Municipal Information Office - LGU San Jose, Occidental Mindoro

TINGNAN: Mainit na tinanggap si MRS. GRAND INTERNATIONAL PHILIPPINES 2026 Jonabeth Cunanan Velante ni Mayor Rey Cajayon Ladaga sa kanyang tanggapan ngayong araw.

Si Velante ay ipinagmamalaking mula sa bayan ng San Jose at ang kanyang naging tagumpay at karangalang naiuwi ay labis na hinangaan hindi lamang ng San Jose maging ng buong lalawigan ng Occidental Mindoro.

Sa kanyang pagbisita, ipinahayag ng Punong Bayan ang patuloy na suporta hanggang sa darating na kompetisyon bilang kinatawan ng bansang Pilipinas na gaganapin sa Myanmar sa August 9, 2026.

𝐑𝐄𝐘𝐍𝐀 𝐍𝐆 𝐒𝐀𝐍 𝐉𝐎𝐒𝐄 𝟐𝟎𝟐𝟔 𝐎𝐅𝐅𝐈𝐂𝐈𝐀𝐋 𝐂𝐀𝐍𝐃𝐈𝐃𝐀𝐓𝐄𝐒, 𝐍𝐀𝐆-𝐂𝐎𝐔𝐑𝐓𝐄𝐒𝐘 𝐂𝐀𝐋𝐋 𝐊𝐀𝐘 𝐌𝐀𝐘𝐎𝐑 𝐑𝐄𝐘 𝐂. 𝐋𝐀𝐃𝐀𝐆𝐀

Masaya at buong giliw na tinanggap ni Mayor Rey Cajayon Ladaga ang pitong (7) opisyal na kalahok sa Reyna ng San Jose 2026 para sa kauna-unahang Kulayaan Festival bilang pakikiisa ng bayan ng San Jose sa selebrasyon ng Pride Month ngayong buwan ng Hunyo. Ang Coronation Night ay nakatakdang ganapin sa darating na ika-27 ng Hunyo 2026 sa Municipal Plaza.

Ang mga kandidata ng Reyna ng San Jose ay kinabibilangan nina :
1. Mx. David Paul Lim aka Divine Lim
2. Mx. Roy P. Encila
3. Mx. King Harold Amor aka Lars Amor
4. Mx. Mark Dominic Ramos aka Zeita Ramos
5. Mx. Rommel L. Reyes
6. Mx. Jan Brix A. Salazar
7. Mx. Raffy C. Mostoles aka Fatima

FLAG RAISING CEREMONY

Opisyal nang pinakilala sa mga kawani at opisyales ng lokal na pamahalaan ng San Jose ang pitong (7) candidates para sa Reyna ng San Jose 2026 sa isinagawang sashing ceremony ngayong umaga sa flag raising ceremony sa Municipal Covered Court.

Mainit silang tinanggap nina Mayor Rey Cajayon Ladaga, Vice-Mayor Sonny V. Javier, Sangguniang Bayan Members, at LGU department and section heads.

Ang Reyna ng San Jose 2026 ay ang pinakatampok na aktibidad sa kauna-unahang Kulayaan Festival bilang selebrasyon ng Pride Month na kumikilala at nagpupugay sa galing at husay ng LGBTQIA+ community sa bayan ng San Jose.

Kinilala rin sa umagang ito si Ensign Mary Anne Nicole C. Aurelio ng Talang Dangal Class of 2026, isang tubong San Jose na graduate mula sa Philippine Military Academy. Ipinakilala naman sa LGU ang DOH Representative na si Nurse Arfred Rosales.

Ang flag raising ceremony ay pinangunahan ng Municipal Disaster Risk Reduction and Management Office sa pamumuno ni MDRRM Officer Gil O. Gendrano at si Mr. Kent Abraham A. Pradel ng Media Affairs ang nagsilbing tagapagpadaloy ng programa.

𝐁𝐀𝐘𝐀𝐍𝐈𝐇𝐀𝐍 𝐒𝐄𝐑𝐁𝐈𝐒𝐘𝐎 𝐂𝐀𝐑𝐀𝐕𝐀𝐍, 𝐔𝐌𝐀𝐑𝐀𝐍𝐆𝐊𝐀𝐃𝐀 𝐒𝐀 𝐒𝐈𝐓𝐈𝐎 𝐀𝐍𝐓𝐈𝐏𝐎𝐋𝐎 𝐁𝐑𝐆𝐘. 𝐌𝐀𝐍𝐆𝐀𝐑𝐈𝐍

Matagumpay na naisagawa ang programang Bayanihan Serbisyo Caravan sa So. Antipolo Brgy. Mangarin ngayong araw, June 5, 2026 handog ni Mayor Rey Cajayon Ladaga kasama ang buong suporta nina Vice Mayor Sonny Javier at Sangguniang Bayan members.

Sa pamamagitan ng programang ito, naipararating ng lokal na pamahalaan ang mga pangunahing serbisyo ng pamahalaan sa mamamayan na naninirahan sa maituturing na Geographically Isolated and Disadvantaged Areas (GIDA).

Katuwang din sa naganap na programa ang hanay ng 68th Infantry Battalion Philippine Army sa pangunguna ni 2LT Marianne Absalon, CMO, San Jose Municipal Police Station sa pamumuno ni PLTCOL Ariel S. Roldan, ACOP at Philippine Statistics Authority (PSA) National ID Program.

Pinasalamatan ni ABC President / Punong Barangay Warren T. Sales at mga residente sa So. Antipolo na maabot din ang kanilang lugar ng programa at makinabang sa hatid na serbisyo nito. Damang-dama umano nila ang pagmamahal at malasakit ng pamahalaan.

Sa ikalawang bahagi ng programa ay nagsagawa ng "Ugnayan sa Barangay" sa pangangasiwa ni MLGOO Randolph William F. Saluba, EnP. ng Department of the Interior and Local Government (DILG) na aktibong nilahukan ng mamamayan. Ipinarating nila ang kanilang mga mungkahi, hinaing at pangangailangan para matulungang masolusyunan ng pamahalaan katuwang ang pamunuan ng barangay.

Tinitiyak ng administrasyon ni Mayor Ladaga na magpapatuloy ang pagsasagawa ng Serbisyo Caravan upang maabot at mapagsilbihan ang mga nasa laylayan ng lipunan. Mapalakas pa ang pagtutulungan ng pamahalaan at mamamayan tungo sa isang mas maayos at maunlad na pamayanan.