BAYAN MUNA Partylist

Home
Philippines
Quezon City
BAYAN MUNA Partylist

Directions Website

Sa isip, salita, at sa gawa, Bayan Muna!

Guided by our shared commitment and principles, conscious of the lessons of our past and the requirements of building a truly sovereign and democratic present and future, we affirm the following objectives –

• To establish a democratic, nationalist and popular government by empowering the people, ensuring their representation and participation in all levels of government decision-making.

• To assert national sovereignty and independence and protect the national patrimony from foreign domination and control.

• To promote a self-reliant and sustainable socio-economic development through the integrated programs of genuine land reform, national industrialization and protection of the environment.

• To uphold and protect the people’s basic human rights and freedoms and ensure justice for all victims of human rights violations.

• To improve the social and economic welfare of workers, peasants and other marginalized sectors by providing a comprehensive and progressive program in basic social services and livelihood.

• To promote a national culture that is progressive, patriotic, scientific and popular and develop research and development in science and technology.

• To guarantee the right to self-determination of the Bangsa Moro, Cordillera and other indigenous peoples and ensure their participation in all matters that directly affect them.

• To remove all forms of gender oppression and discrimination against women and promote their full involvement in national affairs and other fields of endeavor.

• To advance a national comprehensive policy on peace negotiations to address decisively the root causes of the prolonged armed conflict that has historically beset our country.

• To foster a just policy of international relations that is independent, peace-oriented and mutually beneficial to our integrity, security and prosperity as a nation.

#

26/10/2026

KATARUNGAN PARA SA MGA BIKTIMA NG DRUG WAR, IPANAGUTAN!

Iginiit ni Bayan Muna Chairperson Atty. Neri Colmenares na may legal na obligasyon pa rin ang Pilipinas na makipagtulungan sa International Criminal Court (ICC), sa kabila ng pagkalas nito sa Rome Statute, batay sa mga probisyon ng Republic Act No. 9851 at sa mga obligasyong umiiral kaugnay ng pagkalas.

Tinutulan din ni Colmenares ang paghingi ng tulong sa ibang bansa para madakip si Sen. Bato dela Rosa, na aniya ay nagpapakita ng kahinaan ng mga institusyon ng bansa. Mariin din niyang tinutulan ang anumang “shoot-to-kill” na utos, at iginiit na dapat pairalin ang batas at due process.

Hindi dapat manaig ang impunidad. Kailangang magkaroon ng malinaw at epektibong mekanismo upang matiyak ang pananagutan at makamit ang katarungan para sa mga biktima ng madugong giyera kontra droga.

Ang panawagan: panagutin ang mga responsable sa mga paglabag sa karapatang pantao.

📺 ANC NEWS / ABS-CBN News

25/10/2026

𝗠𝗨𝗟𝗜𝗡𝗚 𝗣𝗔𝗚𝗟𝗜𝗟𝗜𝗡𝗔𝗪 𝗦𝗔 𝗦𝗔𝗟𝗜𝗧𝗔𝗡𝗚 “𝗟𝗨𝗠𝗔𝗗”: 𝗞𝗢𝗟𝗘𝗞𝗧𝗜𝗕𝗢𝗡𝗚 𝗣𝗔𝗚𝗞𝗔𝗞𝗔𝗞𝗜𝗟𝗔𝗡𝗟𝗔𝗡, 𝗛𝗜𝗡𝗗𝗜 𝗣𝗔𝗡𝗚𝗛𝗔𝗛𝗔𝗧𝗜.

Pahayag ni dating Bayan Muna Rep. Eufemia Cullamat

Bago pa man dumating ang mga kolonyalista sa ating bansa, narito na ang mga katutubo—may kani-kaniyang wika, kultura, tradisyon, pagkakakilanlan, at sariling ugnayan sa kanilang mga lupang ninuno.

Ang salitang Lumad ay salitang Bisaya na tumutukoy sa katutubo. Isa itong kolektibong katawagan para sa 18 pangkat etnolingguwistiko sa Mindanao. Hindi ito nilikha upang burahin ang pagkakaiba-iba ng aming mga identidad, lalong hindi upang pag-awayin o pagwatak-watakin ang aming mga komunidad.

