https://www.facebook.com/779210725760145/

Atty. Charlotte Fernandez Gallego, Santa Cruz (2026)

05/10/2026

Malipayong pagsaulog sa ika-142 Araw ng Santa Cruz! 🥳

04/10/2026

🚶🏻‍♀️

𝗢𝗻𝗲 𝗦𝗮𝗻𝘁𝗮 𝗖𝗿𝘂𝘇 𝗦𝗲𝗿𝗯𝗶𝘀𝘆𝗼 𝗙𝗮𝗶𝗿, 𝗴𝗶𝗵𝗶𝗺𝗼 𝗶𝘀𝗶𝗽 𝗸𝗮𝗯𝗮𝗵𝗶𝗻 𝘀𝗮 𝟭𝟰𝟮𝗻𝗱 𝗔𝗿𝗮𝘄 𝗻𝗴 𝗦𝗮𝗻𝘁𝗮 𝗖𝗿𝘂𝘇

Gipahigayon ang One Santa Cruz Serbisyo Fair sa New Government Center miaging adlaw isip kabahin sa selebrasyon sa 142nd Araw ng Santa Cruz. Naghiusa ang nagkalain-laing lokal ug nasyonal nga ahensya aron mahatagan ang mga Santa Cruzians og libre ug accessible nga serbisyo, lakip ang medical check-up, blood donation, libreng gupit, ug uban pa.

Dili lang serbisyo ang gidala sa fair, kundili oportunidad usab sa panginabuhian, pinaagi sa job opportunities nga gitanyag sa mga local employers nga miapil sa kalihokan.

Mitambong si Vice Mayor Atty. Charlotte “Alot” Fernandez Gallego aron makig-uban sa maong inisyatiba nga nagdala sa serbisyo mas duol sa katawhan. Pinaagi sa lig-on nga suporta ni Mayor Jose Nelson “Tata” Z. Sala Sr., nahimong posible ang One Santa Cruz Serbisyo Fair isip usa ka konkretong pagpamatuod sa usa ka lokal nga panggobyerno nga nagbarog alang sa serbisyo, oportunidad, ug kaayohan sa matag Santa Cruzian.

04/10/2026

🚶🏻‍♀️

𝗦𝗵𝗲𝗲𝗻𝗮 𝗠𝗮𝗻𝘁𝗶𝗹𝗹𝗮 𝘀𝗮 𝗕𝗮𝗿𝗮𝗻𝗴𝗮𝘆 𝗦𝗶𝗯𝘂𝗹𝗮𝗻, 𝗴𝗶𝗸𝗼𝗿𝗼𝗻𝗮𝗵𝗮𝗻 𝗶𝘀𝗶𝗽 𝗠𝘂𝘁𝘆𝗮 𝗻𝗴 𝗦𝗮𝗻𝘁𝗮 𝗖𝗿𝘂𝘇 𝟮𝟬𝟮𝟲

Mihaylo ang entablado sa Mutya ng Santa Cruz 2026 diin gipakita sa mga kandidata ang kaanyag, talento, kaalam, ug garbo sa matag barangay sa Santa Cruz. Sa katapusan sa gabii, si Sheena Mantilla sa Barangay Sibulan maoy gikoronahan isip Mutya ng Santa Cruz 2026, uban si Clarisse Relative sa Barangay Astoraga isip 1st Runner-up ug Cole Tañeca sa Barangay Matutungan isip 2nd Runner-up.

Mitambong usab si Vice Mayor Atty. Charlotte “Alot” Fernandez Gallego aron makig-uban sa pagsaulog niining espesyal nga higayon alang sa mga kababayen-an ug tibuok katawhan sa Santa Cruz. Ang maong kalihukan nahimong mas espesyal tungod sa lig-on nga suporta ni Mayor Jose Nelson “Tata” Z. Sala Sr., nga padayon nga nagpaluyo sa mga kalihukang naghatag og oportunidad sa atong mga kabatan-onan ug nagpalambo sa garbo ug identidad sa matag komunidad.

Dili lamang kini kompetisyon sa katahom, kini usa ka selebrasyon sa confidence, talento, kultura, ug pagkababaeng Santa Cruzian. Gipaabot ni Vice Mayor Atty. Gallego iyang pakigtimbaya sa tanang kandidata ug labi na sa atong bag-ong Mutya ng Santa Cruz 2026, Sheena Mantilla.

