PCA - Surigao del Norte & PDI

12/08/2026

12/08/2026

10/08/2026

10/08/2026

𝗣𝗖𝗔 𝗖𝗔𝗥𝗔𝗚𝗔, 𝗚𝗜𝗔𝗪𝗛𝗔𝗚 𝗔𝗡𝗚 𝗠𝗚𝗔 𝗞𝗔𝗕𝗔𝗧𝗔𝗔𝗡 𝗡𝗚𝗔 𝗠𝗢𝗦𝗨𝗟𝗢𝗗 𝗦𝗔 𝗖𝗢𝗖𝗢𝗡𝗨𝗧 𝗜𝗡𝗗𝗨𝗦𝗧𝗥𝗬

𝗦𝗨𝗥𝗜𝗚𝗔𝗢 𝗖𝗜𝗧𝗬 —Giawhag sa Philippine Coconut Authority o PCA Caraga ang mga kabatan-onan nga mosulod sa coconut industry aron mapadayon ang industriya sa lubi sa umaabot, tungod kay kapin sa 70 porsyento sa mga coconut farmers karon mga senior citizens na.

Gihimo ni PCA Caraga Regional Manager Ruben Tacadao ang maong pamahayag atol sa unveiling ug Memorandum of Agreement o MOA signing alang sa Shared Processing Facility sa San Francisco (Anao-aon), Surigao del Norte.

Matod niya, gikinahanglan ang pag-engganyo sa mas batan-ong henerasyon nga dili lamang motan-aw sa coconut farming isip panginabuhian, kundili isip oportunidad sa agribusiness ug entrepreneurship.

Kabahin sa maong paningkamot ang pagpatuman sa PCA, uban sa nagkadaiyang government agencies ug academic institutions, sa scholarship program alang sa mga estudyanteng kuwalipikado sa mga kurso nga may kalabotan sa coconut industry.

Tumong niini nga mahatagan og bag-ong henerasyon ang industriya nga dili lamang mo-focus sa produksyon, apan apil usab sa processing, marketing ug pagpalambo sa value sa coconut products.

Gilauman sa PCA nga pinaagi sa pag-apil sa mga batan-on, mapadayon ang industriya sa lubi ug malikayan ang pagkunhod sa mga mag-uuma nga aktibong nag-operate sa coconut farms.

07/08/2026

𝗠𝗚𝗔 𝗖𝗢𝗖𝗢𝗡𝗨𝗧 𝗙𝗔𝗥𝗠𝗘𝗥𝗦, 𝗚𝗜𝗔𝗡𝗗𝗔𝗠 𝗔𝗥𝗢𝗡 𝗠𝗔𝗛𝗜𝗠𝗢𝗡𝗚 𝗣𝗥𝗢𝗖𝗘𝗦𝗦𝗢𝗥𝗦 𝗨𝗚 𝗘𝗡𝗧𝗥𝗘𝗣𝗥𝗘𝗡𝗘𝗨𝗥𝗦

𝗦𝗨𝗥𝗜𝗚𝗔𝗢 𝗖𝗜𝗧𝗬 — Dili na lang producers kondili processors ug entrepreneurs ang gustong mahimong papel sa mga coconut farmers sa nasud.

Mao kini ang gihatagan og gibug-aton ni Philippine Coconut Authority (PCA) Administrator Dexter R. Buted atol sa usa ka nasudnong panagtapok, kinsa gipadayag nga dako na ang panginahanglan sa global market alang sa virgin coconut oil, coconut water, functional food ingredients ug ubang high-value coconut products.

Matud niya, tumong sa PCA nga matabangan ang mga coconut farmers nga makadugang og kita pinaagi sa pagproseso ug pagnegosyo sa ilang mga produkto imbis nga magsalig lamang sa pagbaligya sa hilaw nga kopra o lubi.

Nagtuo usab siya nga pinaagi niini mas molig-on ang industriya sa lubi ug mas motaas ang kita sa mga mag-uuma.

07/08/2026