https://www.facebook.com/770447726346993/

Anakbayan National Capital Region

Home
Philippines
Quezon City
Anakbayan National Capital Region

Call Directions Contact the organization

Lumalakas. Lumalawak. Lumalaban. SUMALI SA AB NCR! https://tinyurl.com/JoinAnakbayanNCR

Layunin ng ANAKBAYAN na pukawin, pakilusin at organisahin ang mga kabataang manggagawa, magsasaka, estudyante, propesyunal, at mga di nakapag-aral, migrante, moro at iba pang pambansang minorya at kababaihan para sa pambansang demokrasya at isanib ang kilusang ito sa makapangyarihang kilusan ng masang anakpawis.

10/08/2026

CALL FOR DONATIONS ☔🌊

Kasalukuyang kumakalap ang Anakbayan National Capital Region, bahagi ng Tulong Kabataan - NCR ng Monetary Donations para makapagsagawa ng Donation Drive sa mga syudad ng National Capital Region.

Patuloy na nakararanas ng pagbaha ang buong Metro Manila dulot ng . Sa gitna ng krisis, pabaya pa rin ang gobyerno at kulang ang inaabot na tulong sa mga mamamamayan.

Maaring mag-send ng Monetary Donations sa:

GCASH
09999530792
Iv*n La**e P.
*note: For Habagat Victims

31/07/2026

ALERT ‼️
Bandang alas-otso ng umaga ngayong araw, makikita sa mga larawan ang presensya ng mga private security guards at naka-sibilyang demolition team na pumaligid sa Kubol na ginawa ng Samahan ng Magkakapitbahay sa Upper Smokey Mountain (SMUSM). Kasabay dito ang intimidasyon sa residenteng si Nanay Liling na taga-cluster 2 sa bundok na baklasin ang poste ng kaniyang maliit na tindahang nakatayo sa lugar.

Harap-harapang binaklas ang tinayong kubol at hinagis ang mga lamesa sa labas. Sa sitwasyon ni Nanay Liling ay napilitan din syang alisin ang mga posteng ginamit sa tindahan. Mag iisang linggo na rin silang binabalikan ng mga private security guards at baklas team para dito. Nang mabalitaan ang pangyayari, agad na pinalibutan ng mga kananayan at kabataan ang mga ginigibang erya at pinigilan ang mga tauhan ng barangay.

Depensa ng mga mambabaklas, utos lamang umano ito ng nakatataas, ngunit wala namang maipakitang notice o papeles.
Isa itong malinaw na PAGLABAG sa karapatan at seguridad ng mga naninirahan sa Upper Smokey Mountain. Araw-araw naglilibot ang mga blue guards sa layuning mambanta at magpaalis ng mga residente. Walang kapaguran ang kagustuhang tuluyang mapaalis ang mga residente sa kanilang tirahan upang ura-urada nang masimulan ang Waste-To-Energy Incinerator na balak nila sa lugar. Sa kabila nito, matatag ang pagtutol ng mga residente hindi lamang ng Upper Smokey Mountain kundi pati na ang mga naninirahan sa Permanent Housing at Marala na tiyak na maaapektuhan sa mapaminsalang epekto ng proyekto sa kalusugan, tirahan, kabuhayan at kalikasan.

Patuloy ang pag-papaingay ng kampanya ng mga maralita ng Tondo. Kasama ang Anakbayan Smokey Mountain at iba pang mga progresibong grupo, sama-samang nilalabanan ang proyektong WTE na tinutulak nina Reghis Romero, Manila LGU, at gobyernong Marcos Jr.

KARAPATAN SA PANINIRAHAN, IPAGLABAN!
TUTULAN ANG WASTE TO ENERGY INCINERATOR!
MARALITANG LUNSOD, KABATAAN, KABABAIHAN, AT MANGGAGAWA, MAGKAISA!

30/07/2026

Muli na namang inilantad ng rehimeng Marcos ang tunay nitong mukha na sa halip na dinggin ang sigaw ng mamamayan, dahas ang isinagot. Isinagawa ang People’s SONA upang kundenahin ang lumalalang korapsyon, at kahirapan na hinaharap ng mamamayan sa ilalim ng administrasyong Marcos Jr, ngunit sa halip na tugunan ang mga lehitimong panawagang ito, pinatunayan lamang ng estado ang pagiging mapanupil nito sa pamamagitan ng marahas na pagtarget at pag-aresto sa mga nagpoprotesta. Kabataan mula sa iba’t ibang progresibong organisasyon ang tinarget. Kasama pang dinampot ang mga menor de edad at paralegal. Lalong pinatutunayan nitong kriminalisado ang demokratikong protesta sa ilalim ng mapanupil na rehimen.