Sa halip, ang paggamit sa salitang Lumad ay nakaugat sa mahabang kasaysayan ng aming pakikibaka laban sa diskriminasyon, pagyurak sa aming mga karapatan, pangangamkam sa aming mga lupang ninuno, at pandarambong sa likas na yaman ng aming mga komunidad. Ito ang mga tunay na suliraning patuloy naming kinakaharap at nangangailangan ng makabuluhang tugon.

Kinikilala namin na ang bawat pangkat ng mga katutubo ay may natatanging pangalan, wika, kultura, tradisyon, at kasaysayan na dapat igalang at pangalagaan. Ngunit ang pagkakaroon ng kolektibong katawagan ay hindi nangangahulugang binubura nito ang aming mga pagkakaiba. Maaari naming kilalanin ang aming sari-sariling identidad habang nagkakaisa sa pagtatanggol sa aming mga karapatan.

Ang tunay na usapin ay hindi kung dapat bang gamitin ang salitang Lumad, kundi kung paano tunay na igagalang at poprotektahan ang karapatan ng mga katutubo sa kanilang identidad, sariling pagpapasya, at lupang ninuno.

Mariin naming tinututulan ang mga proyektong sumisira sa aming mga lupang ninuno, kabilang ang pagmimina, pagtotroso, pagtatayo ng mga dam, mga proyektong pang-enerhiya, at iba pang mapanirang proyektong nagtataboy sa mga katutubo mula sa kanilang mga komunidad.

Para sa amin, ang lupang ninuno ay hindi lamang lupa. Ito ang aming buhay at tahanan. Dito nakaugat ang aming kasaysayan. Dito nanirahan ang aming mga ninuno. Dito namin ipinagpapatuloy ang aming kultura, nagtatanim ng aming pagkain, at hinuhubog ang kinabukasan ng aming mga anak.

Ang ilog ay hindi lamang pinagkukunan ng tubig. Ang kagubatan ay hindi lamang pinagkukunan ng troso. Ang bundok ay hindi lamang deposito ng mineral. Ang mga ito ay bahagi ng aming buhay, kultura, at pagkakakilanlan.

Kapag nasira ang kagubatan, nadumihan ang ilog, nawala ang sakahan, o ipinagkait sa amin ang paggamit at pangangalaga sa aming lupang ninuno, hindi lamang kabuhayan ang nawawala. Bahagi ng aming pagkatao, kasaysayan, at kinabukasan ang nanganganib na mabura.

Hindi namin itinatanggi ang pangangailangan sa pag-unlad. Ngunit kailangang itanong: Pag-unlad para kanino? Pag-unlad sa anong halaga? At sino ang may kapangyarihang magpasya?

Kung ang isang proyekto ay nangangailangan ng aming lupa o makaaapekto sa aming kabuhayan at komunidad, nararapat lamang na marinig ang aming tinig at igalang ang aming pasya. Dapat kaming magkaroon ng sapat, malinaw, at nauunawaang impormasyon tungkol sa mga epekto nito.

Ito ang diwa ng Free, Prior and Informed Consent o FPIC—ang malaya, pauna, at may sapat na kaalamang pahintulot ng mga katutubo, alinsunod sa aming mga karapatan sa ilalim ng batas. Hindi dapat kami ang huling nakaaalam sa mga proyektong itatayo sa aming lupang ninuno. Hindi dapat basta na lamang kaming paalisin dahil may mga interes na nais makinabang sa aming lupain. Hindi dapat ang kaunlaran ng iilan ay mangahulugan ng pagkawala ng tahanan, kabuhayan, at kinabukasan ng aming mga komunidad.

Mayroon tayong mga batas na kumikilala sa karapatan ng mga katutubo, kabilang ang Indigenous Peoples’ Rights Act o IPRA. Ngunit hindi sapat ang pagkakaroon ng batas kung hindi naman naipatutupad ang mga proteksiyong ipinangako nito.

Ang tunay na sukatan ay kung ligtas ba ang aming mga lupang ninuno; kung may sapat na edukasyon at serbisyong pangkalusugan ang aming mga anak; kung may disenteng kabuhayan ang aming mga komunidad; kung napoprotektahan ang aming mga lider at tagapagtanggol ng karapatang pantao; kung iginagalang ang aming kultura, wika, at tradisyon; at kung may tunay kaming kapangyarihang makilahok sa mga desisyong direktang nakaaapekto sa aming buhay.

