Romblon Provincial Information Office

06/10/2026

06/10/2026

PAYOUT SCHEDULE
Ipinapaalam ng Provincial Government of Romblon ang schedule ng mga payout simula bukas, Miyerkules, October 7 hanggang 9, 2026 sa pangangasiwa ng Provincial Treasurer's Office.

07 - Sta. Maria | 8:00 AM
07 - Alcantara | 10:00 AM
07 - Sta. Fe | 2:00 PM
08- San Jose | 1:00 PM
09- San Agustin | 8:00 AM

Sundin lamang po ang itinakdang oras at kinakailangang mga dokumento upang maiwasan ang anumang abala. Maraming salamat po sa inyong patuloy na serbisyo.

06/10/2026

06/10/2026

06/10/2026

𝗢𝗣𝗜𝗦𝗬𝗔𝗟 𝗡𝗔𝗡𝗚 𝗜𝗗𝗜𝗡𝗘𝗞𝗟𝗔𝗥𝗔 𝗔𝗡𝗚 𝗝𝗨𝗟𝗬 𝟭𝟮 𝗕𝗜𝗟𝗔𝗡𝗚 “𝗪𝗘𝗦𝗧 𝗣𝗛𝗜𝗟𝗜𝗣𝗣𝗜𝗡𝗘 𝗦𝗘𝗔 𝗩𝗜𝗖𝗧𝗢𝗥𝗬 𝗗𝗔𝗬” 𝗦𝗔 𝗟𝗔𝗟𝗔𝗪𝗜𝗚𝗔𝗡 𝗡𝗚 𝗥𝗢𝗠𝗕𝗟𝗢𝗡

Sa bisa ng 𝗣𝗿𝗼𝘃𝗶𝗻𝗰𝗶𝗮𝗹 𝗢𝗿𝗱𝗶𝗻𝗮𝗻𝗰𝗲 𝗡𝗼. 𝟮𝟬, 𝗦𝗲𝗿𝗶𝗲𝘀 𝗼𝗳 𝟮𝟬𝟮𝟲, pormal nang idineklara ang July 12 ng bawat taon bilang “𝙒𝙚𝙨𝙩 𝙋𝙝𝙞𝙡𝙞𝙥𝙥𝙞𝙣𝙚 𝙎𝙚𝙖 𝙑𝙞𝙘𝙩𝙤𝙧𝙮 𝘿𝙖𝙮” sa lalawigan ng Romblon. Ipinasa ito ng Office of the Sangguniang Panlalawigan sa ika-32nd Regular Session nito at opisyal nang inaprubahan ni Governor Trina Firmalo-Fabic.

Ginugunita nito ang makasaysayang petsa at nagsisilbing paalala sa mga Romblomanon sa karapatan ng Pilipinas sa West Philippine Sea, gayundin sa yamang-dagat na bahagi ng ating likas na yaman.

Bilang isang isla-islang lalawigan, malaki ang bahagi ng karagatan sa ating pagkain, kabuhayan at pang-araw-araw na pamumuhay. Kaya mahalagang maunawaan ng bawat isa ang halaga nito at ang responsibilidad nating mapangalagaan ito.

Ang West Philippine Sea ay bahagi ng ating pagkakakilanlan at sumisimbolo sa ating mga karapatan bilang Pilipino. Sa pamamagitan ng kaalaman at malasakit, nawa’y maipasa natin ang pagpapahalagang ito sa mga susunod na henerasyon.

05/10/2026

ADVISORY | Inaabisuhan ang publiko na opisyal nang nagtatapos ang Habagat Season sa bansa.

Kasabay nito, inaasahang unti-unting magbabago ang lagay ng panahon sa mga susunod na araw. Gayunman, pinapaalalahanan ang lahat na manatiling mapagmatyag sa mga biglaang pagbabago ng panahon at iba pang posibleng banta sa kaligtasan.

Patuloy na sumubaybay sa mga opisyal na abiso, i-save ang mga emergency hotline numbers ng mga awtoridad, at magbantay sa ulat mula sa PAGASA at iba pang kinauukulang ahensya.

Ingat, mga kababayan!

05/10/2026

𝗠𝗔𝗕𝗔𝗕𝗔𝗡𝗚 𝗣𝗥𝗘𝗦𝗬𝗢 𝗡𝗚 𝗕𝗔𝗕𝗢𝗬 𝗦𝗔 𝗟𝗔𝗟𝗔𝗪𝗜𝗚𝗔𝗡, 𝗧𝗜𝗡𝗔𝗟𝗔𝗞𝗔𝗬 𝗦𝗔 𝗣𝗥𝗢𝗩𝗜𝗡𝗖𝗜𝗔𝗟 𝗖𝗢𝗡𝗦𝗨𝗟𝗧𝗔𝗧𝗜𝗢𝗡

Nagkaroon ng pagpupulong sa usapin ng mababang presyo ng bentahan ng baboy sa lalawigan nitong Oktubre 1, 2026, na pinangunahan ng Provincial Veterinary Office sa pangunguna ni Provincial Veterinarian Dr. Ralph Joselle A. Fabon, kasama si Executive Assistant IV Dr. Arnulfo F. De Luna, Provincial Agriculturist Relly F. Diokno, mga Municipal Agriculturists, Agriculture Technologists, SB Members, DTI, DOST, at ibang mga lokal na kinatawan.

