68th Infantry "Kaagapay" Battalion, Philippine Army

68𝑰𝑩 𝑵𝑨𝙆𝑰𝑰𝑺𝑨 𝑺𝑨 ‘’𝑻𝑨𝑲𝑩𝑶 𝑷𝑨𝑹𝑨 𝑺𝑨 𝑩𝑨𝑻𝑨𝑵𝑮 𝑴𝑨𝑳𝑨𝒀𝑨’’ 𝑭𝑼𝑵 𝑹𝑼𝑵 𝑷𝑨𝑹𝑨 𝑺𝑨 𝑴𝑮𝑨 𝑩𝑨𝑻𝑨𝑵𝑮 𝑴𝑨𝑵𝑮𝑮𝑨𝑮𝑨𝑾𝑨 𝑺𝑨 𝑶𝑪𝑪𝑰𝑫𝑬𝑵𝑻𝑨𝑳 𝑴𝑰𝑵𝑫𝑶𝑹𝑶

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 – Bilang pakikiisa sa adbokasiya para sa kapakanan at proteksyon ng mga kabataan, nakiisa ang mga kasundaluhan ng 68th Infantry (KAAGAPAY) Battalion, Philippine Army, sa pangunguna ni LTC ADRIAN MARK U GULLUNAN INF (GSC) PA, Commanding Officer ng yunit, sa isinagawang “Takbo para sa Batang Malaya” Fun Run na ginanap sa Bayan ng San Jose, Occidental Mindoro nitong ika-7 ng Hunyo 2026.

Layunin ng nasabing aktibidad na makalikom ng pondo para sa mga programang nakatuon sa pagtulong at pagsuporta sa mga naitalang child laborers sa Lalawigan ng Occidental Mindoro. Bahagi ito ng mas malawak na kampanya upang mabigyan ng mas magandang kinabukasan, edukasyon, at proteksyon ang mga kabataang nasa mapanganib at hindi angkop na uri ng paggawa.

Ang naturang programa ay pinangunahan ni Gener L. Francisco, Provincial Head ng Department of Labor and Employment (DOLE) Occidental Mindoro, katuwang ang iba't ibang ahensya ng pamahalaan, pribadong sektor, at iba pang mga stakeholder na nagkakaisa sa pagsusulong ng karapatan at kapakanan ng mga kabataan.

Sa pamamagitan ng pakikilahok sa gawaing ito, muling ipinamalas ng 68IB ang patuloy nitong suporta sa mga programang pangkaunlaran at makataong adhikain ng pamahalaan. Kaakibat ng mandato nitong mapanatili ang kapayapaan at seguridad, nananatiling katuwang ang batalyon sa mga inisyatibong naglalayong itaguyod ang kapakanan ng mamamayan at mabigyan ng mas maliwanag na kinabukasan ang susunod na henerasyon.

2nd Infantry "Jungle Fighter" Division, Philippine Army, 203rd Infantry "Bantay Kapayapaan" Brigade, Philippine Army, Bravo "Braveheart" Company, 68th Infantry Kaagapay Battalion, 1st “Exemplars” Company, 2CMO Battalion, 76th Infantry Victrix Battalion, Always First Battalion, DOLE Occidental Mindoro Provincial Office, Municipal Information Office - LGU San Jose, Occidental Mindoro

𝑺𝑬𝑹𝑩𝑰𝑺𝒀𝑶𝑵𝑮 𝑪𝑨𝑹𝑨𝑽𝑨𝑵 𝑮𝑰𝑵𝑨𝑵𝑨𝑷 𝑺𝑨 𝑺𝑰𝑻𝑰𝑶 𝑨𝑵𝑻𝑰𝑷𝑶𝑳𝑶, 𝑩𝑹𝑮𝒀. 𝑴𝑨𝑵𝑮𝑨𝑹𝑰𝑵

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 – Bilang katuwang sa pagsusulong ng kapayapaan at kaunlaran sa mga komunidad, nakiisa ang 68th Infantry (Kaagapay) Battalion, Philippine Army sa isinagawang Bayanihan Serbisyo Caravan ngayong 05 Hunyo 2026 sa Antipolo Elementary School, Sitio Antipolo, Barangay Mangarin. Ang aktibidad ay bahagi ng patuloy na pagtutulungan ng mga ahensya ng pamahalaan upang maihatid ang mga pangunahing serbisyo sa mga mamamayan, lalo na sa mga nasa malalayong lugar.

