Roxas Memorial Provincial Hospital

𝗠𝗜𝗡𝗗 𝗔𝗡𝗗 𝗠𝗢𝗧𝗜𝗢𝗡: 𝗘𝗠𝗣𝗟𝗢𝗬𝗘𝗘 𝗪𝗘𝗟𝗟𝗡𝗘𝗦𝗦 𝗣𝗥𝗢𝗚𝗥𝗔𝗠 | 𝗔𝗽𝗿𝗶𝗹 𝟴, 𝟮𝟬𝟮𝟲

𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦, 𝗗𝗥. 𝗝𝗜𝗙𝗔𝗠𝗬 𝗙. 𝗙𝗔𝗘𝗟𝗗𝗜𝗡!

Panginbulahan! 🎉

Congratulations kay 𝗗𝗿. 𝗝𝗶𝗳𝗮𝗺𝘆 𝗙. 𝗙𝗮𝗲𝗹𝗱𝗶𝗻, isa ka 3rd Year Resident-in-Training sang Department of Internal Medicine sang RMPH, sa pagrepresentar sang iya research paper nga may titulo nga “𝘔𝘢𝘯𝘢𝘨𝘦𝘮𝘦𝘯𝘵 𝘰𝘧 𝘎𝘳𝘢𝘷𝘦𝘴’ 𝘋𝘪𝘴𝘦𝘢𝘴𝘦 𝘸𝘪𝘵𝘩 𝘔𝘦𝘵𝘩𝘪𝘮𝘢𝘻𝘰𝘭𝘦-𝘐𝘯𝘥𝘶𝘤𝘦𝘥 𝘈𝘨𝘳𝘢𝘯𝘶𝘭𝘰𝘤𝘺𝘵𝘰𝘴𝘪𝘴 𝘪𝘯 𝘢 𝘙𝘦𝘴𝘰𝘶𝘳𝘤𝘦-𝘓𝘪𝘮𝘪𝘵𝘦𝘥 𝘚𝘦𝘵𝘵𝘪𝘯𝘨: 𝘈 𝘊𝘢𝘴𝘦 𝘙𝘦𝘱𝘰𝘳𝘵” sa 𝟭𝟵𝘁𝗵 𝗔𝘀𝗶𝗮 𝗢𝗰𝗲𝗮𝗻𝗶𝗮 𝗖𝗼𝗻𝗴𝗿𝗲𝘀𝘀 𝗼𝗳 𝗘𝗻𝗱𝗼𝗰𝗿𝗶𝗻𝗼𝗹𝗼𝗴𝘆, nga ginhiwat sang 𝗠𝗮𝗿𝘀𝗼 𝟮𝟬–𝟮𝟮, 𝟮𝟬𝟮𝟲 𝘀𝗮 𝗧𝗮𝗶𝗽𝗲𝗶, 𝗧𝗮𝗶𝘄𝗮𝗻.

Mahibaluan man nga ang amo nga research paper ginbaton man para sa 𝗢𝗿𝗮𝗹 𝗣𝗿𝗲𝘀𝗲𝗻𝘁𝗮𝘁𝗶𝗼𝗻 𝘀𝗮 𝗔𝘀𝗶𝗮𝗻 𝗙𝗲𝗱𝗲𝗿𝗮𝘁𝗶𝗼𝗻 𝗼𝗳 𝗘𝗻𝗱𝗼𝗰𝗿𝗶𝗻𝗲 𝗦𝗼𝗰𝗶𝗲𝘁𝗶𝗲𝘀 (𝗔𝗙𝗘𝗦) nga ginhiwat sa 𝗗𝗮𝗻𝗮𝗻𝗴, 𝗩𝗶𝗲𝘁𝗻𝗮𝗺 sang nagligad nga 𝗡𝗼𝗯𝘆𝗲𝗺𝗯𝗿𝗲 𝟭𝟲–𝟭𝟴, 𝟮𝟬𝟮𝟱.

Ang imo padayon nga pagpangabudlay, dedikasyon kag handum nga mapaayo ang kalidad sang serbisyo medikal, labi na sa pag-atipan sang mga pasyente nga may komplikado nga kondisyon pareho sang Graves’ Disease, isa gid ka inspirasyon sa aton tanan.

Pagdayaw man kay Dr. Archimedes A. Apa-ap, iya coach sa sini nga kadalag-an.

