PNP PIO - Occidental Mindoro Police Provincial Office

30/09/2026

𝐑𝐀𝐍𝐊 𝟔 𝐏𝐑𝐎𝐕𝐈𝐍𝐂𝐈𝐀𝐋 𝐋𝐄𝐕𝐄𝐋 𝐖𝐀𝐍𝐓𝐄𝐃 𝐒𝐀 𝐍𝐔𝐄𝐕𝐀 𝐄𝐂𝐈𝐉𝐀, 𝐍𝐀𝐃𝐀𝐊𝐈𝐏 𝐒𝐀 𝐌𝐀𝐌𝐁𝐔𝐑𝐀𝐎 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

Matagumpay na naaresto ng mga operatiba ng kapulisan ang isang Most Wanted Person Rank 6 sa Provincial Level ng Police Regional Office 3, sa isinagawang operasyon sa Brgy. Payompon, Mamburao, Occidental Mindoro, bandang 1:00 ng madaling araw noong Setyembre 30, 2026. Kinilala ang naaresto na may alyas na “Dodoy”, 56 taong gulang.

Isinagawa ang operasyon ng mga tauhan ng Mamburao Municipal Police Station bilang lead unit, katuwang ang 402nd B MC, Regional Mobile Force Battalion, 2nd Occidental Mindoro Provincial Mobile Force Company, at Rizal Municipal Police Station ng Nueva Ecija.

Naaresto ang suspek sa bisa ng Warrant of Arrest na kaugnay ng dalawang kaso ng R**e (RPC Art. 266-A) by Sexual Assault in Relation to RA 7610, na may inirekomendang piyansa na ₱200,000.00 bawat kaso.

Ang naarestong indibidwal ay kasalukuyang nasa custody ng Mamburao MPS para sa kaukulang dokumentasyon at tamang disposisyon alinsunod sa umiiral na batas at mga pamamaraan.

Patuloy ang koordinasyon at pagtutulungan ng mga yunit ng kapulisan upang matiyak na ang mga indibidwal na may umiiral na warrant of arrest ay maiharap sa nararapat na proseso ng batas.

Ayon kay PCOL Ali Jose A. Duterte, Provincial Director ng Occidental Mindoro Police Provincial Office, "Ang matagumpay na operasyon ay nagpapakita ng patuloy na pagsisikap ng kapulisan na matugunan ang mga warrant of arrest at mapanagot ang mga indibidwal na may kinakaharap na mga kasong kriminal."

27/09/2026

27/09/2026

𝐌𝐖𝐏 𝐑𝐀𝐍𝐊 𝟗 𝐒𝐀 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎, 𝐀𝐑𝐄𝐒𝐓𝐀𝐃𝐎 𝐒𝐀 𝐊𝐀𝐒𝐎𝐍𝐆 𝐐𝐔𝐀𝐋𝐈𝐅𝐈𝐄𝐃 𝐑𝐀𝐏𝐄 (𝟐 𝐂𝐎𝐔𝐍𝐓𝐒)

SAN JOSE, Occidental Mindoro — Arestado ng mga awtoridad ang isang Most Wanted Person (MWP), Rank No. 9 sa Provincial Level na kinilalang si alyas "Tony”, sa isinagawang manhunt operation sa Barangay Murtha, San Jose, Occidental Mindoro, alas-3:00 ng hapon noong Setyembre 26, 2026.

Isinagawa ng mga tauhan ng Rizal Municipal Police Station (Rizal MPS) ang operasyon na nagresulta sa pagkakaaresto sa akusado sa bisa ng Warrant of Arrest na inisyu ng Regional Trial Court (RTC) Branch 45.

Ang warrant of arrest ay kaugnay ng kasong Qualified R**e of a Minor (2 Counts) in relation to Republic Act No. 7610, na walang inirekomendang piyansa.

Ayon kay PCOL Ali Jose A. Duterte, Provincial Director ng Occidental Mindoro Police Provincial Office, patuloy na paiigtingin ng kapulisan ang kanilang manhunt operations laban sa mga wanted person upang matiyak na ang mga may kinakaharap na kaso ay haharap sa kaukulang proseso ng batas.

