Barangay LABUT NORTE

25/09/2026

SCHEDULED YCAP | SEPTEMBER

Photos taken during our last Scheduled YCAP for the month of September.

Maipalagip ti amin a kabarangayan nga ti Scheduled YCAP tayo ket ma-araramid tunggal maikatlo a Domingo ti bulan.

Agyaman kadagiti tumunggal maysa nga agtultuloy a makipaset ken tumulong iti panangtaripato iti barangay tayo.

Babaen iti panagtitinulong, nalawag ken napintas ti barangay tayo.

25/09/2026

APPRECIATION POST

Agyaman kami unay Mr. Cipriano "Abat" Martinez & Family iti naimpusoan a suporta yo iti Barangay Labut Norte, babaen iti panangisponsor yo kadagiti uniforme dagiti Barangay Tanod tayo.

Agyaman kami iti naimbag a pusoyo ken iti kinamanagited yo. Dios ti agngina kadakayo, Martinez Family!

24/09/2026

07/09/2026

PAKAAMMO
ORIENTATION PARA KANDIDATO/ASPIRANTE

Ti Commission on Elections (COMELEC) – Office of the Election Officer, Santa, Ilocos Sur ket mangipaay iti Orientation para kadagiti Prospective Candidates/Aspirants kas panagsagana para iti November 2, 2026 Barangay ken Sangguniang Kabataan Elections (BSKE 2026).

Petsa: September 8, 2026 (Martes)
Oras: 9:00 iti bigat
Lugar: Balay Taripato, MSWD Building, Santa, Ilocos Sur

Daytoy nga orientation ket naisagana tapno maipaay kadagiti Barangay Officials ken prospective candidates/aspirants dagiti napateg nga impormasyon, pagannurotan, ken proseso maipapan iti sumaruno nga eleksyon.

Dagiti topiko a maibingay ket dagitoy:
Calendar of Activities ken dagiti Prohibited Acts babaen ti COMELEC Resolution No. 11191
Filing of Certificate of Candidacy (COC)
Dadduma pay a napateg a banag maipapan iti BSKE 2026

Kadagiti amin a interesado a mangkandidato wenno mangaspire iti posisyon iti Barangay Labut Norte:
Maawis kayo a sumali iti daytoy napateg nga orientation tapno maammoanyo dagiti umiso a pagannurotan, requirements, proseso, ken dadduma pay a napateg a banag maipapan iti sumaruno nga eleksyon.

Agbalintayo a nasirib, responsable, ken naan-anay ti pannakaammo iti panagsagana para iti 2026 Barangay ken Sangguniang Kabataan Elections.

Palagip: Daytoy a pakaammo ket naibatay iti imbitasion a naipaay ti COMELEC – Office of the Election Officer, Santa, Ilocos Sur.

13/08/2026

Idi July 28, 2026, napasamak ti pannakarambak ti Nutrition Month ditoy Barangay, babaen iti tema a “Nutrisyon at Kalikasan, Ating Pangalagaan.”

Nupay simple laeng, napno iti ragsak, talento, ken pannakikaykaysa ti amin a nakipaset. Naaramid iti Cooking Contest, Zumba Dance, ken Poster Making Contest, a nangted iti gundaway kadagiti daycare pupils ken dagiti nagannak da nga ipakita da ti talento, kreatibidad, ken pannakaawatda iti kinapateg ti nasayaat a pannangan ken nadalos nga aglawlaw.

Agyaman kami kadagiti amin a nakipaset, nangsuporta, ken nakikaykaysa iti daytoy a programa.

Salun-at ti tunggal pamilya, kinapintas ti aglawlaw, para iti mas nasayaat a komunidad!

21/07/2026

Panangipaay iti Flashlight, Safety Vest ken Walkie-Talkie

Naipaay dagiti flashlight ken safety vest kadagiti amin nga opisiales ti barangay ken Barangay Tanod ti Barangay Labut Norte tapno mapapigsa ti panangsalaknib ken panagserbi iti barangay,

Nakumpleto met ti panangigatang kadagiti walkie-talkie para kadagiti amin a Barangay Tanod, tapno mapapintas ken mapapartak ti komunikasion ken koordinasion iti panagronda, panangtubngar kadagiti emerhensiya, ken dadduma pay a responsibilidad iti barangay.

Daytoy nga inisyatibo ket mangipakita iti panangipateg iti kinasalaknib ken kinasagana dagiti agserbi iti komunidad, tapno maipaay ti natalged, naurnos, ken natalna a Barangay Labut Norte.

21/07/2026

Nakipaset ti Barangay Labut Norte iti Blood Letting Activity idi Hulyo 19, 2026 nga naangay idiay Barangay Mabilbila Sur Plaza. Daytoy nga inisyatibo ket naipasdek babaen iti panagtitinulong ti RHU Santa ken LGU Santa, a mangpabileg iti panangted iti dara tapno makatulong kadagiti agkasapulan.

Ti opisyales ti Barangay, nga idauloan ni Hon. Rosita Bringas, kadua dagiti amin a miembro ti konseho, nangisagana ken nangawis kadagiti boluntaryo a blood donors manipud iti barangay tayo. Kasta met, dagiti Barangay Health Workers (BHWs) ken Barangay Nutrition Scholars (BNSs) nangted iti tulong ken panangasikaso kadagiti donors iti amin nga oras ti aktibidad.

Agyaman kami unay kadagiti amin a nagboluntaryo a nangited iti darada, lalo kadagiti kakailian ken kabarangayan tayo. Ti inaramidyo ket saan laeng a panangited iti dara, no di ket panangted iti biag ken namnama kadagiti agkasapulan.

21/07/2026

On behalf of the people of Barangay Labut Norte, we extend our sincerest gratitude to the Provincial Government of Ilocos Sur, headed by Governor Jeremias "Jerry" C. Singson, Vice Governor Ryan Luis Singson, and the honorable members of the Sangguniang Panlalawigan, for granting our request for the installation of street lights along the road leading to Barangay Labut Norte Housing.

This project is more than just an infrastructure improvement, it is a meaningful investment in the safety, security, and well-being of our barangay. The new street lights will provide better visibility and a safer passage for residents, students, workers, and motorists, especially during the evening.

Thank you for your unwavering support and commitment to serving the people of Ilocos Sur. Your dedication to improving our communities is deeply appreciated.