Bugal kamo sang RMPH! 👏

𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦 𝗦𝗔 𝗔𝗧𝗢𝗡 𝗕𝗔𝗚-𝗢 𝗡𝗚𝗔 𝗗𝗜𝗣𝗟𝗢𝗠𝗔𝗧𝗘𝗦 𝗦𝗔 𝗗𝗘𝗣𝗔𝗥𝗧𝗠𝗘𝗡𝗧 𝗢𝗙 𝗣𝗘𝗗𝗜𝗔𝗧𝗥𝗜𝗖𝗦

Dako nga bugal sang Roxas Memorial Provincial Hospital ang pagkapasar sang aton duha ka doktor sa Department of Pediatrics sa ginhiwat nga 2026 Philippine Pediatric Specialty Board Examination (Written and Oral) sang Marso 18 kag 20, 2026.

Congratulations kanday 𝗗𝗿. 𝗖𝗮𝘁𝗵𝗲𝗿𝗶𝗻𝗲 𝗖. 𝗕𝗼𝗿𝗿𝗲𝗿𝗼𝘀 kag 𝗗𝗿. 𝗖𝗵𝗿𝗶𝘀𝘁𝗶𝗻𝗲 𝗗. 𝗩𝗮𝗹𝗲𝗻𝗰𝗶𝗮!

Ang inyo kadalag-an, bugal kag inspirasyon sang Roxas Memorial Provincial Hospital!

𝟭𝗦𝗧 𝗤𝘂𝗮𝗿𝘁𝗲𝗿 𝗙𝗶𝗿𝗲 𝗗𝗿𝗶𝗹𝗹

Naghiwat sang ika-una nga quarterly fire drill para sa tuig 2026 ang RMPH subong nga adlaw, Marso 31,2026.

Mahibalu-an nga sa isa ka tuig nagahiwat ang ospital sang apat ka fire drill para nga ma-assess ang kahandaan sang mga empleyado kag sang pasilidad sa tion sang kalamidad kasubong sang sunog.

Congratulations RMPH and RMPH Fire Brigade Team para sa madinalag-on nga 1st Quarter Fire Drill.

𝗜𝗠𝗣𝗢𝗥𝗧𝗔𝗡𝗧𝗘 𝗡𝗚𝗔 𝗣𝗔𝗛𝗜𝗕𝗔𝗟𝗢

𝗪𝗮𝗹𝗮 𝘀𝗮𝗻𝗴 𝗰𝗵𝗲𝗰𝗸-𝘂𝗽 𝗸𝗮𝗴 𝗸𝗼𝗻𝘀𝘂𝗹𝘁𝗮𝘀𝘆𝗼𝗻 𝘀𝗮 𝗢𝘂𝘁𝗽𝗮𝘁𝗶𝗲𝗻𝘁 𝗗𝗲𝗽𝗮𝗿𝘁𝗺𝗲𝗻𝘁 (𝗢𝗣𝗗) 𝗸𝗮𝗴 𝗕𝗨𝗖𝗔𝗦 𝗖𝗲𝗻𝘁𝗲𝗿 𝘀𝗮 𝗔𝗯𝗿𝗶𝗹 𝟮 𝗸𝗮𝗴 𝟯, 𝟮𝟬𝟮𝟲 kaangtanan sa pagselebrar sang Holy Week.

Madamo nga salamat.

𝗕𝗔𝗦𝗜𝗖 𝗟𝗜𝗙𝗘 𝗦𝗨𝗣𝗣𝗢𝗥𝗧 (𝗕𝗟𝗦) 𝗧𝗥𝗔𝗜𝗡𝗜𝗡𝗚, 𝗚𝗜𝗡𝗣𝗔𝗧𝗜𝗚𝗔𝗬𝗢𝗡

Nagpatigayon sang Basic Life Support (BLS) Training ang Roxas Memorial Provincial Hospital (RMPH) sang nagligad nga Marso 12-13, 2026, nga ginpasakupan sang 55 ka mga participants.

Ini nga duha ka adlaw nga hilikuton nagtutok sa paghatag sang husto nga ihibalo kag praktikal nga abilidad sa pag-responde sa mga emergency nga sitwasyon, lakip na ang CPR, paggamit sang Automated External Defibrillator (AED), kag iban pa nga life-saving techniques.

Ang training naghatag sang practical hands-on exercises para masiguro nga ang tanan nga participants may kumpiyansa sa pagpatuman sang Basic Life Support.