“Ang pagkakaaresto sa mga kabilang sa ating Most Wanted Persons ay patunay ng patuloy na pagtutulungan ng ating mga police units at ng komunidad. Hindi tayo titigil sa paghahanap sa mga taong may kinakaharap na kaso. Sisiguruhin nating maipatutupad ang mga warrant of arrest nang naaayon sa batas at sa wastong proseso,” pahayag ni PCOL Duterte.

Ang naarestong indibidwal ay kasalukuyang nasa kustodiya ng Rizal MPS para sa dokumentasyon at kaukulang disposisyon ng korte.

26/09/2026

𝐁𝐔𝐘-𝐁𝐔𝐒𝐓 𝐒𝐀 𝐀𝐁𝐑𝐀 𝐃𝐄 𝐈𝐋𝐎𝐆, 𝐏𝐇𝐕𝐈 𝐓𝐈𝐌𝐁𝐎𝐆; ₱𝟏𝟕.𝟔𝐊 𝐇𝐀𝐋𝐀𝐆𝐀 𝐍𝐆 𝐇𝐈𝐍𝐈𝐇𝐈𝐍𝐀𝐋𝐀𝐍𝐆 𝐒𝐇𝐀𝐁𝐔 𝐍𝐀𝐒𝐀𝐁𝐀𝐓

SAN JOSE, Occidental Mindoro — Isang Provincial High Value Individual (PHVI) ang naaresto sa isinagawang anti-illegal drugs operation o buy-bust operation sa Barangay Poblacion, Abra de Ilog, Occidental Mindoro, bandang alas-7:30 ng gabi noong Setyembre 25, 2026.

Kinilala ang suspek na si alyas “Toto”, 52 taong gulang, at residente ng Barangay 8, Mamburao, Occidental Mindoro. Pinangunahan ng Provincial Drug Enforcement Unit (PDEU), Occidental Mindoro PPO, ang operasyon katuwang ang Abra de Ilog MPS, PDEA Occidental Mindoro.

Nagresulta ang operasyon sa pagkakaaresto kay Toto matapos matagumpay na makabili ang poseur-buyer ng isang (1) maliit na heat-sealed transparent plastic sachet na naglalaman ng hinihinalang shabu, na may tinatayang timbang na 0.20 gramo kapalit ng ₱1,000.00 buy-bust money.

Narekober din mula sa kanyang possession ang dalawang (2) karagdagang maliit na heat-sealed transparent plastic sachets na naglalaman na hinihinalang shabu. Ang mga ito ay may tinatayang timbang na 1.05 gramo at 1.34 gramo, o kabuuang 2.59 gramo, na may tinatayang street value na ₱17,612.00.

Ang suspek ay dinala sa Abra de Ilog MPS kasama ang mga nakumpiskang ebidensya para sa dokumentasyon at tamang disposisyon.

Ayon kay PCOL Ali Jose A. Duterte, Provincial Director ng Occidental Mindoro Police Provincial Office, patuloy na paiigtingin ng kapulisan ang operasyon laban sa ilegal na droga upang mapanatili ang kaligtasan at seguridad ng mga komunidad.

“Patuloy nating paiigtingin ang ating kampanya laban sa ilegal na droga, lalo na sa mga indibidwal na patuloy na lumalabag sa batas. Ang bawat operasyon ay isasagawa nang naaayon sa batas, may wastong koordinasyon at dokumentasyon, at may paggalang sa mga karapatan ng bawat isa. Ang ating layunin ay mapanatiling ligtas at payapa ang mga komunidad ng Occidental Mindoro,” pahayag ni PCOL Duterte.

Nahaharap ang suspek sa kaukulang kaso sa paglabag sa Sections 5 at 11 ng Republic Act No. 9165, o Comprehensive Dangerous Drugs Act of 2002.