Hindi hiwalay ang pamamaslang sa karapatan sa lumalalang krisis. Habang lumalala ang gutom, taas-presyo, at kawalan ng serbisyo, lumalawak din ang panunupil ng estado. Sa halip na tugunan ang ugat ng paghihirap, binubusalan ang mga lumalaban. Sa halip na papanagutin ang mga tunay na mandarambong, inuusig ang kabataang nagpoprotesta. Hindi krimen ang magpahayag ng katotohanan, krimen ang gamitin ang kapangyarihan upang patahimikin ito.

Mariing kinukundena ng Anakbayan NCR ang iligal na pag-aresto sa hindi bababa sa 51 noong People’s SONA at ang patuloy na pagkakulong ng 9. Tutulan natin ang brutalidad ng pulisya at kriminalisasyon ng aktibismo. Panagutin ang lahat ng nag-utos at nagsagawa ng iligal na pag-aresto. Sa halip na gipitin ang mamamayang lumalaban, ituon ng estado ang buong bigat ng batas sa pagpapanagot at pagpapakulong sa mga tunay na mandarambong. Igalang ang karapatan sa malayang pamamahayag at mapayapang pagtitipon.

Panahon nang higit pang magkaisa ang kabataan sa hanay ng mamamayan. Ipaglaban ang agarang pagpapalaya sa EDSA 51. Makibaka kasama ang malawak na demokratikong kilusan ng bayan. Magmulat, mag-organisa, at magpakilos sa bawat pamayanan at paaralan. Gawing lakas ang galit laban sa panunupil. Sa sama-samang pagkilos, mabibigo ang pasismo at pananaig ang hustisya.

24/07/2026

𝗦𝗮 𝗴𝗶𝘁𝗻𝗮 𝗻𝗴 𝘀𝘂𝗻𝗼𝗱-𝘀𝘂𝗻𝗼𝗱 𝗻𝗴 𝗽𝗮𝗴𝗸𝗮𝗸𝗮𝗸𝘂𝗹𝗼𝗻𝗴 𝗻𝗴 𝗺𝗴𝗮 𝘀𝗮𝗻𝗴𝗸𝗼𝘁 𝘀𝗮 𝗸𝗼𝗿𝗮𝗽𝘀𝘆𝗼𝗻, 𝗶𝗺𝗽𝗲𝗮𝗰𝗵𝗺𝗲𝗻𝘁 𝗻𝗶 𝗦𝗮𝗿𝗮 𝗗𝘂𝘁𝗲𝗿𝘁𝗲, 𝗮𝘁 𝗮𝗻𝗴 𝗻𝗮𝗹𝗮𝗹𝗮𝗽𝗶𝘁 𝗻𝗮 𝗶𝗸𝗮-𝗹𝗶𝗺𝗮𝗻𝗴 𝗦𝘁𝗮𝘁𝗲 𝗼𝗳 𝘁𝗵𝗲 𝗡𝗮𝘁𝗶𝗼𝗻 𝗔𝗱𝗱𝗿𝗲𝘀𝘀, 𝗻𝗮𝗻𝗮𝗻𝗮𝘁𝗶𝗹𝗶 𝗽𝗮 𝗿𝗶𝗻 𝗻𝗮 𝗺𝗮𝗹𝗮𝘆𝗮 𝗮𝗻𝗴 𝗺𝗴𝗮 𝘂𝘁𝗮𝗸 𝘀𝗮 𝗹𝗶𝗸𝗼𝗱 𝗻𝗴 𝗸𝗼𝗿𝗮𝗽𝘀𝘆𝗼𝗻 𝘀𝗮 𝗳𝗹𝗼𝗼𝗱 𝗰𝗼𝗻𝘁𝗿𝗼𝗹 𝗽𝗿𝗼𝗷𝗲𝗰𝘁 𝗸𝗮𝗴𝗮𝘆𝗮 𝗻𝗶𝗻𝗮 𝗭𝗮𝗹𝗱𝘆 𝗖𝗼, 𝗠𝗮𝗿𝘁𝗶𝗻 𝗥𝗼𝗺𝘂𝗮𝗹𝗱𝗲𝘇, 𝗮𝘁 𝗕𝗼𝗻𝗴𝗯𝗼𝗻𝗴 𝗠𝗮𝗿𝗰𝗼𝘀.