𝗠𝗜𝗡𝗗 𝗔𝗡𝗗 𝗠𝗢𝗧𝗜𝗢𝗡: 𝗘𝗠𝗣𝗟𝗢𝗬𝗘𝗘 𝗪𝗘𝗟𝗟𝗡𝗘𝗦𝗦 𝗣𝗥𝗢𝗚𝗥𝗔𝗠 (𝗭𝗨𝗠𝗕𝗔𝗧𝗔𝗜)

Nagpatigayon ang RMPH sang Mind and Motion: Employee Wellness Program paagi sa ZumbaTai (Zumba kag Tai Chi) activity nga ginlunsag kahapon, Marso 26, 2026.

Tinutuyo sang sini nga hilikuton nga maatipan ang kaayuhan sang panglawas kag panghunahuna sang mga empleyado agud mangin mas produktibo sa trabaho.

Padayon ang RMPH sa pagpatuman sang mga programa nga nagasuporta sa kabug-osan nga kaayuhan sang mga empleyado bilang kabahin sang katuyuan nga makahatag sang de-kalidad nga serbisyo sa komunidad.

𝗪𝗢𝗠𝗘𝗡’𝗦 𝗠𝗢𝗡𝗧𝗛 𝗖𝗘𝗟𝗘𝗕𝗥𝗔𝗧𝗜𝗢𝗡 𝟮𝟬𝟮𝟲

Nagakaisa ang Roxas Memorial Provincial Hospital sa pagselebrar sang Women’s Month subong nga bulan sang Marso! 💜

Sa sini nga okasyon, ginahatagan naton dungog kag pagkilala ang kusog kag dedikasyon sang tanan nga kababaenhan— indi lamang sa aton ospital kundi sa bug-os nga komunidad.

𝗥𝗠𝗣𝗛 𝗕𝗟𝗢𝗢𝗗𝗟𝗘𝗧𝗧𝗜𝗡𝗚 𝗔𝗖𝗧𝗜𝗩𝗜𝗧𝗬

Nagpatigayon sang Bloodletting Activity ang Roxas Memorial Provincial Hospital subong nga adlaw, Marso 24, 2026, sa RMPH Conference Room. Ini nga hilikuton ginpangunahan sang RMPH Laboratory Department kaupod ang Philippine Red Cross – Capiz Chapter.

Sa kabug-usan, naka-record kita sang 66 ka successful donors nga naghatag sang dugo.

Madamo gid nga salamat sa tanan nga nagbulig kag nagpasakop sa sini nga hilikuton. Ang inyo pagdonar isa gid ka daku nga kontribusyon sa komunidad.

Donate blood, save lives.

🩸 RMPH Bloodletting Activity 🩸

Dugo mo, kabuhi ko!

Gina-imbitar namon ang tanan nga magpasakop sa aton bloodletting activity subong nga adlaw:

📅 San-o: Marso 24, 2026
⏰ Oras: 8:00 AM – 12:00 NN
📍 Diin: RMPH Conference Room

Be a hero. Donate blood and save lives!

𝗥𝗠𝗣𝗛 𝗗𝗘𝗣𝗔𝗥𝗧𝗠𝗘𝗡𝗧 𝗢𝗙 𝗦𝗨𝗥𝗚𝗘𝗥𝗬 𝗥𝗘𝗦𝗜𝗗𝗘𝗡𝗧 𝗧𝗥𝗔𝗜𝗡𝗘𝗘𝗦 𝗚𝗜𝗡𝗣𝗔𝗦𝗜𝗗𝗨𝗡𝗚𝗚𝗔𝗡 𝗦𝗔 𝗞𝗔𝗠𝗔𝗬 𝗦𝗨𝗥𝗛𝗔𝗡𝗢 𝟮𝟬𝟮𝟲

Panginbulahan!

Congratulations kay Dr. Geraldine T. Sugide-Zamora, 5th Year Resident, kag Dr. Niña Azila A. Sainz, 1st Year Resident sang RMPH Residency Training sa Department of Surgery, sa pag-angkon sang 2nd Place Overall Champion sa Kamay Surhano 2026: Interhospital Open and Laparoscopic Surgical Skills Competition for General Surgery Residents, nga ginhiwat sang March 1, 2026 sa Iloilo Doctors College.

Sa pito ka category sang kompetisyon, nakakuha ang RMPH sang:
🥈 2nd Place – Laparoscopic Suturing
🥉 3rd Place – Bowel Anastomosis

Ini man ang labing-una nga pagpasakop sang RMPH Department of Surgery sa Kamay Surhano.

Bugal kamo sang RMPH!