Ligaya sa labas, ACEKM

Puso'ng puno ng kasulatan
Nais pumutok at magsilan
Bigat ng nararamdaman
Sa akin ang ipinasan

Unti unti mong sinira
Tiwalang kanilang ipinagpala
Saya ang nais matamasa
Sa alak nagpakasasa

Tanong na walang kasagutan
Sagot mo'y walang kinalaman
Iyak kong katotohanan
Iyak mong kasinungalingan

Hapdi ng isipan ang pumapatay ng dahan dahan
Sa pagtulo ng mga luhang hindi mapigilan
Gamit ang pasyang kapabayaan
Sa mga magulang na walang kaalaman

Mahirap ba talaga
O mahirap magsabing may iba
Hulog ka sa sarili mong mantika
Habang tinutuhog ng iba

Pasasalamat ang kahulugan
Pamumulat ang kaganapan
Pagbibigay kaalaman
Salamat sa paglisan