Kap. A

28/09/2026

BARANGAY ADVISORY: HALF-DAY WORK SCHEDULE (SEPT. 28, 2026)

Alinsunod sa Memorandum Circular No. 136 ng Malacañang para sa "Kainang Pamilya Mahalaga Day," hanggang 12:00 NN lamang po ang opisyal na transaksyon sa ating Barangay Hall ngayong araw, Setyembre 28, 2026.

Mananatili namang duty at nakatutok ang ating mga BPSO at Emergency Services para sa ano mang pangangailangan sa ating barangay.

Magbabalik po ang regular na serbisyo bukas, Setyembre 29, 2026. Maraming salamat po sa inyong pag-unawa!

25/09/2026

Binigyan pa tayo ng panibagong panahon para maglingkod at harapin ang mga hamon ng Barangay Santa Cruz. Hindi ito laban ng iisa, ito ay mga hamon na sama-sama nating haharapin. 🤝💚

Kasama kayo sa bawat hakbang. Kasama kayo sa bawat solusyon. At sama-sama, mas malayo ang mararating natin.

Simple. Tapat. Kumikilos.

23/09/2026

Happy Birthday, Konsi Cedie!

MALIGAYANG KAARAWAN, KON. CEDRICK GLORIOSO! 🎂🎉🥳

Isang mainit na pagbati ng Maligayang Kaarawan para kay Kon. Cedrick Glorioso mula sa buong pamunuan ng Barangay Sta. Cruz, sa pangunguna ni Punong Barangay, Kap. Amado Dela Cruz, ng Sangguniang Barangay, at ng buong komunidad!

Nawa’y patuloy kayong pagpalain ng mabuting kalusugan, kaligayahan, at lakas upang magpatuloy sa inyong dedikadong paglilingkod sa ating mga kabarangay.

Maligayang Kaarawan po, Konsi Cedrick! 💚✨

22/09/2026

Happy Birthday, Kuya Lawrence!

Happy Birthday to one of our youth volunteer, kuya Mark Lawrence Glorioso !!

Your dedication, generosity, and genuine willingness to serve continue to inspire and create a meaningful impact on the youth and our community. We truly appreciate all the time, effort, and love you have given throughout this journey.

Thank you for being part of a community built on service, compassion, and positive change. May this new chapter of your life be filled with greater happiness, success, meaningful moments, and countless blessings. 💚

20/09/2026

Simpleng buhay.
Tahimik na puso. Maraming pasasalamat. At kahit anong pagsubok, laban lang. 🙏💚
Good morning po
mga kabarangay!

19/09/2026

SINALUBONG NG MAINIT NA SUPORTA! 💚

Masarap na pahingahan sa Sonoma matapos ang unang dry run ng paghahakot ng basura. 💚💚💚

Salamat po sa pa soft-drinks sa Team Kap A!

Location: Court 3 Store

19/09/2026

DRY RUN: SONOMA GARBABE COLLECTION

Pagpasok sa maliliit na eskinita 💚💚💚

18/09/2026

📢 WALA NANG MAKAPIPIGIL—TULOY NA!

WALANG KULAY ANG SERBISYO! 💚
Sa tulong ng Barangay Council, sa pangunguna ni Konsi Ramon, napag-usapan at inayos ang mga kinakailangang hakbang para sa pagsisimula ng garbage collection sa APEC Sonoma Residences Subdivision.

📅 Simula Oktubre 1, 2026, ipatutupad ang bagong sistema ng pangongolekta ng basura.

📌 MGA NAPAGKASUNDUAN:

1. GARBAGE COLLECTION FEE
💰 ₱40.00 kada buwan
💰 ₱480.00 kada taon

2. IMPORMASYON MULA SA APEC MANAGEMENT / HOA
Magbibigay ng kasalukuyang ruta ng garbage collection at masterlist ng homeowners upang maging maayos ang operasyon.

3. MALAWAKANG DRY RUN BAGO ANG OKTUBRE 1
Magkakaroon muna ng malawakang dry run at maayos na pagsubok sa pagpasok ng garbage truck sa mga eskinita sa loob ng Sonoma. Susuriin natin ang mga ruta at mga lugar na maaaring maging mahirap pasukin upang masigurong maayos ang aktwal na koleksyon pagsapit ng Oktubre 1.

4. WALANG SAGABAL SA GARBAGE TRUCK
Napagkasunduang alisin ang double parking at mga tent o anumang harang na maaaring makasagabal sa pagdaan at paghahakot ng basura.