Sa huli, ang pagkilala sa aming pagkakakilanlan ay dapat kaakibat ng pagkilala sa aming mga karapatan. Hindi maaaring ipagdiwang ang aming kultura habang inaagaw ang aming lupa. Hindi maaaring sabihing ipinagtatanggol ang aming karapatan habang isinasantabi ang aming tinig at sariling pagpapasya.

Ang pagkakaisa ay hindi pagbura sa ating pagkakaiba. Ang tunay na pagkakaisa ay pagkilala, paggalang, at pagtatanggol sa karapatan ng bawat pangkat ng mga katutubo.

Bilang mga katutubo at tagapangalaga ng aming mga lupang ninuno, naninindigan kami para sa karapatan sa sariling pagpapasya, pagtatanggol sa aming mga teritoryo, at pangangalaga sa kalikasan. Pananagutan nating lahat na pangalagaan ang ating Inang Kalikasan at ang iisang tahanang pinagsasaluhan nating lahat.

Ipaglaban ang karapatan ng mga katutubo! Igalang ang aming pagkakakilanlan! Lupang ninuno, ipagtanggol!

24/10/2026

PAGBATI KAY DATING CONG. FRANCE CASTRO SA GAWAD BAYANI NG KALIKASAN!

Pagbati kay dating Cong. France Castro ng Alliance of Concerned Teachers-Philippines sa pagkilala sa pamamagitan ng Gawad Bayani ng Kalikasan, bilang pagpupugay sa kanyang pakikiisa sa pagtatanggol sa karapatan ng mga katutubo, partikular sa pakikibaka ng Talaingod 13. Kasama rin niyang tumanggap ng parangal si dating Bayan Muna Rep. Satur Ocampo.

Ang pagkilalang ito ay paalala sa patuloy na paninindigan para sa karapatan ng mga batang Lumad sa edukasyon, kaligtasan, at kinabukasan, gayundin sa pagtatanggol sa lupang ninuno, kultura, at karapatan ng mga katutubo.

Ang pakikibaka ng Talaingod 13 ay bahagi ng mas malawak na panawagan para sa hustisya, karapatang pantao, at pagkilala sa karapatan ng mga katutubo sa sariling pagpapasya.

Mabuhay ang mga tagapagtanggol ng kalikasan at karapatan ng mga katutubo! Mabuhay ang pakikibaka para sa hustisya at kalayaan!

📸 Gawad Bayani ng Kalikasan

24/10/2026

Sabi ni Catamco, "Our distinct identities disappear under one generalized label: Lumad. What troubles me even more is when this happens in the name of defending our rights."

Sagot diyan ni Eufemia Cullamat, isang Manobo at matagal nang nakikibaka para sa karapatan ng mga Katutubo, "Ang salitang Lumad ay hindi itinakda ng sinuman, kundi bunga ng pakikibaka ng mga iba't ibang pangkat laban sa diskriminasyon."

Palalimin natin.

Ang Lumad ay kolektibong katawagan sa mga Katutubong mamamayan sa Mindanao. Hindi nito binubura o pinapawalang-bisa ang natatanging pagkakakilanlan ng bawat tribu o pangkat etnolingguwistiko.

Mali ang pahayag ni Catamco na walang sinuman ang may karapatang tumawag sa mga Katutubo bilang Lumad. Hindi naman basta itinakda ng iisang tao o grupo ang katawagang ito. Hinubog ito ng kasaysayan at pakikibaka ng mga Katutubo laban sa diskriminasyon at pang-aapi.

Niyakap at binawi ng mga Katutubo ang katawagang Lumad na mayroong negatibong kahulugan at ginawa itong sagisag ng pagkakaisa ng mga Katutubong mamamayan sa Mindanao.

Katulad ng "Igorot" at "Mangyan" at iba pa, "Lumad ay naging mahalagang katawagan sa kolektibong pagkakakilanlan at pakikibaka. Pinasikat ito ng kilusan ng mamamayan bilang bahagi ng pagsusulong ng pagkakaisa ng mga Katutubo at ng kanilang karapatan sa sariling pagpapasya.

