Quirino Memorial Medical Center

15/10/2026

“DOC…..OK LANG BA ANG BABY KO?"

Mula sa QMMC Departamento ng OB-GYN at Philippine Society of OBGYN Ultrasound (PSUOG) , si Dr Melanie Sarmiento-Omar at Dr. Madelynn Cabalona-Banal, mga ating abang lingkod na OBGYN Ultrasound Subspecialists para sagutin ang madalas na tanong ng ating mga buntis na nanay at yan ang kalusugan ng kanilang anak na nasa sinapupunan 💕

Philippine Obstetric and Gynecological Society (POGS) Podcast on Congenital Anomaly Scanning.
Knowledge is Power ❤️

💗 Hindi lang gender reveal ang mahalagang bahagi ng pregnancy ultra...

12/10/2026

Mataas na pagkilala ang ipinagkaloob ng Department of Health – Metro Manila Center for Health Development (DOH-MMCHD) sa Quirino Memorial Medical Center (QMMC) bilang pagpupugay sa mahalagang ambag nito sa pagpapatatag at pagpapaunlad ng Newborn Screening (NBS) Program sa National Capital Region.

Isinagawa ang gawad-parangal na ito kaugnay ng pagdiriwang ng ika-30 anibersaryo ng Newborn Screening Program sa Pilipinas, kung saan binigyang-diin ang kahalagahan ng maagang pagtukoy at paggamot sa mga congenital at metabolic disorder sa mga bagong silang na sanggol. Maraming salamat sa ating mga nakatutulong at dedikadong healthcare workers, laboratory personnel, at program implementers sa QMMC na patuloy na naglilingkod upang matiyak ang malusog at ligtas na kinabukasan ng bawat sanggol!

05/10/2026

𝗤𝘂𝗶𝗿𝗶𝗻𝗼 𝗠𝗲𝗺𝗼𝗿𝗶𝗮𝗹 𝗠𝗲𝗱𝗶𝗰𝗮𝗹 𝗖𝗲𝗻𝘁𝗲𝗿, 𝗠𝗮𝘁𝗮𝗴𝘂𝗺𝗽𝗮𝘆 𝗡𝗮 𝗡𝗮𝗸𝗮𝗽𝗮𝘀𝗮 𝗦𝗮 𝗛𝗲𝗮𝗹𝘁𝗵𝘆 𝗪𝗼𝗿𝗸𝗽𝗹𝗮𝗰𝗲 𝗩𝗮𝗹𝗶𝗱𝗮𝘁𝗶𝗼𝗻

Matagumpay na nakapasa ang Quirino Memorial Medical Center (QMMC) sa Healthy Workplace Program Validation na isinagawa noong Setyembre 25, 2026. Tampok sa validation ang mga programa, polisiya, inisyatiba, at good practices ng QMMC na naglalayong itaguyod ang isang mas ligtas, malusog, at suportadong workplace para sa mga kawani nito.

Ang validation ay isinagawa ng Healthy Settings Team ng Health Promotion Section ng Department of Health – Metro Manila Center for Health Development (DOH-MMCHD), na pinamunuan nina Mr. Reginald Santiago, Health Education and Promotion Officer II (HEPO II), at Mr. Jomark Thom Agno, Health Education and Promotion Officer III (HEPO III).

Sa isinagawang validation, naipakita ng QMMC ang mga umiiral nitong programa sa pitong Priority Areas ng Healthy Workplace Program; mula sa Diet and Physical Activity, Environmental Health, Immunization, Substance Use, Mental Health, Sexual and Reproductive Health, hanggang Violence and Injury Prevention. Nagbigay rin ang validation ng pagkakataon upang masukat ang mga kasalukuyang inisyatiba ng ospital, matukoy ang mga kalakasan at areas for improvement, at mapalakas pa ang mga hakbang tungo sa isang mas institutionalized at sustainable na Healthy Workplace.

Ang tagumpay na ito ay bunga ng sama-samang pagsisikap ng QMMC Healthy Workplace Technical Working Group, mga tanggapan, kagawaran, at kawani na naghanap, nag-organisa, nagdokumento, at nagpakita ng mga existing initiatives ng institusyon.

Sa pamamagitan ng patuloy na pagkakaisa at kooperasyon, nagpapatuloy ang QMMC sa pagsusulong ng isang healthy, safe, and supportive workplace para sa lahat.

05/10/2026

💚 QMMC SUPPORTS DOH’S AMBISYON 2030! 💙

Ang Quirino Memorial Medical Center (QMMC) ay kaisa ng Department of Health (DOH) sa pagsusulong ng AMBISYON 2030—isang pananaw tungo sa responsive, sustainable, at patient-centered na mga pasilidad pangkalusugan.