22/09/2026

𝐃𝐀𝐓𝐈𝐍𝐆 𝐂𝐎𝐌𝐌𝐔𝐍𝐈𝐒𝐓 𝐓𝐄𝐑𝐑𝐎𝐑𝐈𝐒𝐓 𝐆𝐑𝐎𝐔𝐏 𝐌𝐄𝐌𝐁𝐄𝐑, 𝐍𝐀𝐆𝐁𝐀𝐋𝐈𝐊-𝐋𝐎𝐎𝐁 𝐒𝐀 𝐏𝐀𝐌𝐀𝐇𝐀𝐋𝐀𝐀𝐍; 𝐁𝐀𝐑𝐈𝐋, 𝐈𝐒𝐈𝐍𝐔𝐊𝐎

SAN JOSE, Occidental Mindoro — Kusang-loob na sumuko sa mga awtoridad ang isang dating miyembro ng Communist Terrorist Group (CTG) na kabilang sa KLG-MAV, SRMA 4D, at isinuko rin nito ang isang homemade 12-gauge sh***un sa isinagawang joint operation dakong alas-12:45 ng tanghali noong Setyembre 21, 2026 sa Barangay Purnaga, Magsaysay, Occidental Mindoro.

Kinilala ang sumuko na si alyas “Tonton,” 19 taong gulang, mula sa Magsaysay, Occidental Mindoro.

Matagumpay na napadali ang pagsuko sa pamamagitan ng pinagsanib na tauhan ng Police Intelligence Team (PIT) Occidental Mindoro bilang lead unit, katuwang ang Magsaysay MPS, Occidental Mindoro PPO; Provincial Intelligence Unit (PIU), Occidental Mindoro PPO; Intelligence Service Operations Division (ISOD); Criminal Investigation Division (CID), Intelligence Group (IG); Regional Intelligence Team (RIT) Occidental Mindoro-RID, PRO MIMAROPA; 405th B MC, RMFB; Provincial Explosive and Canine Unit (PECU), Occidental Mindoro PPO; FSOL, 3011CIS PAF; 301st CIS; 301SMG; 300AISW, PAF; 76th Infantry Battalion; 4th Infantry Battalion; 402nd BMC, RMFB 4B; at Civil-Military Operations (CMO), 203rd Brigade, Philippine Army.

Batay sa ulat, nagsimula umano ang paglahok ni Tonton sa underground movement noong 2017 matapos siyang ma-recruit sa kanilang lugar. Noong 2018, naging aktibong miyembro umano siya ng armadong grupo at nakaranas ng ilang armadong engkuwentro laban sa mga operating unit ng Armed Forces of the Philippines (AFP) at Philippine National Police (PNP) bago siya nag-lie-low noong 2021.

Bukod sa kanyang pagsuko, kusang-loob din niyang isinuko ang isang homemade 12-gauge sh***un na walang bala.

“Ang bawat pagbabalik-loob ay isang mahalagang hakbang tungo sa kapayapaan. Hinihikayat natin ang iba pang kasalukuyan o dating kasapi ng armadong grupo na piliin ang mapayapang landas at samantalahin ang mga programa ng pamahalaan na nakalaan para sa kanilang pagbabalik sa komunidad. Ang ating mga kapulisan ay patuloy na makikipag-ugnayan sa ating mga katuwang upang mabigyan sila ng nararapat na suporta at pagkakataong makapagsimulang muli,” pahayag ni PCOL Ali Jose A. Duterte, Provincial Director ng Occidental Mindoro Police Provincial Office.

Ang sumuko ay kasalukuyang nasa kustodiya ng PIT Occidental Mindoro, RIU 4B para sa kaukulang dokumentasyon at custodial debriefing.

Patuloy namang hinihikayat ng Occidental Mindoro Police Provincial Office ang mga indibidwal na nais kumalas sa armadong pakikibaka na makipag-ugnayan sa mga awtoridad upang mapagkalooban ng naaangkop na tulong at gabay tungo sa ligtas at mapayapang pagbabalik sa kanilang pamilya at komunidad.

22/09/2026

𝐏𝐑𝐎𝐕𝐈𝐍𝐂𝐈𝐀𝐋 𝐌𝐎𝐒𝐓 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍 𝐑𝐀𝐍𝐊 𝐍𝐎. 𝟔 𝐒𝐀 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎, 𝐓𝐈𝐌𝐁𝐎𝐆 𝐒𝐀 𝐁𝐀𝐓𝐀𝐍𝐆𝐀𝐒

SAN JOSE, Occidental Mindoro — Nadakip ng pinagsanib na tauhan ng kapulisan ang isang Provincial Most Wanted Person (Rank No. 6) ng Occidental Mindoro matapos isagawa ang manhunt operation sa Barangay Sampaloc, Talisay, Batangas, dakong alas-12:00 ng tanghali noong Setyembre 21, 2026.

