Barangay Alac

10/10/2026

https://www.facebook.com/share/p/1ExJPhMYZN/

𝗘𝗥𝗣𝗔𝗧 𝗢𝗥𝗚𝗔𝗡𝗜𝗭𝗔𝗧𝗜𝗢𝗡𝗔𝗟 𝗠𝗘𝗘𝗧𝗜𝗡𝗚, 𝗔𝗦𝗦𝗘𝗦𝗦𝗠𝗘𝗡𝗧 & 𝗦𝗘𝗦𝗦𝗜𝗢𝗡𝗦 👨‍👧‍👦

Participants: Fathers of Barangay Alac, particularly Husbands of 4Ps beneficiaries, Civilian Volunteer Organizations (CVOs), and Barangay Officials
Date: October 17, 2026 (Saturday)
Time: 9:00 AM onwards
Venue: Covered Court of Barangay Alac

Inaanyayahan po namin ang lahat ng tatay ng Brgy. Alac na dumalo sa ating ERPAT Seminar!
Layunin ng programang ito na palakasin ang samahan ng mga tatay bilang haligi ng tahanan at katuwang sa pag-unlad ng pamilya at komunidad.
Inaasahan po namin ang inyong presensya at aktibong partisipasyon.
Kitakits po mga ERPAT! 💪

06/10/2026

ANTI-RABIES VACCINATION PROGRAM

PAALALA SA LAHAT NG MAY-ARI NG ASO AT PUSA

Ang Barangay Alac, sa pakikipagtulungan ng Municipal Agriculture Office / Municipal Veterinary Office ng San Quintin, ay magsasagawa ng Anti-Rabies vaccination para sa mga alagang aso at pusa ng mga residente ng barangay.

Layunin ng programang ito na maprotektahan ang ating mga alagang hayop at ang buong komunidad laban sa Rabies, isang malubhang sakit na maaaring maging sanhi ng kamatayan ngunit maiiwasan sa pamamagitan ng regular na pagbabakuna.

📅 Petsa: October 9, 2026

31/08/2026

𝗢𝗣𝗜𝗦𝗬𝗔𝗟 𝗡𝗔 𝗣𝗔𝗛𝗔𝗬𝗔𝗚: 𝗣𝗥𝗢𝗕𝗜𝗡𝗦𝗬𝗔 𝗡𝗚 𝗣𝗔𝗡𝗚𝗔𝗦𝗜𝗡𝗔𝗡, 𝗜𝗦𝗜𝗡𝗔𝗜𝗟𝗔𝗟𝗜𝗠 𝗦𝗔 "𝗦𝗧𝗔𝗧𝗘 𝗢𝗙 𝗖𝗔𝗟𝗔𝗠𝗜𝗧𝗬"

Upang mabilis na makapagpaabot ng tulong at relief operations sa ating mga kababayan, opisyal nang idineklara ang State of Calamity sa buong Lalawigan ng Pangasinan simula ngayong Agosto 31, 2026.

Sa pamamagitan ng Provincial Resolution No. 985 – 2026, isinailalim ang lalawigan sa State of Calamity dulot ng matinding pinsalang dala ng Enhanced Southwest Monsoon (Habagat) at ang pagsunod-sunod ng mga Bagyong "Luis", "Maymay", at "Neneng".

21/07/2026

Magandang araw, Ka-Barangay!

Ipinaaalam po ng inyong Barangay na magsasagawa ang PANELCO III (Pangasinan III Electric Cooperative) ng Mass Disconnection Activities.

Iskedyul para sa Barangay Alac:

📅 July 28, 2026

Hinihikayat po ang lahat na tiyaking bayad na ang inyong electric bills bago ang nakatakdang petsa upang maiwasan ang anumang abala o disconnection.

Maraming salamat po sa inyong agarang aksyon at pakikipagtulungan.

– Barangay Alac

06/07/2026

Patuloy na binabantayan ng Barangay Alac ang lagay ng panahon, lalo na sa panahon ng bagyo, upang maging handa sa anumang posibleng panganib na dulot nito. Sa pamamagitan ng regular na pakikipag-ugnayan sa mga kinauukulang ahensya tulad ng San Quintin MDRRMO at iba pang mga tanggapan, agad na naipapaabot sa mga residente ang mga babala, abiso, at iba pang mahahalagang impormasyon. Nagsasagawa rin ang barangay ng mga kaukulang paghahanda at mabilis na pagtugon upang mapangalagaan ang buhay, kaligtasan, at ari-arian ng mga mamamayan sa oras ng pananalasa ng bagyo.

12/06/2026

MALIGAYANG ARAW NG KALAYAAN!

Ngayong ika-12 ng Hunyo, ating ginugunita ang katapangan, pagkakaisa, at pagmamahal sa bayan ng ating mga bayani na nagbigay daan sa kalayaang ating tinatamasa ngayon.

Nawa’y patuloy nating pahalagahan ang kanilang sakripisyo sa pamamagitan ng pagiging responsableng mamamayan, pagkakaisa sa komunidad, at pagmamahal sa ating bansang Pilipinas.

Mabuhay ang Pilipinas! Mabuhay ang bawat Pilipino!

🇵🇭 Happy Independence Day! 🇵🇭

01/06/2026

Ipinaaalam po namin na may natagpuang kambing dito sa aming Barangay. Kung sino man po ang may-ari nito, mangyari lamang po na makipag-ugnayan at kunin ang nasabing kambing. Maraming salamat po

01/06/2026

Magalang po naming ipinapaalam na hindi po pinahihintulutan ang pagdadala ng sariling pulutan sa SMB Night, sapagkat marami naman pong mabibiling pulutan sa venue mamaya.

Maraming salamat po sa inyong pag-unawa at pakikiisa.

01/06/2026

𝙏𝙍𝘼𝙁𝙁𝙄𝘾 𝘼𝘿𝙑𝙄𝙎𝙊𝙍𝙔:
𝙏𝙚𝙢𝙥𝙤𝙧𝙖𝙧𝙮 𝙍𝙤𝙖𝙙 𝘾𝙡𝙤𝙨𝙪𝙧𝙚

Ipinapabatid po sa publiko na magkakaroon ng temporary road closure sa J. Valen Street Ngayong 5:00 PM hanggang 2:00 AM upang magbigay daan sa ating taunang Barangay Fiesta.

Ang temporary closure na ito ay ipinatutupad sa ilalim ng awtoridad ng:
Barangay Resolution No. 13 at
Punong Barangay Executive Order No. 1

Maghanap ng Alternatibong daan para maiwasan ang abala.

May mga Barangay Officials at Traffic Enforcers na nakatalaga para gabayan ang mga sasakyan.

Maraming salamat po sa inyong pasensya, kooperasyon, at pag-unawa para sa kaligtasan at kaayusan ng ating komunidad.
Para sa mga emergency o katanungan, maaari kayong lumapit sa Barangay.
Mag-ingat po sa biyahe!

Happy Fiesta Ka-barangay 🥁🍻

01/06/2026

🍺 HETO NA! ALAK SINGKO NA! 🎸

Hindi lang isa, hindi rin dalawa, kundi TATLONG BANDA ang magpapasiklaban at magrarakrakan mamaya sa SMB Night!

Dahil mas pinasaya at mas pinahaba ang gabi nating ito, magsisimula na ang tugtugan at inuman mamayang 5:00 PM ng hapon! 🕓🍻

Kaya ano pang hinihintay ninyo? I-ready na ang lakas, i-stretch ang mga leeg, at yayain na ang buong barkada para makipag-rakrakan sa Barangay Alac! 🤘😎