01/04/2022
BAHAY NG TUMATAKBONG KONGRESISTA SA IKAAPAT NA DISTRITO PINAPUTUKAN NG HINDI PA NAKILALANG SUSPEK.
Pinaputukan ng baril ng Hindi pa nakilalang suspek Bahay at nagsisilbing headquarters ni 4th district Isabela Congressional candidate Jeany Agustin Coquilla sa Barangay Batal, Santiago City dakong alas 11:50 kagabi.
Base sa mga salaysay ng guwardiya ng bahay nagulantang umano sila ng makarinig ng tatlong sunod -sunod na putok ng baril.
Bakas din ang tama ng baril malapit sa bobong ng bahay.
Maliban sa basyo ng bala makikita din ang papel na may nakasulat na "ATRAS KA NALANG KONG AYAW MONG MAY MASAMANG MANGYARI".
Nahihirapan naman ang kapulisan sa pag-iimbestiga sa naturang insidente dahil hindi gumagana ang CCTV ng bahay.
Napag-alaman din na nakatulog ang guwardiya habang naka-duty.
Sa ngayon hindi pa malinaw sa kapulisan kung ano ang motibo sa naturang insidente dahil nagpapatuloy pa ang kanilang imbestigasyon.