Kaagapay ng Lokal na Pamahalaan ng San Jose at iba pang ahensya, katuwang ang 68IB sa paghahatid ng mga serbisyong medikal, social welfare services, PhilHealth assistance, civil registration services, at iba pang programang naglalayong mapabuti ang kalagayan ng komunidad. Nagbigay rin ang mga kasundaluhan ng libreng gupit at tumulong sa pagpapanatili ng kaayusan at seguridad upang matiyak ang maayos na daloy ng aktibidad.

Ang pakikilahok ng Philippine Army sa mga gawaing tulad nito ay sumasalamin sa mas malawak nitong mandato na hindi lamang pangalagaan ang teritoryo at mamamayan laban sa banta sa seguridad, kundi maging katuwang din sa pagbuo ng mga komunidad na matatag, mapayapa, at maunlad. Sa pamamagitan ng pakikipag-ugnayan sa mamamayan at pagsuporta sa mga programang pangkaunlaran ng pamahalaan, mas napapalakas ang tiwala at kooperasyon na mahalaga sa pagkamit ng pangmatagalang kapayapaan.

Patunay ang Bayanihan Serbisyo Caravan na ang mga kasundaluhan ng Philippine Army ay hindi lamang tagapagtanggol ng bayan sa panahon ng panganib, kundi mga lingkod-bayan din na handang umabot sa mga liblib na pamayanan upang makatulong sa pagtugon sa pangangailangan ng mamamayan. Sa bawat serbisyong naihahatid at bawat komunidad na naaabot, mas naipapakita na ang tunay na seguridad ay nakakamit kapag may aktibong presensya ng pamahalaan, may pagkakaisa ang komunidad, at may malasakit sa kapakanan ng bawat Pilipino.

2nd Infantry "Jungle Fighter" Division, Philippine Army, 203rd Infantry "Bantay Kapayapaan" Brigade, Philippine Army, 1st "Examplars" 1st “Exemplars” Company, 2CMO Battalion, 76th Infantry Victrix Battalion, Always First Battalion

68𝑰𝑩, 𝑵𝑨𝑲𝑰𝑰𝑺𝑨 𝑺𝑨 𝑺𝑬𝑹𝑩𝑰𝑺𝒀𝑶 𝑪𝑨𝑹𝑨𝑽𝑨𝑵 𝑺𝑨 𝑩𝑨𝑹𝑨𝑵𝑮𝑨𝒀 𝑴𝑨𝑩𝑰𝑵𝑰, 𝑺𝑨𝑵 𝑱𝑶𝑺𝑬, 𝑶𝑪𝑪𝑰𝑫𝑬𝑵𝑻𝑨𝑳 𝑴𝑰𝑵𝑫𝑶𝑹𝑶

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 - Nakiisa ang 68th Infantry (Kaagapay) Battalion, Philippine Army sa isinagawang Serbisyo Caravan ngayong 03 Hunyo 2026 sa Mabini-II Elementary School, Barangay Mabini, San Jose, Occidental Mindoro bilang bahagi ng patuloy na pagsisikap na mailapit ang mga programa at serbisyo ng pamahalaan sa mga mamamayan.

Sa pangunguna ng Lokal na Pamahalaan ng San Jose sa pamumuno ni Hon. Rey C. Ladaga, Municipal Mayor, nabigyan ng pagkakataon ang mga residente na makapag-avail ng iba't ibang serbisyong pangkalusugan, social welfare assistance, civil registration, at iba pang mahahalagang serbisyo mula sa mga katuwang na ahensya ng pamahalaan.

Kabilang sa mga nakiisa sa aktibidad ang Municipal Health Office (MHO), PhilHealth, Municipal Civil Registrar (MCR), Municipal Social Welfare and Development Office (MSWDO), Philippine National Police (PNP), mga opisyal ng Barangay Mabini, at iba pang stakeholders na nagkaisa upang matugunan ang pangangailangan ng komunidad.

Higit sa paghahatid ng serbisyo, nagsilbi rin ang aktibidad bilang pagkakataon upang mapalakas ang ugnayan ng pamahalaan at mga local na residente. Sa pamamagitan ng mga ganitong programa, mas nagiging abot-kamay ang tulong at mas napapalapit ang mga institusyon sa mga taong kanilang pinaglilingkuran.

Patuloy na nakikiisa ang 68th Infantry (Kaagapay) Battalion sa mga gawaing nagtataguyod ng kaunlaran, kapayapaan, at pagkakaisa sa mga komunidad ng Occidental Mindoro, katuwang ang iba't ibang ahensya at sektor sa paghahatid ng serbisyo para sa mamamayan.



