Arvin Alit

06/10/2026

Hindi sapat na mailahad ang isang panukala; mahalagang masuri ang layunin nito, mapakinggan ang iba’t-ibang pananaw, at timbangin ang magiging epekto nito sa mga mamamayang kinakatawan ng bawat konsehal. Sa pangunguna ni Vice Mayor Arvin Alit, naging bahagi ng sesyon ang mga talakayang nagbibigay-hugis sa mga desisyong kailangang pagtuunan ng konseho.

Isa sa mga naging bunga ng mga talakayang ito ang pag-apruba sa:

📜 Resolusyon Blg. 458: Resolusyon ukol sa Memorandum of Agreement sa pagitan ng ManilaArt Foundation Inc. at ng Lungsod ng Taguig para sa Pagtataguyod at Pagpapaunlad ng Sining, Kultura, at Turismo.

Ang pag-aaproba rito ay nagbubukas ng daan para sa isang hakbangin na mag-uugnay sa lungsod at sa mga inisyatibo na magpapayaman sa sining, kultura, at turismo ng Taguig.

06/10/2026

Binigyang-pugay sa ating flag-raising ceremony ang diwa ng kooperasyon sa pagdiriwang ng National Cooperative Month. Paalala na ang tunay na lakas ng isang samahan ay hindi lamang nasusukat sa dami ng kasapi, kundi sa kung paano nila napapalago ang isa’t-isa.

Sa Taguig, patuloy nating kinikilala ang mga kooperatibang bahagi ng pagbuo ng mas matatag at mas may kakayahang komunidad.

Congratulations sa lahat ng ating mga kooperatiba at mga taong patuloy na nagsasama-sama para sa iisang layunin.

Happy National Cooperative Month!

06/10/2026

Sa pagsisimula ng Elderly Filipino Week, nagsama-sama ang ating mga senior citizen para sa isang masiglang Zumba kick-off. Patunay lamang na ang kagalakan at pagdiriwang ng buhay ay walang pinipiling edad.

Kasama sa selebrasyon sina Mayor Lani Cayetano, Vice Mayor Arvin Alit, mga konsehal ng lungsod, Dra. Cecilia Montales, Ms. Nitz Jordan, at Ms. Mayet Tanyag. Sa bawat indak at ngiti, naging mas masaya ang pagdiriwang ng isang linggong nagbibigay-pugay sa ating mga nakatatanda.

05/10/2026

04/10/2026

Sa Barangay Katuparan, nagsilbing tagpuan ang Love Caravan para sa mga residente at mga lingkod-bayang sama-samang nakibahagi sa mga aktibidad at programang inihanda ng Pamahalaang Lungsod ng Taguig para sa barangay.

Pinangunahan ito nina Mayor Lani Cayetano, Vice Mayor Arvin Alit, mga konsehal ng lungsod, sa pakikiisa ng mga opisyal ng Barangay Katuparan sa pangunguna ni PB Mario Hernandez.

Sa pamamagitan ng Love Caravan, patuloy na naisasakatuparan ang mga programang nagbubukas ng mas maraming pagkakataon para sa pakikilahok ng mga residente at pagpapatibay ng ugnayan sa pagitan ng pamahalaang lungsod at ng komunidad nito.

02/10/2026

Hindi kailangang maglaan ng buong araw sa iba’t-ibang lakad para lamang asikasuhin ang ilang pangangailangan. Dahil ang Taguig Love Caravan ang sagot sa mahabang byahe upang mabigyan ng serbisyong medikal.

Sa Barangay Palingon, naging mas simple ang araw para sa mga residente na lumapit, magpa-check up, magtanong, at maasikaso ang kailangang serbisyo sa isang lugar.

Kasama sina Mayor Lani Cayetano, Vice Mayor Arvin Alit, Congressman Ading Cruz Jr., mga konsehal at Pamahalaang Pambarangay sa pangunguna ni PB Charlie Mendiola, patuloy na dinadala ng Love Caravan ang serbisyong may tunay na malasakit at pagmamahal sa bawat Taguigeño.

01/10/2026

Sa pagdating ng Pet Caravan ng Lungsod ng Taguig sa Barangay Ususan, naging mas mabilis at accessible para sa mga residente ang libreng check-up at payo para sa kanilang mga alaga.

Isang masayang araw ito para sa mga fur parents na nagpapakita ng patuloy na suporta ng lungsod sa kalusugan ng ating mga alagang hayop.

01/10/2026

Mas nagiging magaan ang pag-asikaso sa pamilya kapag may pagkakataong matugunan ang ilang pangangailangan sa isang lugar. Ito ang naging bahagi ng Love Caravan sa Barangay West Rembo, kasama sina Mayor Lani Cayetano, Vice Mayor Arvin Alit, Congressman Jorge Bocobo, mga City Councilors, at mga opisyal ng barangay sa pangunguna ni PB Leo Bes.

Mula sa mga serbisyong hatid ng lungsod hanggang sa simpleng pagkakataong makapiling ang mga taga-West Rembo, naging araw ito ng pagkikita, pag-aasikaso, at pagtugon—kasama ang mga taong araw-araw na bumubuo sa komunidad.