Graham Cabigunda

Family time 💗

Happy weekend sa tanan. Padayon kita

Happy birthday Gids ❤️

Always loved, never forgotten

Darwa ka gabii nalang kag eleksyon run. Gani, sa last day kang kampanya, ako nagapangayo gid kang inyo hamili nga bulig sa akun kandidatura. Atun ibalik kag padayunon ang mayad nga pagdumara, ararangay kag wara ti-pinilian. Ugyon kita para sa limpyo, progresibo, kag mapinalanggaun nga panghimanwa para sa San Remigio!

Sa liwat, si TOTO GRAHAM CABIGUNDA ja, nagapapili bilang inyo VICE MAYOR, NUMERO UNO SA BALOTA — lider nga may eksperyensya, abilidad, kag labaw sa tanan, may tagipusuon para sa tanan ❤️

For VICE MAYOR:
⚫️1️⃣ CABIGUNDA, GRAHAM

Padayon ang gugma labaw sa kwarta!
Padayon Cabigunda! ❤️

Ako si Toto Graham Cabigunda, TUMANDUK NGA TAGA SAN REMIGIO ❤️

Sa San Remigio ako gin bata, nagbahul, nag-eskwela kag nangabuhi. Bilang sangka matuod-tuod nga tumanduk, kamaan ako kang realidad dya sa atun banwa kay ako nagbahul sa pagpanguma, pangabudlay ubra sa taramnan kag kabukidan, kag nangin sangka OFW antes pa ako nagsulod sa politika.

Sa halos bilog ko nga kabuhi, nagserbe ako sa pamuluyo kang San Remigio, sa posisyon man ukon wara. Nagbahul kag nangabuhi ako rapit sa tawo, paagi gid sa paggiya kang akon mga ginikanan - the late Mayors: Gideon Marfil Cabigunda kag Norma Vidal Cabigunda. Pero bisan may posisyon akun mga ginikanan, wara ko gin abuso ang ra nga prebilihiyo kag oportunidad. Nag-umpisa ako sa politika hindi bilang “appointed” nga empleyado ukon kung ano man nga mataas nga posisyon. Ako naghalin gid sa kabaranggayan, kung sa diin mas na inchindihan ko ang pagpangabuhi kag pagsinarayo ka katawhan.

Ako nangin:
- Brgy. Kapitan ka Brgy. Bugo
- LIGA/ABC President
- #1 SB Member sa tatlo ka termino
- Vice Mayor

Sa akun pagpungko kag pagserbe sa mga nakalain-lain nga posisyon, gin ubra ko ang tanan sa kutob ka akun masarangan agud matugruan ka mayad nga pagdumara kag kaarayadan ang tanan. Sa pagtindug ko nga tatay ka Bugo, napakilala ko ang Bugo hindi lang sa banwa kundi sa bilog nga Antique paagi sa pagsuporta sa Gideon Tribe kag sa mga sumunod pa mga aktibidades nga naghugpong ka katawhan patas sa ka paghugpong ka Gideon Forever. Nangin tatay man ako ka kabaranggayan nga nagserbe nga limug kang mga kapitan sa sangguniang bayan agud mapaabot ang mga kinahanglan kag paratigayunan. Kag sa padayon ko nga pagpungko sa sangguniang bayan bilang SB Member kag Vice Mayor, wara man ako nagpabaya sa pagsuporta sa mga resolusyon kag pagpangita solusyon agud ma aksyonan ang mga kinahanglanun ka atun kasimanwa.

Nag-eskwela ako ka marine pero wara ako nagsampa sa barko kay mas ginpili ko padayunon ang paserbisyo sa atun banwa. Gusto ko gid ibalik ang pagpalangga nga ginpabatyag ka tagsa ka San Remigionhon sa amun pamilya, hilabi run gid sa suporta kag pag-sarig nga gintugro niyo kanakun.

Ako si Toto Graham Cabigunda, TUMANDUK NGA TAGA SAN REMIGIO. Hindi ako kamaan maglagyo kay luwas sa akun permanente nga balay kag taramnan nga gina atipan ko, ang kabuhi kag tagipusuon ko rugya sa atun banwa, para sa akun mga kasimanwa ❤️

Tumanduk para sa mga tumanduk!
TOTO GRAHAM CABIGUNDA PARA SA PAGKA VICE MAYOR. NUMERO UNO SA BALOTA! 1️⃣❤️

Atun tugruan ka importandya ang tanan nga manggagawa hilabi run gid sa mga San Remigionhon nga padayon nga naga-ubra para sa kaugalingon, sa pamilya, kag sa komunidad.

Happy Labor Day! PADAYON ❤️

MABUHAY ANG MANGGAGAWANG PILIPINO!

Magbigay-pugay tayo sa mga masisipag na manggagawang Pilipino ngayong Araw ng Paggawa!