Bilyon bilyong pondo ang nawala at hindi pa makita na sana ay nailaan sa imprastraktura. Kaya hindi na nakakapagtaka kung bakit lumulubog pa rin sa baha ang mga komunidad sa buong bansa kahit na bahagya lang ang pagbasak ng ulan.

Sa apat na taong termino ni Marcos, nanatili na lamang na salita ang kaunlaran na ipinangako ng ganid na pulitiko, "mahiya naman kayo!" sabi niya, habang sa aktwal ay patuloy lamang dumadausdos ang ekonomiya. Busbaos pa rin ang kalagayan sa pabrika ng ating mga manggagawa at nananatiling walang lupa ang ating mga magsasaka.

At ngayon sa paparating na ikalimang State of the Nation Address, sa halip na isulong ang pambansang industriyalisasyon at repormang agraryo, lubos ang pagpapakatuta ni Marcos sa pagbibigay ng pabor sa Imperyalistang US. Sa balangkas ng Pax Silica, 1620-hectares ang ipapamahagi na lupa bilang parte ng Economic Security Zone na gagamitin sa pagsusulong ng gerang agresyon laban sa China, kagaya ng isinusulong nitong digma sa bansang Iran.

Pagtindi ng krisis sa edukasyon ang dala ng proyektong Pax Silica sa kabataan dahil sa katangian nitong neoliberal na isinusulong ng rehimen ni Bongbong Marcos. Sa ganitong klaseng polisiya, ang dayuhan lamang ang patuloy na magtatamasa ng ating likas na yaman, lupa, talino, at lakas paggawa. Kung kaya’t hindi malayo na dumating sa punto na halos ang lahat ng batayang pangagailangan kagaya ng edukasyon ay maisapribado lalo na’t ang kasalukuyang kalagayan nito ay 88.1% na nga sa buong national capital region.

Sa kapabayaan ng gobyerno na tugunan ang pangangailangan ng magsasaka, manggagawa, at kabataan, hindi magdadalawang isip ang Anakbayan National Capital Region sa tulong ng malawak na hanay ng kabataan na tumindig at lumaban upang baguhin ang sistema.

𝗜𝗯𝗮𝗴𝘀𝗮𝗸 𝗮𝗻𝗴 𝗜𝗺𝗽𝗲𝗿𝘆𝗮𝗹𝗶𝘀𝗺𝗼, 𝗣𝘆𝘂𝗱𝗮𝗹𝗶𝘀𝗺𝗼, 𝗮𝘁 𝗕𝘂𝗿𝘂𝗸𝗿𝗮𝘁𝗮 𝗞𝗮𝗽𝗶𝘁𝗮𝗹𝗶𝘀𝗺𝗼!

𝗦𝘂𝗺𝗮𝗺𝗮 𝘀𝗮 𝘁𝗮𝘁𝗹𝗼𝗻𝗴 𝗮𝗿𝗮𝘄 𝗻𝗴 𝗺𝗮𝗹𝗮𝗸𝗶𝗵𝗮𝗻𝗴 𝗽𝗮𝗴𝗸𝗶𝗹𝗼𝘀!

Hulyo 25 – State of the Region Address 1PM @ UPD - College of Social Work and Community Development
Hulyo 26 – State of the Youth Address 1PM @ TFI Taft
Hulyo 27 - SONA ng Bayan 9AM @ Philcoa Jollibee patungong Commonwealth Avenue!

