09/06/2025
๐ฃ๐ฎ๐ด๐ฏ๐ฎ๐ฏ๐ฎ๐๐ฎ๐น ๐๐ฎ ๐ฒ-๐๐ฎ๐ฏ๐ผ๐ป๐ด ๐ฎ๐ ๐บ๐ฎ๐ ๐บ๐ฎ๐ต๐ถ๐ด๐ฝ๐ถ๐ ๐ป๐ฎ ๐ฟ๐ฒ๐ด๐๐น๐ฎ๐๐๐ผ๐ป ๐๐ฎ ๐ฐ๐ผ๐ฐ๐ธ๐ณ๐ถ๐ด๐ต๐๐ถ๐ป๐ด ๐ผ๐ฝ๐ฒ๐ฟ๐ฎ๐๐ถ๐ผ๐ป๐, ๐ฝ๐ถ๐ป๐ฎ๐ด๐๐ถ๐ฏ๐ฎ๐ ๐ป๐ด ๐๐ฎ๐บ๐ฎ๐ฟ๐ฎ
Tatlong panukalang batas ang pinagtibay ng Mababang Kapulungan para maghigpit sa operasyon ng e-sabong kasama na ang tuluyang pagbabawal sa e-sabong.
162 na mambabatas ang bumoto pabor sa pag-apruba ng House Bill 11254 o tuluyang pagbabawal sa online sabong.
Isang taon hanggang 20 taong pagkakakulong at multa na P500,000 hanggang P5 million ang ipapataw na parusa sa sinomang lalabag oras na ito ay maisabatas.
โIf the offender is an operator of e-sabong betting platform, or a recidivist, or the owner of a cockpit arena whether licensed/authorized or unlicensed/unauthorized, who shall knowingly allow the conduct of e-sabong related activities within the premises, the maximum penalty prescribed shall be imposed,โ saad sa panukala.
Aprubado na rin sa huli at ikatlong pagbasa ang House Bill 11044 na mag-aamyenda sa Presidential Decree 449, upang palakasin ang papel ng lokal na pamahalaan sap ag-regulate ng sabong.
Dito tanging ang municipal o city mayor ang maaari magkaloob ng lisensya sa mga sabungan.
Nakasaad din sa panukala na tanging mga Pilipino, o mga partnership at korporasyong 60% ay pag-aari ng mga Pilipino, lamang ang maaaring magmay-ari, magpatakbo, at mamahala ng mga cockpit.
162 na mambabatas din ang bumoto pabor sa House Bill 11253 o Cockpit Regulation Law.
Nakasaad dito na iligal ang pagtanggap at pagtaya, kabilang ang pagtatayo at pamamahala ng mga cockpit, kapag ang mga ito ay matatagpuan sa loob ng 500 meter radius mula sa mga tirahan o komersyal na lugar, mga paaralan at institusyong pang-edukasyon, mga lugar ng pagsamba, at mga ospital.
Ang pagtatayo o operasyon ng sabungan sa mga ipinagbabawal na lugar ay may parusang lima hanggang pitong taong pagkakakulong at multa ng P500,000 hanggang P1 million.
Ang pagsasabong naman sa mga ipinagbabawal na lugar ay may katumbas na apat hanggang anim na taong kulong at multa na P400,000 hanggang P600,000
Kapag nahuli naman na kumukuha ng taya, tatlo hanggang limang taong kulong at multa na P100,000 hanggang P300,000 ang kahaharapin. | ulat ni Kathleen Jean Forbes
