Barangay Hagnaya, San Remigio, Cebu

IMPORTANTENG PAHIBALO

Ang DSWD Field Office 7 - Central Visayas mipagawas karon ug listahan sa mga senior citizens nga posibleng maapil sa social pension program sa maong ahensiya. Kini nga mga pangalan gikuha pinaagi sa Community-Based Monitoring System kun CBMS - usa ka sistema nga gipatuman sa Philippine Statistics Authority pinaagi sa tinuig nga census sa mga panimalay tibuok nasud. Ang mga datos sa maong census mao'y basehan sa DSWD Field Office 7 - Central Visayas sa pagpili sa potential beneficiaries sa social pension. Dili kalikayan nga aduna'y maapil sa lista nga mitaliwan na o ba kaha pensioner pud sa SSS o nagdawatan nang daan sa social pension. Tungod niini, ipaubos gihapon kini sa validation aron pagseguro nga kadto ra gyud mga kuwalipikado ang maapil sa social pension. Human sa validation, tangtangon kadtong mga patay na, SSS pensioners ug mga benepisyaryo nang daan sa social pension.

Ang mosunod nga mga senior citizens giawhag nga moadto sa covered court kilid sa atong munisipyo sugod alas 8 sa buntag ugmang adlawa, Mayo 27 alang sa validation. Palihug dad-a ang inyong senior citizen ID.

1. Apawan, Pedro Martinez
2. Apawan, Lourdes Layague
3, Asingua, Diconida Velez
4. Brigoli, Rosita Amit
5. Cabahug, Marlyn Sanchez
6. Casila, Dionela Solivio
7. Creo, Fidel Mata
8. Creo, Zenaida Ortega
9. Demape, Presentacion Moradas
10. Inso, Virgillo Pepito
11. Nomio, Hermenia Dacullo
12. Olivar, Lo**ta Toñon
13. Ocio, Anastacio Pestaño
14. Quinatadcan, Estrella Asingua
15. Sinagpulo, Maria Fe Mencidor
16. Sinangote, Antonio Pedroza
17. Sinangote, Carmelita Equing
18. Sinangote, Panfilo Mandado
19. Solon, Gaudiosa Demiar
20. Vera Cruz, Reynaldo Singuran

Kung aduna'y dugang pa nga mga pangutana, palihug bisitaha ang Office of Senior Citizens Affairs. Daghang salamat.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

IMPORTANTE NGA PAHIBALO:

Kasamtangan nga gidili ang pag-agi sa mga awto ug trak de-karga (4-6 wheeled-vehicles) sa barangay road gikan Sitio Sangi palugsong sa Sitio Baha-baha (ug vice-versa) tungod sa nagkadako nga liki ug lungag atbang sa panimalay ni Mr. Chadie Gomez. Mohimo ug aktuwal nga site inspection ang Barangay Disaster Risk Reduction and Management Office ug ang Committee on Infrastracture sa konseho sa atong barangay alang sa inisyal nga assessment aron mahimoan dayon ug rekomendasyon ang dinalian nga repair/rehabilitation sa maong porsiyon sa agianan.

Daghang salamat sa inyong pagsanong.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

📢 PUBLIC ANNOUNCEMENT

TO ALL BENEFICIARIES OF THE PHILIPPINE RED CROSS (PRC) SHELTER ASSISTANCE::

Please be advised that our office is OPEN TODAY specifically to facilitate the issuance of Barangay Residency Certificates to identified beneficiaries.

📋 Why is this important?
The Barangay Residency Certificate is a vital requirement to process and secure your Shelter Assistance from the Philippine Red Cross. We encourage all beneficiaries to take advantage of today’s office hours to avoid any delays in your assistance.

📍 Details:
* Service: Issuance of Barangay Residency Certificate
* Schedule: Open Today from 9AM - 12NN
* Location: Barangay Hall

🛡️ What to Bring:
* One (1) Valid ID

Don't delay! Visit us today to ensure your documentation is complete and your shelter assistance remains on track.

