26/06/2026
📢 Announcement
Please be reminded that the deadline for lineup submission is on July 8. Kindly submit your lineup on or before the deadline. Thank you!
25-UNDER INTER-BARANGAY BASKETBALL TOURNAMENT 2026
OFFICIAL RULES AND REGULATIONS
I. TOURNAMENT TITLE
25-Under Inter-Barangay Basketball Tournament 2026
II. OBJECTIVES
Magtaguyod ng sportsmanship, pagkakaisa, at mabuting samahan sa pagitan ng mga barangay.
Mabigyan ng pagkakataon ang mga kabataang atleta na maipakita ang kanilang talento sa basketball.
Maisulong ang disiplina, respeto, at malusog na pamumuhay sa pamamagitan ng palakasan.
III. OPENING DATE
July 11, 2026
IV. AGE ELIGIBILITY
Ang torneo ay eksklusibo lamang para sa mga manlalarong dalawampu't lima (25) taong gulang pababa.
Ang manlalaro ay hindi dapat umabot sa edad na dalawampu't anim (26) taong gulang bago o sa mismong araw ng Opening Ceremony sa July 11, 2026.
PSA Birth Certificate lamang ang magiging pangunahing batayan ng edad ng manlalaro.
V. PLAYER ELIGIBILITY
Ang isang manlalaro ay dapat may tunay at lehitimong koneksyon sa barangay na kanyang nire-representa at dapat kabilang sa alinman sa mga sumusunod:
A. Registered Voter Qualification
Rehistradong botante ng barangay.
Nakaboto sa pinakahuling National and Local Elections o Barangay and SK Elections bago ang pagsisimula ng torneo.
Dapat makapagpakita ng Voter's Certification, Certified Voter's Record, o iba pang katibayan na siya ay rehistradong botante ng barangay.
B. Homegrown Player Qualification
Ipinanganak sa barangay; o
Lumaki, nag-aral, o dating nanirahan sa barangay; o
Dating residente ng barangay at kinikilalang homegrown player ng komunidad kahit kasalukuyang naninirahan sa ibang lugar.
C. Parentage Qualification
Ang ama o ina ng manlalaro ay ipinanganak o kinikilalang residente ng barangay.
Maaaring kumatawan ang manlalaro sa barangay ng kanyang ama o ina kahit siya ay kasalukuyang naninirahan sa ibang lugar.
D. Marriage Qualification
Legal na asawa ng residente ng barangay.
Aktuwal na naninirahan o may malinaw na koneksyon sa barangay ng kanyang asawa.
E. Live-in Qualification
May live-in partner na residente ng barangay.
May anak sa kanyang kinakasama.
Kinikilala ng barangay bilang bahagi ng komunidad.
VI. INELIGIBLE PLAYERS
Hindi papayagang makalaro ang mga sumusunod:
Mga manlalarong umabot na sa edad na 26 taong gulang bago o sa araw ng opening.
Mga manlalarong walang sapat na dokumentong nagpapatunay ng kanilang eligibility.
Mga manlalarong pansamantalang pinatira lamang sa barangay upang makalaro.
Mga manlalarong gumamit ng peke o falsified documents.
Mga manlalarong nakarehistro sa higit sa isang koponan.
Mga manlalarong nakapaglaro sa ibang barangay sa parehong torneo.
Mga manlalarong hindi naaprubahan ng Tournament Screening Committee.
VII. REQUIRED DOCUMENTS
Bawat manlalaro ay kinakailangang magsumite ng PSA Birth Certificate at anumang dokumentong magpapatunay ng kanyang eligibility:
Voter's Certification o Certified Voter's Record.
Barangay Certification.
School Records.
Birth Certificate ng ama o ina.
Marriage Certificate.
Birth Certificate ng anak (para sa live-in qualification).
Valid Government ID.
Iba pang dokumentong hihingin ng Tournament Committee.
VIII. TEAM COMPOSITION
Maximum of Fifteen (15) players bawat koponan.
Isang (1) Head Coach.
Isang (1) Assistant Coach.
Isang (1) Team Manager.
Tanging mga nasa opisyal at aprubadong line-up lamang ang maaaring lumahok.
IX. SCREENING AND SUBMISSION OF LINE-UP
Ang lahat ng manlalaro ay kinakailangang personal na dumalo sa screening at validation ng Tournament Committee.
Ang opisyal na line-up at lahat ng dokumento ay dapat maisumite bago ang itinakdang deadline.
Walang karagdagang manlalaro o pagpapalit ng manlalaro matapos ang opisyal na deadline.
Lahat ng eligibility documents ay dapat maaprubahan bago ang opening day.
Ang hindi makakapagsumite ng kumpletong dokumento ay awtomatikong hindi makakalaro.
X. GAME RULES
Ang lahat ng laro ay susunod sa Official FIBA Rules maliban kung may ibang alituntuning ilalabas ang Tournament Committee.
Ang format ng laro ay apat (4) na quarter na tig-sasampung (10) minuto bawat quarter.
Running time ang gagamitin, maliban sa huling dalawang (2) minuto ng ikaapat na quarter at overtime kung saan stop clock ang ipatutupad.
Ang schedule ng laro ay ilalabas ng Tournament Committee.
Ang anumang unsportsmanlike conduct ay maaaring magresulta sa technical foul, suspension, o disqualification.
XI. PROTEST RULES
Ang protesta ukol sa eligibility ng manlalaro ay dapat maisampa bago magsimula ang laro o hindi lalampas sa dalawampu't apat (24) oras pagkatapos ng laro.
Ang protesta ay dapat nakasulat at pirmado ng Head Coach o Team Manager.
May protest fee na Dalawang Libong Piso (₱2,000.00).
Ang protest fee ay mare-refund lamang kung mapapatunayang may basehan ang protesta.
XII. PENALTIES
Ang koponang mapapatunayang gumamit ng ineligible player ay awtomatikong mafo-forfeit ang lahat ng larong sinalihan ng naturang manlalaro.
Ang buong koponan ay maaaring madiskwalipika depende sa bigat ng paglabag.
Ang coach, manager, at team officials na sangkot sa pandaraya ay maaaring masuspinde sa mga susunod na torneo.
Ang paggamit ng peke o falsified documents ay magreresulta sa agarang diskwalipikasyon.
XIII. GOOD MORALITY CLAUSE
Mahigpit na ipinagbabawal ang pakikipagsuntukan, pananakit, pagbabanta, pagmumura, at pambabastos sa mga referee, tournament officials, manlalaro, at manonood.
Ang sinumang manlalaro, coach, o team official na masasangkot sa kaguluhan ay maaaring masuspinde o madiskwalipika.
Mahigpit na ipinagbabawal ang pagsusugal, pagdadala ng armas, at paggamit ng ipinagbabawal na gamot sa loob ng playing venue.
XIV. TOURNAMENT COMMITTEE
Ang Tournament Committee ang may kapangyarihang magsagawa ng screening, beripikasyon, at pagpapatunay ng lahat ng dokumento.
Ang Tournament Committee ang may huling pagpapasya sa lahat ng usaping may kinalaman sa eligibility, protesta, at interpretasyon ng mga patakaran.
Ang desisyon ng Tournament Committee ay pinal at may bisa sa lahat ng kalahok.
XV. EFFECTIVITY
Ang mga patakarang ito ay magkakabisa simula July 11, 2026 at mananatiling umiiral hanggang sa pagtatapos ng 25-Under Inter-Barangay Basketball Tournament 2026.
