Manila Bay Unit, CENRO - San Jose City, Nueva Ecija

WORLD WATER DAY 2026!

Sa darating na Sabado, ikaw-21 ng Marso, magkakaroon tayo ng malawakang clean-up drive sa bawat barangay sa ganap na ika-6 ng umaga.

Para sa mga gustong makibahagi ay makipag-ugnayan lamang sa kani-kanilang mga barangay para sa lugar na kanilang lilinisin.

Ang bawat isa ay may karapatan sa malinis na tubig, kaya't sama-sama tayong makiisa sa pagdiriwang na ito!

𝐈𝐬𝐚𝐧𝐠 𝐌𝐚𝐤𝐚𝐤𝐚𝐥𝐢𝐤𝐚𝐬𝐚𝐧𝐠 𝐏𝐚𝐚𝐥𝐚𝐥𝐚!

Mahalaga ang malinis na tubig dahil ito ay kayamanan ng buhay.

Kaya't bawat patak, bawat ilog, bawat dagat—dapat pangalagaan at protektahan. 💧💙

Paano tayo makakatulong?
🚮Huwag magtapon ng basura sa mga ilog, irigasyon, kanal o dagat.
💧Maging matipid sa paggamit ng tubig.
🤝Sumali sa mga clean-up drive sa inyong komunidad.

Ang pag-aalaga sa tubig ay pag-aalaga sa ating sarili at sa ating kinabukasan. Maging responsable tayo.

Dahil ang malinis na tubig ay kailangan ng lahat. 💧💙

𝗛𝗜𝗡𝗗𝗜 𝗟𝗔𝗡𝗚 𝗣𝗔𝗡𝗚𝗔𝗥𝗔𝗣, 𝗞𝗨𝗡𝗗𝗜 𝗔𝗞𝗦𝗜𝗬𝗢𝗡! 💚

Sa pagdiriwang ng 𝗡𝗮𝘁𝗶𝗼𝗻𝗮𝗹 𝗗𝗮𝘆 𝗳𝗼𝗿 𝗬𝗼𝘂𝘁𝗵 𝗶𝗻 𝗖𝗹𝗶𝗺𝗮𝘁𝗲 𝗔𝗰𝘁𝗶𝗼𝗻, muling pinatunayan ng 𝐘𝐄𝐒-𝐎 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 𝐧𝐠 𝐒𝐚𝐧 𝐉𝐨𝐬𝐞 𝐂𝐢𝐭𝐲 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 ang kanilang dedikasyon sa kalikasan.

Sa superbisyon ng CENRO - San Jose City at pakikipagtulungan ng Barangay Abar Primero, isinagawa ang isang masinsinang clean-up drive sa Sitio Tanibong noong Nobyembre 22. Ang 210 kilos ng residual wastes na nakolekta ay isang malinaw na patunay na seryoso ang kabataan sa pangangalaga sa ating kalikasan.

Ang bawat piraso ng basurang inalis nila ay isang hakbang palayo sa climate crisis. Ito ay patunay na ang KABATAAN ang pinakamalakas na puwersa sa pagbabago!

Halina't maki lahok mga ka Barangay

𝗣𝗔𝗔𝗟𝗔𝗟𝗔 𝗻𝗴𝗮𝘆𝗼𝗻𝗴 𝗺𝗮𝘆 𝗕𝗔𝗚𝗬𝗢‼️‼️

Huwag magpaanod ng anumang basura at magtambak ng anumang klase ng basura sa mga lugar na malapit sa mga daraanan ng tubig (kanal, estero, ilog, irigasyon, atbp.) dahil maaaring maianod ito na siyang isang dahilan ng pagkabara nito na magreresulta ng 𝗣𝗔𝗚𝗕𝗔𝗛𝗔.

Makakalikasang paalala mula sa LGU San Jose City at City Environment and Natural Resources Office

"𝙏𝙪𝙡𝙤𝙣𝙜-𝙩𝙪𝙡𝙤𝙣𝙜 𝙋𝙖𝙧𝙖 𝙨𝙖 𝙇𝙞𝙜𝙩𝙖𝙨 𝙖𝙩 𝙈𝙖𝙡𝙞𝙣𝙞𝙨 𝙣𝙖 𝙆𝙖𝙥𝙖𝙡𝙞𝙜𝙞𝙧𝙖𝙣

Palaging maging alerto at handa sa paparating na bagyo. Mag-iingat po tayong lahat!

