DOH Central Luzon

PANOORIN: Ibinahagi ni Soledad Datoc, isang Barangay Health Worker (BHW) mula sa Marilao, Bulacan, ang kanyang karanasan at adbokasiya sa pagpapabakuna ng mga bata bilang bahagi ng Measles-Rubella Supplemental Immunization Activity (MR SIA).

Bilang katuwang ng komunidad sa pangangalaga ng kalusugan, aktibo niyang minomonitor ang mga batang dapat mabakunahan at hinihikayat ang mga magulang na pabakunahan ang kanilang mga anak upang maprotektahan laban sa tigdas at rubella.

Mahalagang mabakunahan ang mga bata sa tamang panahon upang maiwasan ang mga sakit na maaaring magdulot ng malubhang komplikasyon. Sa pagtutulungan ng mga magulang, health workers, at komunidad, masisiguro ang mas ligtas at mas malusog na kinabukasan para sa mga anak.

Upang makasiguradong malusog at ligtas mula sa iba’t ibang sakit, kagustuhan mismo ni Mommy Mary Grace na makumpleto ang bakuna ng kaniyang anak.

Bilang Nanay, batid niya ang pangamba sa mga banayad at panandaliang side effects ng bakuna gaya ng lagnat, ngunit paalala niya sa kapwa niya magulang, para ito sa proteksyon ng kanilang mga chikiting. Dagdag pa niya, huwag mahiyang magtungo sa health center para magpabakuna.

Sa pagsisimula ng ikalawang yugto ng Ligtas-Tigdas Measles-Rubella Supplemental Immunization Activity (MR SIA), mga Barangay Health Workers o BHW ang pangunahin nating kasangga sa pagpapaabot ng ating mga programang pangkalusugan sa iba’t ibang sulok ng bansa.

Kasama ng ating mga doktor, nurse, at iba pang health workers, BHWs ang siyang bumababa, kumakausap, at kumukumbinse sa ating mga kababayan na pabakunahan ang kanilang mga chikiting.

Para kay Nanay Cecilia Palogan, BHW ng Barangay Paliwas sa Obando, Bulacan, tiyaga at malinaw na paliwanag sa kahalagahan ng mga bakuna ang susi upang ma-proteksyonan ang mga bata mula sa mga vaccine-preventable diseases — bakuna ang kailangan upang makaiwas sa mga komplikasyong dulot ng Measles-Rubella gaya na lamang ng pneumonia, impeksyon sa tenga, at iba pa na maaaring humantong sa pagkamatay.

PANOORIN: Ibinahagi ni Dr. Abner Ganaban, Municipal Health Officer ng Obando, Bulacan, ang bisa ng MR Vaccine.

Ayon sa kanya, “Sa dekada ng pananaliksik at aprubado ng World Health Organization (WHO), ang MR Vaccine ay nagbibigay ng 97%–99% na proteksyon sa mga bata laban sa tigdas at rubella.”

Patuloy na pagpapabakuna ang susi upang mapanatili ang mataas na antas ng proteksyon at maiwasan ang mga seryosong komplikasyon ng mga sakit na ito.

Sama-sama tayong makiisa sa Measles-Rubella Supplemental Immunization Activity (MR SIA) at sa pagpapalaganap ng tama at mapagkakatiwalaang impormasyon para sa kaligtasan ng bawat bata.

‼️10 NAIUWI NG DOH SA PILIPINAS MULA WORLD HEALTH ASSEMBLY‼️

Ano nga ba ang pakinabang sa Pilipinas ng pagdalo at literato ng DOH sa World Health Assembly?