PMNP SAN JOSE

Ang wastong nutrisyon sa ay mahalagang pundasyon ng malusog na paglaki at pag-unlad ng bawat bata.
Sa paggabay sa paglaki ng mga chikiting, muling binibigyang-halaga ang Minimum Dietary Diversity (MDD) bilang mahalagang pamantayan upang malaman kung sapat at iba't iba ang sustansyang nakukuha ng mga batang may edad 6 hanggang 23 months sa kanilang pagkain araw-araw.
Sa pamamagitan ng sama-samang pagsusulong ng tamang kaalaman sa pagkakaiba-iba ng pagkain ni baby, ama-sama nating itinataguyod ang mas mabuting kalusugan at nutrisyon ng bawat pamilyang Pilipino.
Sa Alagang Pinas, Walang Iwanan. ✨💪🏼

𝐓𝐈𝐍𝐆𝐍𝐀𝐍 | Bumisita si 𝐌𝐬. 𝐀𝐢𝐳𝐚 𝐁𝐮𝐧𝐜𝐚𝐠, UNICEF IM Consultant noong June 17, 2026 sa bayan ng San Jose, Romblon. Sa kanyang pagbisita, nagsagawa siya ng oryentasyon tungkol sa tamang paraan ng pagsagot sa 𝐎𝐏𝐓 𝐏𝐥𝐮𝐬 𝐃𝐐𝐂 𝐓𝐨𝐨𝐥 para sa limang (5) Barangay Nutrition Scholar (BNS).

Layunin ng oryentasyon na mapahusay ang pag-unawa ng mga BNS sa pag-check ng kalidad ng datos at sa proseso ng pag-uulat upang masiguro ang tama at napapanahong pagsusumite ng datos pang-nutrisyon. Nagbigay din si Ms. Aiza ng sunod-sunod na gabay upang matulungan ang mga BNS na magamit nang epektibo ang tool sa kani-kanilang barangay.

𝗧𝗜𝗡𝗚𝗡𝗔𝗡 | Nagsagawa si 𝗠𝗿. 𝗥𝗵𝗲𝗱 𝗣𝗶𝗻𝗲𝗱𝗮, Provincial Monitoring and Evaluation Officer, ng Monitoring at 𝐓𝐞𝐜𝐡𝐧𝐢𝐜𝐚𝐥 𝐀𝐬𝐬𝐞𝐬𝐬𝐦𝐞𝐧𝐭 𝐩𝐚𝐫𝐚 𝐬𝐚 𝐇𝐨𝐮𝐬𝐞𝐡𝐨𝐥𝐝 𝐂𝐨𝐧𝐯𝐞𝐫𝐠𝐞𝐧𝐜𝐞 𝐒𝐜𝐨𝐫𝐞c𝐚𝐫𝐝 (𝐇𝐂𝐒𝐂) noong June 16, 2026 sa bayan ng San Jose, Romblon. Sinimulan ang aktibidad sa isang Courtesy call kay 𝗛𝗼𝗻. 𝗥𝗼𝗻𝗻𝗶𝗲 𝗗. 𝗦𝗮𝗺𝘀𝗼𝗻, Punong Bayan ng San Jose, Romblon, upang makipag-ugnayan at ipresenta ang layunin ng pagbisita.

Kasunod nito, isinagawa ang pagsusuri sa implementasyon ng programa, pag-verify ng kalidad ng datos, at pagbibigay ng teknikal na gabay upang mapalakas ang paghahatid ng serbisyo sa antas ng pasilidad. Sa pamamagitan ng site observation, pagsusuri ng mga talaan, at on-site na pagtuturo sa mga kawani ng kalusugan, sinuri ni Mr. Pineda kung sumusunod ba sa mga pamantayan at tinukoy ang mga bahagi na maaaring paunlarin para matiyak ang epektibo at may pananagutang pagbibigay ng serbisyong pangkalusugan sa munisipalidad.