𝗦𝗨𝗠𝗔𝗟𝗜 𝗦𝗔 𝗔𝗡𝗔𝗞𝗕𝗔𝗬𝗔𝗡 𝗡𝗖𝗥:
https://tinyurl.com/anakbayanncr
https://tinyurl.com/anakbayanncr
https://tinyurl.com/anakbayanncr

15/07/2026

𝗞𝗔𝗕𝗔𝗧𝗔𝗔𝗡 𝗡𝗚 𝗞𝗔𝗠𝗔𝗬𝗡𝗜𝗟𝗔𝗔𝗡, 𝗠𝗔𝗡𝗚𝗔𝗛𝗔𝗦 𝗡𝗔 𝗠𝗔𝗚-𝗔𝗟𝗔𝗕 𝗣𝗔𝗥𝗔 𝗦𝗔 𝗣𝗔𝗚-𝗔𝗦𝗔'𝗧 𝗣𝗔𝗚𝗕𝗔𝗕𝗔𝗚𝗢
🔥✊🏻

Sa panahong patuloy na sinusubok ang kinabukasan ng kabataan—mula sa krisis sa edukasyon, tumitinding kahirapan, mga usapin ng pananagutan, hanggang sa mga hamon sa ating demokrasya—higit kailanman, kinakailangan ang isang kabataang mulat, mapanuri, at handang makialam.

Hindi lamang tayo tagamasid ng kasaysayan. Tayo ang mga kabataang may kakayahang magsuri sa kasalukuyan at sama-samang humubog ng isang mas makatarungan at makataong kinabukasan.

Inaanyayahan ang lahat ng mga kabataan, mag-aaral, mga konsehong pangmag-aaral, mga publikasyon, organisasyon, at mga lider-estudyante na makiisa sa 𝗦𝘁𝗮𝘁𝗲 𝗼𝗳 𝘁𝗵𝗲 𝗬𝗼𝘂𝘁𝗵 𝗔𝗱𝗱𝗿𝗲𝘀𝘀 𝟮𝟬𝟮𝟲 na gaganapin ngayong 𝗝𝘂𝗹𝘆 𝟮𝟲, 𝟮𝟬𝟮𝟲, sa Conference Hall ng IFI National Cathedral. Isang pagtitipon ng pagkakaisa, diskurso, at kolektibong paninindigan para sa karapatan, pananagutan, at tunay na pagbabago. Magsama-sama tayo upang palakasin ang tinig ng kabataan at itaguyod ang mga adhikaing nagmumula sa ating mga pamayanan, paaralan, at sambayanan.

Hindi sapat ang maging pag-asa ng bayan—panahon nang maging lakas ng pagbabago.

Para sa mga gustong sumama, sagutan lamang ang ating registration form:
https://forms.gle/CmdUBx1NinvNQYMu6
https://forms.gle/CmdUBx1NinvNQYMu6
https://forms.gle/CmdUBx1NinvNQYMu6

12/07/2026

𝗛𝗶𝗻𝗱𝗶 𝘁𝘂𝗻𝗮𝘆 𝗮𝗻𝗴 𝗽𝗮𝗴𝘂𝗻𝗹𝗮𝗱, 𝗸𝘂𝗻𝗴 𝗸𝗮𝗺𝗮𝘁𝗮𝘆𝗮𝗻 𝗮𝘁 𝗸𝗮𝘄𝗮𝗹𝗮𝗻 𝗻𝗴 𝘁𝗶𝗿𝗮𝗵𝗮𝗻 𝗮𝗻𝗴 𝗵𝗮𝘁𝗶𝗱 𝗻𝗴 𝗪𝗮𝘀𝘁𝗲-𝘁𝗼-𝗘𝗻𝗲𝗿𝗴𝘆 𝗜𝗻𝗰𝗶𝗻𝗲𝗿𝗮𝘁𝗼𝗿 𝗣𝗿𝗼𝗷𝗲𝗰𝘁

Napakalaking sampal sa mamamayan ng Upper-Smokey Mountain ang bantang demolisyon kapalit ng itatayong Waste-to-Energy Incinerator na pinangungunahan ng R-II Builders na pag-aari ni Reghis Romero, Phil. Ecology Systems Corp. (PHILECO), Manila Integrated Environment Corp. (MIEC), at iba pang katuwang na ahensya ng gobyerno bilang bahagi ng Flood Control Project ng rehimeng Duterte-Marcos Jr. Kasama rin sa kanila ang mga pribadong kompanya na iba pa nga ay dayuhan katulad ng Kanadevia Corporation ng Japan na ang layunin diumano ay pagunlad, paglikha ng trabaho, at kapital.