03/10/2026

📍 : Santa Cruz Tourism Agri-Trade Exhibit 🌾

Naa na pud tay laing destination nga worth i-explore karong 142nd Araw ng Santa Cruz! ✨

Ang Santa Cruz Tourism Agri-Trade Exhibit nagpasundayag sa mga lokal nga produkto, agricultural produce, indigenous crafts, pagkaon, ug handmade creations nga nagpakita sa talento, kultura, ug kakugi sa atong mga Santa Cruzians.

From fresh farm produce to beautiful woven crafts and locally made products, daghan kaayong local treasures nga atong madiskubre ug masuportahan.

Kini nga exhibit usa ka maayong higayon nga mailhan nato ang mga produkto sa atong local farmers, artisans, MSMEs, ug entrepreneurs, ug mapakita nga daghan gyud ta og ikapanghambog nga local products.

Kung gusto ninyo og unique, local, ug proudly Santa Cruzian finds, ayaw kalimot nga mo-visit!

Open to the public until October 5, 2026. Nahimutang sa atong New Municipal Government Center Grounds.

Ano, tara? Ipakita nato nga ang atong lokal nga produkto angay suportahan! 🤗

01/10/2026

🚶🏻‍♀️

𝟭𝟰𝟮𝗻𝗱 𝗔𝗿𝗮𝘄 𝗻𝗴 𝗦𝗮𝗻𝘁𝗮 𝗖𝗿𝘂𝘇, 𝗴𝗶𝘀𝘂𝗴𝗱𝗮𝗻 𝗻𝗮

Opisyal nga giablihan ang 142nd Araw ng Santa Cruz karong adlawa ubos sa tema nga “Kaakohan sa Katawhan ug Panggamhanan, Pundasyon sa Tinuod nga Kauswagan.” Mitambong si Vice Mayor Atty. Charlotte “Alot” Fernandez Gallego uban sa mga miyembro sa Sangguniang Bayan, LGU Department Heads and Officials, ug mga barangay officials aron makig-uban sa katawhan sa pagsaulog niining mahinungdanong okasyon sa lungsod.

Gipuno sa nagkalain-laing kalihokan ang opening celebration, lakip ang Kick-Off Caravan o Mutya ng Sta. Cruz 2026 Caravan, Holy Mass, paglansad sa Santa Cruz Tourism and Agri Trade Exhibit, ribbon-cutting sa Food Park and B**r Plaza, Opening Program, ug PANAGTAGBO nga naghatag og dakong higayon alang sa Indigenous Peoples, Muslim ug Christian communities nga maghiusa ug magpakita sa ilang kultura ug tradisyon. Sundan kini sa SIKLAB: Cheerdance Competition unyang gabii, nga dugang naghatag og kusog ug kasadya sa selebrasyon.

Padayon nga gipalig-on ni Mayor Jose Nelson “Tata” Z. Sala Sr. ang suporta sa mga kalihokan nga nagpalambo sa kultura, turismo, panginabuhian ug panaghiusa sa Santa Cruz. Uban ni Vice Mayor Gallego, Sangguniang Bayan, LGU officials ug mga partner sa komunidad, gipakita sa opening sa 142nd Araw ng Santa Cruz ang hiniusang paningkamot sa pagpalig-on sa usa ka mas lig-on, mas mauswagon, ug mas nagkahiusang One Santa Cruz.

29/09/2026

🚶🏻‍♀️

𝗩𝗠 𝗚𝗮𝗹𝗹𝗲𝗴𝗼, 𝗻𝗮𝗸𝗶𝗴𝗱𝘂𝘆𝗼𝗴 𝘀𝗮 𝗶𝗸𝗮-𝟮𝟰𝘁𝗵 𝗔𝗿𝗮𝘄 𝗻𝗴 𝗕𝗮𝗿𝗮𝗻𝗴𝗮𝘆 𝗦𝗮𝗹𝗶𝗱𝘂𝗰𝗼𝗻

Mitambong si Vice Mayor Atty. Charlotte “Alot” Fernandez Gallego sa selebrasyon sa Araw ng Barangay Saliducon kagahapon, diin iyang gipaabot ang padayon ug lig-on nga suporta alang sa mga inisyatiba sa barangay.

