Serbisyo sa Sibonganhong Gobyerno

05/02/2026

Joint Meeting sa Municipal Anti-Drug Council ug Municipal Peace and Order Council sa Sibonga

February 5, 2026

SIBONGA, CEBU — Malampuson nga gipahigayon sa Lokal nga Kagamhanan sa Sibonga ang joint meeting sa Municipal Anti-Drug Abuse Council (MADAC) ug Municipal Peace and Order Council (MPOC), nga gipangulohan ni Mayor Caroline S. Bacaltos uban ni Vice Mayor Mariano Laude kauban ang mga lokal nga opisyal ug stakeholders sa munisipyo.

Gitutokan sa maong tigum ang pagpalig-on sa panaghiusa ug kooperasyon sa tanang ahensya aron mapadayon ang kalinaw, kahapsay, ug kampanya batok sa iligal nga droga sa munisipyo.

Gihisgutan usab ang kasamtangang kahimtangan sa peace and order, anti-drug programs, ug ang implementasyon sa mga proyekto nga nagtumong sa kaluwasan sa komunidad.

Gipasiugda ni Mayor Caroline S. Bacaltos ang kahinungdanon sa panaghiusa sa lokal nga gobyerno, mga opisyal sa barangay, ug kapulisan aron masiguro ang epektibong pagpatuman sa mga programa. Matod pa niya, ang usa ka malinawon ug luwas nga Sibonga mahimo lamang pinaagi sa panagtinabangay ug responsibilidad sa matag usa.

Mipadayag usab og suporta si Vice Mayor Laude sa padayong kampanya batok sa droga ug sa pagmintinar sa kalinaw ug kahapsay, ug iyang giila ang papel sa mga konseho sa paglatid sa mga polisiya ug pagbantay sa kaayohan sa katawhan.

Gihatagan og update sa nagkalain-laing buhatan ug kapulisan ang kahimtangan sa anti-drug operations, crime prevention, ug mga community-based interventions. Gituki usab ang mga plano ug rekomendasyon aron mas mapalambo pa ang kaluwasan ug kahapsay sa munisipyo.

Ang maong joint council meeting nagpalig-on sa pasalig sa lokal nga gobyerno sa Sibonga sa pagpanalipod sa usa ka malinawon, hapsay, ug drug-free nga komunidad pinaagi sa koordinadong panggobyerno ug aktibong partisipasyon sa katawhan.

-Public Information Office

05/02/2026

Mag amping ta sa kanunay!

04/02/2026

Gipahigayon sa Lungsod sa Sibonga ang usa ka benchmarking activity didto sa Munisipalidad sa Asturias ug Syudad sa Naga, Cebu aron makakat-on ug makakuha og maayong mga praktis sa pagdumala ug pag-operate sa infirmary, isip reference sa planong pagtukod ug infirmary hospital sa Sibonga.

Tumong sa maong benchmarking nga masuta ang kahimtangan, disenyo, serbisyo, ug pamaagi sa pagdumala sa mga infirmary sa laing LGU nga mas nauna na sa pagpatuman niini. Gitun-an usab ang ilang organizational structure, bed capacity, pasilidad, medical equipment, ug klase sa serbisyong medikal nga ilang gihatag sa komunidad.

Sa Municipality of Asturias, nasaksihan sa delegasyon sa Sibonga ang operasyon sa ilang Asturias Infirmary Clinic, nga adunay basic inpatient services, outpatient consultations, ug diagnostic services sama sa ultrasound. Gipakita sa Asturias ang maayong ehemplo sa hustong pagdumala sa limitadong pasilidad, episyenteng paggamit sa pondo, ug paghatag og serbisyong medikal nga duol ug accessible sa katawhan.

Sa City of Naga, gisusi sa delegasyon ang Vicente Mendiola Center for Health – Infirmary, nga mas lapad ang sakop sa serbisyo lakip ang emergency care, laboratory services, X-ray, ug uban pang basic diagnostics.

Gipaambit usab sa City of Naga ang ilang plano sa pagpalapad sa infirmary padulong sa usa ka full-fledged hospital, nga naghatag og daghang ideya ug leksyon alang sa Lungsod sa Sibonga.

Pinaagi sa maong benchmarking activity, nakakuha og hinungdanong impormasyon ug inspirasyon ang Lungsod sa Sibonga nga magamit isip giya sa pagplano, pagdisenyo, ug pag-operate sa planong pagpatukod ug infirmary.

Ang mga nakat-unan nga best practices makatabang sa LGU sa Sibonga sa paghatag og kalidad, episyente, ug makatawhanong serbisyong panglawas alang sa mga Sibonganhon.

Sa katapusan, ang benchmarking activity usa ka hinungdanong lakang sa paningkamot sa Lungsod sa Sibonga nga mapalambo ang lokal nga health care system ug mapalapad ang access sa serbisyong medikal sa komunidad.

-Public Information Office

22/01/2026

Daghang salamat 𝐌𝐚𝐲𝐨𝐫 𝐂𝐚𝐫𝐨𝐥𝐢𝐧𝐞 𝐒. 𝐁𝐚𝐜𝐚𝐥𝐭𝐨𝐬!

