16IB Maglilingkod Battalion, PA

31/10/2026

ALL SAINTS’ DAY 2026 | Sa araw ng paggunita sa mga banal, mga mahal sa buhay na pumanaw, at mga bayaning nag-alay ng kanilang buhay at sakripisyo, sariwain natin ang kanilang alaala at mga aral na mananatiling buhay sa ating mga puso.

31/10/2026

𝐏𝐢𝐧𝐚𝐥𝐚𝐰𝐚𝐤 𝐧𝐠 𝟏𝟔𝐈𝐁 𝐚𝐧𝐠 𝐊𝐚𝐦𝐚𝐥𝐚𝐲𝐚𝐧 𝐬𝐚 𝐖𝐏𝐒 𝐬𝐚 𝐏𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐂𝐈𝐀𝐀𝐏

Patuloy na pinaigting ng 16th Infantry (Maglilingkod) Battalion, 2nd Infantry (Jungle Fighter) Division, Philippine Army, ang pagpapalawak ng kaalaman ng publiko at pagpapatatag ng ugnayan sa pagitan ng kasundaluhan at mamamayan sa pamamagitan ng Community Information and Awareness Approach Program (CIAAP). Kaugnay nito, nagsagawa ang 16IB ng isang gawaing pang-impormasyon ngayong ika-31 ng Oktubre 2026, sa Brgy Haligue Silangan, Lungsod ng Batangas, sa pangunguna ni Hon. Danilo F. Balmes, Brgy Chairperson, kasama si PSSg Alyssa Ashley D. De Torres ng Batangas Component City Police Station.

Tinalakay sa aktibidad ang mahahalagang usaping pambansa, kabilang ang West Philippine Sea (WPS), soberanya ng bansa, pambansang seguridad, at papel ng bawat Pilipino sa pagpapanatili ng kapayapaan at kaayusan. Layunin nitong higit na mapalawak ang kaalaman ng mga mamamayan at mapatatag ang pakikipagtulungan sa pagitan ng kasundaluhan at lokal na komunidad.

Bilang suporta sa aktibidad, namahagi rin ang Pamahalaang Lungsod ng Batangas ng mga food pack sa mga kalahok, na nagpatibay sa diwa ng pagtutulungan at pagkakaisa ng pamahalaan, militar, at komunidad.

Nananatiling matatag ang 16IB sa pagsusulong ng kapayapaan at seguridad sa pamamagitan ng pagpapalaganap ng tamang impormasyon, bukas na komunikasyon, at pakikipagtulungan sa mga lokal na stakeholder bilang bahagi ng tungkulin nitong maglingkod at magprotekta sa sambayanang Pilipino.

