LTO DLRO Robinsons Pampanga

15/09/2026

14/09/2026

𝐋𝐓𝐎 𝐂𝐇𝐈𝐄𝐅, 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐌𝐀𝐇𝐈𝐆𝐏𝐈𝐓 𝐍𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐏𝐀𝐆𝐋𝐈𝐏𝐀𝐓 𝐒𝐀 𝐋𝐓𝐌𝐒; 𝐏𝐀𝐆𝐆𝐀𝐌𝐈𝐓 𝐍𝐆 𝐒𝐓𝐑𝐀𝐃𝐂𝐎𝐌 𝐋𝐓𝐎-𝐈𝐓 𝐒𝐘𝐒𝐓𝐄𝐌, 𝐈𝐇𝐈𝐇𝐈𝐍𝐓𝐎 𝐍𝐀

Iniutos ni Land Transportation Office (LTO) Chief, Assistant Secretary Markus V. Lacanilao, sa lahat ng kinauukulang tanggapan ng ahensya ang agarang paghinto sa paggamit ng LTO-IT System ng STRADCOM sa mga 𝗹𝗮𝗵𝗮𝘁 𝗻𝗴 transaksyon at ang mahigpit na pagpapatupad ng 𝗲𝗸𝘀𝗸𝗹𝘂𝘀𝗶𝗯𝗼𝗻𝗴 𝗽𝗮𝗴 𝗴𝗮𝗺𝗶𝘁 𝗻𝗴 Land Transportation Management System (LTMS).

Ang direktiba ay alinsunod sa kautusan ng Office of the Ombudsman na naglalayong ihinto ang paggamit ng LTO-IT System ng STRADCOM at tiyakin ang paggamit ng LTMS sa mga transaksyon ng ahensya.

Sa ilalim ng Memorandum No. MVL-2026-207 at Memorandum No. MVL-2026-208, ipinag-utos ang agarang paghinto sa paggamit ng LTO-IT System sa Enhanced Driver’s License System (EDLS) Pilot Sites at sa 42 designated Temporary Offsite Printing Offices (TOPOs).

Saklaw din ng direktiba ang pagproseso ng Certificate of Stock Report (CSR) at New Registration of Motor Vehicles, Motor Vehicle Renewal of Registration, lahat ng Driver’s License transactions, at Miscellaneous Transactions.

Kabilang sa mga transaksyon sa Driver’s License na sakop ng direktiba ang renewal, new application, duplicate o replacement, at change of information.

Ang lahat ng nasabing transaksyon ay dapat nang eksklusibong iproseso sa LTMS.

Inatasan din ni Asec. Lacanilao ang mga kinauukulang tanggapan na makipag-ugnayan sa mga kaukulang opisina ng LTO Central Office upang matiyak ang maayos at tuloy-tuloy na transition, kabilang ang kinakailangang system configuration, user access, at iba pang operational requirements.

Anumang system limitation, technical issue, o operational difficulty na mararanasan sa panahon ng transition ay dapat agad i-report sa Management Information Division (MID) upang mabigyan ng agarang kaukulang aksyon.

“Patuloy nating inaayos at pinapahusay ang mga sistema ng LTO upang maging mas mabilis, maayos, at maaasahan ang ating serbisyo. Ang paglipat sa LTMS ay mahalagang bahagi ng ating pagsisikap na magkaroon ng mas episyenteng proseso at mas mahusay na serbisyo para sa ating mga motorista,” ayon kay Asec. Lacanilao.

Binigyang-diin ng LTO Chief na mahigpit na ipatutupad ang mga direktibang ito upang matiyak ang maayos at tuloy-tuloy na paglipat sa LTMS, kasabay ng pagpapanatili ng episyente at maaasahang serbisyo sa publiko.

14/09/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Ipinapaalam ng Land Transportation Office (LTO) na pansamantalang magiging offline ang system ng ahensya at maaaring magkaroon ng pansamantalang pagkaantala ng pagproseso ng mga transaksyon ngayong araw, Setyembre 14, 2026, bilang bahagi ng isinasagawang transition mula sa Stradcom LTO-IT System patungo sa Land Transportation Management System (LTMS).

Humihingi ang LTO ng pang-unawa ng publiko sa anumang abalang maaaring idulot ng pansamantalang pagkaantala. Magbibigay ang ahensya ng karagdagang abiso sa sandaling maging maayos na ang sistema at maaari nang ipagpatuloy ang mga transaksyon.

Maraming salamat sa inyong pang-unawa at pakikiisa.