Kinilala ang naarestong wanted person na si alyas “Loloy”, 56 taong gulang, may asawa, laborer, at residente ng Talisay, Batangas.

Isinagawa ang operasyon ng mga tauhan ng Sta. Cruz Municipal Police Station (lead unit) sa koordinasyon at pakikipagtulungan ng Talisay Municipal Police Station, Batangas Police Provincial Office. Naaresto si Loloy sa bisa ng Warrant of Arrest na inilabas ng Regional Trial Court Branch 10 – Family Court, Mamburao, Occidental Mindoro.

Ang warrant ay kaugnay ng kasong paglabag sa Article 266-A(2) ng Revised Penal Code, as amended by RA 8353, in relation to RA 7610, na may inirekomendang piyansa na ₱200,000.00.

“Hindi hadlang ang distansya upang matunton ang mga wanted person. Patuloy nating palalakasin ang ating ugnayan at koordinasyon sa iba’t ibang police units upang matiyak na ang mga taong may kinakaharap na kaso ay maharap sa kaukulang proseso ng batas. Ang ating manhunt operations ay bahagi ng ating commitment na mapanatili ang kapayapaan at seguridad ng ating mga kababayan,” pahayag ni PCOL Ali Jose A. Duterte, Provincial Director ng Occidental Mindoro Police Provincial Office.

Ang naarestong indibidwal ay kasalukuyang nasa kustodiya ng Talisay MPS, Batangas PPO, para sa kaukulang dokumentasyon at disposisyon alinsunod sa umiiral na batas at proseso.

22/09/2026

𝐃𝐀𝐋𝐀𝐖𝐀𝐍𝐆 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍, 𝐀𝐑𝐄𝐒𝐓𝐀𝐃𝐎 𝐒𝐀 𝐀𝐁𝐑𝐀 𝐃𝐄 𝐈𝐋𝐎𝐆 𝐒𝐀 𝐁𝐈𝐒𝐀 𝐍𝐆 𝐖𝐀𝐑𝐑𝐀𝐍𝐓 𝐎𝐅 𝐀𝐑𝐑𝐄𝐒𝐓

SAN JOSE, Occidental Mindoro — Arestado ang dalawang wanted person matapos isilbi ng pinagsanib na tauhan ng kapulisan ang warrant of arrest laban sa mga ito sa isinagawang operasyon dakong alas-10:40 ng umaga noong Setyembre 21, 2026 sa Barangay Balao, Abra de Ilog, Occidental Mindoro.

Kinilala ang mga naaresto na sina alyas “Jojo”, 47 taong gulang, at alyas “Toto”, 40 taong gulang, parehong residente ng Abra de Ilog, Occidental Mindoro.

Isinagawa ang operasyon ng mga tauhan ng Abra de Ilog Municipal Police Station (lead unit) katuwang ang 402nd B Maneuver Company, Regional Mobile Force Battalion (RMFB), Abra de Ilog Maritime Law Enforcement Team (MLET), at 2nd Occidental Mindoro Provincial Mobile Force Company (2nd OMPMFC).

Naaresto ang dalawang akusado sa bisa ng Warrant of Arrest na inilabas ng Municipal Circuit Trial Court, Abra de Ilog-Paluan Trial Court, Occidental Mindoro, kaugnay ng kasong Other Forms of Trespass (Article 218) na kung saan walang inirekomendang piyansa.

“Patuloy nating paiigtingin ang ating manhunt operations upang matiyak na ang mga may pananagutan sa batas ay maharap sa kaukulang proseso. Ang bawat warrant of arrest na matagumpay na naipatutupad ay bahagi ng ating paninindigan na mapanatili ang kapayapaan, kaayusan, at kaligtasan ng ating mga komunidad,” pahayag ni PCOL Ali Jose A. Duterte, Provincial Director ng Occidental Mindoro Police Provincial Office.

Ang mga naarestong indibidwal ay kasalukuyang nasa kustodiya ng Abra de Ilog MPS para sa kaukulang dokumentasyon at disposisyon alinsunod sa umiiral na batas at proseso.