Ang pahayag ni Catamco ay isang pagtatangkang siraan ang naging papel ng pakikibaka ng Katutubong mamayan. Hindi bago ang ganitong pag-atake. Maging si NCIP Commissioner Gaspar Cayat ay nag-red-tag sa mga katawagang ginagamit ng mga Katutubo, at iniugnay ang mga ito sa terminolohiya umano ng CPP-NPA.

Ang pagkakaisa ay hindi nangangahulugang pagbura sa pagkakaiba-iba ng mga pangkat. Bahagi ng ating kultura ang kolektibong pagpapasya at pagdedesisyon.

Patuloy na nanganganib ang pagkakakilanlan, kultura, at kabuhayan ng mga Katutubo habang kinakamkam ang ating mga lupang ninuno at dinarambong ang likas na yaman sa pamamagitan ng malalaking minahan, dam, at iba pang mapanirang proyekto. Hindi ang katawagang Lumad ang nagbabanta sa ating pagkakakilanlan, kundi ang mga puwersang nagtataboy sa atin mula sa ating mga lupang ninuno at nagkakait sa atin ng karapatang magpasya para sa ating mga komunidad.

Walang sinumang politiko ang may monopolyo sa pagpapasya kung anong katawagan ang maaaring yakapin ng mga Katutubo para sa kanilang sarili. Ang pagkakakilanlan ay hindi dapat itinatakda ng mga nasa kapangyarihan, kundi kinikilala at ipinaglalaban ng mga mamamayang nagmamay-ari nito.

24/10/2026

BAYAN MUNA, KAISA SA LABAN NG PAMBANSANG MINORYA PARA SA SARILING PAGPAPASYA!

Nakiisa si dating Bayan Muna Representative Eufemia Cullamat sa National Minority Fair na inorganisa ng KATRIBU sa Polytechnic University of the Philippines (PUP). Nagbahagi si Ka Femia ng diskusyon hinggil sa kalagayan ng mga Lumad sa Mindanao at ng mga bilanggong politikal. Kasama rin sa aktibidad si Amirah Lidasan, na nagtalakay sa kalagayan at pakikibaka ng mamamayang Moro.

Nakiisa rin ang mga kapatid nating Ayta upang ipaliwanag sa mga estudyante ang mga posibleng epekto ng Pax Silica sa mga katutubo at pambansang minorya, lalo na sa kanilang lupang ninuno, kabuhayan, karapatan, at karapatan sa sariling pagpapasya.

Sa paggunita ng Buwan ng mga Katutubo, mahalagang ilantad ang mga usaping direktang nakaaapekto sa buhay at kinabukasan ng mga pambansang minorya. Ang kanilang mga lupang ninuno ay hindi dapat isakripisyo sa mga proyektong maaaring magdulot ng pangangamkam ng lupa, pagpapalayas, at pagkasira ng kalikasan.

Kaisa ang Bayan Muna sa pakikibaka ng mga Lumad, Moro, Ayta, at iba pang pambansang minorya para sa karapatan, lupaing ninuno, kultura, at tunay na sariling pagpapasya!

Ipagtanggol ang lupang ninuno!
Junk Pax Silica!
Igalang ang karapatan ng mga pambansang minorya!

22/10/2026

Makabayan representatives were the only House members who voted against the unconstitutional 2024 and 2025 General Appropriations Acts (GAAs).

During the deliberations on the 2024 and 2025 national budgets, the Makabayan bloc (Kabataan Partylist, Gabriela Women’s Party, and ACT Teachers Partylist) consistently voted NO to pork barrel schemes and budget insertions that fund the flood control projects and enable corruption and political patronage.

The recent Supreme Court ruling declaring the budget additions unconstitutional underscores the importance of standing firm against questionable budget allocations and defending public funds from abuse.

Makabayan stood against pork barrel and illegal insertions of Unprogrammed Appropriations then. However. the fight for accountability and a people-centered national budget continues.

21/10/2026

🎉 MALIGAYANG KAARAWAN, DR. RONNIE LESACA!