07/09/2026

𝙁𝙍𝙀𝙀 𝙏𝙃𝙀𝙊𝙍𝙀𝙏𝙄𝘾𝘼𝙇 𝘿𝙍𝙄𝙑𝙄𝙉𝙂 𝘾𝙊𝙐𝙍𝙎𝙀 (𝙏𝘿𝘾)

LTO ROBINSONS STARMILLS Office invites interested applicants to our FREE Theoretical Driving Course (TDC) on:

📅 𝗦𝗲𝗽𝘁𝗲𝗺𝗯𝗲𝗿 𝟭𝟰–𝟭𝟱, 𝟮𝟬𝟮𝟲
📍 𝗕𝗮𝗿𝗮𝗻𝗴𝗮𝘆 𝗛𝗮𝗹𝗹, 𝗖𝗮𝗽𝗮𝘆𝗮 𝟮, 𝗔𝗻𝗴𝗲𝗹𝗲𝘀 𝗖𝗶𝘁𝘆

𝗢𝗡𝗟𝗬 𝟯𝟱 𝗣𝗔𝗥𝗧𝗜𝗖𝗜𝗣𝗔𝗡𝗧𝗦 𝗪𝗜𝗟𝗟 𝗕𝗘 𝗔𝗖𝗖𝗢𝗠𝗠𝗢𝗗𝗔𝗧𝗘𝗗!
Registration will be on a first-come, first-served basis.

𝗜𝗺𝗽𝗼𝗿𝘁𝗮𝗻𝘁: Those who successfully register will receive a text message confirmation before September 14, 2026. Please wait for the confirmation message to ensure your slot.

𝗦𝗰𝗮𝗻 𝘁𝗵𝗲 𝗤𝗥 𝗖𝗼𝗱𝗲 𝗼𝗿 𝗰𝗹𝗶𝗰𝗸 𝘁𝗵𝗲 𝗿𝗲𝗴𝗶𝘀𝘁𝗿𝗮𝘁𝗶𝗼𝗻 𝗹𝗶𝗻𝗸 𝗽𝗿𝗼𝘃𝗶𝗱𝗲𝗱 𝗯𝗲𝗹𝗼𝘄:
https://forms.gle/1bC58RP2V5Gg4MKd8

Thank you.

14/08/2026

14/08/2026

🚨𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐔𝐏𝐃𝐀𝐓𝐄🚨

Matapos ang isinagawang pagdinig ng Land Transportation Office (LTO) Intelligence and Investigation Division (IID), napagdesisyunan ang perpetual revocation ng driver’s license ng pick-up drayber at lifetime ban sa pagkuha ng anumang uri ng driver’s license dahil sa pagiging Improper Person to Operate a Motor Vehicle. Bukod dito, napatunayang lumabag ang drayber sa Reckless Driving at Duty of Driver in Case of Accident kaugnay ng insidenteng nakuhanan sa viral video, kung saan nasagasaan at nahila ng naturang sasakyan ang isang batang naglalaro sa loob ng parking area ng isang establisyimento.

Samantala, nanatiling naka-alarm status ang naturang sasakyan alinsunod sa inilabas na Show Cause Order (SCO).

Patuloy na paiigtingin ng LTO ang pagpapatupad ng batas laban sa mga driver na nagdudulot ng panganib sa buhay at kaligtasan ng publiko. Sa ilalim ng pamumuno ni LTO Chief Assistant Secretary Markus V. Lacanilao, titiyakin ng ahensya na mananagot ang mga mapatutunayang lumabag at mapananatili ang kaligtasan at kaayusan sa lansangan.

Para sa karagdagang detalye tungkol sa unang aksyon ng LTO kaugnay ng insidente, maaaring basahin ang naunang post sa link sa ibaba:

https://www.facebook.com/share/p/1BhWuDnmr5/?mibextid=wwXIfr

14/08/2026

14/08/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Bilang pag-iingat sa kaligtasan ng publiko at mga kawani ng pamahalaan bunsod ng inaasahang patuloy na malakas na pag-ulan dulot ng Southwest Monsoon, ipinapaalam ng Land Transportation Office (LTO) na alinsunod sa Memorandum Circular No. 123 na inilabas ng Office of the President, ipatutupad ang work-from-home (WFH) arrangement ngayong araw, Agosto 10, 2026, sa lahat ng tanggapan ng LTO sa National Capital Region (NCR), gayundin sa mga lalawigan ng Ilocos Sur, La Union, Zambales, Bataan, Rizal, Cavite, Batangas, Occidental Mindoro, Benguet, Pangasinan, Abra, Tarlac, Pampanga, Oriental Mindoro, at Bulacan.

Sa ganitong sitwasyon, hinihikayat ang publiko na bigyang-prayoridad ang kaligtasan at ipagpaliban muna ang mga planong transaksyon sa mga tanggapan ng LTO. Ang mga transaksyong hindi maisasagawa sa nasabing araw ay maaaring ipagpatuloy sa oras na maibalik ang regular na operasyon ng mga tanggapan.

Patuloy na subaybayan ang mga opisyal na anunsyo ng LTO para sa mga susunod na update at manatiling alerto sa mga pagbabago sa lagay ng panahon. Higit sa lahat, manatiling ligtas at mag-ingat sa lahat ng oras.