Municipal Agriculture Office- Santa Maria, Romblon

14/10/2026

₱𝟐.𝟕-𝐌 𝐋𝐈𝐕𝐄𝐒𝐓𝐎𝐂𝐊 𝐏𝐑𝐎𝐉𝐄𝐂𝐓, 𝐈𝐏𝐈𝐍𝐀𝐆𝐊𝐀𝐋𝐎𝐎𝐁 𝐒𝐀 𝐒𝐀𝐌𝐀𝐇𝐀𝐍 𝐍𝐆 𝐌𝐀𝐆𝐒𝐀𝐒𝐀𝐊𝐀 𝐒𝐀 𝐒𝐀𝐍𝐓𝐀 𝐌𝐀𝐑𝐈𝐀

Ipinagkaloob ng Department of Agriculture (DA) MIMAROPA ang proyektong Livestock Economic Enterprise for Cattle Production sa San Isidro Farmers Association sa Santa Maria, Romblon noong October 13, 2026, na nagkakahalaga ng ₱2.7 milyon.

Katuwang ang lokal na pamahalaan ng Santa Maria, layunin ng proyekto na palakasin ang pag-aalaga ng baka, magbigay ng karagdagang kita at trabaho sa mga magsasaka, at mapataas ang produksyon ng karne sa bayan.

Kabilang sa mga ipinagkaloob ang 20 heifer o batang babaeng baka, isang bull o lalaking baka, isang forage chopper, at iba pang kagamitang kailangan sa pagsasaka at pag-aalaga ng hayop.

06/10/2026

𝐏𝐀𝐆𝐏𝐔𝐏𝐔𝐆𝐀𝐘 𝐌𝐔𝐋𝐀 𝐒𝐀 𝐌𝐔𝐍𝐈𝐂𝐈𝐏𝐀𝐋 𝐀𝐆𝐑𝐈𝐂𝐔𝐋𝐓𝐔𝐑𝐄 𝐎𝐅𝐅𝐈𝐂𝐄 𝐍𝐆 𝐒𝐀𝐍𝐓𝐀 𝐌𝐀𝐑𝐈𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐁𝐀𝐆𝐎𝐍𝐆 𝐑𝐄𝐆𝐈𝐒𝐓𝐄𝐑𝐄𝐃 𝐅𝐈𝐒𝐇𝐄𝐑𝐈𝐄𝐒 𝐏𝐑𝐎𝐅𝐄𝐒𝐒𝐈𝐎𝐍𝐀𝐋𝐒!

Ang Municipal Agriculture Office (MAO) ng Santa Maria ay nag-uumapaw sa saya at galak para sa inyo! Ibinabalik natin sa Panginoon ang lahat ng papuri at luwalhati para sa matagumpay na resulta ng inyong board exam.

Naging piping saksi ang likurang bahagi ng aming opisina sa inyong araw-araw na pag-aaral, puyat, at matinding sakripisyo. Isang napakalaking karangalan para sa aming tanggapan na maging bahagi ng inyong tagumpay sa pamamagitan ng Bugsay Review Program, isang mahalagang support service ng Municipal Agriculture Office ng Santa Maria na naglalayong tulungan at ihanda ang ating mga future professionals.

Taas-noo nating batiin ang labinlimang (15) bagong lisensyadong propesyunal sa Pangisdaan mula sa bayan ng Santa Maria:

🎓 Jayvee M. Badajos, RFP
🎓 Phines Diaz, RFP
🎓 Shaina Mae Q. Fillartos, RFP
🎓 Anna Grace Fillartos, RFP
🎓 Marriane Ibabao, RFP
🎓 Clemen M. Labadora, RFP
🎓 Aron Carl R. Liberato, RFP
🎓 Lorraine Liberato, RFP
🎓 Sarrah G. Mercano, RFP
🎓 Denesse Joy Mindo, RFP
🎓 Rhea R. Moaje, RFP
🎓 Albert Orate, RFP
🎓 Daisy P. Ramirez, RFP
🎓 Nathaniel Romanos, RFP
🎓 Glyza Rosa, RFP

