Buenavista Cable TV Inc.

𝗣𝗜𝗥𝗔 𝗞𝗔 𝗠𝗔𝗡𝗨𝗡𝗨𝗗𝗟𝗢 𝗦𝗔 𝗠𝗔𝗥𝗔𝗬𝗢 𝗡𝗚𝗔 𝗘𝗦𝗞𝗪𝗘𝗟𝗔𝗛𝗔𝗡 , 𝗚𝗜𝗡𝗔𝗣𝗔𝗔𝗕𝗢𝗧 𝗡𝗚𝗔 𝗠𝗔𝗞𝗔𝗕𝗔𝗧𝗢𝗡 𝗞𝗔𝗡𝗚 𝗠𝗢𝗧𝗢𝗥𝗦𝗜𝗞𝗟𝗢 𝗦𝗔 𝗜𝗗𝗔𝗟𝗨𝗠 𝗞𝗔𝗡𝗚 "𝗦𝗔𝗟𝗔𝗞𝗬𝗔𝗡 𝗠𝗔𝗡𝗨𝗡𝗨𝗗𝗟𝗢" 𝗣𝗥𝗢𝗚𝗥𝗔𝗠 𝗞𝗔𝗡𝗚 𝗗𝗘𝗣𝗘𝗗- 𝗔𝗡𝗧𝗜𝗤𝗨𝗘

May 12, 2026

Ginalauman nga makabaton kang motorsiklo ang mga manunudlo nga na-assign sa mga marayo kag mabudlay agtunan nga eskwelahan sa idalum kang “Salakyan Manunudlo” program nga ginaduso ni Schools Division Superintendent Dr. Ernesto F. Servillon.

Tinutuyo kang amo nga programa nga mabuligan ang mga manunudlo sa andang transportasyon, ilabi run gid sa mga naga-duty sa mga makabig nga "last mile schools" kag agud man nga hindi mabuhinan ang andang net pay tungod sa mataas nga gastos sa pamasahe kag pagbyahe.

Suno kay Servillon, target nga e-turn over ang una nga darwa ka motorsiklo sa mga kwalipikado nga benepisyaryo antes ang pagbukas kang klase sa tion kang Brigada Eskwela.

Dugang na pa, nagapadayon pa ang sourcing out kang resources kag sponsors agud madugangan pa ang mga units kang motorsiklo nga ipanagtag sa mga manunudlo sa probinsya.

Samtang, ginaplanohan man kang DepEd Antique nga matugruan kang bisekleta ang pira ka mga estudyante nga naga-uli sa marayo sa eskwelahan, paagi sa ginaduso nga “Pedal for Hope” program kadya.

Ginpakigbahin ni CES School Governance and Operations Division Chief Evelyn Remo nga tuyo kang programa nga mabuligan ang mga estudyante nga naga-eskwela paagi sa pagtugro kang bisekleta.

Sa tulad, padayon man ang pagpadara kang proposal sa posible nga mga gusto mag-sponsor agud madugangan pa ang mga mabaton nga units para sa mga kabataan nga nagakinahanglan.







𝑭𝒐𝒓 𝒎𝒐𝒓𝒆 𝒖𝒑𝒅𝒂𝒕𝒆𝒔, 𝒑𝒉𝒐𝒕𝒐𝒔 𝒂𝒏𝒅 𝒗𝒊𝒅𝒆𝒐𝒔 𝒍𝒊𝒌𝒆, 𝒔𝒉𝒂𝒓𝒆 𝒂𝒏𝒅 𝑭𝑶𝑳𝑳𝑶𝑾 𝒐𝒖𝒓 𝙁𝘽 𝘬𝘢𝘨 𝙔𝙊𝙐𝙏𝙐𝘽𝙀 𝒑𝒂𝒈𝒆!

𝗚𝗢𝗕𝗬𝗘𝗥𝗡𝗢 𝗣𝗥𝗢𝗕𝗜𝗡𝗦𝗬𝗔𝗟, 𝗡𝗔𝗞𝗔𝗣𝗔𝗚𝗨𝗪𝗔 𝗥𝗨𝗡 𝗞𝗔𝗡𝗚 𝗠𝗔𝗦𝗢𝗕𝗥𝗔 𝗣𝟵𝟬.𝟲𝗠 𝗔𝗚𝗨𝗗 𝗜𝗕𝗔𝗬𝗔𝗗 𝗦𝗔 𝗣𝗢𝗪𝗘𝗥 𝗦𝗨𝗕𝗦𝗜𝗗𝗬 𝗣𝗔𝗥𝗔 𝗦𝗔 𝗕𝗨𝗟𝗔𝗡 𝗞𝗔𝗡𝗚 𝗘𝗡𝗘𝗥𝗢 𝗛𝗔𝗦𝗧𝗔 𝗣𝗘𝗕𝗥𝗘𝗥𝗢

May 12, 2026

NEW CAPITOL – Nakapaguwa run kang may P90,631,769.18 ang Antuque Provincial Government halin sa P600M nga annual budget para sa Provincial Electric Power ukon PEP program agud isubsidize ang P500 nga baraydanan sa kuryente kang mga Antiqueño para man sa bulan kang Enero hasta Pebrero 2026.

