of Fisheries and Aquatic Resources - Special Area for Agricultural Development (BFAR‑SAAD) Program Phase II. Their success across four cropping cycles highlights aquaculture as a sustainable livelihood for the community.

𝐍𝐞𝐰𝐬 𝐑𝐞𝐥𝐞𝐚𝐬𝐞 | KitNaFiA Kumita ng ₱6,340 sa Urawa Masbate Trade Fair

Ibinida ng Kitang Nabangig Fisherfolk Association (KitNaFiA) ang kanilang mga fish value-added products tulad ng dried fish, home-made fish lumpia, at fishball sa Urawa Masbate Trade Fair, tampok sa Ika-30 Rodeo Festival.

Sa kanilang partisipasyon, nakalikom ang samahan ng ₱6,340 bilang kita—patunay na ang ganitong aktibidad ay nagpapalakas sa layunin ng programa na magtatag ng Community-Based Enterprises (CBEs) para sa mga mangingisdang Pilipino.

𝐍𝐞𝐰𝐬 𝐑𝐞𝐥𝐞𝐚𝐬𝐞 | BTFA, Kumita ng ₱64K mula sa 422 Kilo ng Tilapia Harvest sa Ilocos Sur

Nakapag-ani ng 422 kilo ng sariwang tilapia ang Banat Taleb Fisherfolk Association (BTFA) sa Brgy. Taleb, Ilocos Sur, na nagresulta sa ₱64,320 na kabuuang benta na naitala ng asosasyon. Ito ay patunay ng patuloy na paglago ng kanilang kabuhayan sa ilalim ng suporta ng Bureau of Fisheries and Aquatic Resources – Special Area for Agricultural Development (BFAR-SAAD) Program Phase II.