PCUP Luzon

𝐌𝐎𝐑𝐍𝐈𝐍𝐆 𝐏𝐑𝐀𝐘𝐄𝐑 | 1 June 2026

𝗖𝗔𝗣𝗔𝗕𝗜𝗟𝗜𝗧𝗬 𝗕𝗨𝗜𝗟𝗗𝗜𝗡𝗚 𝗣𝗥𝗢𝗚𝗥𝗔𝗠 | May 28, 2026

Nagsagawa ng Orientation on Empowerment and Reaffirmation of Paternal Abilities - Men Opposed to Violence Everywhere (ERPAT-MOVE) para sa mga miyembro ng South Morning View Phase 5 Homeowners Association sa Naic, Cavite bilang bahagi ng pagsusulong ng responsableng pagiging ama at aktibong pakikilahok ng kalalakihan sa pagpapaunlad ng pamilya at komunidad.

Binigyang-diin sa talakayan ang mahalagang papel ng mga ama at kalalakihan bilang haligi ng tahanan sa pagtataguyod ng pagmamahal, respeto, disiplina, at proteksyon sa loob ng pamilya. Tinalakay rin ang kahalagahan ng pagkakaroon ng ligtas at mapayapang tahanan na malaya sa anumang uri ng karahasan, gayundin ang responsibilidad ng bawat isa sa pagtataguyod ng gender sensitivity, pagkakapantay-pantay, at pangangalaga sa karapatan ng kababaihan at mga bata.

Naging resource speaker sa naturang aktibidad si Atty. Robert U. Bonifacio, Assistant Head ng PCUP-Legal Unit, na nagbahagi ng mahahalagang kaalaman hinggil sa responsibilidad ng mga magulang, legal na aspeto ng pangangalaga sa pamilya, at ang kahalagahan ng aktibong partisipasyon ng kalalakihan sa pagtataguyod ng ligtas, maayos, at makataong komunidad.

Sa pamamagitan ng ERPAT-MOVE, layunin ng programa na mahubog ang mga kalalakihan bilang mga responsableng lider ng tahanan at komunidad na may malasakit, pananagutan, at kakayahang maging positibong ehemplo tungo sa mas matatag, ligtas, at nagkakaisang lipunan.

𝗛𝗔𝗣𝗣𝗬 𝗙𝗥𝗜𝗗𝗔𝗬| May 29, 2026

Millennial Admin vs Gen Z Admin.

𝗖𝗔𝗣𝗔𝗕𝗜𝗟𝗜𝗧𝗬 𝗕𝗨𝗜𝗟𝗗𝗜𝗡𝗚 𝗣𝗥𝗢𝗚𝗥𝗔𝗠| May 24, 2026

Isinagawa ang pagsasanay na may pamagat na "Organizational Management" sa Aliaga, Nueva Ecija. Layunin ng aktibidad na mapalakas ang kaalaman at kakayahan ng mga kalahok sa maayos na pamamahala at pagpapatakbo ng kanilang organisasyon.

Tinalakay sa programa ang kahalagahan ng mahusay na pamumuno, tamang koordinasyon, at organisadong sistema upang higit na mapatatag ang samahan at maging epektibo sa pagpapatupad ng mga proyekto at programa para sa komunidad.

𝗖𝗔𝗣𝗔𝗕𝗜𝗟𝗜𝗧𝗬 𝗕𝗨𝗜𝗟𝗗𝗜𝗡𝗚 𝗣𝗥𝗢𝗚𝗥𝗔𝗠 | May 23, 2026

Nagsagawa ng pagsasanay sa “Basic Bookkeeping towards Effective Business Management” sa Aliaga, Nueva Ecija upang mapalawak ang kaalaman ng mga kalahok sa tamang pagtatala at pamamahala ng pananalapi para sa mas maayos na pagpapatakbo ng negosyo.

Tinalakay sa programa ang kahalagahan ng wastong bookkeeping, financial recording, at basic business management upang matulungan ang mga kalahok sa pagpapalago at pagpapanatili ng kanilang kabuhayan at negosyo.
Binigyang-diin din sa aktibidad ang kahalagahan ng responsableng paghawak ng pananalapi tungo sa mas epektibo at organisadong pamamahala ng negosyo at kabuhayan.

𝗖𝗢𝗡𝗦𝗨𝗟𝗧𝗔𝗧𝗜𝗢𝗡 𝗗𝗜𝗔𝗟𝗢𝗚𝗨𝗘 | May 13, 2026

Nagsagawa ng konsultasiyon sa Jaen, Nueva Ecija ang FODL-PCUP katuwang ang Commission on Human Rights (CHR) kasama sina Atty. Sylvester Austria, MSWDO Jaen, MLGOO Jaen, at ang Implementing Sheriff upang talakayin ang posibleng assistance ng LGU para sa mga pamilyang apektado ng pre-demolition conference sa nasabing lugar.