Isang mainit na pagbati ng maligayang kaarawan kay Dr. Ronnie Lesaca, Chairman Emeritus ng Bayan Muna!

Maraming salamat sa inyong dedikasyon, paglilingkod, at patuloy na ambag sa pagsusulong ng kapakanan ng mamamayan. Nawa'y manatiling inspirasyon ang inyong buhay at paglilingkod sa patuloy na pakikibaka para sa katarungan, demokrasya, at tunay na pagbabago sa lipunan.

Mabuhay kayo, Dr. Ronnie Lesaca! Hangad namin ang inyong mabuting kalusugan, lakas, at mas marami pang taon ng makabuluhang paglilingkod sa bayan.

21/10/2026

𝗕𝗔𝗬𝗔𝗡 𝗠𝗨𝗡𝗔 𝗦𝗨𝗣𝗣𝗢𝗥𝗧𝗦 𝗦𝗖 𝗗𝗘𝗖𝗜𝗦𝗜𝗢𝗡 𝗧𝗢 𝗥𝗘𝗚𝗨𝗟𝗔𝗧𝗘 𝗨𝗡𝗣𝗥𝗢𝗚𝗥𝗔𝗠𝗠𝗘𝗗 𝗔𝗣𝗣𝗥𝗢𝗣𝗥𝗢𝗣𝗥𝗜𝗔𝗧𝗜𝗢𝗡𝗦: 𝗖𝗮𝗹𝗹𝘀 𝗳𝗼𝗿 𝗮𝗰𝗰𝗼𝘂𝗻𝘁𝗶𝗻𝗴 𝗼𝗳 𝘁𝗵𝗲 𝟮𝟬𝟮𝟰, 𝟮𝟬𝟮𝟱 𝗮𝗻𝗱 𝟮𝟬𝟮𝟲 𝗨𝗔 𝗲𝘅𝗽𝗲𝗻𝗱𝗶𝘁𝘂𝗿𝗲𝘀
(𝗢𝗰𝘁𝗼𝗯𝗲𝗿 𝟮𝟭, 𝟮𝟬𝟮𝟲)

Former Bayan Muna Congressman Neri Colmenares today expressed support for the Supreme Court decision which issued the constitutional parameters to regulate the unprogrammed appropriation and the powers of the Bicameral Committee (BICAM) in the budgetary process, which was one of the reliefs prayed for by Bayan Muna in its Philhealth petition in 2024.

Bayan Muna, as early as in its 2013 petition against the pork barrel and DAP, have long sought the elimination of inordinate lump sums in the budget and we are glad that the Supreme Court has decreed its abolition in unprogrammed appropriations (UA). In the 2024 Bayan Muna petition on the Philhealth issue and unprogrammed appropriation, we have also argued against insertions of the BICAM committee of Php 449 billion in the 2024 UA because it increased the Php 281 billion UA budget submitted by the President violating the constitutional prohibition against increasing the budget of the president. The SC decision struck a blow against these kinds of insertions by the BICAM that essentially bloats the budget deficit to fund the pork barrel projects of members of Congress” said former Bayan Muna congressman Neri Colmenares.

We have also long questioned the budget provisions which triggers hundreds of billions in UA spending merely because there is an excess revenue in “any one” of the non-tax revenues which are of miniscule amounts. We have argued before the SC during the oral arguments that UA is not a standby fund, contrary to government claim. We mentioned during the oral arguments that in 2019 Php 9 billion in UA funds were spent as early as March, another Php 21 billion spent in March 2020, and Php 89 billion in March 2022 during the time of Pres. Rodrigo Duterte. It worsened in 2023 under Pres. Ferdinand Marcos where Php 13 billion UA funds were spent as early as January and another Php 98 billion spent on February which shows that Unprogrammed Appropriations are not stand-by funds as these were being spent simultaneously with the Programmed Appropriations. A total of Php 71 billion UA funds were spent in 2019, Php 192 billion in 2020, Php 122 billion in 2021, Php 183 billion in 2022 and Php 332 billion in 2023, further increasing the budget deficit and the national debt of the Filipino people. There must be some accountability here not only on the part of members of Congress but also Pres. Duterte and Pres. Marcos.

Bayan Muna calls for the accounting of the expenditures in the 2024, 2025 and 2026 UA before declaring these expenditures as irreversible and covered by the operative fact doctrine.

