68th Infantry "Kaagapay" Battalion, Philippine Army

𝗛𝗜𝗚𝗛𝗟𝗜𝗚𝗛𝗧𝗦 | 𝗦𝗵𝗮𝗽𝗶𝗻𝗴 𝘁𝗵𝗲 𝗡𝗲𝘅𝘁 𝗚𝗲𝗻𝗲𝗿𝗮𝘁𝗶𝗼𝗻 𝗼𝗳 𝗥𝗲𝘀𝗲𝗿𝘃𝗲 𝗟𝗲𝗮𝗱𝗲𝗿𝘀
Future reserve leaders marked an important milestone in their military training as cadets from various ROTC programs gathered for the Joint Closing Ceremony of the ROTC Summer Camp Training (RSCT) MS 3 (3rd Batch), Advance ROTC Academic Phase Training (ARAPT) MS 31/32 (2nd Batch), ARAPT MS 41/42 (3rd Batch), and the Opening Ceremony of the succeeding training batches at the 4th Regional Community Defense Group Grandstand, Camp Macario Sakay in Los Baños, Laguna on Tuesday, June 16.
The activity was graced by 2nd Infantry (Jungle Fighter) Division Commander Major General Ramon Zagala, who served as the Guest of Honor and Speaker.

Among the highlights of the event was the donning of ranks ceremony, recognizing cadets who completed the requirements of their respective courses and earned greater responsibilities within the Reserve Officers’ Training Corps program.

More than a training milestone, the ceremony reflected the Philippine Army’s continuing commitment to developing disciplined, capable, and service-oriented young leaders. Through programs such as RSCT and ARAPT, cadets are equipped not only with military knowledge and leadership skills but also with the values needed to become responsible citizens and future contributors to nation-building.

#𝗥𝗢𝗧𝗖𝗔𝘀𝘁𝗶𝗴
#𝟮𝗜𝗗𝗝𝘂𝗻𝗴𝗹𝗲𝗙𝗶𝗴𝗵𝘁𝗲𝗿
#𝗕𝗿𝗮𝘃𝗲𝗿𝘆𝗔𝗱𝗮𝗽𝘁𝗮𝗯𝗶𝗹𝗶𝘁𝘆𝗣𝗮𝘁𝗿𝗶𝗼𝘁𝗶𝘀𝗺
#𝗝𝘂𝗱𝗶𝗰𝗶𝗼𝘂𝘀𝗙𝗲𝗮𝗿𝗹𝗲𝘀𝘀𝗗𝗲𝗱𝗶𝗰𝗮𝘁𝗲𝗱⁩ See less

𝑩𝑨𝒀𝑨𝑵 𝑵𝑮 𝑹𝑰𝒁𝑨𝑳 𝑷𝑶𝑹𝑴𝑨𝑳 𝑵𝑨𝑵𝑮 𝑰𝑫𝑰𝑵𝑬𝑲𝑳𝑨𝑹𝑨 𝑩𝑰𝑳𝑨𝑵𝑮 𝑺𝑻𝑨𝑩𝑳𝑬 𝑰𝑵𝑻𝑬𝑹𝑵𝑨𝑳 𝑷𝑬𝑨𝑪𝑬 𝑨𝑵𝑫 𝑺𝑬𝑪𝑼𝑹𝑰𝑻𝒀 (𝑺𝑰𝑷𝑺) 𝑴𝑼𝑵𝑰𝑪𝑰𝑷𝑨𝑳𝑰𝑻𝒀

𝘙𝘐𝘡𝘈𝘓, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 – Isang makasaysayang yugto sa pagsusulong ng kapayapaan at kaunlaran ang naitala sa 𝑩𝑨𝒀𝑨𝑵 𝑵𝑮 𝑹𝑰𝒁𝑨𝑳, 𝑶𝑪𝑪𝑰𝑫𝑬𝑵𝑻𝑨𝑳 𝑴𝑰𝑵𝑫𝑶𝑹𝑶 matapos itong pormal na ideklara bilang 𝑺𝒕𝒂𝒃𝒍𝒆 𝑰𝒏𝒕𝒆𝒓𝒏𝒂𝒍 𝑷𝒆𝒂𝒄𝒆 𝒂𝒏𝒅 𝑺𝒆𝒄𝒖𝒓𝒊𝒕𝒚 (𝑺𝑰𝑷𝑺) sa isang seremonyang ginanap sa Rizal Gymnasium, Brgy. Rumbang, Rizal, Occidental Mindoro ngayong-ika 16 ng June 2026.