Dahil ang bawat pasyente ay nararapat sa ligtas, malinis, maayos, episyente, at makataong serbisyo.

🌱 QMMC supports DOH’s AMBISYON 2030.
💙 Mas Mabuting Serbisyo, Mas Malusog na Kinabukasan!

04/10/2026

Taos-pusong pakikiramay mula sa buong Pamilyang QMMC sa pagpanaw ni Mr. Joedhel Katalbas, Pangulo ng QMMC Employees Association, Inc. (QMMCEA INC.).

Si Mr. Katalbas ay naging isang lider na namuno mula taong 2021-2026 sa QMMC Employees Association Inc. nang may malasakit, pag-unawa, at buong konsiderasyon sa mga pangangailangan at kapakanan ng mga empleyado. Buong-puso rin siyang nagbigay ng suporta at nagsilbing katuwang ng kanyang mga kasamahan, lalo na sa Dibisyon ng Narsing.

Ang kanyang pamumuno, malasakit, at pakikipagkapwa ay mananatiling bahagi ng alaala ng buong Pamilyang QMMC.

Sa kanyang pamilya, mga mahal sa buhay, at mga naiwan niyang kasamahan, buong-pusong nakikiramay ang QMMC. Nawa’y pagkalooban kayo ng Panginoon ng lakas, kapanatagan, at pag-asa sa panahong ito ng pagdadalamhati.

Nawa’y makamtan ni Mr. Joedhel Katalbas ang walang hanggang kapayapaan.

Pakikiramay at panalangin mula sa buong Pamilyang QMMC.

29/09/2026

🎉🩺 A HEARTFELT CONGRATULATIONS, DR. JAMEELYN H. CENINA! 🩺🎉

The entire QMMC Pediatrics family proudly extends our warmest congratulations to Dr. Jameelyn H. Cenina for successfully passing the Written and Oral Examinations (PPS)! 👏🎓

This well-deserved achievement is a reflection of your hard work, dedication, perseverance, and unwavering commitment to excellence. Behind this success are countless hours of preparation, determination, and sacrifices—all of which have brought you to this important milestone in your professional journey.

We are proud of you and all that you have accomplished! May you continue to soar to greater heights and achieve even more milestones in your medical career.

� � �

28/09/2026

🧬🧠 PAANYAYA

Inaanyayahan po ang lahat sa Exit Presentation ni Dr. Kristine Joyce Porto, MD, PhD, FPNA, DOST–PCHRD Balik Scientist, na may pamagat na:

“Building the Foundation: Advancing Neurogenetics and Precision Medicine at QMMC”

📅 Setyembre 29, 2026 (Martes)
🕤 9:30 AM – 12:00 NN
📍 Board Room, QMMC

Halina’t makiisa sa isang makabuluhang talakayan tungkol sa neurogenetics, precision medicine, pananaliksik, at mga oportunidad para sa higit pang pagsulong ng neuroscience sa QMMC.

Inaanyayahan po namin ang inyong pakikiisa at suporta sa makabuluhang gawaing ito. 🧬🧠💙

26/09/2026

🌿🌏 WORLD ENVIRONMENTAL HEALTH DAY 2026 🌏🌿

Ngayong Setyembre 26, sama-sama nating bigyang-halaga ang isang simpleng katotohanan: ang malusog na tao ay nangangailangan ng malusog na kapaligiran. 💚

Inaanyayahan namin ang bawat isa na makiisa sa pagtataguyod ng malinis, ligtas, luntian, at napapanatiling kapaligiran—sa ospital, sa ating komunidad, at sa ating tahanan.

♻️ Wastong pamamahala ng basura
💧 Pangangalaga sa tubig at sanitasyon
🌱 Pagpapalawak ng mga luntiang espasyo
🏥 Pagbuo ng mas ligtas at climate-resilient na healthcare environment

Maliit na hakbang. Sama-samang pagkilos. Mas malusog na kinabukasan.

💚 Healthy Environments, Healthier People!

Nakikiisa ang Pang-Alaalang Sentrong Medikal Quirino, Hospital Environment, Cleanliness, and Sustainability Committee, at Health and Climate Change Focals.

18/09/2026

Mas mabilis na gamutan, mas maraming buhay ang naililigtas! Dahil sa real-time monitoring at telemedicine ng QMMC at DOH-CSGH, bumaba sa 9% ang mortality rate para sa mga kritikal na kaso tulad ng stroke at sepsis sa mga isla ng MIMAROPA.