01/07/2026
Sa pangunguna ng Local Housing Office (LHO), matagumpay na naisagawa ang paglagda ng Contract to Sell (CTS) sa pagitan ng mga tagapagmana ng Labao Property sa Ibayo Tipas at ang 36 na kasapi ng Labao Compound Neighborhood Association, Inc. na kwalipikadong benepisyaryo.
Ang mga benepisyaryo, na dati ay kabilang sa mga informal settlers ng compound, ay nabigyan ng pagkakataong maging pormal na may-ari ng lupa sa tulong ng LHO. Ang opisina ay nagbigay ng libreng serbisyo kabilang ang pakikipag-ugnayan sa mga landowners, pagsasagawa ng General Assemblies, paghahanda ng mga legal na dokumento, at pagtulong sa pagkalkula ng loan at buwanang amortization.
Ang proyektong ito ay isang makabuluhang hakbang para sa komunidad, na nagbibigay ng mas matatag na pundasyon para sa mga pamilya at nag-aambag sa pangmatagalang kaunlaran ng Taguig.