Tinalakay sa pagpupulong ang kasalukuyang kalagayan ng swine industry sa Romblon, kabilang ang oversupply ng baboy, mataas na halaga ng feeds, at epekto ng pangamba sa African Swine Fever (ASF) sa presyuhan ng live swine. Bagaman kontrolado na ang ASF situation at may mga bayang kinikilala sa ilalim ng Recognition of Active Surveillance on African Swine Fever (RAS-ASF), nananatili itong isa sa mga usaping nakaaapekto sa bentahan.

Dumalo rin si SP Member Ricmel S. Falqueza, Chairman ng Committee on Agriculture, kung saan tinalakay ang mga posibleng hakbang upang matulungan ang mga magbababoy, kabilang ang pagbuo ng meat processing projects at mga lokal na mekanismo para sa price monitoring. Ipinresenta rin ni SB Member Jimuel Soriano ng Looc ang kanilang ordinansa hinggil sa regulasyon, monitoring at market access para sa live swine at pork products.

Bilang susunod na hakbang, iminungkahi ang pagpapatibay ng mga lokal na ordinansa at Executive Order sa bawat bayan, gayundin ang pagbuo ng Swine and Poultry Price Monitoring Council upang masubaybayan ang presyuhan at iba pang usapin sa industriya at makapaglatag ng mga solusyong makatutulong sa mga magbababoy sa lalawigan at iba pang stakeholder.

05/10/2026

𝗣𝗛𝗢𝗧𝗢 𝗛𝗜𝗚𝗛𝗟𝗜𝗚𝗛𝗧𝗦 | 𝗣𝗚𝗥 𝗙𝗮𝗺𝗶𝗹𝘆 𝗗𝗮𝘆 𝟮𝟬𝟮𝟲 𝘀𝗮 𝗞𝗮𝗽𝗶𝘁𝗼𝗹𝘆𝗼

Isang makulay at masayang araw ng pagkakaisa ang naging pagdiriwang ng PGR Family Day 2026 ng mga empleyado ng Kapitolyo na ginanap noong October 1, 2026 sa Evan’s Way Place, Ginablan, Romblon, Romblon.

Kasamang nakiisa sa selebrasyon sina Governor Trina Firmalo-Fabic, mga miyembro ng Sangguniang Panlalawigan, at Director Rafael A. Prado ng Civil Service Field Office - Romblon, kasama ang mga kawani mula sa iba’t ibang opisina na nagpakita ng kanilang team spirit sa pamamagitan ng makukulay at color-coded na kasuotan. Tampok sa selebrasyon ang motorcade, sports competitions, at iba’t ibang games, na nagbigay ng pagkakataon sa mga kawani na magsaya, makipagkaibigan, at higit pang mapalakas ang samahan.

Iginawad din ang mga awards sa mga winners sa Pickleball Doubles, Volleyball, Basketball, Yell Competition, at Larong Lahi, gayundin sa mga nagkampeon sa Overall Capitolympics 2026. Higit sa kompetisyon, naging pagkakataon ang PGR Family Day upang ipagdiwang ang pagkakaisa at samahan ng mga taong sama-samang nagsisilbi sa bawat Romblomanon.

05/10/2026

MOVE-ERPAT CONVENTION 2026, IDINAOS SA ODIONGAN, ROMBLON

Pagbati sa bawat ama ng tahanan mula sa iba’t ibang bayan ng lalawigan na nakiisa sa 2026 MOVE-ERPAT Convention na may temang “United Across Generations: Building a VAW-Free Future,” na isinagawa noong Setyembre 25–26, 2026.

Sa pangangasiwa ng Romblon Provincial Ferederation of MOVE-ERPAT (RPFME) Officers, Provincial Social Welfare and Development Office (PSWDO), katuwang ang mga MSWDO at LGU ng bawat bayan, nagsama-sama ang mga delegado mula sa iba’t ibang munisipyo para sa isang makabuluhang pagtitipon na kumikilala sa mahalagang papel ng mga ama at kalalakihan sa pamilya, komunidad, at lipunan.

Kabilang sa mga naging bahagi ng programa ang parade at pagkilala sa mga kalahok mula sa bawat munisipyo, symposium tungkol sa Mental Health and Well-Being of Fathers, at mga paligsahan na nagbigay-daan upang maipakita ang kanilang galing at talento tulad ng Yell Competition, Zumba Dance Competition, at Men’s Got Talent.

Isinagawa rin ang basketball at volleyball games na nagbigay ng pagkakataon para sa mas masayang pagkakaisa at pakikipagkaibigan ng mga kalahok mula sa iba’t ibang bahagi ng lalawigan.

Dumalo bilang kinatawan ni Governor Trina Firmalo-Fabic si SP Member Ricmel S. Falqueza, na naghatid ng mensahe ng suporta para sa mga ama at sa patuloy na pagpapatibay ng kanilang papel sa komunidad.

Congratulations sa lahat ng nanalo sa mga patimpalak! Saludo kami sa bawat ama na patuloy na nagsisikap, nagbibigay ng gabay sa pamilya, at aktibong nakikibahagi sa pagbuo ng mas matatag na lipunan!👏