Dya base sa kantidad nga ginbaydan kang Office of the Provincial Accountant sa Antique Electric Cooperative, Inc. (ANTECO) kag Aklan Electric Cooperative, Inc. (AKELCO).

Ginpahayag ni Gov. Paolo Javier nga padayon ang PEPS program agud matugruan kang assistance ang mga konsumidores tungod sa pagsaka sa presyo kang langis kag kuryente nga epekto kang nagapadayon nga giyera sa Middle East.

Hambal ni Gov. Javier, kang Enero may 112,625 ka mga konsumidores kang ANTECO ang nakabenepisyo sa PEPS nga nagabalor kang may P43,750,115.38. Samtang sa bulan kang Pebrero, nagbayad man ang provincial government kang nagabalor kang P42,133,108.41 bilang assistance ang mga konsumidores.

May 11,866 man ka mga konsumidores kang AKELCO ang nakabenepisyo sa PEPS sa bulan ka Enero nga nagabalor Kang Php 4,748,545.39.

Ginpahayag ni Evangeline Pillado, isara sa mga benepisyaryo nga taga-Barangay Tobias Fornier, Patnongon, nga bahul nga bulig ang PEPS sa mga wara ti tayuyon nga bul-an kang income partikular sa mga mangunguma parehas na.

Sa naman-an nga padayon man nga ginaproseso kang Office of the Provincial Accountant ang mga papeles para sa barayadanan sa AKELCO para sa bulan ka Pebrero kag Marso, kag amu man ang baraydanan sa ANTECO para sa bulan kang Marso.

Natalana run man nga ipasulod sa Institutional Provincial Electric Power Subsidy (IPEPS) program(IPEPS) ang baraydanan sa kuryente kang mga provincial government-owned buildings.

Ang amu nga tikang nagatugot sa provincial government sa paggamit kang mga savings halin sa Maintenance and Other Operating Expenses (MOOE) nga sarang ibakal kang mga bulong kag medical supplies para sa Angel Salazar Memorial General Hospital (ASMGH). Via Province of Antique

Congratulations to University of Antique for achieving Top 6(with 50 to 59 Examinees and with at least 90% passing percentage) in the March 2026 Licensure Examination for Teachers - Elementary! 🎉

UA attained an outstanding 96.49% passing percentage

You have brought honor and pride not only to your university but to the whole province of Antique.

𝗗𝗘 𝗟𝗜𝗠𝗔 𝗞𝗔𝗬 𝗕𝗔𝗧𝗢: 𝗡𝗔𝗦𝗔𝗔𝗡 𝗔𝗡𝗚 𝗔𝗡𝗚𝗔𝗦 𝗠𝗢?

Gintawag nga pathetic ukon karaluoy ni Mamamayang Liberal Party-list Rep. Leila de Lima si Sen. Bato dela Rosa matapos nga mabul-an kang video nga nagapalagyo palayo sa mga agent kang National Bureau of Investigation (NBI) sa Senado kang Lunes, Mayo 11, 2026.

"Chinallenge mo pa nga si former senator [Sonny] Trillanes, 'yung kanyang mga 'make my day' and then ['yung] 'kung gusto mo ikaw ang pumosas sa akin' and that it is exactly what [ex] senator Trillanes did," suno sa kongresista.

"Nakakatawa and at the same time nakakaawa din. Kasi dapat alam niya 'yan and he took the risk of going there,"dugang na pa kadya.







𝑭𝒐𝒓 𝒎𝒐𝒓𝒆 𝒖𝒑𝒅𝒂𝒕𝒆𝒔, 𝒑𝒉𝒐𝒕𝒐𝒔 𝒂𝒏𝒅 𝒗𝒊𝒅𝒆𝒐𝒔 𝒍𝒊𝒌𝒆, 𝒔𝒉𝒂𝒓𝒆 𝒂𝒏𝒅 𝑭𝑶𝑳𝑳𝑶𝑾 𝒐𝒖𝒓 𝙁𝘽 𝘬𝘢𝘨 𝙔𝙊𝙐𝙏𝙐𝘽𝙀 𝒑𝒂𝒈𝒆!

