Montalban MENRO

𝗟𝗔𝗞𝗕𝗔𝗬 𝗦𝗔𝗥𝗜-𝗕𝗨𝗛𝗔𝗬 𝗔𝗧 𝗟𝗔𝗞𝗕𝗔𝗬 𝗣𝗔𝗠𝗔𝗡𝗔: 𝗜𝗦𝗔𝗡𝗚 𝗠𝗔𝗞𝗔𝗕𝗨𝗟𝗨𝗛𝗔𝗡𝗚 𝗣𝗔𝗚𝗟𝗔𝗟𝗔𝗞𝗕𝗔𝗬, 𝗜𝗦𝗔𝗡𝗚 𝗛𝗔𝗞𝗕𝗔𝗡𝗚 𝗣𝗔𝗥𝗔 𝗦𝗔 𝗞𝗔𝗟𝗜𝗞𝗔𝗦𝗔𝗡!

Sa loob ng dalawang araw, 70 kabataan ng Rodriguez ang hindi lamang naglakbay sa kagubatan—sila ay naglakbay tungo sa mas malalim na pag-unawa, pagpapahalaga, at pagmamahal sa kalikasan at pamana ng ating bayan.

Ang makabuluhang gawaing ito ay sinuportahan at dinaluhan ni Mayor Ronnie S. Evangelista, na nagbigay ng inspirasyon at pagpapatibay sa mga kabataang kalahok upang maging aktibong tagapangalaga ng kalikasan at biodiversity ng Rodriguez.

Mula sa forest immersion, biodiversity exploration, interactive lectures, creative expression, bird watching, at tree growing activities hanggang sa pagtuklas ng kasaysayan ng Pamitinan sa pamamagitan ng Lakbay Pamana, naranasan ng mga kabataan ang isang natatanging pagkatuto na hindi matatagpuan sa apat na sulok ng silid-aralan.

Bitbit nila pauwi hindi lamang ang mga alaala at bagong kaalaman, kundi ang isang pangako—na maging tagapangalaga ng ating sari-buhay at tagapagtaguyod ng pangangalaga sa kalikasan para sa susunod na henerasyon.

𝙎𝙖𝙢𝙖-𝙨𝙖𝙢𝙖 𝙣𝙖𝙩𝙞𝙣𝙜 𝙥𝙧𝙤𝙩𝙚𝙠𝙩𝙖𝙝𝙖𝙣 𝙖𝙣𝙜 𝙖𝙩𝙞𝙣𝙜 𝙗𝙞𝙤𝙙𝙞𝙫𝙚𝙧𝙨𝙞𝙩𝙮 𝙖𝙩 𝙥𝙖𝙢𝙖𝙣𝙖𝙣𝙜 𝙡𝙞𝙠𝙖𝙨 𝙥𝙖𝙧𝙖 𝙨𝙖 𝙠𝙞𝙣𝙖𝙗𝙪𝙠𝙖𝙨𝙖𝙣.

Maligayang Kaarawan, Mayor General Ronnie Evangelista!

Nawa’y patuloy kayong pagpalain ng Poong Maykapal ng mabuting kalusugan, lakas, karunungan at masaganang buhay.

Maraming salamat po sa inyong dedikasyon at malasakit para sa bayan. Nawa’y magpatuloy pa ang inyong tagumpay at mabubuting adhikain para sa kapakanan ng bawat mamamayan.

Maligayang bati at mabuhay po kayo!! 🫶

See you in Montalban, Sir Ethan!

Ngayong umaga, alinsunod sa direktiba at patuloy na suporta ni Mayor Ronnies S. Evangelista sa mga programang pangkalikasan ng pamahalaang bayan, matagumpay na nagsagawa ng tree planting activity ang BJMP, SCJ Volunteers, at Barangay San Rafael sa C6, Brgy. San Rafael.

Kabuuang 120 banaba seedlings ang naitanim bilang bahagi ng patuloy na pagpapalawak ng mga luntiang espasyo sa komunidad.

Masaya rin naming ibinabalita na tumutubo na ang ilan sa mga tabebuia at balitbitan na naitanim noong unang buwan ng taon — isang patunay na ang sama-samang pagkilos at malasakit sa kapaligiran ay may magandang bunga.

Inaanyayahan din ang mga indibidwal, organisasyon, paaralan, at iba pang grupong interesadong magsagawa ng tree planting activity na makipag-ugnayan sa opisina ng MENRO upang gabayan at matulungan sa wastong pagtatanim at pagpili ng lugar.

Maraming salamat sa lahat ng nakiisa at patuloy na sumusuporta sa ating mga programang pangkalikasan! 🌱