Uban sa suporta ni Mayor Jose Nelson “Tata” Z. Sala Sr., gipaambit ni Atty. Gallego ang tinguha nga mapadayon ang kalamboan ug mahatagan og mas maayo nga serbisyo ang matag residente sa kabarangayan.

Nagpasalamat ang Vice Mayor sa mainiton nga pagdawat ug sa malampusong pagdumala sa okasyon ilawom sa liderato ni Punong Barangay Chona Eting ug Sangguniang Kabataan Chairperson Ryan Elio, kauban ang tanang opisyales ug katawhan nga nagtinabangay aron mahimong usa ka mabungahon nga selebrasyon ang maong kalihokan.

28/09/2026

Kainang pamilya ay mahalaga! 🍽️

Today, let’s celebrate the love, laughter, and little moments that make Santa Cruzian families truly special. May we always cherish the bond that keeps us together.

Happy Family Day, Santa Cruz! 🫶🏻

27/09/2026

🚶🏻‍♀️

𝗞𝗮𝗹𝗶𝗽𝗮𝘆 𝘂𝗴 𝗸𝘂𝗹𝘁𝘂𝗿𝗮, 𝗴𝗶𝗽𝗮𝘀𝗶𝗱𝘂𝗻𝗴𝗴𝗮𝗻 𝘀𝗮 𝗗𝗔𝗬𝗢 𝗙𝗲𝘀𝘁𝗶𝘃𝗮𝗹
𝗠𝗴𝗮 𝘁𝗿𝗶𝗯𝗼, 𝗻𝗮𝗴𝗵𝗶𝘂𝘀𝗮 𝘀𝗮 𝗽𝗮𝗴𝘀𝗮𝘂𝗹𝗼𝗴 𝘀𝗮 𝗔𝗿𝗮𝘄 𝗻𝗴 𝗕𝗮𝗿𝗮𝗻𝗴𝗮𝘆 𝗧𝘂𝗯𝗮𝗻

Kabahin sa selebrasyon sa Araw ng Barangay Tuban, gipahigayon niadtong miaging adlaw ang Dayo Festival, usa ka makadasig nga selebrasyon sa kalipay, panaghiusa, ug kultura. Mitambong si Vice Mayor Atty. Charlotte “Alot” Fernandez Gallego aron makig-uban sa mga katawhan sa maong espesyal nga okasyon nga naghatag og higayon sa komunidad sa pagsaulog sa ilang identidad ug tradisyon.

Giila ang Dayo Festival isip usa ka “celebration of happiness,” diin gipakita ang mabulukon ug dato nga cultural landscape sa nagkalain-laing tribo nga nagpuyo sulod sa Barangay Tuban. Pinaagi sa mga presentasyon ug pagpasundayag sa kultura, napakita ang katahum sa ilang mga tradisyon ug ang importansya sa pagpreserbar niini alang sa sunod nga henerasyon.

Padayon usab ang suporta ni Mayor Jose Nelson “Tata” Z. Sala Sr. sa mga kalihokan nga nagpalig-on sa kultura, panaghiusa, ug garbo sa matag barangay sa Santa Cruz. Ang Dayo Festival nagpamatuod nga ang kultura dili lamang usa ka panulondon sa nangagi, kundili usa ka buhi nga pundasyon sa pagkahiusa ug pagpalig-on sa komunidad.

25/09/2026

🚶🏻‍♀️

𝗠𝗲𝗱𝗶𝗰𝗮𝗹 𝘂𝗴 𝗹𝗲𝗴𝗮𝗹 𝗺𝗶𝘀𝘀𝗶𝗼𝗻, 𝗴𝗶𝗽𝗮𝗵𝗶𝗴𝗮𝘆𝗼𝗻 𝘀𝗮 𝗔𝗯𝗼𝗶𝘁𝗶𝘇 𝗣𝗛 𝘂𝗴 𝗜𝗕𝗣 𝗗𝗮𝘃𝗦𝘂𝗿 𝘀𝗮 𝗕𝗮𝗿𝗮𝗻𝗴𝗮𝘆 𝗜𝗻𝗮𝘄𝗮𝘆𝗮𝗻

Gihimo sa Barangay Inawayan ang Medical and Legal Mission nga naghatod og libre nga serbisyo panglawas ug legal assistance alang sa mga residente. Ang kalihokan gipasiugdahan sa Aboitiz Corporation Philippines in partnership with the Integrated Bar of the Philippines (IBP) Davao del Sur, isip kabahin sa ilang paningkamot sa paghatag og direktang serbisyo ug suporta sa komunidad.