30/10/2026

BATANGAS SECURITY FORCES STRENGTHEN INTER-AGENCY COORDINATION IN PROVINCIAL PEACE AND SECURITY MEETING

30/10/2026

𝗠𝗚𝗔 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗗𝗔𝗥𝗔𝗧𝗜𝗡𝗚 𝗡𝗔 𝗨𝗡𝗗𝗔𝗦

𝗠𝗚𝗔 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗗𝗔𝗥𝗔𝗧𝗜𝗡𝗚 𝗡𝗔 𝗨𝗡𝗗𝗔𝗦

𝑩𝒂𝒈𝒐𝒏𝒈 𝑷𝑵𝑷 𝒑𝒂𝒓𝒂 𝒔𝒂 𝑩𝒂𝒈𝒐𝒏𝒈 𝑷𝒊𝒍𝒊𝒑𝒊𝒏𝒂𝒔: 𝑺𝒆𝒓𝒃𝒊𝒔𝒚𝒐𝒏𝒈 𝑴𝒂𝒃𝒊𝒍𝒊𝒔, 𝑻𝒂𝒑𝒂𝒕 𝒂𝒕 𝑵𝒂𝒓𝒂𝒓𝒂𝒎𝒅𝒂𝒎𝒂𝒏

30/10/2026

𝐋𝐈𝐆𝐓𝐀𝐒 𝐔𝐍𝐃𝐀𝐒 𝟐𝟎𝟐𝟔, 𝐏𝐈𝐍𝐀𝐆𝐇𝐀𝐇𝐀𝐍𝐃𝐀𝐀𝐍 𝐒𝐀 𝐁𝐀𝐓𝐀𝐍𝐆𝐀𝐒 𝐒𝐀 𝐏𝐀𝐌𝐀𝐌𝐀𝐆𝐈𝐓𝐀𝐍 𝐍𝐆 𝐊𝐎𝐎𝐑𝐃𝐈𝐍𝐀𝐒𝐘𝐎𝐍 𝐍𝐆 𝐌𝐆𝐀 𝐀𝐇𝐄𝐍𝐒𝐈𝐘𝐀

30/10/2026

🕯️ 𝗟𝗜𝗚𝗧𝗔𝗦 𝗡𝗔 𝗨𝗡𝗗𝗔𝗦 𝟮𝟬𝟮𝟲

29/10/2026

𝐏𝐈𝐍𝐀𝐈𝐆𝐓𝐈𝐍𝐆 𝐀𝐍𝐆 𝐊𝐀𝐌𝐀𝐋𝐀𝐘𝐀𝐍 𝐒𝐀 𝐖𝐏𝐒 𝐀𝐓 𝐏𝐀𝐆𝐊𝐀𝐊𝐀𝐈𝐒𝐀 𝐒𝐀 𝐏𝐀𝐌𝐀𝐌𝐀𝐆𝐈𝐓𝐀𝐍 𝐍𝐆 𝐂𝐈𝐀𝐀𝐏

Rosario, Batangas — Patuloy na isinusulong ng 16th Infantry (Maglilingkod) Battalion, 2nd Infantry (Jungle Fighter) Division, Philippine Army, ang pagpapalawak ng kamalayan ng publiko at pagpapatibay ng ugnayan sa pagitan ng militar at komunidad sa pamamagitan ng Community Information and Awareness Approach (CIAAP), sa pangunguna ni Hon. Pascual V. Cortez, Committee of Peace and Order na isinagawa noong 27 Oktubre 2026 sa Barangay Sto.Niño, Batangas City, Layunin ng aktibidad na palalimin ang pag-unawa ng mga mamamayan sa mahahalagang usaping pambansa, kabilang ang West Philippine Sea (WPS), pambansang soberanya, seguridad, at ang mahalagang papel ng bawat Pilipino sa pagpapanatili ng kapayapaan at kaayusan.

Binigyang-diin sa programa ang kahalagahan ng pagkakaroon ng sapat at mapagkakatiwalaang impormasyon upang maging mapanuri at responsable ang mga mamamayan sa pag-unawa sa mga isyung nakaaapekto sa bansa. Hinikayat din ang aktibong pakikilahok ng komunidad sa mga gawaing nagtataguyod ng pagkakaisa, pagtutulungan, at ligtas na pamayanan. Sa pamamagitan ng CIAAP, patuloy na pinalalakas ng 16IB ang pakikipag-ugnayan sa mga lokal na lider at residente upang mapalawak ang kamalayan ng publiko at mapatatag ang tiwala sa pagitan ng militar at mamamayan. Kinikilala ng batalyon na ang pakikipagtulungan ng bawat sektor ay mahalaga sa pagsusulong ng pangmatagalang kapayapaan at kaunlaran.

24/10/2026

KAMALAYAN SA WPS AT MGA USAPING PANGKAPAYAPAAN, PINAIGTING

Rosario, Batangas — Sa layuning palakasin ang kamalayan at pakikiisa ng mga mamamayan para sa isang ligtas at mapayapang komunidad, pinaigting ng 16th Infantry (Maglilingkod) Battalion, 2nd Infantry (Jungle Fighter) Division, Philippine Army, ang Community Information and Awareness Approach Program (CIAAP) sa Barangay Maruclap, Batangas City noong 23 Oktubre 2026, sa pangunguna ni Hon. Victor A. Cleofe, Punong Barangay na ginanap sa Multi-Purpose Covered Court ng nasabing barangay.

Tinalakay sa programa ang kahalagahan ng West Philippine Sea, pambansang soberanya, at pangangalaga sa teritoryo ng bansa. Binigyang-diin din ang mga banta sa seguridad dulot ng armadong tunggalian, gayundin ang kahalagahan ng tamang impormasyon, pagkakaisa, at aktibong pakikilahok ng mamamayan sa pagtataguyod ng kapayapaan at kaayusan.

Bilang suporta sa aktibidad, namahagi rin ang Pamahalaang Lungsod ng Batangas ng mga food pack sa mga kalahok, na nagpatibay sa diwa ng pagtutulungan at pagkakaisa ng pamahalaan, militar, at komunidad.

Patuloy na isinusulong ng 16IB ang pagpapalawak ng kamalayan at pagpapatibay ng ugnayan sa komunidad tungo sa isang ligtas at mapayapang Batangas.

21/10/2026

19/10/2026

𝟏𝟔𝐈𝐁, 𝐍𝐀𝐊𝐈𝐈𝐒𝐀 𝐒𝐀 𝐏𝐀𝐆𝐆𝐔𝐍𝐈𝐓𝐀 𝐍𝐆 𝐈𝐊𝐀-𝟗 𝐍𝐀 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐏𝐀𝐆𝐏𝐀𝐏𝐀𝐋𝐀𝐘𝐀 𝐒𝐀 𝐌𝐀𝐑𝐀𝐖𝐈

ROSARIO, Batangas — Bilang pagpupugay sa kabayanihan at sakripisyo ng mga sundalong nag-alay ng kanilang buhay para sa kapayapaan ng bansa, nakiisa ang 16th Infantry (Maglilingkod) Battalion, Philippine Army, sa paggunita ng ika-9 na anibersaryo ng pagpapalaya sa Marawi sa pamamagitan ng sabayang seremonya ng pagpupugay sa watawat ng Pilipinas ngayong Oktubre 19, 2026.

Ang makasaysayang paggunita ay nagsisilbing paalala ng katatagan, pagkakaisa, at di-natitinag na dedikasyon ng mga kawal sa pagtatanggol sa soberanya ng bansa at pagpapanatili ng kapayapaan at seguridad ng mamamayan. Muling binigyang-diin nito ang kahalagahan ng pag-alala sa kabayanihan ng mga nagbuwis ng buhay sa paglaban sa terorismo at pagtataguyod ng kapayapaan.

Kasabay nito, pormal ding idinaos ang seremonya ng Pinning and Donning of Ranks para sa mga tauhang naitaas ang ranggo, pagkilala sa mga bagong itinalagang tauhan, at paggawad ng parangal sa mga retiradong kawal bilang pagpupugay sa kanilang tapat, marangal, at natatanging paglilingkod sa bayan.

Binigyang-diin ng Pamunuan ng 16IB ang kahalagahan ng propesyonalismo, disiplina, at dedikasyon sa pagtupad sa tungkulin bilang mga lingkod-bayan, alinsunod sa adhikain ng Philippine Army na maglingkod at magprotekta sa sambayanang Pilipino.