21/09/2026

𝟏𝟒 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍𝐒, 𝐀𝐑𝐄𝐒𝐓𝐀𝐃𝐎 𝐒𝐀 𝐒𝐔𝐍𝐎𝐃-𝐒𝐔𝐍𝐎𝐃 𝐍𝐀 𝐎𝐏𝐄𝐑𝐀𝐒𝐘𝐎𝐍 𝐍𝐆 𝐎𝐂𝐂𝐌𝐈𝐍 𝐏𝐏𝐎

SAN JOSE, Occidental Mindoro — Umabot sa 15 wanted persons ang naaresto o napagsilbihan ng warrant of arrest ng mga tauhan ng Occidental Mindoro Police Provincial Office (OCCMIN PPO) sa magkakahiwalay na operasyon mula Setyembre 14 hanggang 18, 2026, bilang bahagi ng patuloy na pagpapatupad ng mga warrant at pagpapalakas ng law enforcement operations sa lalawigan.

Nagsimula ang serye ng mga operasyon noong Setyembre 14, 2026, nang dakpin ng Calintaan MPS si alyas “Jay”, na boluntaryong sumuko sa pulisya sa Calintaan MPS. Siya ay inaresto sa bisa ng warrant para sa Serious Physical Injuries, na may inirekomendang piyansa na ₱10,000.00.

Sa parehong araw, dakip din ng Mamburao MPS, 402nd BMC RMFB, at 2nd OMPMFC si alyas “Ado”, na Rank 8 Most Wanted Person sa Provincial Level, Brgy. Tayamaan, Mamburao. Siya ay may warrant kaugnay ng kasong Lascivious Conduct sa ilalim ng Section 5(b) ng R.A. No. 7610, na may inirekomendang piyansa na ₱200,000.00.

Samantala, noong 12:10 PM ng Setyembre 14, nagsilbi ang joint personnel ng Batangas City Police Station, San Jose MPS, at PIU-OCCMIN PPO ng warrant of arrest kay alyas “Jr.” na kasalukuyang nakakulong sa BJMP, Batangas City. Ang warrant ay kaugnay ng kasong Robbery with Force Upon Things sa ilalim ng Article 299 ng Revised Penal Code, na may inirekomendang piyansa na ₱72,000.00.

Noong Setyembre 15, 2026, alas-9:30 ng umaga, naaresto naman sa Brgy. Tilik, Lubang si alay “AJ”. Isinagawa ang operasyon ng Lubang MPS, katuwang ang Magallanes MPS ng Cavite PPO, sa bisa ng warrant kaugnay ng kasong R**e by Sexual Assault, na may inirekomendang piyansa na ₱200,000.00.

Noong Setyembre 16, alas-9:40 ng umaga, naaresto sa Brgy. Lumangbayan, Abra de Ilog si alyas “JM”, ng Abra de Ilog MPS, katuwang ang 402nd BMC RMFB, Abra de Ilog MLET, at 2nd PMFC. Siya ay inaresto sa bisa ng warrant para sa Other Forms of Trespass sa ilalim ng Article 281 ng Revised Penal Code, na walang inirekomendang piyansa at kaugnay ng service of sentence.

Sinundan ito noong Setyembre 17, alas-4:30 ng hapon, nang maaresto sa Brgy. Mulawin, Santa Cruz sina alyas “Nardo”, at alyas “Liza”, ng Santa Cruz MPS, katuwang ang 402nd BMC, PIU-OCCMIN PPO, at 2nd OMPMFC. Sila ay inaresto sa bisa ng warrant kaugnay ng paglabag sa Presidential Decree No. 1067 o Water Code of the Philippines, partikular sa Article 91(B)(3), na may inirekomendang piyansa na ₱36,000.00 bawat isa.

Noong Setyembre 18, dalawang magkahiwalay na operasyon ang isinagawa. Alas-4:52 ng hapon, naaresto sa Brgy. Poblacion 7, San Jose si alyas “Jojo”, ng San Jose MPS, katuwang ang MARPSTA Occidental Mindoro at PIU-OCCMIN PPO. Siya ay inaresto sa bisa ng warrant para sa Serious Physical Injuries sa ilalim ng Article 263 ng Revised Penal Code, na may inirekomendang piyansa na ₱18,000.00.