Lakip sa mga volunteer lawyers nga mitabang sa maong aktibidad si Vice Mayor Atty. Charlotte “Alot” Fernandez Gallego, nga mihatag sa iyang panahon ug legal expertise aron matubag ang mga pangutana ug panginahanglan sa mga residente. Pinaagi sa medical ug legal services nga gipaduol mismo sa barangay, mas daghang katawhan ang nakadawat og tabang nga dili na kinahanglan nga mobiyahe pa og layo aron makuha ang maong serbisyo.

Padayon usab ang suporta ni Mayor Jose Nelson “Tata” Z. Sala Sr. sa mga inisyatibo nga nagdala og serbisyo direkta sa mga komunidad. Ang maong Medical and Legal Mission nagpakita nga pinaagi sa panaghiusa sa lokal nga panggamhanan, pribadong sektor, ug mga propesyonal, mas mapalig-on ang paghatag og serbisyo nga accessible, responsive, ug tinuod nga para sa katawhan.

24/09/2026

🚶🏻‍♀️

𝗦𝗲𝗿𝗯𝗶𝘀𝘆𝗼𝗻𝗴 𝗽𝗮𝗻𝗴𝗸𝗮𝗹𝘂𝘀𝘂𝗴𝗮𝗻, 𝗴𝗶𝗽𝗮𝗱𝘂𝗼𝗹 𝘀𝗮 𝗸𝗮𝘁𝗮𝘄𝗵𝗮𝗻
𝗣𝗵𝗶𝗹𝗛𝗲𝗮𝗹𝘁𝗵 𝗬𝗔𝗞𝗔𝗣 𝗖𝗮𝗿𝗮𝘃𝗮𝗻, 𝗻𝗮𝗴𝗵𝗮𝘁𝗼𝗱 𝗼𝗴 𝗹𝗶𝗯𝗿𝗲𝗻𝗴 𝗿𝗲𝗴𝗶𝘀𝘁𝗿𝗮𝘁𝗶𝗼𝗻 𝘂𝗴 𝗵𝗲𝗮𝗹𝘁𝗵 𝗰𝗮𝗿𝗲 𝘀𝗲𝗿𝘃𝗶𝗰𝗲𝘀 𝘀𝗮 𝗕𝗮𝗿𝗮𝗻𝗴𝗮𝘆 𝗦𝗮𝗹𝗶𝗱𝘂𝗰𝗼𝗻

Gipahigayon sa Barangay Saliducon ang PhilHealth YAKAP Caravan, nga nagdala og importanteng serbisyo panglawas ngadto sa katawhan. Mitambong si Vice Mayor Atty. Charlotte “Alot” Fernandez Gallego sa maong kalihokan, nga nagtumong sa paghatag og mas sayon nga access sa healthcare services alang sa mga residente, ilabi na sa mga pamilya nga nagkinahanglan og medical assistance ug health consultations.

Pinaagi sa YAKAP Caravan, mas napaduol sa mga benepisyaryo ang mga programa ug serbisyo sa PhilHealth, lakip ang health consultations ug uban pang preventive healthcare services. Kini usa ka konkretong paningkamot sa lokal nga panggamhanan nga masiguro nga ang serbisyo panglawas dili lamang anaa sa sentro sa lungsod, kundili maabot mismo ang mga komunidad ug barangay.

Walay hunong ang suporta ni Mayor Jose Nelson “Tata” Z. Sala Sr., nga padayong naningkamot ug maoy dakong hinungdan sa pag-abot sa maong serbisyo sa Barangay Saliducon. Pinaagi sa iyang suporta ug sa panaghiusa sa lokal nga panggamhanan ug PhilHealth, padayon nga gipakita sa Santa Cruz ang commitment sa paghatag og mas accessible, responsive, ug people-centered nga serbisyo panglawas alang sa matag Santa Cruzian.

Atty. Charlotte Fernandez Gallego

05/10/2026

04/10/2026

04/10/2026

03/10/2026

01/10/2026

29/09/2026

28/09/2026

27/09/2026

25/09/2026

24/09/2026

Address

Website

Alerts

Shortcuts

Share

Category

Listing takedown request