We regret that the Court immediately declared the questioned budgets covered by operative fact doctrine which means that funds irreversibly spent can no longer be recovered. We ask the Court, however, to order the respondent government to still submit all expenditures of these UA spending to the Court for accounting as to which of these hundreds of billions of projects may still be recovered by the people. Should this be done, parties to the cases against the 2024, 2025 and 2026 GAA like Bayan Muna will also have access to the UA spending items so we can scrutinize these and ferret out those responsible for irregularities. After all, the Court declared that the operative fact doctrine does not absolve the authors, proponents and implementors of these projects from criminal, civil and administrative liability, said Colmenares.

The battle for budget reforms and the holding to account those responsible for stealing public funds is not over. The people need to press further, now that we have some gains in the recent Supreme Court decision. Bayan Muna warns the government officials that we will continue to monitor their corruption and we will file the necessary cases in order to check corruption in government and the institutional abuse in the budgetary process by both the executive and the legislative branch, "concluded Colmenares. # # #

21/10/2026

PAANO NAGING LABAG SA KONSTITUSYON?

Bakit idineklara ng Korte Suprema na unconstitutional ang ilang probisyon ng 2024 at 2025 General Appropriations Act (GAA)?

Sa panayam ng TV5 News, ipinaliwanag ni Bayan Muna Chairman Atty. Neri Colmenares ang mga batayan sa likod ng desisyon ng Korte Suprema at kung bakit mahalagang tiyakin na ang pambansang badyet ay naaayon sa Konstitusyon.

Ang pambansang badyet ay pera ng taumbayan. Dapat itong gamitin nang naaayon sa batas, may pananagutan, at para sa kapakanan ng mamamayan.

Panoorin ang paliwanag ni Atty. Neri Colmenares upang higit na maunawaan ang usapin ng konstitusyonalidad ng pambansang badyet.

📸 TV 5 News

21/10/2026

LUPA SA MAGSASAKA AT KATUTUBO, HINDI SA PAX SILICA!

Nakiisa ang Bayan Muna sa kilos-protesta ngayong Araw ng mga Pesante upang muling igiit ang tunay na reporma sa lupa, ipanawagan ang pagtigil sa harassment at paninikil sa karapatan ng mga magsasaka at katutubo, at hilingin ang agarang solusyon sa krisis na dulot ng El Niño.

Kinondena rin ang korapsyon at mga patakarang inuuna ang interes ng dayuhan sa halip na kapakanan ng mamamayan. Pananagutin ang administrasyong Marcos Jr. at Duterte sa mga patakarang nagpapalala sa kahirapan at krisis na pasan ng taumbayan!

Mariing tinututulan ang Pax Silica na nagbubukas ng mga pangamba sa lupang ninuno, kabuhayan at karapatan ng mga komunidad. Hindi dapat isakripisyo ang lupa at kinabukasan ng mga magsasaka at katutubo para sa interes ng malalaking negosyo at dayuhang kapital.

Sa Araw ng mga Pesante, igiit ang tunay na reporma sa lupa, sapat na suporta sa agrikultura, agarang tugon sa El Niño, at paggalang sa karapatan ng mga nagbubungkal ng lupa!

LUPA SA NAGBUBUNGKAL!
ITIGIL ANG PANG-AAPI AT KORAPSYON!
LUPA SA MAGSASAKA AT KATUTUBO, HINDI SA PAX SILICA!

Address

Bayan Muna Headquarters, Block 25 Lot 34, Gabriela Silang Street , New Capitol Estates I, Batasan Hills
Quezon City
1126

Website

http://www.bayanmuna.com.ph/

Alerts

Be the first to know and let us send you an email when BAYAN MUNA Partylist posts news and promotions. Your email address will not be used for any other purpose, and you can unsubscribe at any time.

Want your organization to be the top-listed government service in Quezon City?

BAYAN MUNA Partylist

26/10/2026

25/10/2026

24/10/2026

24/10/2026

24/10/2026

22/10/2026

21/10/2026

21/10/2026

21/10/2026

21/10/2026

Address

Website

Alerts

Shortcuts

Share

Category

Listing takedown request