Performance Base Grant (PBG)

𝗧𝗜𝗡𝗚𝗡𝗔𝗡 | Matagumpay na isinagawa ang 𝗡𝗮𝗻𝗮𝘆-𝗧𝗼-𝗡𝗮𝗻𝗮𝘆 𝗣𝗲𝗲𝗿 𝗦𝘂𝗽𝗽𝗼𝗿𝘁 𝗣𝗿𝗼𝗴𝗿𝗮𝗺 noong June 18-19, 2026, sa C&H Residential Unit, Poblacion, San Jose, Romblon. Ang dalawang araw na aktibidad ay isinagawa katuwang ang mga Nurse at Midwife upang matiyak ang gabay ng mga eksperto at teknikal na suporta sa buong programa. Nagsama-sama ang mga ina mula sa kumunidad upang magbahagi ng karanasan, matuto sa isa't isa, at bumuo ng mas matibay na samahan para sa kalusugan ng ina at bata.

Isa sa mga naging panauhing tagapagsalita ng programa ay si 𝗠𝘀. 𝗥𝗶𝗼 𝗙𝗮𝗲𝗹𝗱𝗮𝗻, 𝗗𝗠𝗢 𝗜𝗩, na nagbahagi ng mahahalagang kaalaman sa mga sesyon. Samantala, nagbigay naman ng mensahe ng suporta si 𝗗𝗿. 𝗥𝗵𝗲𝘆 𝗜𝗮𝗻 𝗡. 𝗕𝘂𝗹𝘂𝗮𝗴, 𝗠𝗗.

Sa pamamagitan ng group discussions, sharing circles, at mga peaktikal na gawain, nakakuha ng karagdagang kaalaman ang mga kalahok na nanay tungkol sa pangangalaga ng bata, nutrisyon, pagpapasuso, atn pag-aalaga sa sarili habang nabubuo ang pagkakaibigan at pagtutulungan. Ipinakita ng programa ang lakas ng peer support at pagtutulungan sa pagbibigay kapangyarihan sa mga ina, pagpapalakas ng kapakanan ng pamilya, at pagtataguyod ng mas malusog na komunidad sa bayan ng San Jose, Romblon.

𝗡𝗴𝗮𝘆𝗼𝗻𝗴 𝗡𝗮𝘁𝗶𝗼𝗻𝗮𝗹 𝗦𝗮𝗳𝗲 𝗞𝗶𝗱𝘀 𝗪𝗲𝗲𝗸, 𝗶𝘁𝗮𝗴𝘂𝘆𝗼𝗱 𝗻𝗮𝘁𝗶𝗻 𝗮𝗻𝗴 𝗸𝗮𝗹𝘂𝘀𝘂𝗴𝗮𝗻 𝗮𝘁 𝗸𝗮𝗹𝗶𝗴𝘁𝗮𝘀𝗮𝗻 𝗻𝗴 𝗮𝘁𝗶𝗻𝗴 𝗺𝗴𝗮 𝗮𝗻𝗮𝗸 𝗺𝘂𝗹𝗮 𝘀𝗮 𝗺𝗮𝗹𝗻𝘂𝘁𝗿𝗶𝘀𝘆𝗼𝗻 𝗮𝘁 𝘀𝗮𝗸𝗶𝘁! 👶🛡️
Nanay at Tatay, malaki ang bahaging ginagampanan ng pamilya at komunidad upang masigurong ligtas ang paglaki ng mga bata sa kanilang Unang 1,000 Araw. Sa pamamagitan ng pagpapatupad ng ABCD-WASH sa ating mga tahanan, sabay-sabay nating mabibigyan ng magandang simula ang bawat bata sa MIMAROPA.
Alamin ang ABCD-WASH para sa kaligtasan ni baby:
🤰 A - Antenatal Care: Sundin ang 1-2-5 schedule o 8 check-ups habang buntis;
🤱 B - Breastfeeding: Eksklusibong gatas ng ina sa unang anim na buwan ni baby;
🥣 C - Complementary Feeding: Simula anim na buwan, masustansyang solid foods o angkop na karagdagang pagkain kasabay ng patuloy na pagpapasuso;
🌱 D - Diversified Food Production: Pagtatanim ng iba’t ibang uri ng prutas at gulay sa sariling bakuran;
🧼 WASH - Water, Sanitation, and Hygiene: Malinis na tubig at palikuran, at tamang paghuhugas ng kamay.
Sa Alagang Pinas, Sama-sama sa Malusog na Bukas!