#𝟮𝗜𝗗𝗝𝘂𝗻𝗴𝗹𝗲𝗙𝗶𝗴𝗵𝘁𝗲𝗿

𝑩𝑨𝒀𝑨𝑵𝑰𝑯𝑨𝑵 𝑺𝑬𝑹𝑩𝑰𝑺𝒀𝑶 𝑪𝑨𝑹𝑨𝑽𝑨𝑵, 𝑵𝑨𝑮𝑯𝑨𝑻𝑰𝑫 𝑵𝑮 𝑺𝑬𝑹𝑩𝑰𝑺𝒀𝑶 𝑺𝑨 𝑴𝑮𝑨 𝑹𝑬𝑺𝑰𝑫𝑬𝑵𝑻𝑬 𝑵𝑮 𝑺𝑰𝑻𝑰𝑶 𝑻𝑼𝑵𝑵𝑬𝑳

𝘚𝘈𝘕 𝘑𝘖𝘚𝘌, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 – Matagumpay na isinagawa ang Bayanihan Serbisyo Caravan sa Sitio Tunnel, Barangay Central, San Jose, Occidental Mindoro ngayong araw 01 Hunyo 2026 sa pangunguna ni Hon. Rey C. Ladaga, Municipal Mayor ng San Jose, katuwang si Hon. Orlando T. Losauro, Punong Barangay ng Brgy. Central.

Nakiisa rin sa nasabing aktibidad ang mga opisyal ng barangay at mga kinatawan mula sa Municipal Health Office (MHO), PhilHealth, Municipal Civil Registrar (MCR), Municipal Social Welfare and Development Office (MSWDO), Philippine National Police (PNP), at ang 68th Infantry (Kaagapay) Battalion.

Layunin ng programa na mailapit sa mga residente ang mahahalagang serbisyo ng pamahalaan, kabilang ang mga serbisyong pangkalusugan, dokumentasyon, at social welfare assistance. Bilang bahagi ng aktibidad, nagkaloob din ang 68th Infantry (Kaagapay) Battalion ng libreng gupit para sa mga residente bilang karagdagang serbisyong pangkomunidad.

Ang inisyatibang ito ay nagpapakita ng patuloy na pagtutulungan ng lokal na pamahalaan, mga ahensya ng gobyerno, at ng Philippine Army upang matugunan ang mga pangangailangan ng mga mamamayan at matiyak na ang mga serbisyo ng pamahalaan ay naaabot maging ng mga komunidad sa malalayong lugar.

Sa pamamagitan ng mga programang tulad ng Bayanihan Serbisyo Caravan, higit na napapalakas ang ugnayan ng pamahalaan at mamamayan habang naipapakita ang konkretong serbisyo at malasakit na nagtataguyod ng kapayapaan, kaunlaran, at pagkakaisa sa komunidad.



#𝟮𝗜𝗗𝗝𝘂𝗻𝗴𝗹𝗲𝗙𝗶𝗴𝗵𝘁𝗲𝗿

𝙆𝙖𝙗𝙖𝙮𝙖𝙣𝙞𝙝𝙖𝙣 𝙨𝙖 𝙋𝙖𝙜𝙡𝙞𝙡𝙞𝙜𝙩𝙖𝙨 𝙣𝙜 𝘽𝙪𝙝𝙖𝙮: 68𝙄𝘽 𝙉𝙖𝙣𝙜𝙪𝙣𝙖 𝙨𝙖 𝘽𝙡𝙤𝙤𝙙𝙡𝙚𝙩𝙩𝙞𝙣𝙜 𝘼𝙘𝙩𝙞𝙫𝙞𝙩𝙮


RIZAL, Occidental Mindoro – Nakiisa ang mga kasundaluhan ng 68th Infantry (Kaagapay) Battalion (68IB), 1702nd Community Defense Center (1702CDC), CAFGU Active Auxiliary (CAA), San Jose Mindoro Eagles Club, San Jose Mindoro Lady Eagles Club, at mga opisyal ng Barangay Murtha, San Jose, Occidental Mindoro sa isinagawang Bloodletting Activity ngayong ika-30 ng Mayo 2026, bilang bahagi ng pagdiriwang ng ika-39 na Anibersaryo ng Southern Luzon Command (SOLCOM).

Bilang suporta sa makataong gawaing ito na pinangunahan ni G. Menard Bautista, kinatawan ng Philippine Red Cross–San Jose, Occidental Mindoro, mahigit 40 sundalo, CAA, at iba pang stakeholders ang boluntaryong nag-alay ng kanilang dugo.

Layunin ng aktibidad na makatulong sa pagtugon sa pangangailangan ng suplay ng dugo sa mga pagamutan, lalo na para sa mga pasyenteng nangangailangan ng agarang blood transfusion at iba pang kritikal na serbisyong medikal.