Dinaluhan ng humigit-kumulang 200 katao mula sa iba’t ibang sektor ng pamahalaan ang nasabing aktibidad. Kabilang sa mga dumalo ang mga kinatawan ng lokal na pamahalaan, mga opisyal ng barangay, mga Sitio Leaders ng tribong Buhid, at mga kinatawan ng mga law enforcement agencies gaya ng Armed Forces of the Philippines (AFP), Philippine National Police (PNP), Philippine Coast Guard Sub-Station (PCG), Special Action Force (SAF), at Bureau of Fire Protection (BFP).

Pinangunahan ang programa nina Brigadier General Melencio W. Ragudo, Commander, 203rd Infantry Brigade, Philippine Army; Police Colonel Timoteo Espiritu Jr., Provincial Director ng Occidental Mindoro Police Provincial Office; Hon. Ernesto C. Pablo Jr., Municipal Mayor ng Rizal; Hon. Eduardo B. Gadiano, Gobernador ng Occidental Mindoro; at Hon. Anecita Diana C. Apigo-Tayag, Bise Gobernador ng Occidental Mindoro.

Nasaksihan din ng mga dumalo ang pagbasa ng Sangguniang Bayan Resolution na nagdedeklara sa munisipalidad bilang SIPS, paglagda sa Memorandum of Understanding (MOU), at pagpirma sa Pledge of Commitment ng iba't ibang sektor bilang pagpapakita ng kanilang sama-samang suporta sa pagpapanatili ng kapayapaan at kaayusan sa bayan.

Bilang bahagi ng programa, isinagawa rin ang isang katutubong ritwal na sinundan ng pagpapalipad ng puting kalapati bilang simbolo ng kalayaan, pagkakaisa, at tagumpay laban sa karahasan at armadong tunggalian. Nagsagawa rin ang mga katutubong Buhid ng kanilang tradisyunal na ritwal kung saan isang baboy ang inialay bilang bahagi ng kanilang kultura at paniniwala.
Ayon sa mga nakatatanda ng komunidad, ang isinagawang ritwal ay sumisimbolo sa kanilang suporta at pagnanais na mapanatili ang kapayapaan at kaayusan sa kanilang nasasakupan. Ito ay kanilang binigyang-kahulugan bilang positibong palatandaan para sa patuloy na pagtataguyod ng kapayapaan at tuluyang pagwawakas ng impluwensya ng mga Communist Terrorist Groups (CTGs) sa munisipalidad.

Sa kanilang mga mensahe, binigyang-diin ng mga panauhing pandangal ang kahalagahan ng pagkakaisa, pagtutulungan, at aktibong partisipasyon ng bawat sektor upang mapanatili ang matatag na kapayapaan at seguridad sa lalawigan ng Occidental Mindoro.
Ang deklarasyon ng Bayan ng Rizal bilang Stable Internal Peace and Security ay patunay ng matagumpay na pagtutulungan ng mga mamamayan, lokal na pamahalaan, mga ahensya ng gobyerno, at mga pwersang panseguridad sa pagsusulong ng pangmatagalang kapayapaan, kaayusan, at kaunlaran ng bayan ng Rizal.