*For further inquiries, please approach any of our Barangay Staff on duty. Thank you for your cooperation.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

TAN-AWA:

Ania na ang listahan sa mga beneficiaries sa Earthquake Cash Assistance gikan sa Cebu Provincial Government pinaagi sa Provincial Social Welfare and Development Office, Provincial Treasurer's Office ug Provincial Agriculture Office,

Ang pay-out pagahimuon ugmang adlawa, Mayo 21 sugod alas 8 hangtud alas 3 sa hapon sa San Remigio Sports Complex.

INYONG DAD-ON ATOL SA PAYOUT:

For the Beneficiary:
1. Original Valid ID

For Authorization:
1. Authorization letter
2. 1 Photocopy sa Valid ID sa Beneficiary
3. 1 Photocopy sa Valid ID sa gi-authorize nga mo-claim sa cash

For Deceased/ Patay beneficiary:
1. 1 Photocopy sa Death Certificate
2. 1 Photocopy sa Valid ID sa namatay nga beneficiary
3. 1 Photocopy sa Valid ID sa mo-claim nga kapamilya

Alang sa managlahi nga spelling sa pangalan o apelyido dinhi sa listahan itandi sa valid ID:
1. Barangay Certification nga pirmado sa Punong Barangay

NOTE: Duna mo'y makit-an sa listahan nga beneficiaries nga live-in couple unya parehas naapil ang ilahang mga pangalan. Gipahibalo na ta sa usa sa mga beneficiary nga usa ra ilang i-claim ani. Thank you for your honesty, Sir Jared James Cabahug. We encourage katong uban nga nagdoble pud to inform us. Thank you.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

PAABOT LANG TA PALIHUG SA LISTAHAN SA BENEFICIARIES SA CALAMITY ASSISTANCE SA CEBU PROVINCIAL GOVERNMENT. ATONG IPOST ONCE NAA NA.

Makabungog ang kadaugan nga naangkon sa El Larga Punhag sa bag-o pa lang natapos nga Lapyahan Festival 2026!

Giharos ug langkat sa atong cluster nga gilangkuban sa Barangay Lawis, Argawanon, Punta ug Hagnaya ang nag-unang mga awards sa maong kumpetisyon:

🏆 Champion - Ritual Showdown
🏆 Best in Street Dancing
🏆 Best in Choreography
🏆 Best in Costume
🏆 Best in Musicality

Dako ang among pasalamat sa atong choreographer, Kons Dave Bacunawa inubanan sa labing maayo nga dance master Agustin Dalogdogan apil na usab ang tanan nga mga dance trainers nga miabag sa atong mga festival dancers atol sa ilang pag-ensayo. Amo usab nga pasalamatan ang team sa mga artists nga midisenyo sa mga props ug andas nga gigamit atol sa kumpetisyon.

Labing bililhon ang suporta nga gihatag sa mga opisyales sa upat ka barangay pinanguluhan nila ni Kap Rene Ejemplo (Lawis), Kap Denes Camay (Argawanon), Kap Flor Olivar (Punta) ug Kap Mics Pestaño (Hagnaya) apil na ang ilahang barangay secretaries, barangay treasurers, mga barangay health workers, barangay tanods ug uban pa nga empleyado sa barangay nga mitabang pag-andam sa pagkaon sa mga dancers.

Sa lokal nga kagamhanan sa lungsod sa San Remigio pinaagi sa Municipal Tourism Office, daghang salamat sa padayon nga pag-ugmad sa kultura sa sayaw pinaagi sa Lapyahan Festival.

Labaw sa tanan, mapasalamaton kita sa mga dancers, propsmen ug sa Lapyahan Festival Queen nga mirepresentar sa atong pundok. Ang inyong kakugi, kahago ug determinasyon mao'y instrumento niining maong kadaugan. Salamat sa inyong mga ginikanan nga misuporta usab sa atong mga kalihukan.