Mainitong pagdayeg ug pagpanalangin sa imong dakong kalampusan isip 𝗧𝗼𝗽 𝟳 𝘀𝗮 𝗖𝗲𝗯𝘂 𝗕𝗲𝘀𝘁 𝗠𝗮𝘆𝗼𝗿𝘀 𝘀𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗮𝗻𝗰𝗲 𝘂𝗴 𝗦𝗲𝗿𝘃𝗶𝗰𝗲 𝗘𝘅𝗰𝗲𝗹𝗹𝗲𝗻𝗰𝗲 𝘀𝗮 𝘁𝘂𝗶𝗴 𝟮𝟬𝟮𝟱. Kining dungog usa ka klarong pamatuod sa imong 𝐦𝐚𝐭𝐢𝐧𝐮𝐝-𝐚𝐧𝐨𝐧𝐠 𝐩𝐚𝐠𝐩𝐚𝐧𝐠𝐮𝐧𝐚, 𝐝𝐞𝐝𝐢𝐤𝐚𝐬𝐲𝐨𝐧 𝐬𝐚 𝐬𝐞𝐫𝐛𝐢𝐬𝐲𝐨 𝐩𝐮𝐛𝐥𝐢𝐤𝐨, 𝐮𝐠 𝐭𝐢𝐧𝐮𝐨𝐫𝐚𝐲 𝐧𝐠𝐚 𝐩𝐚𝐠-𝐚𝐭𝐢𝐦𝐚𝐧 𝐬𝐚 𝐤𝐚𝐭𝐚𝐰𝐡𝐚𝐧.

Ang imong panan-awon ug walay kapoy nga paningkamot padayon nga nagdala og kausaban ug kalamboan sa komunidad. Hinaot nga kining pag-ila makapadayon sa pagdasig kanimo sa pagpanguna uban ang integridad, kaalam, ug kasingkasing alang sa katawhan.

Usa na usab ka mainitong pagbati sa pagpahalipay sa imong angay nga kadungganan. 𝙂𝙖𝙧𝙗𝙤 𝙠𝙖 𝙨𝙖 𝘾𝙚𝙗𝙪!

Source: https://www.facebook.com/profile.php?id=61579045830612

04/12/2025

26/11/2025

Last call sa atong mga residente sa atong lungsod sa Sibonga nga naapektuhan sa baha, palihog pag-adto dayon sa Municipal Health Office karong adlawa para makadawat ug tambal ug proteksyon batok sa hulga sa leptospirosis.

Di nata kahatag ug pangabong ig human sa 72 hours

Daghang Salamat!

-Public Information Unit

25/11/2025

Giawhag namo ang residente sa atong lungsod sa Sibonga nga naapektuhan sa baha, palihog pag-adto dayon sa Municipal Health Office aron makadawat ug tambal ug proteksyon batok sa hulga sa leptospirosis.

Daghang Salamat!

-Public Information Unit

24/11/2025

Happy Birthday to Miss Wilma! 🎂🎈

Wishing you a year filled with good surprises, big laughs, and all the things that make you happiest. We’re so grateful to have you as a friend and co-worker.

Cheers to more memories, more adventures, and an amazing year ahead! 💛

From your Public Information Family!

20/11/2025

LGU SIBONGA NAGSAULOG SA DAPC WEEK 2025

“Sa Bagong Pilipinas, Kalusugan ay Pinapahalagahan, Droga ay Inaayawan”
Ang Lokal nga Kagamhanan sa Sibonga, kauban ang Municipal Police Station, Sibonga Municipal Health Office, Sibonga Community College, ug nagkalain-laing sektor sa komunidad, miapil sa nasudnong pagsaulog sa Drug Abuse Prevention and Control (DAPC) Week 2025, nga gipatuman matag ikatulong semana sa Nobyembre ubos sa Presidential Proclamation No. 124.
Pagbukas sa Selebrasyon
Nagsugod ang selebrasyon pinaagi sa usa ka Drug Awareness Symposium nga giapilan sa mga tinun-an, barangay officials, ug local volunteers. Gidala niini ang mensahe sa pagpalig-on sa kahimsog sa panghunahuna ug paglikay sa bisan unsang matang sa iligal nga droga.

Ang Sibonga MPS mitambong ug mitabang sa paghatag og impormasyon bahin sa kahimtang sa kampanya batok droga sa munisipyo ug sa unsay angay buhaton aron mapadayon ang usa ka luwas ug himsog nga komunidad.
Mga Kalihokan sa Tibuok Semana
Sa tibuok DAPC Week, gipasiugdahan sa LGU ug partner institutions ang mosunod nga kalihokan:

Community Drug Prevention Talks sa mga Schools
Wellness and Mental Health Activities alang sa kabatan-onan
Information Drive pinaagi sa social media ug barangay postings
Youth Empowerment Sessions nga naghisgot sa healthy lifestyle, leadership, ug decision-making
Mga simbahan ug faith-based groups nka-organize og advocacy gatherings aron lig-onon ang pagbati sa komunidad batok sa droga

Ang Sibonga Community College mipahigayon sab og kaugalingong kickoff ceremony aron mapadasig ang mga estudyante sa pag-amping sa ilang kaugalingon ug pag-apil sa drug-free advocacy.

Ang LGU nagpahinumdom sa tanan nga ang tinuod nga bahin sa kampanya batok droga magsugod sa panimalay ug komunidad. Gipasalamatan nila ang tanang barangay, eskwelahan, kapulisan, ug lokal nga organisasyon nga aktibong miapil sa pagpalig-on sa maayong kaugmaon para sa kabatan-onan.

Ang DAPC Week dili lang usa ka semana nga selebrasyon kondili usa ka padayon nga paningkamot aron maprotektahan ang katawhan sa Sibonga gikan sa epekto sa droga. Ang LGU nag-awhag sa tanan nga magpabilin nga alerto, disiplinado, ug magtinabangay sa pagtukod og Drug-Free Sibonga.

-Sibonga Public Information Unit