2nd Infantry "Jungle Fighter" Division, Philippine Army, 203rd Infantry "Bantay Kapayapaan" Brigade, Philippine Army, "1st “Exemplars” Company, 2CMO Battalion, 76th Infantry Victrix Battalion, Always First Battalion, MAO Rizal,

𝟔𝟖𝑻𝑯 𝑰𝑵𝑭𝑨𝑵𝑻𝑹𝒀 (𝑲𝑨𝑨𝑮𝑨𝑷𝑨𝒀) 𝑩𝑨𝑻𝑻𝑨𝑳𝑰𝑶𝑵 𝑵𝑨𝑲𝑰𝑰𝑺𝑨 𝑺𝑨 𝑷𝑨𝑮𝑫𝑰𝑹𝑰𝑾𝑨𝑵𝑮 𝑵𝑮 𝑰𝑲𝑨-𝟏𝟐𝟖𝙏𝙃 𝑨𝑹𝑨𝑾 𝑵𝑮 𝑲𝑨𝑳𝑨𝒀𝑨𝑨𝑵 𝑵𝑮 𝑷𝑰𝑳𝑰𝑷𝑰𝑵𝑨𝑺 𝑺𝑨 𝑶𝑪𝑪𝑰𝑫𝑬𝑵𝑻𝑨𝑳 𝑴𝑰𝑵𝑫𝑶𝑹𝑶.

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 - Bilang pakikiisa sa pagdiriwang ng Ika-128 Araw ng Kalayaan ng Pilipinas na may temang “𝘒𝘢𝘭𝘢𝘺𝘢𝘢𝘯 𝘯𝘨 𝘉𝘢𝘺𝘢𝘯; 𝘠𝘢𝘮𝘢𝘯 𝘯𝘨 𝘯𝘢𝘬𝘢𝘳𝘢𝘢𝘯, 𝘏𝘢𝘮𝘰𝘯 𝘯𝘨 𝘒𝘪𝘯𝘢𝘣𝘶𝘬𝘢𝘴𝘢𝘯,” lumahok ang 68th Infantry (KAAGAPAY) Battalion sa naturang aktibidad na ginanap sa Municipal Covered Plaza, Rizal Street, Brgy. Poblacion 7, San Jose, Occidental Mindoro.

Nakiisa rin sa naturang pagdiriwang ang mga kinatawan ng iba't ibang ahensya ng pamahalaan, kabilang ang Philippine National Police (PNP), Philippine Coast Guard (PCG), Bureau of Fire Protection (BFP), Bureau of Jail Management and Penology (BJMP), mga opisyal ng lokal na pamahalaan, at iba pang sektor ng komunidad. Pinangunahan ang programa nina Hon. Rey C. Ladaga, Municipal Mayor ng San Jose, at Hon. Leody E. Tarriela, kinatawan ng Lalawigan ng Occidental Mindoro.

Sa paggunita sa ika-128 Araw ng Kalayaan ng Pilipinas, binigyang-diin ang kahalagahan ng pag-alala sa kabayanihan, sakripisyo, at pagmamahal sa bayan ng mga Pilipinong nagtaguyod ng kalayaan ng bansa. Ipinahayag din na ang kalayaan ay kaakibat ng pananagutan ng bawat mamamayan na pangalagaan ang soberanya, kapayapaan, at kaunlaran ng bansa. Binigyang-halaga rin ang mahalagang papel ng Armed Forces of the Philippines (AFP) sa pagtatanggol sa pambansang seguridad sa pamamagitan ng patuloy na pagpapaigting ng kahandaan, propesyonalismo, at modernisasyon ng sandatahang lakas. Higit sa lahat, kinilala ang kabataan bilang tagapagmana ng kasaysayan at mahalagang katuwang sa paghubog ng isang ligtas, matatag, at maunlad na kinabukasan para sa sambayanang Pilipino.

Patuloy na nakikiisa ang 68th Infantry (KAAGAPAY) Battalion sa mga programang nagsusulong ng pagkakaisa, pagpapahalaga sa kasaysayan, at pagpapalakas ng ugnayan sa pagitan ng sandatahang lakas at ng komunidad bilang bahagi ng mandato nito sa pagpapanatili ng kapayapaan, kaayusan, at kaunlaran sa lalawigan ng Occidental Mindoro.