𝙋𝙈𝙉𝙋 𝙈𝙄𝙈𝘼𝙍𝙊𝙋𝘼 𝙝𝙤𝙡𝙙𝙨 𝟭𝙨𝙩 𝙎𝙚𝙢𝙚𝙨𝙩𝙧𝙖𝙡 𝙍𝙚𝙜𝙞𝙤𝙣𝙖𝙡 𝙀𝙫𝙞𝙙𝙚𝙣𝙘𝙚-𝘽𝙖𝙨𝙚𝙙 𝙂𝙚𝙣𝙚𝙧𝙖𝙩𝙞𝙤𝙣 𝘾𝙤𝙣𝙛𝙚𝙧𝙚𝙣𝙘𝙚
The PMNP MIMAROPA Regional Project Management Office held the 1st Semestral Regional Evidence-Based Generation Conference from May 25–29, 2026, in Metro Manila. As the Philippine Multisectoral Nutrition Project (PMNP) enters its final year, the conference served as a vital venue for the RPMO and Municipal Project Management Offices (MPMOs) to pause, reflect, and take stock of collective progress across project sites in the region.
The activity focused on reviewing PMNP results using the PMNP Information System (PMNP-IS) and Household Convergence Scorecard (HCSC) data to inform final-year adjustments and transition planning. Participants engaged in deep-dive workshops on improving service delivery coverage, strengthening multisectoral convergence, and enhancing data systems, while also sharing good practices and innovations through peer learning exchanges. Additionally, the conference conducted a readiness assessment for the Performance-Based Grant (PBG) Tranche 3, ensuring all project sites are well-positioned for the upcoming requirements.

𝗖𝗼𝘂𝗿𝘁𝗲𝘀𝘆 𝗖𝗮𝗹𝗹 | Ang Philippine Multisectoral Nutrition Project (PMNP) sa Rehiyon ng MIMAROPA ay patuloy na nagpapalakas ng mga lokal na programa sa nutrisyon sa pamamagitan ng pag-deploy ng karagdagang kawani. Sa harap ng ating Local Chief Executive na si 𝗛𝗼𝗻. 𝗥𝗼𝗻𝗻𝗶𝗲 𝗗. 𝗦𝗮𝗺𝘀𝗼𝗻, malugod naming tinatanggap si 𝗠𝘀. 𝗠𝗲𝗹𝗾𝘂𝗶 𝗝𝗼𝘆 𝗙. 𝗙𝗮𝗯𝗿𝗲𝗴𝗮𝘀 bilang bagong talagang Nutrition Officer II ng San Jose, Romblon.

Ang pag-deploy na ito ay isa pang hakbang pasulong sa paghahatid ng mas tugon at nakabatay sa komunidad na serbisyo sa nutrisyon, pagpapalakas ng ugnayan sa mga lokal na lider, at pagbibigay-kapangyarihan sa mga pamilya sa pamamagitan ng napapanatiling programa sa kalusugan at nutrisyon.

Ngayong 2026 Safe Motherhood Week na may temang, “Kalidad na Pangangalaga sa Ina, Kalusugan ng Sanggol ay may Garantiya,” muling binibigyang-halaga ang kaligtasan at kalusugan ng bawat ina at sanggol.
Binibigyang-diin ng pagdiriwang na ito ang kahalagahan ng sapat at dekalidad na pangangalaga sa mga ina at sanggol—mula pagbubuntis, panganganak, hanggang sa panahon pagkatapos manganak. Kasama rito ang pagsusulong ng maagang pagpapakonsulta, wastong nutrisyon, ligtas na panganganak, at tuloy-tuloy na pangangalaga upang mapanatiling malusog ang mag-ina.
Sa pamamagitan ng sama-samang pagsusulong ng wastong pangangalaga at nutrisyon, mas napapalakas ang pundasyon ng isang ligtas at malusog na simula para sa bawat mag-ina. 🌸

Nagsimula sa 4 Antenatal check-up, ngayon ay 8 Antenatal check-up na! Isang patunay tungo sa isang ligtas at malusog na pagbubuntis. Bawat check-up ay mahalagang hakbang para sa kaligtasan ni mommy at ni baby.