5. TAMANG PAGHAHANDA NG BASURA
❌ Hindi kasama sa regular collection ang construction debris/materials at malalaking sirang gamit gaya ng sofa at iba pang bulky items.
✅ Ang regular na basura ay kailangang nakasako nang maayos bago ilabas para sa koleksyon.

Wala nang atrasan. Wala nang paligoy-ligoy. Ihahanda natin nang maayos ang sistema bago ang Oktubre 1.

Para sa mas malinis, mas maayos at mas organisadong Sonoma. 💚

Simple. Tapat. Kumikilos.

17/09/2026

🚨 PANOORIN: DALAWANG BATA, NAKITANG NANINIRA NG BAHAY SA SONOMA

Mga kabarangay, humihingi po kami ng inyong tulong. Kung may nakapansin o nakakakilala sa dalawang batang nasa video, mangyaring ipagbigay-alam po sa tanggapan ng ating barangay upang maayos natin itong ma-verify at mapag-usapan.

Ayon sa paunang impormasyon, maaaring dumaan sila sa butas na bahagi ng pader ng Sonoma.

Layunin po natin na maitama ang mali, maprotektahan ang ating mga kabarangay, at higit sa lahat, maturuan ang mga bata nang maayos at hindi mapahiya o mapahamak.

Kung may impormasyon po kayo, mangyaring makipag-ugnayan agad sa Barangay.
Maraming salamat po sa inyong pakikiisa. 💚

Simple. Tapat. Kumikilos.

17/09/2026

PROSESO NG PAGDONATE NG KALSADA SA BARANGAY PARA MAPASIMENTUHAN 💚

Mga kabarangay, nais po nating ipaliwanag nang simple kung paano ang proseso kapag ang isang private road o pribadong bahagi ng lupa na ginagamit na daanan ng mga residente ay nais ipa-donate sa Barangay upang maaari itong maisalang sa proseso ng pagpapasemento.

1. ALAMIN ANG TUNAY NA MAY-ARI NG LUPA

Unang hakbang ang pagtukoy at pakikipag-ugnayan sa tunay na may-ari ng lupa. Kailangan ang mga dokumento tulad ng TCT/OCT, Tax Declaration at valid ID ng may-ari.

Mahalaga ang pahintulot at willingness ng may-ari dahil kung hindi niya pahihintulutan ang pag-donate ng bahagi ng kanyang lupa, hindi maaaring basta-basta gamitin ng Barangay ang pribadong property para sa isang permanenteng proyekto.

2. MAGPAGAWA NG SURVEY PLAN / TECHNICAL DESCRIPTION

Kailangang malinaw kung aling bahagi ng lupa ang magiging daanan, ang sukat, lapad, haba at eksaktong lokasyon.

3. GUMAWA NG DEED OF DONATION

Gagawa ng Deed of Donation na nagsasaad na ang bahagi ng lupa ay ibinibigay sa Barangay para sa public road/right-of-way purposes.

4. MAGPASA NG BARANGAY RESOLUTION

Dadaan ito sa Sangguniang Barangay para sa pormal na pagtanggap ng donation at kaukulang authorization.

5. PIRMAHAN AT IPA-NOTARYO

Pipirma ang donor o may-ari at ang kinatawan ng Barangay, alinsunod sa legal requirements, at ipa-notaryo ang dokumento.

6. IPA-CHECK SA MUNICIPAL LEGAL OFFICE / ASSESSOR

Ipa-review ang mga dokumento upang masiguro na maayos ang ownership at kumpleto ang mga kinakailangang legal requirements.

7. IPA-REGISTER ANG TRANSFER SA REGISTER OF DEEDS

Ang Deed of Donation ay kailangang iproseso para sa registration upang maging maayos at opisyal ang record ng paglipat ng property.

8. IHANDA ANG BARANGAY PROJECT PARA SA CONCRETING

Kapag maayos na ang legal na usapin sa lupa, saka ihahanda ang mga kinakailangan para sa proyekto tulad ng engineering design, program of works, budget at procurement requirements.

9. IMPLEMENTATION

Kapag kumpleto na ang requirements, may available na pondo at nakumpleto ang procurement process, saka maisasagawa ang road concreting, kasama ang inspection at acceptance ng proyekto.

Mahalaga po: Hindi sapat na ginagamit lamang ng publiko ang isang private road para awtomatikong mapasemento ito gamit ang pondo ng Barangay. Kailangang maayos muna ang legal na status ng lupa at ang kinakailangang proseso.