Anakbayan National Capital Region

SARA PANAGUTIN BATO ARESTUHIN

Habang naghahanap ng hustisya ang mga pamilya ng libo-libong biktima ng madugong “War on Drugs” ng rehimeng US-Duterte, pilit namang ginagawang kanlungan ni Bato Dela Rosa ang Senado matapos siyang habulin ng warrant mula sa International Criminal Court. Mismong mga dokumento ng ICC ang nagsasabing naging pangunahing tagapagpatupad siya ng mga operasyong nagdulot ng sunod-sunod na pamamaslang, mula sa kanyang panahon bilang hepe ng PNP Davao hanggang hepe ng PNP sa buong bansa, kung saan ginamit nila ni Duterte ang kapangyarihan ng estado upang patahimikin ang mga hinaing ng masa.

Kasabay nito, umuusad ang impeachment case laban kay Sara Duterte dahil sa mabibigat na alegasyon ng korapsyon at paglulustay sa pondo ng bayan. Ngunit imbis na tiyaking tuluy-tuloy ang paglilitis, lumalala ang maniobrahan sa Senado matapos ang pagpapalit ng liderato at muling paglitaw ng mga kaalyado ng Duterte na maaaring humarang sa proseso upang iligtas ang kanilang sariling kampo. Lahat ito ay dulot ng sistema na pinipili ang kapakanan ng mga korap na burukrata habang patuloy ang naghihirap at pinagsasamantalahan ang taumbayan.

Mariing kinukundena ng Anakbayan NCR ang pakikipagsabwatan ng Senado kay Bato upang iligtas siya mula sa pananagutan. Mariing pinapanawagan din namin ang agarang pagpoproseso ng impeachment kay Sara Duterte upang panagutin ang walang habas na pangungurakot niya sa kaban ng bayan. Panahon na para tumungo sa lansangan, sumali sa mga pambansa-demokratikong organisasyon, at itaas ang panawagan para sa agarang pagpapanagot kay Bato at pagpapatalsik sa reyna ng korapsyon na si Duterte. Kasabay nito ang pagpapanagot rin sa hari ng korapsyon na si Marcos Jr. mismo. Ang laban para sa hustisya ay hindi natatapos sa Senado o Korte, natutuloy ito sa sama-sama na pagkilos ng sambayanang tumatangging makalimot.

SUMALI SA ANAKBAYAN NCR:
https://tinyurl.com/anakbayanncr
https://tinyurl.com/anakbayanncr
https://tinyurl.com/anakbayanncr

TINGNAN: Ngayong Mayo Uno, kasama ang Anakbayan - National Capital Region sa panawagan ng mga manggagawa at iba pang sektor ng lipunan. Kasalukuyang nananatili pa rin ang Php695 Minimum Wage sa NCR. Sa gitna ng krisis na danas ng mamamayang pilipino, tahimik pa rin ang Rehimeng Marcos sa p**t at panawagan ng mamamayang pilipino.

KABATAAN, SUMALI SA LABAN NG MANGGAGAWA NGAYONG MAYO UNO!

Humingi tayo ng lupa, taas-sahod, trabaho, edukasyon, karapatan at kapayapaan.
Ang ibinato sa atin: kurapsyon, taas-presyo, at gutom.

Habang lalong sumisikip ang sinturon ng mamamayan, walang humpay ang pagtaas ng presyo ng langis, pagkain, at pamasahe, samantalang nananatiling gapos ang sahod. Hindi krisis ng kakulangan ang nararanasan natin, kundi krisis ng pandarambong at kapabayaan ng estado.

Sa gitna ng paghihirap ng bayan, lalo pang pinapatahimik ang boses ng mamamayan, pinatay ang mga aktibista, sinisilensyo ang mga tumitindig, at ginagawang kriminal ang paglaban para sa karapatan. Ito ang mukha ng estadong pinoprotektahan ang iilan habang dinudurog ang nakararami.

Hindi tayo titigil sa iisang sigaw. Sama-sama nating igiit ang karapatan at hustisya:

📢 MAY 1 – SUMAMA SA ARAW NG MANGGAGAWA






JOIN ANAKBAYAN NCR:
https://tinyurl.com/anakbayanncr
https://tinyurl.com/anakbayanncr
https://tinyurl.com/anakbayanncr

CALL FOR DONATIONS

Sa gitna ng marahas na demolisyon sa Panday Creek, Taguig, gumamit ng teargas, dahas, at pananakot ang demolition team ng Monocrete kasama ang kapulisan upang sapilitang paalisin ang mga residente. Sa kaguluhang ito, iligal na inaresto ang dalawang volunteer medic ng kabataan na noo’y nagbibigay ng agarang tulong medikal, habang daan-daang pamilya ang nawalan ng tahanan.

Lantarang tinututulan ang ganitong pang-aabuso laban sa maralitang komunidad at sa mga kabataang naglilingkod sa masa. Hindi krimen ang tumulong, at lalong hindi krimen ang ipagtanggol ang tahanan.

Nananawagan kami sa kabataan at mamamayan ng agarang tulong pinansyal para sa piyansa at batayang pangangailangan ng Panday Creek 2 at ng mga apektadong residente. Anumang halaga ay malaking ambag sa kanilang paglaya at sa patuloy na laban ng komunidad, mag-ambag, makiisa, at tumindig kasama ang Panday Creek.

Maaaring ipadala ang inyong donasyon sa:

GCASH:
09209014368
A. L. Y.