Ang tagumpay na ito ay sumasalamin din sa patuloy na pagtutulungan ng ating komunidad. Lubos ang aming pasasalamat sa 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐒𝐚𝐧𝐭𝐚 𝐌𝐚𝐫𝐢𝐚, sa pangunguna ng ating laging nakasuportang 𝐌𝐚𝐲𝐨𝐫 𝐋𝐨𝐫𝐢𝐥𝐢𝐞 𝐌. 𝐅𝐚𝐛𝐨𝐧, sa inyong walang sawang pagtugon sa mga pangangailangan ng ating sektor. Gayundin sa pamumuno ng ating Municipal Agriculturist, Engr. Ramel L. Fabon, na nagpasimuno at patuloy na sumusuporta sa mga programang tulad ng Bugsay upang mapalakas ang ating sektor ng pangisdaan sa pamamagitan ng suporta sa mga kabataan.

Sa ating mga reviewees na hindi pinalad sa pagkakataong ito, isang mahigpit na yakap mula sa aming opisina. Hindi dito natatapos ang inyong pangarap. God’s timing is always perfect! Iyak niyo lang ngayon, pero bukas laban ulit. Nandito lang ang Municipal Agriculture Office ng Santa Maria at ang BUGSAY family para patuloy kayong suportahan, alalayan, at buksan ang aming opisina para sa inyo hanggang sa makuha ninyo ang inyong mga lisensya. Padayon!

Sa inyong lahat, baunin ninyo ang pangaral na ito saan man kayo dalhin ng inyong propesyon:

📖 "Commit to the Lord whatever you do, and he will establish your plans." — Proverbs 16:3

Humayo kayo at magsilbi nang may puso at layuning makadiyos para sa ating mga mangingisda at yamang tubig! Mabuhay ang mga bagong Registered Fisheries Professionals ng Santa Maria! 💙🐟⚓

31/08/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎: 𝐋𝐢𝐛𝐫𝐞𝐧𝐠 𝐀𝐧𝐭𝐢-𝐑𝐚𝐛𝐢𝐞𝐬 𝐕𝐚𝐜𝐜𝐢𝐧𝐚𝐭𝐢𝐨𝐧, 𝐃𝐞𝐰𝐨𝐫𝐦𝐢𝐧𝐠, 𝐚𝐭 𝐇𝐞𝐚𝐥𝐭𝐡 𝐂𝐨𝐧𝐬𝐮𝐥𝐭𝐚𝐭𝐢𝐨𝐧

Ang Municipal Agriculture Office ng Santa Maria sa ilalim ng Poultry and Livestock Banner Program, katuwang ang Provincial Veterinary Office, ay masayang nag-aanyaya sa lahat ng pet owners na makilahok sa aming malawakang programang pangkalusugan para sa inyong mga alagang aso at pusa.

Layunin ng proyektong ito na maprotektahan ang ating komunidad laban sa banta ng rabies at masiguro ang pangkalahatang kalusugan ng ating mga alagang hayop. Ang serbisyong ito ay walang bayad (LIBRE) at bukas para sa lahat ng mamamayan ng Santa Maria.

Narito ang buong detalye at iskedyul ng ating aktibidad:

1. ANTI-RABIES MASS VACCINATION (Lahat ng Barangay)

Petsa: Setyembre 1, 2026
Lugar: Barangay Bonga, Santo Nino at Paroyhog
Oras: 8:00 AM- 4:00 PM

Petsa: Setyembre 2-3, 2026
Lugar: Barangay Concepcion Norte at Concepcion Sur
Oras: 8:00 AM- 4:00 PM

Petsa: Setyembre 4, 2026
Lugar: Barangay San Isidro
Oras: 8:00 AM- 4:00 PM

Upang mas mailapit ang serbisyo sa bawat tahanan, iikot ang aming mobile team sa lahat ng barangay. Mangyari po lamang na antabayanan ang pagdating ng aming grupo sa inyong lugar upang mabakunahan ang inyong mga aso at pusa.

