Quiling, Roxas, Isabela

Directions

Quiling, Roxas, Isabela Barangay Public Information

14/09/2026

Paalala sa mga TUPAD beneficiaries.

ANO ANG KARAPATAN AT TUNGKULIN NG PUNONG BARANGAY?

Base sa Local Government Code at DOLE TUPAD Guidelines, ang Kapitan pa rin ang may final authority sa Barangay.

KARAPATAN MO:

1. Right to be Informed
- Dapat ma- inform ang Kapitan ng coordinator kung sino-sino ang nasa listahan, taga-saan, at ilang araw ang TUPAD. Hindi pwedeng bigla na lang may magwawalis sa Barangay mo na hindi mo alam.

2. Right to Verify and Certify
- Kahit hindi ikaw nagbigay ng slot, ikaw pa rin ang pipirma sa DTR as Barangay Captain. Kung hindi mo pipirmahan, hindi babayaran ng DOLE. Ito ang pinaka-power mo para masigurong legit ang tao at nagtrabaho talaga.
- Karapatan mong i-verify kung taga-Barangay Quiling ba talaga yung nasa listahan. Kung taga-ibang Barangay at doon pinagtrabaho sa inyo, pwede mong i-question.

3. Right to Assign Work Area and Supervise
- Barangay mo ang area of work. Ikaw ang magde-decide kung saang purok, kanal, o school sila maglilinis. Hindi si coordinator.
- Pwede kang mag-assign ng Kagawad na mag-monitor sa kanila.

4. Right to Report Irregularity
- Kung may ghost beneficiary, may naniningil, o hindi naman nagtatrabaho pero nasa listahan, karapatan mong i-report sa PESO, DOLE, at DILG.

TUNGKULIN NG KAPITAN

1. Tungkulin na makipagtulungan
- Hindi pwedeng harangin ang programa kahit hindi ikaw ang nagbigay. National program ang TUPAD. Ang trabaho mo ay tulungan na maging maayos ang implementation.

2. Tungkulin na panatilihin ang kaayusan
- Ikaw ang responsible sa safety nila habang nasa Barangay mo sila nagtatrabaho. Kaya dapat alam mo nasaan sila.

3. Tungkulin na mag-certify nang totoo lang
- Pirmahan mo lang ang DTR ng mga totoong nagtrabaho at may picture. Kung hindi nagtrabaho, wag mong pirmahan.

ANO ANG DAPAT GAWIN NG MGA TUPAD BENEFICIARY?Ito ang pinapagawa ng DOLE at ng LGU/PESO:1. Mga Karaniwang Trabaho sa Bara...
14/09/2026

ANO ANG DAPAT GAWIN NG MGA TUPAD BENEFICIARY?

Ito ang pinapagawa ng DOLE at ng LGU/PESO:

1. Mga Karaniwang Trabaho sa Barangay:
Paglilinis / Clean-up drive: Pagwawalis ng kalsada, pagtatabas ng damo, paglilinis ng kanal at estero

Disinfection / Sanitation: Pag-disinfect ng Barangay Hall, eskwelahan, palengke
Community Gardening / Gulayan: Pagtatanim sa Barangay

Pag-aayos ng mga pasilidad: Pagpintura ng waiting shed, bakod ng school
Tree planting at Brgy. beautification

Bawal ang mabibigat na construction o trabaho na pang-regular employee.

2. Mga Dapat Gawin Bago, Habang, at Pagkatapos ng TUPAD:

BAGO MAG-UMPISA:
- Dumalo sa Orientation ng DOLE/PESO - doon pinipirmahan ang kontrata
- Magsumite ng Valid ID at picture
- Kunin ang TUPAD uniform / vest at PPE kung meron

HABANG NAGTA-TRABAHO:
- Pumasok sa tamang oras - may attendance sheet yan, 4 hours a day lang karaniwan
- Magsuot ng PPE - sombrero, guwantes, bota, face mask
- Mag-picture araw-araw - Before, During, After ng trabaho. Ito ang pinaka-importante sa DOLE, hinahanap ito sa liquidation
- Sumunod sa itinalagang Area Leader / Barangay Kagawad na naka-assign

PAGKATAPOS NG TRABAHO:
- Siguraduhing napirmahan ang Daily Time Record (DTR) / Attendance
- Dumalo sa pay-out - dala ang Valid ID. Bawal ang authorization, dapat personal na kukunin
- Hindi pwedeng ipalit ang ibang tao sa pangalan na nasa listahan

MGA BAWAL:

1. Bawal singilin ng kahit piso - Libre ang TUPAD. Kapag may naningil para makasali, i-report sa DOLE.
2. Bawal ang proxy - Kung sino ang nasa listahan, siya lang ang magtatrabaho at magpe-pay-out.
3. Bawal gawing kasambahay o sa private na bahay - Sa community lang ang trabaho.
4. 10-30 days lang - Pag tapos na, tapos na. Hindi na pwedeng i-extend nang walang bagong approval ng DOLE.

