Lungsod ng Sto. Tomas, Batangas

Pinalakas ang diwa ng pamumuno, pagkakaisa, at pagmamahal sa agrikultura ng mga kabataang Tomasino sa pamamagitan ng 𝟱𝘁𝗵 𝟰-𝗛 𝗖𝗹𝘂𝗯 𝗙𝗮𝗿𝗺 𝗬𝗼𝘂𝘁𝗵 𝗖𝗮𝗺𝗽 𝟮𝟬𝟮𝟲 na may temang “Youth in Action: Living the 4-H Values,” na isinagawa mula Hunyo 2 hanggang 4, 2026 sa pangangasiwa ng City Agriculture Office.

Sa loob ng tatlong araw, lumahok ang mga kabataan sa iba’t ibang makabuluhang aktibidad tulad ng leadership training, team building exercises, agripreneurship challenge, photography contest, candle-lighting ceremony, fellowship night, at mga workshop at palarong nagpatibay sa kanilang kakayahan sa pakikipagtulungan, pagkamalikhain, at pamumuno.

Sa pamamagitan ng mga gawaing ito, higit na naunawaan at naipamalas ng mga kalahok ang apat na pangunahing haligi ng 4-H Club: Head, Heart, Hands, at Health, na nagsisilbing pundasyon sa paghubog ng mga responsableng mamamayan, mahusay na lider, at mga kabataang handang magbigay ng positibong ambag sa lipunan at sa larangan ng agrikultura.

Patuloy itong naisasakatuparan sa pamamagitan ng suporta ng Pamahalaang Lungsod sa pangunguna nina Mayor Atty. Arth Jhun Aguilar Marasigan (AJAM), Vice Mayor Catherine Jaurigue-Perez, at mga Miyembro ng Sangguniang Panlungsod, katuwang ang mga opisyal at tagapagtaguyod ng 4-H Club sa paglinang ng mga kabataang Tomasino tungo sa isang produktibo, makakalikasan, at masiglang kinabukasan.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Sa patuloy na pagsusulong ng digitalisasyon at episyenteng serbisyo publiko, isinagawa noong Hunyo 3 at 4 ang 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝘃𝗲 𝗣𝗲𝘁𝗶𝘁𝗶𝗼𝗻 𝗳𝗼𝗿 𝗖𝗼𝗿𝗿𝗲𝗰𝘁𝗶𝗼𝗻 𝗔𝘂𝘁𝗼𝗺𝗮𝘁𝗲𝗱 𝗦𝘆𝘀𝘁𝗲𝗺 (𝗔𝗣𝗖𝗔𝗦) 𝗥𝗼𝗹𝗹-𝗢𝘂𝘁, na dinaluhan ng mga kinatawan mula sa iba’t ibang LGU sa Batangas bilang bahagi ng pagpapalawak ng kaalaman sa makabagong sistemang magpapabilis sa pagproseso ng mga petisyon sa civil registry.

Pinangunahan ng mga kinatawan mula sa Philippine Statistics Authority (PSA) CALABARZON at PSA Legal Service, kasama ang Tanggapan ng Tagatalang Sibil, ang aktibidad kung saan ibinahagi ang mahahalagang proseso, alituntunin, at legal na gabay kaugnay ng implementasyon ng APCAS. Nagbigay ng komprehensibong talakayan sina Charito C. Armonia, Regional Director ng PSA CALABARZON; at mga eksperto mula sa PSA Legal Service at R.A. Unit hinggil sa mga polisiya at mekanismong magtitiyak ng mas episyente, maaasahan, at makabagong serbisyo sa civil registration.

Nagbahagi rin ng mahahalagang teknikal na kaalaman si Andrew C. Soqueña, Administrative Assistant V ng R.A. Unit, tungkol sa Virtual Private Network (VPN) bilang susi sa ligtas at secure na access sa sistema. Samantala, tinalakay ni Miguelito B. Castillo, Administrative Officer IV ng R.A. Unit, ang proseso ng account creation at APCAS User Manual upang higit na maihanda ang mga kalahok sa epektibong paggamit ng digital platform.

Bilang kaagapay sa implementasyon ng APCAS ang PSA Batangas, layunin nitong higit pang patatagin ang paggamit ng makabagong teknolohiya sa paghahatid ng serbisyong pampubliko. Kabilang din ang Lungsod ng Sto. Tomas sa mga LGU na kabilang sa mga unang magpapatupad ng APCAS sa bansa, patunay ng aktibong pakikibahagi nito sa digital transformation ng pamahalaan.