2. LIBRENG DEWORMING AT HEALTH CONSULTATION

Petsa: Setyembre 3 - 4, 2026
Oras: 8:00 AM hanggang 4:00 PM
Lugar: Municipal Agriculture Office, Santa Maria

Magkakaroon ng walk-in clinic sa aming opisina para sa libreng purga (deworming) at pangkalahatang check-up ng inyong mga alaga. Ang aktibidad na ito ay personal na pangungunahan at pamamahalaan ng ating Provincial Veterinarian ng Romblon na si Dr. Ralph Joselle A. Fabon.

📌 MGA PAALALA BAGO PUMUNTA:
✔ Tiyaking nasa maayos na pakiramdam at walang sakit ang inyong alaga bago pabakunahan o dalhin sa check-up.
🐕 Para sa kaligtasan ng lahat, panatilihing nakatali (leashed) ang mga aso at ilagay sa hawla o carrier ang mga pusa.

Ipakita natin ang ating pagmamahal sa ating mga alaga sa pamamagitan ng pagiging responsableng pet owner. Walang babayaran, kaya huwag palampasin ang pagkakataong ito!

Kaya kitakits po tayo! Kung may katanungan, mag-message lang sa aming page o bumisita sa aming tanggapan.

18/08/2026

05/08/2026

04/08/2026

𝐍𝐞𝐰𝐬 𝐑𝐞𝐥𝐞𝐚𝐬𝐞 | SAAD broiler production project in Santa Maria, Romblon earns over P249K

Through hard work, proper management, and perseverance, the Concepcion Sur Farmers and Fisherfolks Association, an association under the Department of Agriculture- Special Area for Agricultural Development (DA-SAAD) Program Phase 2 in Santa Maria, Romblon, generated Php 249,082 from the sale of broiler chickens after completing its first to fourth production cycles this year.

Full story: https://saad.da.gov.ph/saad-broiler-production-project-in-santa-maria-romblon-earns-over-p249k/

17/07/2026

𝐓𝐈𝐍𝐆𝐍𝐀𝐍: Matagumpay na isinagawa kahapon Hulyo 16, 2026 ang Social Preparation Activity para sa San Isidro Farmers Association sa Brgy. San Isidro, Santa Maria, Romblon. Ang nasabing aktibidad ay bahagi bilang paghahanda sa nakatakdang implementasyon ng Livestock Economic Enterprise Development - Cattle Production Project.

Pangunahing layunin ng gawain na ito na patatagin ang samahan at tiyakin ang tagumpay at sustainability ng nasabing proyekto. Kabilang sa mga mahahalagang paksang tinalakay sa pagtitipon ay ang mga panuntunan ng proyekto (project guidelines), pamamahala ng negosyo (enterprise management), pangangasiwa sa aspetong pinansyal (financial sustainability), at ang wasto at tamang pag-aalaga ng mga baka.

Nagpapaabot ng buong suporta ang LGU Santa Maria, sa pamamagitan ng Municipal Agriculture Office (MAO), sa ating mga magsasaka gayundin sa DA-MIMAROPA para sa inisyatibang pangkabuhayan na ito. Naninindigan ang lokal na pamahalaan na ang tuloy-tuloy na pag-agapay at pagbibigay ng sapat na kaalaman sa sektor ng agrikultura ay magsisilbing matibay na pundasyon tungo sa masaganang pamumuhay ng ating mga kababayan.

Mabuhay ang mga magsasaka ng Santa Maria!

03/07/2026

𝐓𝐈𝐍𝐆𝐍𝐀𝐍| 𝐏𝐚𝐠𝐥𝐚𝐥𝐚𝐤𝐛𝐚𝐲 𝐧𝐠 𝐊𝐚𝐚𝐥𝐚𝐦𝐚𝐧 𝐚𝐭 𝐊𝐚𝐫𝐚𝐧𝐚𝐬𝐚𝐧: 𝐏𝐫𝐨𝐯𝐢𝐧𝐜𝐢𝐚𝐥 𝐄𝐱𝐩𝐨𝐬𝐮𝐫𝐞 𝐓𝐨𝐮𝐫 𝐧𝐠 𝐦𝐠𝐚 𝐎𝐉𝐓𝐬 𝐦𝐮𝐥𝐚 𝐑𝐨𝐦𝐛𝐥𝐨𝐧 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲 – 𝐒𝐚𝐧𝐭𝐚 𝐌𝐚𝐫𝐢𝐚 𝐂𝐚𝐦𝐩𝐮𝐬