𝗗𝗔, 𝗡𝗔𝗚𝗣𝗔𝗧𝗨𝗠𝗔𝗡 𝗞𝗔𝗡𝗚 𝗜𝗠𝗣𝗢𝗥𝗧 𝗕𝗔𝗡 𝗦𝗔 𝗚𝗥𝗘𝗘𝗖𝗘 𝗧𝗨𝗡𝗚𝗢𝗗 𝗦𝗔 𝗙𝗢𝗢𝗧-𝗔𝗡𝗗-𝗠𝗢𝗨𝗧𝗛 𝗗𝗜𝗦𝗘𝗔𝗦𝗘

May 12, 2026

Temporaryo nga ginadumilian kang Department of Agriculture (DA) ang pag-angkat kang mga kasapatan kag produkto nga posible makadara kang foot-and-mouth disease halin sa Greece.

Suno sa Department Circular Number 20 nga ginpaguwa ni Agriculture Secretary Francisco Tiu Laurel Jr., hugot nga ginadumilian ang pag-angkat kang mga FMD-susceptible animals kag andang by-products matapos makumpirma ang kaso kang sakit sa mga alaga nga tupa sa Greece, kang Abril 6.

Lakip sa mga hindi pagpasugtan nga makasulod sa pungsod amo ang live swine, baka, untreated milk, kag skeletal muscle meat.

Ginsuspinde man kang DA ang pagpaguwa kang sanitary kag phytosanitary import clearances kag hugot ang pagpatuman kang inspeksyon sa tanan nga ports of entry.

Suno kay Tiu Laurel, tinutuyo kang dya nga tikang nga maprotektaran ang livestock industry, masiguro ang food security, kag mapabilin ang kaluwasan kang publiko batok sa posible nga pagrapta kang sakit.







𝑭𝒐𝒓 𝒎𝒐𝒓𝒆 𝒖𝒑𝒅𝒂𝒕𝒆𝒔, 𝒑𝒉𝒐𝒕𝒐𝒔 𝒂𝒏𝒅 𝒗𝒊𝒅𝒆𝒐𝒔 𝒍𝒊𝒌𝒆, 𝒔𝒉𝒂𝒓𝒆 𝒂𝒏𝒅 𝑭𝑶𝑳𝑳𝑶𝑾 𝒐𝒖𝒓 𝙁𝘽 𝘬𝘢𝘨 𝙔𝙊𝙐𝙏𝙐𝘽𝙀 𝒑𝒂𝒈𝒆!

𝗜𝗖𝗖 𝗚𝗜𝗡𝗣𝗔𝗚𝗨𝗪𝗔 𝗔𝗡𝗚 𝗪𝗔𝗥𝗥𝗔𝗡𝗧 𝗢𝗙 𝗔𝗥𝗥𝗘𝗦𝗧 𝗞𝗨𝗡𝗧𝗥𝗔 𝗞𝗔𝗬 𝗦𝗘𝗡. 𝗕𝗔𝗧𝗢 𝗗𝗘𝗟𝗔 𝗥𝗢𝗦𝗔

May 12, 2026

Ginkonsiderar run bilang sangka suspek kang Pre-Trial Chamber 1 kang International Criminal Court (ICC) si Senador Ronald dela Rosa matapos ginpaguwa sa publiko ang warrant of arrest kuntra kana.

Suno sa ICC Office of the Prosecutor, kang Nobyembre 6 pa ginpagwa ang sangka “sekreto” nga warrant of arrest angut sa kaso nga crimes against humanity.

Ginpahayag kang opisina nga importante dya nga tikang sa padayon nga pagpangita kang accountability para sa ginapatihan nga mga krimen nga natabo sa tunga kang ginatawag nga “war on drugs” campaign sa Pilipinas.

Si Dela Rosa amo ang nagsirbi bilang hepe kang Philippine National Police (PNP) kang kasako-un kang kampanya kuntra droga sa administrasyon ni anay Presidente Rodrigo Duterte.via|News5







𝑭𝒐𝒓 𝒎𝒐𝒓𝒆 𝒖𝒑𝒅𝒂𝒕𝒆𝒔, 𝒑𝒉𝒐𝒕𝒐𝒔 𝒂𝒏𝒅 𝒗𝒊𝒅𝒆𝒐𝒔 𝒍𝒊𝒌𝒆, 𝒔𝒉𝒂𝒓𝒆 𝒂𝒏𝒅 𝑭𝑶𝑳𝑳𝑶𝑾 𝒐𝒖𝒓 𝙁𝘽 𝘬𝘢𝘨 𝙔𝙊𝙐𝙏𝙐𝘽𝙀 𝒑𝒂𝒈𝒆!

LOOK: Listahan kang mga mamalidha nga nagboto pabor sa pag-impeach kay VP Sara Duterte