Atong ihalad ang kadaugan sa Labaw'ng Makagagahum pinaagi sa atong patron, San Juan Nepomuceno nga mao'y tinubdan sa atong kusog ug kaalam.

CONGRATULATIONS, EL LARGA PUNHAG!




#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

PAHIBALO:

Ang Philippine Red Cross (PRC) aduna na'y gipagawas nga pasiunang listahan sa mga benepisyaryo sa ilahang 2025 Earthquake and Typhoon Shelter Assistance Program dinhi sa atong barangay. Ang mga pangalan sa maong listahan mao ang nakapasar sa mga sumbanan o criteria nga gitakda sa maong programa ug sila usab nakapasar sa gihimo nga house-to-house validation sa mga sakup ug volunteers sa PRC.

Ipaskil ang maong listahan sa bulletin board sa barangay hall sugod Mayo 16 hangtud Mayo 20. apil usab nga gipaskil mao ang mga sumbanan o criteria nga gisunod sa pagpili sa mga benepisyaryo. Gihangyo ang tanan nga mosusi sa maong listahan aron makapadangat kamo sa inyong mga sugyot, obserbasyon o kaha reklamo kalabot niini. Kung sa tan-aw ninyo aduna'y mga naapil sa listahan nga dili kuwalipikado basi sa gitakda nga sumbanan o criteria, giawhag kamo sa pagsuwat sa papel sa maong reklamo o obserbasyon ug isulod sa selyado nga kahon nga anaa ra usab dinhi sa barangay hall. Tanan nga sugyot, obserbasyon o ireklamo pagasusihon ug ipaubos sa beripikasyon atol sa usa ka community meeting nga pagahimuon sa adlaw'ng Huwebes, Mayo 21 sa ala una ang takna sa hapon dinhi sa atong barangay covered court.

Pinaagi niini, mahisghutan nato ang inyong mga obserbasyon, sugyot o reklamo sa dili pa ipagawas ang final nga listahan sa mga benepisyaryo.

Daghang salamat ug among gipanghinaut ang inyong aktibo nga kooperasyon ug pagpakabana pinaagi sa pagsusi sa maong listahan nga gipaskil dinhi sa barangay hall.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

TAN-AWA:

Mitambong ug mipartisipar karong adlawa ang mga opisyales sa Barangay Hagnaya, San Remigio, Cebu sa 𝑳𝑨𝑮𝑼𝑩𝑶! 𝑪𝒖𝒂𝒕𝒓𝒐, usa ka anti-illegal drug use prevention campaign nga gipasiugdahan sa Municipal Anti-Drug Abuse Council (MADAC) sa lungsod sa San Remigio.

Ang delegasyon sa atong barangay girepresentahan nila ni Barangay Kagawad Dario Forsuelo, Bryan Baterna, SK Chairperson Queny Mae Mandal ug BADAC Focal Person ug Barangay Administrator Reynold Renzales Aguilar.

Dul-an sa 40 ka mga drum and bugle corps gikan sa nagkadaiyang kalungsuran ug syudad sa Sugbo ang misalmot sa maong kalihukan nga usa sa mga advocacy programs sa MADAC ubos sa inisyatibo ni MADAC Focal Person ug SB Secretary Isolde Burlaos. Gilusad kini niadtong tuig 2022 ug gipadayon hangtud karon.

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮

Malipayong pagsaulog sa kasumaran sa imong adlaw'ng natawhan, Barangay Kagawad Ramie Cotejo Vera Cruz!

Uban sa kalipay ug hudyaka sa pagtimbaya, kami manghinaut nga daghan pang katuigan ang igasa diha kanimo gikan sa Kahitas-an aron mas molungtad pa ang imong pagpangalagad sa atong komunidad.

Happy birthday!

- Gikan kang Kap Mics Pestaño, mga kauban sa konseho ug mga empleyado sa barangay

#𝗛𝗶𝗻𝗶𝘂𝘀𝗮𝗻𝗴𝗛𝗮𝗴𝗻𝗮𝘆𝗮