📸 WEEKLY HIGHLIGHTS! 🌿

Narito ang ilang larawan mula sa mga isinagawang gawain ng aming tanggapan sa nakalipas na linggo! 💪

Kasama rito ang pagdalo sa mga Barangay Solid Waste Management Committee (BSWMC) meetings sa iba’t ibang barangay upang patuloy na maipatupad ang maayos na pamamahala sa basura, pati na rin ang pagsasagawa ng inspeksyon sa mga establisimyento upang matiyak ang pagsunod sa mga batas pangkalikasan. ♻️

Patuloy ang aming tanggapan sa pagsusulong ng kalinisan, disiplina, at pangangalaga sa kapaligiran—kasama ang bawat San Joseño tungo sa mas malinis at mas maayos na lungsod! 🌍✨

🕯️ Sa paggunita ng Araw ng mga Patay, ipakita rin natin ang respeto — hindi lang sa ating mga yumaong mahal sa buhay, kundi pati sa kalinisan ng kanilang himlayan. 🌿
🪦 Ilagay sa tamang lalagyan ang basura at iwasang iwan kung saan-saan. 🚯
🤝 Tulong-tulong tayo sa pagpapanatili ng malinis at maayos na kapaligiran. 💚

💚 Barangay Assembly Meeting – Brgy. Tayabo 🏘️

Kahit Linggo, patuloy pa rin ang pagbabahagi ng kaalaman at impormasyon tungkol sa mga programang pangkalikasan ng Lungsod ng San Jose. 🌿

Dumalo ang mga kinatawan mula sa City Environment and Natural Resources Office (CENRO) sa ginanap na Barangay Assembly Meeting sa Brgy. Tayabo nitong Linggo, October 26, 2025.

👩‍💼 Ms. Susan Marcos – tinalakay ang Liquid Waste Management, City Ordinance No. 17-022 o ang Septage Management System, at ang Manila Bay Clean-Up, Rehabilitation, and Preservation Program.
👩‍💼 Ms. Abigail Capinpin, Unit Head ng Barangay Capability Building Unit, ay nagbahagi naman ng mahahalagang impormasyon tungkol sa Comprehensive Solid Waste Management.
👩‍💼 Ms. Cristina Mosquito mula sa Enforcement Unit ay nagbigay ng paalala at impormasyon ukol sa mga environmental policies at compliance.

Isang patunay na tuloy-tuloy ang serbisyo at malasakit ng CENRO sa pangangalaga ng ating kalikasan, sa pakikipagtulungan ng mga barangay at mamamayan ng Lungsod ng San Jose. 💚🌊

🌿 “Lingkod Bayan, sa ilalim ng araw.” 🌿
Walong barangay.
Isang araw.
Tricycle lang ang kasama, pawis at alikabok ang karamay.
Sabado sana — araw ng pamilya, araw ng pahinga —
pero tinawag muli kami ng tungkulin.
At sa bawat pagliko ng gulong,
bawat patak ng pawis,
bawat “magandang umaga po” sa barangay hall,
may kasamang tanong sa puso:
“Hanggang saan mo kayang ibigay ang sarili mo,
kapalit ng kalinisan at kaayusan ng iba?” 🌱
Sa Parang Mangga nagsimula ang umaga,
sa Canuto Ramos natapos ang araw.
Walong barangay, walong pagkakataon
na maipaalala kung gaano kahalaga ang ating kalikasan.
Solid waste. Liquid waste. Manila Bay. Septage. Enforcement.
Mga salitang ilang ulit naming binigkas,
umaasang sa bawat barangay, may isang pusong makikinig. 💚
Pagod? Oo.
Mainit? Sobra.
Pero mas masakit isipin kung wala kaming gagawin.
Dahil ang katahimikan ng walang malasakit,
mas mabigat pa kaysa init ng araw. ☀️
Hindi kami perpekto.
Hindi rin kami laging napapansin.
Pero sa bawat araw na gaya nito,
natutunan naming hindi lahat ng bayani ay may medalya —
yung iba, may paso sa balat at ngiti sa gitna ng pagod. 🌾
Kaya sa mga patuloy na naglilingkod nang tahimik,
ito ay para sa atin.
Sa mga kumikilos kahit walang palakpak,
at patuloy na naniniwala
na sa bawat maliit na hakbang,
may malaking pagbabago. ✨