City Committee on Anti-Trafficking and VAWC - CSJDM

IN PHOTOS

Naging matagumpay ang rescue operation ng isang 12-day-old na sanggol na umano’y balak ibenta ng sariling mga magulang nitong Pebrero 2, 2026. Ang operasyon ay isinagawa ng Women and Children Protection Center (WCPC) – Camp Crame sa pakikipag-ugnayan ng City Social Welfare and Development Office (CSWDO) upang matiyak ang agarang kaligtasan ng bata.

Matapos ang rescue, agad na isinailalim ang sanggol sa wastong proseso at pansamantalang pangangalaga upang masiguro ang kanyang proteksyon, kalusugan, at kapakanan. Isinasagawa rin ang kaukulang legal at social interventions alinsunod sa umiiral na mga batas para sa proteksyon ng mga bata.

Ang mabilis at koordinadong pagtugon na ito ay nagpapakita ng mahigpit na paninindigan ng pamahalaan laban sa anumang uri ng pang-aabuso at pagsasamantala sa mga bata—isang adbokasiyang patuloy na isinusulong sa lungsod kung saan ang kapakanan at karapatan ng kabataan ay nananatiling pangunahing prayoridad ni Mayor Ate Rida Robes.

IN PHOTOS

Naging matagumpay ang isinagawang Rescue Operations nitong January 28, 2026 na pinangunahan ng National Bureau of Investigation (NBI) – Cybercrime Division, kung saan 29 na biktima ng Human Trafficking ang nailigtas sa isang operasyon

Sa pakikipag-ugnayan ng City Social Welfare and Development Office (CSWDO), naisagawa ang Inquest Proceeding upang matiyak ang maayos at ligtas na turnover ng mga nasabing biktima sa angkop na mga institusyon at shelter, para sa agarang tulong, proteksyon, at rehabilitasyon.

Pinagtibay rin ng mga tanggapan ng CCAT-VAWC (City Committee on Anti-Trafficking and Violence Against Women and their Children) ang kanilang aktibong papel sa pagbibigay ng suporta, koordinasyon, at patuloy na adbokasiya laban sa human trafficking at karahasan, katuwang ang Pamahalaang Lungsod sa pangunguna at buong suporta ni Mayor Ate Rida Robes.