DILG-City of San Jose del Monte

𝐄𝐧𝐯𝐢𝐫𝐨𝐧𝐦𝐞𝐧𝐭𝐚𝐥 𝐒𝐮𝐦𝐦𝐢𝐭 𝟐𝟎𝟐𝟓
October 15, 2025

Sa pangunguna City Environmental and Natural Resources Office, isinagawa ang Environmental Summit sa Sampaguita Hall, Convention Center, Barangay Sapang Palay Proper. Sa aktibidad na ito, naghatid ng iba’t-ibang kaalaman ang CENRO sa barangay officials. Binigyan din ng parangal ang mga barangay na nagtamo ng mataas na antas sa pag-implementa ng mga programa patungkol sa pagpreserba na kalikasan.

𝐀𝐩𝐩𝐥𝐢𝐜𝐚𝐭𝐢𝐨𝐧 𝐨𝐟 𝐈𝐂𝐒 𝐨𝐧 𝐌𝐃𝐌
October 28-30, 2025

Sa pangunguna ng City Disaster Risk Reduction and Management Office ng Lungsod ng San Jose del Monte, isinagawa ang Application of Incident Command System on the Management of the Dead and Missing Persons Training-Seminar.

Ang mga miyembro ng CDRRMO Council ay dumalo sa tatlong araw na pagsasanay upang alamin ang proseso kung paano ang dapat gawin sa mga bangkay na makukuha at mga nawawalang mga indibidwal pagkatapos ng kalamidad.

𝐁𝐚𝐫𝐚𝐧𝐠𝐚𝐲 𝐀𝐬𝐬𝐞𝐦𝐛𝐥𝐲

Sa pagsunod sa probisyon ng Local Government Code, ang animnapu’t dalawang barangay sa Lungsod ng San Jose del Monte ay nagsagawa ng Barangay Assembly sa buong buwan ng Oktubre.

Sa ginawang aktibidad, ang mga barangay official ay kailangan mag-ulat ng kanilang accomplishment report sa mga residente ng kanilang nasasakupang barangay. Ang mga residente ay binibigyan din ng pagkakataon na magtanong, magbigay ng opinyon at suhestiyon. Ang mga inputs na galing sa mga residente ay magagamit ng mga barangay officials upang mas mapabuti pa nila ang paggawa ng mga plano at paggamit ng pondo.

𝐏𝐫𝐨𝐣𝐞𝐜𝐭 𝐒𝐢𝐥𝐨𝐧𝐠 - October 21, 2025

Sa pangungang ng Bureau of Jail Management and Penology – Male Warden, inilunsad ang Project Silong Official Launching and Ceremonial Ribbon Cutting.

Ang Project Silong ay inisyatiba ng BJMP Male Warden na naglalayong mabigyan ng mas maayos na pamumuhay sa loob ng pasilidad hanggang sa kanilang paglaya.

𝐊𝐚𝐭𝐚𝐫𝐮𝐧𝐠𝐚𝐧𝐠 𝐏𝐚𝐦𝐛𝐚𝐫𝐚𝐧𝐠𝐚𝐲 𝐓𝐫𝐚𝐢𝐧𝐢𝐧𝐠 𝐧𝐠 𝐋𝐮𝐩𝐨𝐧 𝐓𝐚𝐠𝐚𝐩𝐚𝐦𝐚𝐲𝐚𝐩𝐚 𝐨𝐟 𝐁𝐚𝐫𝐚𝐧𝐠𝐚𝐲 𝐌𝐮𝐳𝐨𝐧 𝐏𝐫𝐨𝐩𝐞𝐫
𝐎𝐜𝐭𝐨𝐛𝐞𝐫 𝟐𝟏, 𝟐𝟎𝟐𝟓 – Ang Pamahalaang Barangay ng Muzon Proper ay nagsawa ang pagsasanay ng kanilang mga Lupon Tagapamayapa upang mas mapaigting ang implementasyon ng Katarungang Pambarangay (KP). Sa ginawang pag-aaral, nilinaw ang mga kasong sakop at hindi sakop ng KP. Napag-usapan din ang mga KP Forms at kung saan antas ng KP gagamitin ang mga ito. Naging hamon naman sa mga Lupon kung paano masigurado na magkakasundo ang nagre-reklamo at inirereklamo at kung paano mapapababa ang mga kaso na pumapasok sa Katarungang Pambarangay.

𝐒𝐞𝐩𝐭𝐞𝐦𝐛𝐞𝐫 𝟐𝟔, 𝟐𝟎𝟐𝟓,

Nagsagawa ng Pre-Disaster Risk Assessment ang CDRRMC, upang talakayin at maghanda para sa mga posibleng epekto ng Tropical Storm "Opong" sa lungsod ng San Jose del Monte.

Pinangunahan ni City Mayor Florida “Rida” Robes ang nasabing pagpupulong. Sa kanyang mensahe, pinaalalahanan niya ang lahat ng kasapi ng council na magtulungan at magkaisa upang matiyak ang isang maayos na pagtugon at pamamahagi ng mga resources para sa anumang magiging epekto ng bagyo sa lungsod.