Bilang bahagi ng pagtatapos ng On-The-Job Training (OJT) sa Municipal Agriculture Office ng Santa Maria, matagumpay na naisagawa ng labinlimang (15) na estudyante mula sa Romblon State University - Santa Maria Campus ang isang 2026 OJT Lakbay Aral o Provincial Exposure Tour. Layunin ng gawaing ito na mapalawak pa ang kanilang kaalaman at pag-unawa sa aktwal na operasyon ng mga tanggapan at pasilidad na may kinalaman sa agrikultura at pangisdaan sa buong lalawigan ng Romblon. Isang makabuluhang karanasan na tiyak na magsisilbing inspirasyon at gabay sa kanilang paglalakbay bilang mga susunod na haligi ng likas-kayang agrikultura at pangisdaang pamayanan.

Lubos po kaming nagpapasalamat sa lahat ng tanggapan at institusyong bukas-palad na tumanggap at nakiisa sa layunin ng gawain. Taus-puso rin ang aming pasasalamat sa ating butihing Mayor Hon. Lorilie F. Manito-Fabon sa kanyang suporta at pahintulot sa paggamit ng Municipal Tourism Vehicle, na naging susi sa matagumpay na pagsasakatuparan ng aktibidad na ito.

📸Tingnan ang mga caption ng larawan para sa mga detalye ng naging paglalakbay.

03/07/2026

𝐓𝐈𝐍𝐆𝐍𝐀𝐍 | Isang matagumpay na pagtatapos ang isinagawa ng labinlimang (15) mag-aaral ng Bachelor of Science in Fisheries mula sa Romblon State University (RSU) – Santa Maria Campus matapos nilang makumpleto ang kanilang 240-hours On-the-Job Training (OJT) sa Municipal Agriculture Office (MAO) ng Santa Maria, Romblon.

Sa loob ng kanilang pagsasanay, aktibong nakiisa ang mga estudyante sa iba't ibang gawaing opisina at aktwal na field activities na may kaugnayan sa agrikultura at pangisdaan. Kabilang sa kanilang mga naisagawa ay ang fishers' at farmers' validation sa lahat ng barangay, boat at gear validation, at fish catch monitoring sa buong bayan ng Santa Maria. Lumahok din sila sa mga technical lectures at sa pamamahagi ng interbensyon mula sa ibat-ibang ahensya.

Bilang bahagi ng pagtatapos ng kanilang OJT, isinagawa ang isang Provincial Exposure Tour o OJT Lakbay Aral. Dito ay bumisita ang mga trainees sa mga tanggapan at pasilidad na may koneksyon sa pangisdaan sa buong lalawigan, tulad ng Office of the Provincial Agriculturist, Provincial Fisheries Office-BFAR, at ang Marine Research and Breeding Center (MRBC) sa Barangay Canduyong, Odiongan.

Sa kanilang graduation activity, dalawang estudyante ang pinarangalan bilang Best Trainee sa Municipal Agriculture Office at ginawaran ng isang cash incentive. Bukod dito, nagkaloob din ang Municipal Agriculturist ng incentive para sa buong grupo bilang pasasalamat sa kanilang mahusay na pangkalahatang pagganap at dedikasyon sa trabaho.

Ang Municipal Agriculture Office ng Santa Maria, sa pangunguna ni Engr. Fabon, ay taos-pusong nagpapasalamat sa pakikiisa at pakikipagtulungan ng mga mag-aaral. Lubos ding kinikilala ang walang-sawang suporta ng ating butihing Mayor, Hon. Lorilie Manito-Fabon, sa lahat ng programang pangkabuhayan, pangkabataan, at pangkaunlaran ng ating bayan.

Muli, isang mainit na pagbati sa ating mga OJT finishers—saludo kami sa inyong sipag, tiyaga, at malasakit sa bayan!