Ang programang ito ay nakaangkla sa layunin na mas pabilisin ang paghahatid ng serbisyong panlipunan ng Pamahalaang Lungsod sa pangunguna nina Mayor Atty. Arth Jhun Aguilar Marasigan (AJAM), kaagapay si Vice Mayor Catherine Jaurigue-Perez, at mga Miyembro ng Sangguniang Panlungsod, para sa mas moderno, episyente, at de-kalidad na serbisyong pampubliko para sa bawat Tomasino.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Isinagawa ang 𝗔𝗥𝗧𝗔 𝗢𝗻-𝘀𝗶𝘁𝗲 𝗜𝗻𝘀𝗽𝗲𝗰𝘁𝗶𝗼𝗻 𝗻𝗴 𝗔𝗻𝘁𝗶-𝗥𝗲𝗱 𝗧𝗮𝗽𝗲 𝗔𝘂𝘁𝗵𝗼𝗿𝗶𝘁𝘆 (𝗔𝗥𝗧𝗔) sa Lungsod ng Sto. Tomas, bilang bahagi ng patuloy na pagsusuri at pagpapaigting ng kalidad ng frontline services ng lokal na pamahalaan, Hunyo 8.

Bumisita ang grupo sa ilang tanggapan ng LGU, kasama ang mga miyembro ng Committee on Anti-Red Tape (CART) partikular sa City Engineering Office at Business Permits and Licensing Office (BPLO), upang masusing tingnan ang mga proseso, daloy ng serbisyo, at pagsunod sa mga itinakdang pamantayan ng mahusay na serbisyo publiko.

Layunin ng aktibidad na matukoy ang mga puwang sa sistema at higit pang mapabilis at mapadali ang transaksyon ng mga mamamayan.

Sa pamamagitan ng ganitong hakbang, patuloy na pinagtitibay ng Pamahalaang Lungsod sa pangunguna ni Mayor Atty. Arth Jhun Aguilar Marasigan (AJAM), kasama sina Vice Mayor Catherine Jaurigue-Perez mga miyembro ng Sangguniang Panlungsod, ang kultura ng transparency, accountability, at efficiency sa serbisyo ng pamahalaan.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

𝗔𝗸𝘀𝘆𝗼𝗻 𝗕𝗶𝗹𝗶𝘀-𝗠𝗼𝗯𝗶𝗹𝗲 𝗖𝗹𝗶𝗻𝗶𝗰 | Muling nagpatuloy ang pagbibigay ng libreng medikal na serbisyo gaya ng checkup (Pedia, OB - if available ang doctor), electrocardiogram (ECG), complete blood count (CBC), Chest X-ray, Blood Chem, Sugar test, Cholesterol, Triglyceride HDL, gamot at dental checkup kasama ang simpleng bunot ng ngipin para sa ating mga kabarangay sa Barangay San Rafael, Hunyo 4.

Binibigyang-diin ng proyektong ito ang pangako ng pamahalaan na 𝗮𝗮𝗹𝗮𝗴𝗮𝗮𝗻 ni Mayor Atty. Arth Jhun Aguilar Marasigan (AJAM) 𝗮𝗻𝗴 𝗶𝗻𝘆𝗼𝗻𝗴 𝗸𝗮𝗹𝘂𝘀𝘂𝗴𝗮𝗻 katuwang katuwang sila Cong. Ray Reyes ng AnaKalusugan, Vice Mayor Catherine Jaurigue-Perez, Sangguniang Panlungsod Members, Dr. Arnielyn A. Marasigan-Aguirre Head of Operations, City Health Office, Sierra Diagnostic Centre, Sierra Eye at mga Barangay Health Workers.

Kalakip din ng programa ang libreng gupit para sa ating mga kabarangay, sa pakikipagtulungan ng City LGBT Council at ang pamamahagi ng tungkod o wheelchair para sa ating mga senior citizens na nangangailangan nito.

Patuloy na isinasagawa ang Aksyon Bilis Mobile Clinic tuwing Martes at Huwebes. Susunod na schedule: Hunyo 9 – Brgy Sta Anastacia (Barangay Hall).

#𝗜𝗻𝗶𝗹𝗮𝗹𝗮𝗽𝗶𝘁𝗔𝗻𝗴𝗦𝗲𝗿𝗯𝗶𝘀𝘆𝗼𝗦𝗮𝗠𝗮𝗺𝗮𝗺𝗮𝘆𝗮𝗻
#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Opisyal nang nagsimula ang klase ngayong araw, Hunyo 8, hudyat ng panibagong yugto ng pagkatuto, pangarap, at pagpupunyagi ng ating mga mag-aaral sa lungsod.

