03/10/2026
๐ฆ๐๐ก๐๐๐จ๐ก๐๐๐ก๐ ๐๐๐๐๐ง๐๐๐ก ๐๐๐ฅ๐๐ก๐๐๐ฌ ๐๐จ๐ฅ๐๐ข๐ฆ | ๐๐จ๐๐๐๐ง ๐๐๐๐ฅ๐๐ก๐ ๐๐ข๐ฅ ๐๐๐ฆ๐๐๐ ๐ฌ๐๐๐ฅ ๐ฎ๐ฌ๐ฎ๐ณ
Nagsagawa ang Sangguniang Kabataan ng Barangay Burgos ng Budget Hearing para sa Fiscal Year 2027 bilang bahagi ng paghahanda at maayos na pagpaplano para sa mga programa, proyekto, at aktibidad na ilalaan para sa kabataan ng Barangay Burgos.
Bahagi rin ng isinagawang pagpaplano ang Annual Barangay Youth Investment Program (ABYIP), isang taunang plano na naglalaman ng mga programa, proyekto, at aktibidad ng Sangguniang Kabataan, kasama ang kaukulang pondo para sa pagpapatupad ng mga ito. Ito ang nagsisilbing gabay sa paglalaan ng pondo at pagpapatupad ng mga programa para sa kabataan sa buong taon.
Naisama rin sa pagbuo ng ating ABYIP ang mga suhestiyon at pangangailangan ng ating mga kabataan na nakalap mula sa isinagawang Youth Profiling at sa naganap na KK General Assembly. Kabilang dito ang mga aktibidad at programa na nais nilang maisagawa sa ating barangay, upang matiyak na ang ating mga plano para sa 2027 ay nakabatay sa boses, pangangailangan, at mungkahi ng kabataan.
Tinalakay sa Budget Hearing ang mga panukalang programa, proyekto, aktibidad, at ang kaukulang pondo para sa darating na taon. Layunin nitong matiyak ang maayos, responsable, at makabuluhang paggamit ng pondo para sa kapakanan ng Kabataan ng Burgos.
Patuloy ang Sangguniang Kabataan ng Barangay Burgos sa pakikinig sa boses ng kabataan at sa pagbuo ng mga programang tunay na tumutugon sa kanilang pangangailangan.
Mula sa boses ng kabataan, para sa kabataan. Para sa mas aktibo at mas makabuluhang 2027 ng Kabataan ng Burgos! ๐