Ang gawaing ito ay sumasalamin sa diwa ng kabayanihan at malasakit na isinusulong ng kasundaluhan, at nagsisilbing patunay ng patuloy na pakikiisa ng 68IB sa mga makatao at makabuluhang programang naglilingkod sa kapakanan ng komunidad.



#𝗕𝗿𝗮𝘃𝗲𝗿𝘆𝗔𝗱𝗮𝗽𝘁𝗮𝗯𝗶𝗹𝗶𝘁𝘆𝗣𝗮𝘁𝗿𝗶𝗼𝘁𝗶𝘀𝗺

NAGAGANAP NGAYON | Isinasagawa ang Bayanihan Serbisyo Caravan sa Sitio Kalinisan, Barangay Bayotbot, San Jose, Occidental Mindoro ngayong ika-22 ng Mayo 2026, katuwang ang Local Government ng San Jose.

Dala ng programa ang iba’t ibang serbisyong direktang lumalapit sa komunidad tulad ng PhilHealth assistance, PSA services, National ID registration, medical check-up, at libreng gamot, kasama rin ang tulong mula sa MSWD (Municipal Social Welfare and Development) at serbisyong pangkalusugan ng DOH (Department of Health)

Naging bahagi rin ng aktibidad ang ALS, MHO, at Tourism Office, na nagbigay ng kani-kanilang serbisyo at impormasyon para sa mga mamamayan.

Bukod sa mga serbisyong ito, naging mahalagang pagkakataon din ang programa upang marinig at maiparating ng mga residente at barangay officials ang kanilang mga suliranin at pangangailangan, lalo na sa usapin ng pagpapaunlad ng kanilang sitio, bilang suporta sa patuloy na pag-unlad ng kanilang komunidad.

Sa kabuuan, ang gawaing ito ay hindi lamang pagbibigay ng serbisyo, kundi isang paalala ng malasakit at pakikipag-ugnayan ng pamahalaan sa komunidad, kung saan bawat tinig ay mahalaga at pinakikinggan.



#𝟮𝗜𝗗𝗝𝘂𝗻𝗴𝗹𝗲𝗙𝗶𝗴𝗵𝘁𝗲𝗿

𝑷𝑪𝑰𝑪 𝑹𝑶𝑻𝑪 𝑮𝑹𝑨𝑫𝑼𝑨𝑻𝑰𝑶𝑵 𝑨𝑵𝑫 𝑻𝑼𝑹𝑵-𝑶𝑽𝑬𝑹 𝑪𝑬𝑹𝑬𝑴𝑶𝑵𝒀 2026

𝘙𝘐𝘡𝘈𝘓, 𝘖𝘤𝘤𝘪𝘥𝘦𝘯𝘵𝘢𝘭 𝘔𝘪𝘯𝘥𝘰𝘳𝘰 - Matagumpay na idinaos ang PCIC ROTC Graduation and Turn-Over Ceremony na dinaluhan ng mga opisyal, ROTC cadets, at mga panauhing pandangal noon 20 Mayo 2026 na ginanap sa San Jose Gymnasium, San Jose, Occidental Mindoro. Pinangunahan ito ni Mrs. Deza L. Tumbaga, OIC at School Administrator ng paaralan, na nagbigay ng mensahe at pagbati sa mga nagsipagtapos. Binigyang-diin niya ang kahalagahan ng disiplina, pamumuno, at pagmamahal sa bayan bilang pundasyon ng pagiging responsableng mamamayan.

Isinagawa naman ni Sgt Riche L Margarse (Inf) PA, ROTC Division NCO, ang presentasyon ng mga kandidato para sa pagtatapos, habang opisyal na idineklara ni 1LT RONALDO P DADAYA PA (RES), Assistant Commandant, ang pagtatapos ng mga cadets bilang pagkilala sa kanilang dedikasyon at pagsusumikap sa pagsasanay.

Pinangunahan ni 1LT ALVIN B TORAYNO (INF) PA, Commanding Officer ng Charlie (Cougar) Company, 68IB, 2ID, PA ang pamamahagi ng mga graduation certificate at nagbigay ng inspirasyonal na mensahe na humikayat sa mga graduates na gamitin ang kanilang natutunan sa ROTC upang maging disiplinado, responsable, at handang maglingkod sa bayan.

Naging matagumpay at makabuluhan ang nasabing programa na nagsilbing pagkilala sa pagsisikap ng mga ROTC cadets at pagpapatibay ng kanilang kahandaan bilang mga susunod na lider ng bansa.



#𝗕𝗿𝗮𝘃𝗲𝗿𝘆𝗔𝗱𝗮𝗽𝘁𝗮𝗯𝗶𝗹𝗶𝘁𝘆𝗣𝗮𝘁𝗿𝗶𝗼𝘁𝗶𝘀𝗺