Tanauan Local Social Welfare and Development

𝟮𝟬𝟮𝟲 𝗦𝗮𝗳𝗲𝗿 𝗜𝗻𝘁𝗲𝗿𝗻𝗲𝘁 𝗗𝗮𝘆 𝗔𝗸𝗼 𝗜𝗸𝗮𝘄 𝗧𝗮𝘆𝗼: 𝗞𝗼𝗻𝗲𝗸𝘁𝗮𝗱𝗼 𝗮𝘁 𝗣𝗿𝗼𝘁𝗲𝗸𝘁𝗮𝗱𝗼 𝗟𝗮𝗯𝗮𝗻 𝘀𝗮 𝗢𝗦𝗔𝗘𝗖 𝗮𝘁 𝗖𝗦𝗔𝗘𝗠

Nakikiisa ang Pamahalaang Lungsod ng Tanauan, sa pangunguna ni Mayor Sonny Perez Collantes, at ang Sangguniang Panlungsod sa pamumuno ni Vice Mayor Dodong Panganiban Ablao, sa paggunita ng 2026 Safer Internet Day na may temang “Ako, Ikaw, Tayo: Konektado at Protektado Laban sa OSAEC at CSAEM.”

Patuloy na isinusulong ng lungsod ang pagpapalakas ng kamalayan at sama-samang pagkilos upang mapanatiling ligtas ang mga bata sa digital na mundo. Nananawagan ang Pamahalaang Lungsod sa bawat Tanaueño na maging responsable, mapagmatyag, at aktibong katuwang sa pagprotekta sa kabataan laban sa online na pang-aabuso at pagsasamantala.

Local AICS para sa mga Tanaueño at Cash Incentives para sa mga Senior Citizens, patuloy na ipinamamahagi ng Tanauan LGU!
Sa layuning maipadama ang tunay na kalinga ng Lokal na Pamahalaan, regular na ipinapamahagi ang Local AICS (Assistance to Individuals in Crisis Situation) sa ilalim ng pamumuno nina Mayor Sonny Perez Collantes at Sangguniang Panlungsod sa pangunguna ni Vice Mayor Dodong Panganiban Ablao.
Mas marami at agaran nang naipamamahagi ang tulong sa ating mga kababayan - mula sa medical at hospitalization assistance, hanggang sa mortuary aid katuwang ang iba't ibang Tanggapan kabilang Tanauan Local Social Welfare and Development at City Treasury Office sa pamumuno ni Mr. Fernando Manzanero.
Kasabay nito patuloy ding ipinaabot ang cash incentives sa ating mga minamahal na Senior Citizens na may edad 85 taong gulang pataas, katuwang ang OSCA Tanauan sa pangunguna ni Mr. Leonardo Mercado.
Samantala, sa mga nais mag-apply sa Local AICS ng Pamahalaang Lungsod ng Tanauan, maaaring magtungo sa Tanggapan ng Tanauan CSWD tuwing Huwebes, 8:00 am hanggang 5:00 pm.