Tinalakay sa pagpupulong ang mga posibleng hakbang at mekanismo upang matugunan ang agarang pangangailangan ng mga residenteng maaapektuhan ng demolisyon. Binigyang-diin din ang kahalagahan ng koordinasyon ng bawat ahensya upang masiguro ang maayos at makataong implementasyon ng proseso.

Layunin ng naturang consultation dialogue na mapalakas ang ugnayan ng mga kinauukulang tanggapan at makapagbigay ng nararapat na suporta at tulong para sa kapakanan ng mga apektadong pamilya.

𝗣𝗗𝗖 𝗙𝗢𝗥𝗨𝗠| May 26, 2026

Isinagawa ang Pre-Demolition Conference (PDC) Forum para sa iba’t ibang Local Government Units (LGUs) ng Nueva Ecija na dinaluhan ng mga Municipal Planning and Development Officers (MPDOs) at Municipal Social Welfare and Development Officers (MSWDOs). Nagbigay ng mensahe ang Mayor ng Sto. Domingo LGU at binigyang-diin ang kahalagahan ng maayos at makataong implementasyon ng mga programang may kaugnayan sa pabahay at relokasyon.

Kabilang sa mga pangunahing tinalakay ang cascading ng PCUP PDC Guidelines, Public Fiscal Administration na nakaangkla sa Local Government Code para sa mandatory financial assistance sa court-ordered cases, at ang adbokasiya para sa paglikha ng Local Housing Boards (LHBs). Tinalakay rin ang Socialized Housing Tax, strategic foresight sa infrastructure projects at danger areas, gayundin ang mga posibleng pakikipag-ugnayan ng LGUs sa iba pang national government agencies para sa mga programang pabahay at relokasyon.

Ang nasabing forum ay nagsilbing mahalagang hakbang upang mapalakas ang koordinasyon at kaalaman ng mga LGU sa pagpapatupad ng mga polisiya at programang may kaugnayan sa komunidad at pabahay.

𝗖𝗔𝗣𝗔𝗕𝗜𝗟𝗜𝗧𝗬 𝗕𝗨𝗜𝗟𝗗𝗜𝗡𝗚 𝗣𝗥𝗢𝗚𝗥𝗔𝗠| May 27, 2026

Isinagawa noong Mayo 27, 2026 sa Bayan ng Naic, Cavite ang isang seminar ukol sa Republic Act No. 9904 o mas kilala bilang “Magna Carta for Homeowners and Homeowners’ Associations” para sa mga miyembro ng Naic Waraynon Residents’ Association.

Layunin ng nasabing aktibidad na palawakin ang kaalaman ng mga residente hinggil sa kanilang mga karapatan, tungkulin, at responsibilidad bilang miyembro ng isang homeowners’ association alinsunod sa umiiral na batas. Tinalakay rin sa seminar ang mahahalagang probisyon ng RA 9904 kabilang ang wastong pamamahala ng samahan, karapatan ng mga miyembro, proseso ng eleksyon, at pagpapanatili ng kaayusan at pagkakaisa sa komunidad.

Naging makabuluhan ang talakayan dahil nagkaroon ng pagkakataon ang mga kalahok na magtanong at magbahagi ng kanilang mga karanasan at suliranin kaugnay sa pamamalakad ng kanilang samahan.

Sa pamamagitan ng ganitong uri ng seminar, inaasahang mas mapapalakas ang partisipasyon ng mga residente at higit na mapapaunlad ang samahan tungo sa isang maayos, organisado, at nagkakaisang komunidad.

𝗖𝗔𝗣𝗔𝗕𝗜𝗟𝗜𝗧𝗬 𝗕𝗨𝗜𝗟𝗗𝗜𝗡𝗚 𝗣𝗥𝗢𝗚𝗥𝗔𝗠| May 26, 2026

Isinagawa ang CBP para sa Bread and Pastry Training para sa mga miyembro ng Solana Hills Resettlement Homeowners Association, Inc. na ginanap sa Daycare Center, Solana Resettlement Project, Gadu, Solana, Cagayan.

Pinangunahan ng PCUP ang nasabing aktibidad sa pakikipagtulungan ng TESDA at NHA bilang bahagi ng patuloy na pagsisikap na mabigyan ng karagdagang kaalaman at kasanayan sa paggawa ng tinapay at pastry ang mga kalahok upang makatulong sa kanilang kabuhayan at mapaunlad ang kanilang komunidad.