Samantala, alas-11:30 ng gabi ng parehong araw, anim na wanted persons ang sabay-sabay na naaresto sa Abra de Ilog. Kinilala ang mga ito na sina alyas “JP”; alyas “Inggo”; alyas “Em”; alays “AD”; alyas “Baby”; at alyas “Onnie”. Isinagawa ang operasyon ng Provincial Highway Patrol Team OCCMIN bilang lead unit, katuwang ang Abra de Ilog MPS, sa bisa ng warrant na inisyu noong Setyembre 14, 2026 kaugnay ng Other Forms of Trespass sa ilalim ng Article 281 ng Revised Penal Code, na walang inirekomendang piyansa at para sa service of sentence.

Ayon kay PCOL Ali Jose A. Duterte, Provincial Director ng Occidental Mindoro Police Provincial Office, ang magkakasunod na operasyon ay nagpapakita ng patuloy na pagsisikap ng kapulisan na ipatupad ang mga warrant of arrest at tiyaking naihaharap sa nararapat na proseso ng batas ang mga taong may kinakaharap na kaso.

“Patuloy nating paiigtingin ang ating manhunt at warrant-serving operations upang matiyak na walang warrant ang mananatiling hindi naipatutupad. Sa pamamagitan ng maayos na koordinasyon, mabilis na pagtugon, at pagsunod sa proseso ng batas, isusulong natin ang isang mas ligtas at maayos na Occidental Mindoro,” pahayag ni PCOL Duterte.

Ang lahat ng naarestong indibidwal ay nasa kustodiya ng kani-kaniyang police units o detention facility para sa dokumentasyon at kaukulang disposisyon, alinsunod sa umiiral na batas at mga kautusan ng hukuman.

15/09/2026

𝐌𝐎𝐒𝐓 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍 𝐑𝐀𝐍𝐊 𝟖 𝐒𝐀 𝐏𝐑𝐎𝐕𝐈𝐍𝐂𝐈𝐀𝐋 𝐋𝐄𝐕𝐄𝐋, 𝐀𝐑𝐄𝐒𝐓𝐀𝐃𝐎 𝐒𝐀 𝐌𝐀𝐌𝐁𝐔𝐑𝐀𝐎, 𝐎𝐂𝐂𝐈𝐃𝐄𝐍𝐓𝐀𝐋 𝐌𝐈𝐍𝐃𝐎𝐑𝐎

SAN JOSE, Occidental Mindoro - Matagumpay na naaresto ng mga operatiba ng kapulisan ang isang indibidwal na kabilang sa Most Wanted Person, Rank 8 sa Provincial Level, sa isinagawang operasyon bandang 11:40 ng umaga noong Setyembre 14, 2026, sa Sitio Aroma, Barangay Tayamaan, Mamburao, Occidental Mindoro. Kinilala ang naarestong akusado na may alyas na “Dodong” 61 taong gulang.

Pinangunahan ng Mamburao Municipal Police Station ang operasyon, katuwang ang 402nd B Maneuver Company, Regional Mobile Force Battalion, at 2nd Occidental Mindoro Provincial Mobile Force Company.

Ang pag-aresto ay isinagawa sa bisa ng Warrant of Arrest na may kaugnayan sa kasong Lascivious Conduct na may inirekomendang piyansa na ₱200,000.00.

Matapos ang pagkakaaresto, ang akusado ay dinala at kasalukuyang nasa kustodiya ng Mamburao MPS para sa kaukulang dokumentasyon at tamang disposisyon alinsunod sa umiiral na mga batas at proseso.

“Patuloy nating paiigtingin ang ating mga operasyon, pakikipag-ugnayan sa iba't ibang yunit, at pagpapatupad ng batas nang may propesyonalismo, integridad, at paggalang sa karapatan ng bawat isa. Ang kapayapaan at kaligtasan ng ating mga komunidad ay mananatiling pangunahing prayoridad ng kapulisan”, ayon kay PCOL ALI JOSE A DUTERTE, Provincial Director ng Occidental Mindoro Police Provincial Office.