30/09/2026
LIMA (5) KA SCHOLARS SA BAGONG PILIPINAS PRESIDENTIAL SCHOLAR
“Bawat Barangay Makikinabang”
Ginahulat anay sang Sangguniang Barangay Guimbala-on ang pormal nga pagbaton sang Probinsya sa liquidation sang disbursement kag implementation sang sini nga programa. Karon, yara na ang opisyal nga listahan sang lima (5) ka beneficiaries nga nakalista para sa Barangay Guimbala-on.
Ang lima (5) ka in-coming 4th year student amo sanday:
1. Alexis Divinagracia Machan – Carlos Hilado Memorial State University,
2. Gracee Abetong Platino – Carlos Hilado Memorial State University,
3. Bon Jovi Tumbagahan Lomiano – Carlos Hilado Memorial State University,
4. Edgar Condes Magbanua, Jr. – Carlos Hilado Memorial State University, From IP Community
5. Suhyene Mae Matandac Lantacon – Carlos Hilado Memorial State University,
Importante nga pagpaathag sa aton mga Kasimaryo:
Sa kadamuon sang mga estudyante sa Barangay Guimbala-on, posible gid nga madamo ang may kwalipikasyon ukon mahimo nga kwalipikado para sa sini nga programa. Apang, ang ginhatag nga allocation kag instruction para sa Barangay amo lamang ang lima (5) ka beneficiaries.
Gani, gusto namon nga maathag sa publiko nga ang Barangay wala sang awtoridad nga basta-basta lang makapili sang bisan sin-o nga amon personal nga gusto ukon paborito. Ang proseso kag pagpili sang beneficiaries ginbase sa ginhatag nga guidelines kag criteria sang programa, kag limitado sa lima (5) lamang ka scholars nga mahimo ma-accommodate sang Barangay.
Ginahangop namon nga may mga estudyante nga mahimo man tani nga kwalipikado ukon nagalahum nga makabenepisyo. Apang tungod sa limitado nga slots, indi tanan mahimo maapil sa sini nga tion.
Sa pihak sini, ang Sangguniang Barangay Guimbala-on nagalaum kag nagasuporta nga mangin mas madamo pa ang pareho sini nga programa sa palaabuton, agod mas madamo nga estudyante kag pamilya sa aton barangay ang makabenepisyo kag mabuligan sa ila pag-eskwela.
Madamo nga salamat sa paghangop, pagsalig kag suporta sa mga programa nga nagahatag oportunidad para sa aton mga kabataan.