Masigla at handa ang mga paaralan sa pagtanggap ng mga estudyante, katuwang ang mga g**o at magulang sa pagtataguyod ng dekalidad na edukasyon.

Ang Pamahalaang Lungsod sa pangunguna ni Mayor Atty Arth Jhun Aguilar Marasigan (AJAM), Vice Mayor Cathy Jaurigue-Perez, at Sangguniang Panlungsod Members ay patuloy na nakikiisa upang matiyak ang ligtas, maayos, at inspiradong pagbabalik-eskwela ng bawat mag-aaral.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Isinagawa ang regular na pagtataas ng watawat sa pangunguna ni Mayor Atty. Arth Jhun Aguilar Marasigan (AJAM), kasama sina Vice Mayor Catherine Jaurigue-Perez, mga miyembro ng Sangguniang Panlungsod, at mga kawani ng pamahalaan noong Hunyo 8.

Bilang bahagi ng programa, ibinahagi ni Mr. Eric Velasco, City ENRO CGDH ang mga pangunahing accomplishments at tuloy-tuloy na programa ng kanilang tanggapan. Kabilang dito ang mga inisyatiba sa pangangalaga ng kalikasan, solid waste management, at pagpapatupad ng mga programang pangkalikasan na layuning mapanatili ang kalinisan, kaayusan, at sustenableng kapaligiran sa lungsod.

Nagbahagi rin ng mensahe si City Councilor W***y Maliksi kung saan inilahad niya ang pinakahuling ulat sa peace and order situation ng lungsod batay sa datos mula sa Philippine National Police (PNP) at Bureau of Fire Protection (BFP). Tiniyak niya ang kanyang patuloy na paglilingkod sa mga Tomasino at hinikayat ang lahat na pangalagaan ang kanilang kalusugan at makiisa sa pagpapanatili ng kaayusan at pag-unlad ng Lungsod ng Sto. Tomas.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Patuloy na sumasailalim sa 14-araw na 𝗧𝗘𝗦𝗗𝗔 𝗘𝘃𝗲𝗻𝘁𝘀 𝗠𝗮𝗻𝗮𝗴𝗲𝗺𝗲𝗻𝘁 𝗡𝗖 𝗜𝗜𝗜 𝗧𝗿𝗮𝗶𝗻𝗶𝗻𝗴 ang 25 Tomasino sa ilalim ng programang pinangangasiwaan ng Public Employment Service Office (PESO) katuwang ang Synergy Assessment and Training Center.

Layunin ng pagsasanay na palawakin ang kanilang kaalaman at kakayahan sa event management upang maging handa sa mas maraming oportunidad sa trabaho, kabuhayan, at pagnenegosyo.

Patunay ito ng patuloy na pagsisikap ng Pamahalaang Lungsod sa pangunguna ni Mayor Atty. Arth Jhun Aguilar Marasigan (AJAM), katuwang si Vice Mayor Catherine Jaurigue-Perez, at ang mga Miyembro ng Sangguniang Panlungsod na maghatid ng mga programang nakatuon sa skills development at workforce empowerment para sa mga mamamayan.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀, Mayor Atty. Arth Jhun Aguilar Marasigan (AJAM) sa pagkilala bilang 𝗧𝗼𝗽 𝟰 𝘀𝗮 𝗧𝗼𝗽 𝗣𝗲𝗿𝗳𝗼𝗿𝗺𝗶𝗻𝗴 𝗠𝗮𝘆𝗼𝗿 𝘀𝗮 𝗯𝘂𝗼𝗻𝗴 𝗖𝗔𝗟𝗔𝗕𝗔𝗥𝗭𝗢𝗡 batay sa “Boses ng Bayan” Index of Governance (IOG) Trust and Performance Ratings ng RPMD Foundation Inc.

Ang pagkilalang ito ay patunay ng matatag, mahusay, at aksyon bilis na pamumuno na patuloy na naghahatid ng maaasahan at makabuluhang serbisyo at mga programang tunay na nakatutugon sa pangangailangan ng mga Tomasino.