2nd Infantry "Jungle Fighter" Division, Philippine Army, 203rd Infantry "Bantay Kapayapaan" Brigade, Philippine Army, 1st “Exemplars” Company, 2CMO Battalion, 76th Infantry Victrix Battalion, Always First Battalion, LGU San Jose, Occidental Mindoro - Municipal Information Office

#𝙎𝙩𝙧𝙤𝙣𝙜𝘼𝙁𝙋𝙎𝙩𝙧𝙤𝙣𝙜𝙋𝙝𝙞𝙡𝙞𝙥𝙥𝙞𝙣𝙚𝙨
#𝙊𝙣𝙚𝘼𝙁𝙋𝙊𝙣𝙚𝙋𝙝𝙞𝙡𝙞𝙥𝙥𝙞𝙣𝙚𝙨
#𝙠𝙖𝙖𝙜𝙖𝙥𝙖𝙮𝙣𝙜𝙢𝙖𝙢𝙖𝙢𝙖𝙮𝙖𝙣
#𝘼𝙁𝙋𝙮𝙤𝙪𝙘𝙖𝙣𝙏𝙍𝙐𝙎𝙏

68𝑰𝑩 𝑵𝑨𝙆𝑰𝑰𝑺𝑨 𝑺𝑨 ‘’𝑻𝑨𝑲𝑩𝑶 𝑷𝑨𝑹𝑨 𝑺𝑨 𝑩𝑨𝑻𝑨𝑵𝑮 𝑴𝑨𝑳𝑨𝒀𝑨’’ 𝑭𝑼𝑵 𝑹𝑼𝑵 𝑷𝑨𝑹𝑨 𝑺𝑨 𝑴𝑮𝑨 𝑩𝑨𝑻𝑨𝑵𝑮 𝑴𝑨𝑵𝑮𝑮𝑨𝑮𝑨𝑾𝑨 𝑺𝑨 𝑶𝑪𝑪𝑰𝑫𝑬𝑵𝑻𝑨𝑳 𝑴𝑰𝑵𝑫𝑶𝑹𝑶

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 – Bilang pakikiisa sa adbokasiya para sa kapakanan at proteksyon ng mga kabataan, nakiisa ang mga kasundaluhan ng 68th Infantry (KAAGAPAY) Battalion, Philippine Army, sa pangunguna ni LTC ADRIAN MARK U GULLUNAN INF (GSC) PA, Commanding Officer ng yunit, sa isinagawang “Takbo para sa Batang Malaya” Fun Run na ginanap sa Bayan ng San Jose, Occidental Mindoro nitong ika-7 ng Hunyo 2026.

Layunin ng nasabing aktibidad na makalikom ng pondo para sa mga programang nakatuon sa pagtulong at pagsuporta sa mga naitalang child laborers sa Lalawigan ng Occidental Mindoro. Bahagi ito ng mas malawak na kampanya upang mabigyan ng mas magandang kinabukasan, edukasyon, at proteksyon ang mga kabataang nasa mapanganib at hindi angkop na uri ng paggawa.

Ang naturang programa ay pinangunahan ni Gener L. Francisco, Provincial Head ng Department of Labor and Employment (DOLE) Occidental Mindoro, katuwang ang iba't ibang ahensya ng pamahalaan, pribadong sektor, at iba pang mga stakeholder na nagkakaisa sa pagsusulong ng karapatan at kapakanan ng mga kabataan.

Sa pamamagitan ng pakikilahok sa gawaing ito, muling ipinamalas ng 68IB ang patuloy nitong suporta sa mga programang pangkaunlaran at makataong adhikain ng pamahalaan. Kaakibat ng mandato nitong mapanatili ang kapayapaan at seguridad, nananatiling katuwang ang batalyon sa mga inisyatibong naglalayong itaguyod ang kapakanan ng mamamayan at mabigyan ng mas maliwanag na kinabukasan ang susunod na henerasyon.

2nd Infantry "Jungle Fighter" Division, Philippine Army, 203rd Infantry "Bantay Kapayapaan" Brigade, Philippine Army, Bravo "Braveheart" Company, 68th Infantry Kaagapay Battalion, 1st “Exemplars” Company, 2CMO Battalion, 76th Infantry Victrix Battalion, Always First Battalion, DOLE Occidental Mindoro Provincial Office, Municipal Information Office - LGU San Jose, Occidental Mindoro