Ano ang dapat gawin ng kapitan:

Mag-assign ng isang Kagawad na magmo-monitor ng attendance at pictures nila araw-araw. Kasi pag nagkulang ang pictures at DTR, hindi mababayaran ng DOLE ang beneficiary at ikaw ang babalikan.

11/09/2026

REPUBLIKA NG PILIPINAS
Lalawigan ng Isabela
Bayan ng Roxas
BARANGAY QUILING

TANGGAPAN NG SANGGUNIANG BARANGAY

DRAFT BARANGAY ORDINANCE NO. 19 - S. 2026

ISANG ORDINANSANG NAGPAPALAKAS SA BARANGAY ANTI-DRUG ABUSE COUNCIL (BADAC), NAGTATATAG NG COMMUNITY-BASED DRUG REHABILITATION, PREVENTION AT DRUG-FREE ZONE PROGRAM SA BARANGAY QUILING, ROXAS, ISABELA, AT NAGTATAKDA NG PARUSA SA PAGLABAG DITO.

Ipinanukala ni: Hon. Romeo E. Castro Jr.

EXPLANATORY NOTE:

Alinsunod sa RA 9165 at DILG-DDB Joint Memorandum Circular No. 2018-01, lahat ng Barangay ay inaatasang magtatag at magpalakas ng BADAC upang masugpo ang paglaganap ng iligal na droga sa komunidad sa pamamagitan ng prevention, rehabilitation at pakikipagtulungan sa PDEA at PNP.

SEKSYON 1. PAMAGAT.
Ang ordinansang ito ay tatawaging "Barangay Quiling Anti-Drug Abuse Prevention and Rehabilitation Ordinance of 2026".

SEKSYON 2. PATAKARANG PANG-BARANGAY.

Ipinapahayag ng Barangay Quiling na:
a) Protektahan ang kabataan at pamilya laban sa droga;
b) Suportahan ang PDEA at PNP sa pagsugpo ng droga;
c) Bigyang prayoridad ang REHABILITASYON kaysa parusa sa mga biktima na gumagamit (PWUDs).

SEKSYON 3. PAGBUO NG BADAC. Binubuo muli ang BADAC ng Barangay Quiling na pinamumunuan ng Punong Barangay bilang Chairman, at kasapi ang:

Chairman: Hon. Julius Cesar V. Sanchez
Punong Barangay

Hon. Salvador D. Laconsay (Chairman on Peace and Order)

Hon. Dancent C. Monforte
SK Chairman

Rolando H. De leon Jr
Punong Tanod

Mr. Joey Dela Cruz Representative ng Paaralan (Quiling Elem. School)

Pastora Juanita S. Cercado Representative ng Faith-Based Organization

Janice E. Garcia
BHW Representative

Eduardo B. Sanguyo
Teresito F. Salvador
Membro ng Civil Society

SEKSYON 4. MGA TUNGKULIN NG BADAC.

1. Magtala ng mga Persons Who Use Drugs (PWUDs) at i-refer sa Rural Health Unit ng Roxas para sa assessment at Community-Based Drug Rehabilitation (CBDR) Program;
2. Mag-ulat sa PDEA Isabela at PNP Roxas kung may drug den, tulakan, o taniman ng ma*****na sa nasasakupan;
3. Magdeklara ng DRUG-FREE ZONE - 100 metro mula sa paaralan, simbahan, at Barangay Hall. Bawal ang pag-iinom, pag-tambay ng mga lasing at gumagamit ng droga sa mga lugar na ito mula 10:00 PM hanggang 4:00 AM.
4. Magsagawa ng buwanang House-to-House at Information Drive.

SEKSYON 5. MGA IPINAGBABAWAL NA GAWAIN SA BARANGAY.

a) Pag-iingat, paggamit, pagbebenta ng kahit anong iligal na droga sa loob ng Barangay Quiling;
b) Pagpapaupa ng bahay/kuwarto na alam na gagamitin bilang drug den;
c) Pagtanggi ng magulang/guardian na ipa-rehab ang menor de edad na napatunayang gumagamit ng droga matapos i-refer ng BADAC;
d) Hindi pag-report ng Purok kagawads sa BADAC kung may alam na gumagamit o nagtutulak sa kanyang Purok.

SEKSYON 6. PARUSA.

Ang sinumang lumabag sa Seksyon 5 ay papatawan ng:

Unang Paglabag: Pagharap sa BADAC, counseling at community service ng 16 oras sa Barangay at mandatory seminar kasama ang pamilya.

Pangalawang Paglabag:
Multa na P1,000.00 (pinakamataas na pinapayagan ng Local Government Code para sa Barangay Ordinance) at community service ng 24 oras.