Ngunit papaanong mapatotohanan ang magagandang salita ng mga naghaharing uri, kung ang dulot nito ay pagpapalayas sa mga residente ng Smokey Mountain at mga karatig nitong komunidad tulad ng Happyland, Aroma, Helping Land, Vitas, GK Temporary Housing, Marala, at Paradise Heights (Permanent Housing) na nagkaisa upang itransporma ang dumpsite mula sa pagiging bundok ng basura tungo sa kasalukuyang itsura nito na hitik sa puno at halaman.

Gayunpaman, dahil sa banta ng demolisyon, may tinatayang 300 na puno na nagsisilbing proteksyon sa init at baha ang puputulin kaakibat ng pagpapatag ng bundok kung saan ilalagak ang WTE Incinerator.

Nakababahala ang proyekto na ito hindi lamang sa komunidad ng Tondo, gayundin sa buong parte ng Metro Manila, dahil sa ilalabas nitong toxic chemicals sa hangin katulad ng Dioxins at Furans na maaring magdulot ng kanser at sakit sa baga at puso.

Ang masama pa ay liban ito sa kaalaman ng mga nasasakupan ng Brgy 128 dahil sa patuloy na pagpapakalat ng disimpormasyon ng Chairman na si Bobby Hernane. Ayon sa mga nakausap naming mga residente, sinasabi niya na ang dahilan ng demolisyon ay pagtatayo ng hospital at eskwelahan. Katuwang din ng disimpormasyon na ito ang nauna ng public scoping sa paggamit ng DENR ng katagang rehabilitation at development ng Smokey Mountain na animo'y hugas kamay din na inihihiwalay ang partisipasyon sa isasagawang WTE.

Kung kaya’t mariing kinokondena ng ANAKBAYAN NATIONAL CAPITAL REGION ang sabwatan ng LGU at R-II Builders sa pagmomonopolisa ng lupa para sa pansarili nilang interes. At hinahamon din namin ang Commission on Human Rights na panagutin ang nasabing kompanya sa panunupil na ginagawa nito sa mga mamamayan ng Upper-Smokey Mountain.

Lubos din namin inaanyayahan ang lahat ng kabataan na makipamuhay sa mga maralita ng Brgy. 128, Tondo Manila at makiisa sa laban nila kontra demolisyon, pribatisasyon, at pagmomopolyo ng lupa ng iilang negosyante at lokal na pamahalaan.

SUMALI SA ANAKBAYAN NCR:
https://tinyurl.com/anakbayanncr
https://tinyurl.com/anakbayanncr
https://tinyurl.com/anakbayanncr

07/07/2026

🔥 𝗦𝘂𝗺𝗮𝗹𝗶 𝘀𝗮 𝗽𝗶𝗻𝗮𝗸𝗮𝗸𝗼𝗺𝗽𝗿𝗲𝗵𝗲𝗻𝘀𝗶𝗯𝗼𝗻𝗴 𝗼𝗿𝗴𝗮𝗻𝗶𝘀𝗮𝘀𝘆𝗼𝗻 𝗻𝗴 𝗸𝗮𝗯𝗮𝘁𝗮𝗮𝗻 𝘀𝗮 𝗦𝗺𝗼𝗸𝗲𝘆 𝗠𝗼𝘂𝗻𝘁𝗮𝗶𝗻!

Panahon nang magkaisa at lumaban para sa ating komunidad, kinabukasan, at karapatan.

𝙒𝘼𝙎𝙏𝙀-𝙏𝙊-𝙀𝙉𝙀𝙍𝙂𝙔 𝙄𝙉𝘾𝙄𝙉𝙀𝙍𝘼𝙏𝙊𝙍, 𝙏𝙐𝙏𝙐𝙇𝘼𝙉, 𝙇𝘼𝘽𝘼𝙉𝘼𝙉, 𝙃𝙐𝙒𝘼𝙂 𝙋𝘼𝙃𝙄𝙉𝙏𝙐𝙇𝙐𝙏𝘼𝙉!

𝙒𝙏𝙀 𝙄𝙉𝘾𝙄𝙉𝙀𝙍𝘼𝙏𝙊𝙍, 𝘽𝘼𝙉𝙏𝘼 𝙎𝘼 𝙋𝘼𝙉𝙄𝙉𝙄𝙍𝘼𝙃𝘼𝙉, 𝙆𝘼𝘽𝙐𝙃𝘼𝙔𝘼𝙉, 𝙆𝘼𝙇𝙐𝙎𝙐𝙂𝘼𝙉, 𝘼𝙏 𝙆𝘼𝙇𝙄𝙆𝘼𝙎𝘼𝙉!