Isang karangalang sumasalamin hindi lamang sa mahusay na pamamahala kundi sa sama-samang pagsisikap tungo sa mas maunlad at mas masiglang Lungsod ng Santo Tomas.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Pinalakas ng Pamahalaang Lungsod, sa pamamagitan ng City Social Welfare and Development Office (CSWDO), ang kakayahan ng mga frontliners sa pangangalaga ng mga bata sa isinagawang 𝗢𝗿𝗶𝗲𝗻𝘁𝗮𝘁𝗶𝗼𝗻 𝗦𝗲𝗺𝗶𝗻𝗮𝗿 𝗼𝗻 𝗢𝗻𝗹𝗶𝗻𝗲 𝗦𝗲𝘅𝘂𝗮𝗹 𝗔𝗯𝘂𝘀𝗲 𝗮𝗻𝗱 𝗘𝘅𝗽𝗹𝗼𝗶𝘁𝗮𝘁𝗶𝗼𝗻 𝗼𝗳 𝗖𝗵𝗶𝗹𝗱𝗿𝗲𝗻 (𝗢𝗦𝗔𝗘𝗖) 𝗮𝘁 𝗖𝗵𝗶𝗹𝗱 𝗦𝗲𝘅𝘂𝗮𝗹 𝗔𝗯𝘂𝘀𝗲 𝗼𝗿 𝗘𝘅𝗽𝗹𝗼𝗶𝘁𝗮𝘁𝗶𝗼𝗻 𝗠𝗮𝘁𝗲𝗿𝗶𝗮𝗹 (𝗖𝗦𝗔𝗘𝗠) noong Hunyo 2, 2026.

Dumalo ang 67 kalahok mula sa Barangay Council for the Protection of Children (BCPC) at Barangay VAWC Desk Officers upang higit na mapalawak ang kanilang kaalaman sa pag-iwas, pagtukoy, pag-uulat, at pagtugon sa mga kaso ng online abuse at exploitation ng mga bata.

Pinangunahan ni Mr. Kimani Lester Zarate Comia, Project Development Officer II at Accredited GAD Trainer ng DSWD Field Office IV-A, ang talakayan hinggil sa mga kaugnay na batas, case management, reporting mechanisms, at mga angkop na interbensyon para sa mga biktima.

Patunay ito ng patuloy na pagsusulong ng lokal na pamahalaan sa pangunguna ni Mayor Atty. Arth Jhun Aguilar Marasigan (AJAM), katuwang si Vice Mayor Catherine Jaurigue-Perez, at ang mga Miyembro ng Sangguniang Panlungsod sa pagtataguyod ng kapakanan, proteksyon, at karapatan ng bawat batang Tomasino.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼

Matagumpay na muling naisagawa noong Mayo 28, 2026 ang 𝗠𝗲𝗱𝗶𝗰𝗮𝗹 𝗮𝗻𝗱 𝗦𝘂𝗿𝗴𝗶𝗰𝗮𝗹 𝗠𝗶𝘀𝘀𝗶𝗼𝗻 𝗻𝗮 𝗺𝗮𝘆 𝘁𝗲𝗺𝗮𝗻𝗴 “𝗧𝗼𝗺𝗮𝘀𝗶𝗻𝗼, 𝘂𝗻𝗮 𝗮𝗻𝗴 𝗸𝗮𝗹𝘂𝘀𝘂𝗴𝗮𝗻 𝗺𝗼” sa pangangasiwa ng City Health Office at City Employee’s Clinic kasama ang Christ’s Commission Foundation Ministries Inc. at Healing Hands Ministry.

Kalakip ng programa ang libreng minor surgical procedures at iba’t ibang serbisyong medikal para sa mga Tomasino, kabilang ang soft tissue mass excision, wart at skin tag removal, ingrown toenail treatment, hemangioma, at carpal tunnel syndrome.

Maraming salamat sa mga doktor na nagsagawa ng operasyon mula sa Healing Hands Ministries na sina Dr. Nesti Panopio at ang kaniyang mga kasama na sina Dr. Ralph Patrick Belada, Dr. Dondee Reyes, Dr. Deo Del Rosario, Dr. Rom Soriano, Dr. Gabe Zetazate, at Dr. Wesson Espiritu.

Nagbigay suporta rin sa programa sina Mayor Atty. Arth Jhun Aguilar Marasigan (AJAM), Vice Mayor Catherine Jaurigue-Perez, mga miyembro ng Sangguniang Panlungsod, AnaKalusugan Party List Cong. Ray Reyes, at HEPU Advisor Dra. Arnielyn Marasigan-Aguirre, na nagpatibay sa layunin ng programa na mailapit ang dekalidad na serbisyong medikal para sa mga Tomasino.

#𝗔𝗸𝘀𝘆𝗼𝗻𝗕𝗶𝗹𝗶𝘀𝗡𝗮𝗠𝗮𝘆𝗡𝗴𝗶𝘁𝗶𝗻𝗴𝗧𝗼𝗺𝗮𝘀𝗶𝗻𝗼