Pangatlong Paglabag at higit pa: Multa na P1,000.00 at rekomendasyon na isampa ang kaso sa PDEA/PNP sa ilalim ng RA 9165 (Comprehensive Dangerous Drugs Act), na may parusang habang-buhay na pagkakabilanggo.

Ang menor de edad na lumabag ay i-refer sa MSWDO at hindi kukulong kundi dadaan sa intervention program.

SEKSYON 7. PAGTALAGA NG PUNDO. Maglalaan ang Barangay ng hindi bababa sa 5% ng Barangay Budget para sa BADAC operations, CBDR program at information materials.

SEKSYON 8.

PAGPAPATUPAD. Ang Punong Barangay, mga Barangay Tanod, BHW at Purok kagawads/ Leaders ang magpapatupad ng Ordinansang ito katuwang ang PNP Roxas at PDEA Isabela.

SEKSYON 9. SEPARABILITY CLAUSE. Kung may seksyon na mapawalang-bisa, ang ibang bahagi ay mananatiling may bisa.

SEKSYON 10. BISANG PAGPAPAIRAL. Ang Ordinansang ito ay magkakabisa 15 araw matapos maipaskil sa 3 hayag na lugar sa Barangay at maaprubahan ng Sangguniang Bayan ng Roxas.

PINAGTIBAY noong ika-___ ng Setyembre, 2026 sa Barangay Quiling, Roxas, Isabela.

Pinatutunayan:

Eduardo B. Sanguyo
Barangay Secretary

Pinagtibay ng Sanguniang Barangay:

1.Kag.
2.Kag.
3.

Pinagtibay:

HON. JULIUS CESAR V. SANCHEZ
Punong Barangay

Set. 04, 2026Barangay clean -up driveAttended by: Brgy.Officials, Tanods, BHW , Lupons other Brgy.workers , 4p's & other...
04/09/2026

Set. 04, 2026
Barangay clean -up drive
Attended by: Brgy.Officials, Tanods, BHW , Lupons other Brgy.workers , 4p's & other concerned citizens.

📢 CONGRATULATIONS MGA BAGONG PILIPINAS BARANGAY SCHOLARS! 📢EDUCATIONAL ASSISTANCE PROGRAM 2026-2027Ipagmamalaki ng Sangg...
29/08/2026

📢 CONGRATULATIONS MGA BAGONG PILIPINAS BARANGAY SCHOLARS! 📢
EDUCATIONAL ASSISTANCE PROGRAM 2026-2027

Ipagmamalaki ng Sangguniang Barangay ng Quiling sa pangunguna ni Hon. Julius Cesar V. Sanchez, Punong Barangay ang ating 5 napiling PRESIDENTIAL SCHOLARS na tumanggap ng Php 20,000.00 Cash Assistance bawat isa.

ITO ANG ATING MGA ISKOLAR:

1. SHEERINA CRYSTAL ABALOS CACHOLA - Bachelor of Elementary Education, Mallig Plains Colleges
2. JOHN CARLO ABANILLA CERVANTES - Bachelor of Science in Criminology, Mallig Plains Colleges
3. JANILYN MANUEL ESPIRITU - Bachelor of Science in Agribusiness, ISU-Echague
4. ERIKA B. AQUINO - Bachelor of Science in Information Technology, La Salette of Roxas College
5. PAULENE LACISTE MALUYO - Bachelor of Science in Law Enforcement Administration, ISU-Roxas

Lahat sila ay kasalukuyang 4th Year College Students at inaasahang gagraduate sa SY 2026-2027.

MAHALAGANG PAALALA:
Ang selection process ay mahigpit na sinunod ng Barangay Council ayon sa Guidelines ng DILG sa ilalim ng Bawat Barangay Makikinabang Program. Dumaan sa screening, interview, at validation upang matiyak na mapupunta sa mga karapat-dapat at nangangailangang estudyante. Sapagkat may 9 na applicants at noong March pa ang screening, lahat naman pasado sa itinalagang guidelines kaya minarapat ng Barangay Council na kung sino ang may mataas ng General Weighted Average( GWA) ang siyang makukuha at itong 5 students na napili ang may matataas na GWA.

Mga anak, ito ay puhunan ng gobyerno para sa inyong pangarap. Gamitin sa pag-aaral. Galingan niyo!
Ang buong Brgy. Quiling ay sumusuporta at naniniwala na kayo ang magdadala ng karangalan sa ating barangay.

"Sama-sama nating suportahan ang edukasyon at kinabukasan ng ating kabataan."🇵🇭

Muli, congratulations at maraming salamat sa Pambansang Pamahalaan at DILG!

Mula sa:
Sangguniang Barangay ng Quiling


Address

Roxas
3320

Website

Alerts

Be the first to know and let us send you an email when Quiling, Roxas, Isabela posts news and promotions. Your email address will not be used for any other purpose, and you can unsubscribe at any time.

Shortcuts

Share

Category