𝙍𝙀𝙂𝙃𝙄𝙎 𝙍𝙊𝙈𝙀𝙍𝙊, 𝙋𝘼𝙍𝘼𝙎𝙄𝙏𝙄𝙆𝙊! 𝙂𝘼𝙉𝙄𝘿 𝙎𝘼 𝙏𝙐𝘽𝙊! 𝙋𝘼𝙃𝙄𝙍𝘼𝙋 𝙎𝘼 𝙈𝘼𝙎𝘼!

𝙄𝙏𝙄𝙂𝙄𝙇 𝘼𝙉𝙂 𝙋𝘼𝙉𝘿𝘼𝙍𝘼𝙃𝘼𝙎 𝙎𝘼 𝙈𝙂𝘼 𝙍𝙀𝙎𝙄𝘿𝙀𝙉𝙏𝙀 𝙉𝙂 𝙎𝙈𝙊𝙆𝙀𝙔 𝙈𝙊𝙐𝙉𝙏𝘼𝙄𝙉!

�
�
�

13/05/2026

SARA PANAGUTIN BATO ARESTUHIN

Habang naghahanap ng hustisya ang mga pamilya ng libo-libong biktima ng madugong “War on Drugs” ng rehimeng US-Duterte, pilit namang ginagawang kanlungan ni Bato Dela Rosa ang Senado matapos siyang habulin ng warrant mula sa International Criminal Court. Mismong mga dokumento ng ICC ang nagsasabing naging pangunahing tagapagpatupad siya ng mga operasyong nagdulot ng sunod-sunod na pamamaslang, mula sa kanyang panahon bilang hepe ng PNP Davao hanggang hepe ng PNP sa buong bansa, kung saan ginamit nila ni Duterte ang kapangyarihan ng estado upang patahimikin ang mga hinaing ng masa.

Kasabay nito, umuusad ang impeachment case laban kay Sara Duterte dahil sa mabibigat na alegasyon ng korapsyon at paglulustay sa pondo ng bayan. Ngunit imbis na tiyaking tuluy-tuloy ang paglilitis, lumalala ang maniobrahan sa Senado matapos ang pagpapalit ng liderato at muling paglitaw ng mga kaalyado ng Duterte na maaaring humarang sa proseso upang iligtas ang kanilang sariling kampo. Lahat ito ay dulot ng sistema na pinipili ang kapakanan ng mga korap na burukrata habang patuloy ang naghihirap at pinagsasamantalahan ang taumbayan.

Mariing kinukundena ng Anakbayan NCR ang pakikipagsabwatan ng Senado kay Bato upang iligtas siya mula sa pananagutan. Mariing pinapanawagan din namin ang agarang pagpoproseso ng impeachment kay Sara Duterte upang panagutin ang walang habas na pangungurakot niya sa kaban ng bayan. Panahon na para tumungo sa lansangan, sumali sa mga pambansa-demokratikong organisasyon, at itaas ang panawagan para sa agarang pagpapanagot kay Bato at pagpapatalsik sa reyna ng korapsyon na si Duterte. Kasabay nito ang pagpapanagot rin sa hari ng korapsyon na si Marcos Jr. mismo. Ang laban para sa hustisya ay hindi natatapos sa Senado o Korte, natutuloy ito sa sama-sama na pagkilos ng sambayanang tumatangging makalimot.

SUMALI SA ANAKBAYAN NCR:
https://tinyurl.com/anakbayanncr
https://tinyurl.com/anakbayanncr
https://tinyurl.com/anakbayanncr

01/05/2026

TINGNAN: Ngayong Mayo Uno, kasama ang Anakbayan - National Capital Region sa panawagan ng mga manggagawa at iba pang sektor ng lipunan. Kasalukuyang nananatili pa rin ang Php695 Minimum Wage sa NCR. Sa gitna ng krisis na danas ng mamamayang pilipino, tahimik pa rin ang Rehimeng Marcos sa p**t at panawagan ng mamamayang pilipino.

Address

Quezon City
1100

Telephone

2418-216

Website

facebook.com

Alerts

Be the first to know and let us send you an email when Anakbayan National Capital Region posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Anakbayan National Capital Region:

Want your organization to be the top-listed government service in Quezon City?